【D&M】《病港II》(67)
上一頁
第 33 頁
下一頁
傻豬黎既
2023-5-29 00:24:57
鯨歌 我境界練到
Ads
椒鹽蝦米
2023-5-29 00:57:41
推
六月起雙飛
2023-5-29 01:04:28
早文
:^(
連貓
2023-5-29 01:05:58
血禍開咗死門
:^(
豐乳交加100蚊
2023-5-29 01:07:46
我舞爪張牙邁步衝向血禍,
得飛躍
的他身法極為靈活,連續閃開多下攻擊後,忽地踏前提膝攻擊。
我所擁有的無敵的抗體
,彷彿是為了今刻而存在。
呢兩句有少少kick, 不過好好睇呀, 希望血禍可以回歸
:^(
西門廿一九
2023-5-29 01:21:30
原來血禍咁勁
:^(
單吊你隻九萬
2023-5-29 02:00:19
似係路飛開二檔多啲
:^(
魔法嵐
2023-5-29 02:51:22
M同啲阿婆好有緣份
:^(
飛天紅豬人
2023-5-29 06:05:09
血禍乖乖地啦
:^(
PanzerV
2023-5-29 09:46:28
:^(
星豆屎民
2023-5-29 12:48:27
訓陣先啦 血禍 M
:^(
Ads
聽日就燒咗佢間鋪
2023-5-29 13:29:22
血禍可唔可以解決到M嗜血
Strawman
2023-5-29 15:16:43
之前話掂到血禍會感染做病者!打左咁多拳,M咪又做番病者?定冇左件事
:^(
墨說
2023-5-29 15:18:42
特種病獵
迷迷糊糊
2023-5-29 15:45:49
建議重睇
:^(
Strawman
2023-5-29 16:55:34
雖然湯藥用病者整,但有話過唔會感染咩? 真係冇印象!
Strawman
2023-5-29 16:56:48
重睇好大鑊喎,個故寫左幾年
:^(
神仙B大佬
2023-5-29 17:29:49
故事一開始就講 M有病 所以唔會受感染
零式
2023-5-29 17:36:30
講啲唔講啲﹐係有性病呀
:^(
Strawman
2023-5-29 18:24:12
病港一完之前應該有港,本身病毒想用黎醫aids,所以有aids 就算感染都唔會變病者。但M依家應該冇aids 啦! 之前黑色賢者時直情全身細胞重組咁滯,之前又俾神樹吸晒啲病者毒,之後記得驗過血話佢係普通人。況且佢停藥咁耐,話佢仲有aids仲講唔通
:^(
魔法嵐
2023-5-29 19:31:45
應該係M隻湯藥包咗無限抗性
Ads
搶庸才
2023-5-29 21:15:18
認真答你 你講嘅大部分都啱 不過有提過嗰隻霸體病者bb好似有少少病毒抗性 所以m應該呢個程度係唔會病變 但而家並唔係免疫 兩者有分別
墨說
2023-5-29 23:35:26
「你……幾熟手……成把草叉飛過去……」
「以前我同隔離鄰居決鬥嗰陣,都係用草叉搞掂佢哋。」
別墅就由夜晚燒到早上,我在龍婆位於古洞的屋中休養。
躺到中午,血禍悠悠轉醒。
由於血禍時時刻刻都滲著血液,需要安置廢屋裡。
「你醒咗。」我看著回復意識的血禍。
大概是透支了力量,才會倒下那麼久。
我坐在血禍身旁,他緩緩對我吐出全盤事情。
從大本營離開的血禍,受DR.D教導如何使用自身的病者能力,包括昨日的極限狀態,是利用心臟大量泵血,促進血液流轉更快,令身體得到質的變化。
另外,DR.D指導血禍如何提煉出超級血清,過程艱苦無比,每天僅能生產出一滴血珠的份量。
DR.D原本是想借由超級血清重新育成出黃金蠹魚,但如今那半瓶血清都給公仔吞到肚下,這也可能是公仔無法給癌王吞噬乾淨的原因。
這過程中他們團伙殺人無數,利用人類進行不少殘忍實驗,血禍受影響下都變得偏激,直至鯨歌呼喚回曾經的美好。
問完事情我讓血禍暫時繼續關在空屋中,因為後續有好多事情要處理。
「要唔要飲碗粟米湯啊?」龍婆走來問。
「唔洗客氣。」我其實未對龍婆放下戒心。
