【卡西進軍豪門！？】《誤上了黑幫老大的情婦，我只好躲在中環的職場胡混》- 第七季：紫式篇

火一般的卡西 2023-9-19 08:38:28 玩到八姨太咁貪心？

:^(

人生茫茫渺渺 2023-9-19 10:01:12 卡西加速加得好快
加油加油

火一般的卡西 2023-9-19 10:43:37 我大吃一驚，再顫聲問：「呢．．．．呢張咪係『Cooking Party』嘅 Invitation Card 囉！？你．．．．你喺邊度得返嚟架？」

「你成鬼日都當我阿四咁點，我諗你已經唔記得咗我其實都係神秘組織『高跟黨』嘅執事嚟！」Siri 笑了一笑，再道：「我之前幫夫人打理『Club 51 Shade』時，同過好多上流社會嘅地下會所都有唔少連繫，於是我就搵咗幾個相熟啲嘅 Keeper 打聽有關七姨太同埋『Cooking Party』嘅事，呢張就係我喺其中一間收到 Invitation Card 嘅叫『Tennessee Ballroom』嘅 Club 度買返嚟架。」

我追問：「『Tennessee Ballroom』？係咪專跳『Tennessee Waltz』架？」

火一般的卡西 2023-9-19 13:25:24 「十個一聽到『Tennessee』嘅人，十個都只會識得提起『Tennessee Waltz』，都係拜美國一代歌后 Patti Page 同名嘅首本名曲所賜，之不過除咗《Tennessee Waltz》之外，Patti Page 仲有另一首名曲叫《Changing Partners》。」Siri 收起笑容，變得一臉凝重，再道：「所以呢個『Tennessee Ballroom』，表面上係一間跳華爾茲嘅高級會所，內裡其實係專門玩換妻嘅俱樂部。」

我驚訝地「吓」了一聲，然後想了一會，再道：「咁．．．．咁唔怪之得啲賓客要攜眷啦，因為佢哋喺嚟玩換妻遊戲！」

隱士忍屎 2023-9-19 15:55:38 會唔會有全人物關係圖可以重溫下

火一般的卡西 2023-9-19 16:57:18 要 update 張人物關係圖未必可以一時三刻就整得好，如果大家喺人物背景或關係上有咩問題我可以on demand 咁解答咗先

:^(

隱士忍屎 2023-9-19 17:53:59 你都係專心寫故

:^(

火一般的卡西 2023-9-19 18:20:02 Siri 點一點頭，又繼續道：「『Tennessee Ballroom』嘅 Keeper 同我講，話每次一收到呢個 Invitation，佢都會畀佢啲會員以暗標形式競投，出價最高者就可以出席，之後，確定嘅人選就會將出席者嘅稱呼 send 去張咭背後個電話號碼度，一經確認後就會收到一組密碼，係用嚟入『登華』度閘門時輸入，而報名個電話號碼每次都會唔同，所以應該係太空咭嚟，不過當然出席者嘅所謂稱呼都只係個化名啦。」

我以為捉住了兩個小小的疑點已在沾沾自喜，誰料 Siri 竟已經把「Cooking Party」的「入場券」弄到手，她顯然不是「有前無後」而是「有勇有謀」才對，再想真一點，如果她沒有能力，也不會年紀輕輕便是「高跟黨」的執事，只是因為她一直以來對我的遷就和包容，才令我不自覺地看小了其實比我更厲害的她。

火一般的卡西 2023-9-19 21:20:40 雖然我心底裡已對 Siri 深深拜服，但我當然不會讓這個丫頭知道，便連忙咳了兩聲，清理一下乾涸的喉嚨，再道：「咁即係話，啲去『Cooking Party』嘅賓客，唔單只唔係七姨太嘅朋友，準確啲嚟講，大部分都會係素未謀面添？」

「無錯！」Siri 神氣地笑了一笑，再道：「所以我已經幫你用『J 先生』嘅身分報咗名，到時我哋只要隨便咁喬妝一下，唔好畀啲姓朱嘅認出，就可以大搖大擺咁參加呢個扮晒健康嘅『Cooking Party』架喇。」

我愛麻油雞 2023-9-19 21:44:31 一口氣由第一季追到宜家
真係好好睇樓主加油

:^(

火一般的卡西 2023-9-19 22:23:03 多謝支持

:^(

由頭睇到live，用咗幾耐時間？

:^(

我愛麻油雞 2023-9-19 22:44:32 呢幾日不停追

:^(

搭車又追食飯放break又追
係好多線有啲亂不過最後都解得通

:^(

好佩服樓主嘅毅力又要返工又要寫故真係好忙

:^(

我不是日本人 2023-9-19 23:23:10 今次係唔係食埋siri?

火一般的卡西 2023-9-19 23:38:45 勁呀

:^(

咁你so far鍾意邊段？

:^(

火一般的卡西 2023-9-19 23:46:03 原來 Siri 更已安排好下一步的計劃，看來她跟男男的日子久了，亦有了男男的風範。

幾天之後，就是「Cooking Party」舉行的日子，是日果然不只「白髮太后」三姨太出了埠，連朱家的守護者王禹伊也不在香港，我和 Siri 因為要裝作是外來的賓客，所以便約好了於黃昏時分回到偵探社做準備功夫，正當剛到達門外的我，將鎖匙插進趟閘小門上想開門入內之際，小門突然由內往外為我推開，還以為開門者是比我早到的 Siri，向下斜望匙孔的視線卻見著一個圓形領口，中間是一道深不可測的乳溝，再急急抬頭一看，一張美豔迷人的臉孔便衝進眼簾裡！

火一般的卡西 2023-9-20 00:18:07 換妻派對都一齊去埋，叫糊喎

:^(

我愛麻油雞 2023-9-20 07:47:09 故事嚟講，雖然係甜故，但我覺得最引人入勝係哈爾仔同主角嘅友誼

:^(

能成為密友

:^(

做唔到friend不特止，仲可以要做敵人

另外都鐘意啲搞gag位咩啲金條有聖唔通係聖安娜
同埋一開始KFC鬥大波互串

:^(

話咩咁大波做牛奶公司

火一般的卡西 2023-9-20 09:54:38 我當堂打了個突，再疑惑地問：「小．．．．小姐，你係邊位？你點入嚟架！？」

美女嬌肢亂顫的笑了幾下，然後以一把熟悉的聲線，道：「連你都認唔出，代表我易容嘅手勢都幾唔錯下喎！」

我瞪大雙眼，提高嗓子叫道：「你係 Siri！？」

我當然承認 Siri 本身是個小小的大美人，往日都以素顏示人的她，經濃妝豔抺的打扮後，變成眼前這個模樣並不十分稀奇，但我卻從來不知道她的身材已在不知不覺間發育得那麼好，難道她不只學得男男的「風範」，連男男的「豐滿」也繼承了？

火一般的卡西 2023-9-20 11:29:26 寫一個以甜故包裝嘅長篇劇情小說一直係我嘅夢想，好開心po咗出嚟大家都睇得咁開心，我一定會好努力咁寫落去

:^(

除咗卡西，哈爾仔係呢個故仔一個好重要嘅（男性）角色，我的確係好畀心機去塑造，無論係佢嘅出場同人設，我實在太嚮往嗰種一認識就視對方為生死之交嘅感覺，就好似桃園三結義咁，我曾經都有諗過佢同卡西可唔可以一直咁friend落去，但係劇情嘅發展好似唔容許，至驚覺佢哋嘅相遇係命運安排，走到決裂，都係命中註定

屯天元廢老王 2023-9-20 12:05:17 以為卡卡西

她來聽我的演唱會 2023-9-20 12:09:00 想問下而家既進度大約係你構想好故仔既內容既幾多成？好多支線，要讚下，同埋幾時上到阿Kim?

中言逆爾 2023-9-20 12:34:50 咁不如試下同申老闆...

:^(

出戰一兵 2023-9-20 14:00:09 食Siri比多啲情節

:^(

好鍾意呢個角色

火一般的卡西 2023-9-20 14:41:49 Siri 也留意到我訝異的表情，都猜我被她身上「突如其來」出現的「巨乳」所嚇倒，便笑道：「嘿嘿，你唔駛咁嘅樣喎，乜你無聽過『乳溝就好似時間一樣，擠一擠就會有』啦咩？」

我隨即又道：「我知，之不過你谷到咁行，嗰度又擺到明係玩換妻嘅，乜你唔驚咩畀人咩咩咩？」

Siri 咪起雙眼，瞟一瞟向我，再笑著反問：「嘻，你緊張我呀？」

「咩喎！」我急急吐了一句，再指著 Siri 的胸口，道：「睇你裡面都唔知塞咗幾多嘢入去咁，我怕你真係畀人搞，人哋一揭開你件衫發現你裝假狗，到時發生血案節外生枝就無謂啦！」

thequiettt 2023-9-20 15:11:45 想屌siri好耐快