「沖個涼都要呱,你成身又俾火燒到黑,又有成灘血跡。」
「其實你係咩人?」我冷冷地問。
「我?咪呢間屋嘅主人。」
龍婆身上氣味不像詭人,身上沒有那惡臭。
會是蠹魚人嗎?可能受DR.D控制……
墨說
2023-5-29 23:35:45
但我不可能拿起粟米湯鍋底下灼熱的木柴,不由分說的戳向龍婆測試。
「你做咩疑神疑鬼咁啫,我又無害你。」龍婆看著覺得好煩厭。
「你琴日突然嚟咗救我……」
「咁我真係見到好大火,咪行嚟睇下咩事囉。」
根據故事定律,貿然出現的角色不可能是沒背景的平民。
「龍婆,你係咪有咩故事?」我換個方式問。
「咩事呀?」龍婆不解。
「例如你係獵手黨背後話事人、你年輕嗰陣係職業殺手、標槍國隊成員、或者你好沉迷病者之類嘅背景……」
龍婆聽到一頭霧水:「咩啊……我由細到大就喺呢頭耕田,古洞就係我屋企,就算到咗末日我都無離開過。」
難道,真的只是個平民?不能接受。
我問下去:「咁你係咪有咩支線任務要俾我?」
「……支線任務?」
「你有冇嘢要交托我做。」我盯著龍婆不放:「你嘅出現絕對唔會就係咁啱經過然後救咗我咁簡單……」
「哥仔啊……你當自己生活喺小說世界,有好多奇遇咩?我真係個阿婆嚟咋,我無背景嫁……」
「好人到三更半夜出嚟救我?」
「咁啱見到你需要救咋嘛,唉!不如你死咗去啦哥仔,你唔好再問嚟問去啦,好煩啊……」龍婆推我出屋外。
「你係咪隱世高人?」我續問。
「我係你老母啊!」
「呯咣」龍婆關門了。
也許真是我想多了。
墨說
2023-5-29 23:36:05
被龍婆趕出來後,我重回別墅查看。
恰巧有場春雨撲滅了大火,但整幢別墅都所剩無幾,很多東西都給燒燬了。
至於給草叉飛擲的戈紹鷹,屍體暴斃在停車場空地上。
相信他昨晚給草叉刺中後,掙扎一陣才死去。
總括下他們各人下場:
GZ-T,死亡。
馮覓,逃脫。
癌王,下落不明。
病奴,死亡。
DR.D,生死未卜。
血禍,獲救。
直到傍晚,我帶血禍前往廢屋與其他人會合。
公仔獲得滿天的急緊治療,但由於倖存區裡沒什麼醫療器材,需要盡快帶到港島區醫院深入檢查。
因為摩西背部坐不到哪麼多人,是次回程只帶了血禍、滿天和公仔,女生們要繼續暫留。
「有個地方比港島醫院仲先進。」我們連夜乘騎摩西離開倖存區,一路向南。
跑到靈實醫院,我先放下滿天和血禍,然後再趕路到清水灣俱樂部。
理論上公子會全體正身處港島合眾國,萬幸是有位成員回了俱樂部。
當我抱著公仔準備踏入俱樂部門口,屋內的他彷彿好早發現有人闖入,老早舉著單管霰彈槍瞄準大門位置戒備。
「企喺到。」舉槍者是雞冠。
「係我。」
雞冠稍稍垂下單管霰彈槍:「你……發生咩事?」
「我有個朋友需要羊角睇睇。」
雞冠思量幾秒:「佢喺港島。」
「有冇方法聯絡佢嚟?」
「你好彩……」雞冠收起單管霰彈槍,轉身走向別處:「我咁啱返嚟係架設無線電台,等兩個地區可以聯絡,你先帶佢去醫療室。」
雞冠隨即走入廣播室,利用無線電設備聯絡跨海的同伴。
半夜深睡著的羊角收到無線電訊息,但仍要等待到早上才可回來。
整個晚上公仔意識都未見恢復,而且面青口唇白,體形暴瘦。
等至翌日早上,羊角不負所望出現了。
「咩情況?半夜突然搵我……」羊角甫入醫療室就問。
「幫個細路檢查下。」
羊角打量病床上的公仔:「佢受咗咩傷?」
「懷疑注射咗不明血清,仲有受到病者攻擊……」
羊角聽罷,脫下西裝外套,換披上醫生袍,將病床推向掃描設備:「首先身上無紅點,係好事。」
「嗯……」
「你喺到等,唔會咁快有結果。」羊角讓我不要跟來。
我按他指示等待,畢竟對方是權威。
接下來的時間裡,又說要注射什麼顯影劑進行電腦掃描,將公仔推去放射科那裡。
費了大半天的功夫,羊角方出來跟我閒談幾句。
「等結果要時間,你預一兩日內。」
「好……多謝你趕嚟。」我給他致謝。
「既然你係半個成員,幫到就幫。」
「你就咁睇佢嚴唔嚴重?」
「臉黃、下肢水腫、身體有腫塊、不明瘀青、口腔發臭……」羊角淺淺苦笑,欲言又止:「祝佢好運。」
上一頁
第 33 頁
下一頁