【Ｄ＆Ｍ】《病港ＩＩ》（６７）
上一頁
第 16 頁
下一頁
墨說
2023-5-17 01:56:53
「你總係有所隱瞞咁，我就姑且唔問你來歷，我齊福皇最愛嘅係人才，我琴晚見識到你嘅武技，比起已經係區內最高戰力嘅獵手黨……你似乎仲略勝幾籌。」齊福皇對我投以賞識的目光。
「多謝。」
「你有冇興趣喺到坐鎮？就當係守住錦綉花園嘅入口，唔好再俾好似琴晚咁嘅怪物闖入嚟……」齊福皇的意思是想我當條看門狗。
齊福皇見我未答，低沉笑兩聲：「福利方面你唔需要擔心，每日兩餐夠你飽，仲有居住權，你仲想要咩嘅即管提出下……」
我深一深呼吸，組織如何拒絕：「多謝齊生你嘅誠意邀請先，但我仲有緊要事做，應該唔會有時間留喺到。」
「有事緊要得過我性命安危？」齊福皇臉孔稍稍前傾。
「全人類嘅性命安危。」
「年青人，我唔係下下好似初見面咁客氣。」
「……」
「如果你唔係自己人，咁你就係個危險嘅人，危險嘅人係需要隔離同監管，當然你可能會話……區區一個老鬼同外面嘅刀衛點攔得住自己？的確係，但信我，我有方法令到你後悔。」
「我可以聽下，你會點令我後悔？」
「哈哈哈哈哈哈哈……」齊福皇仰首大笑，對我手指指：「講咗出嚟就無意思，係咪？」
「……」
「說好唔好話我野蠻，始終唔係自己人嘅話，就有機會係敵人，我對你可以話係招安。」
「如果我係要對你不利，我琴日就唔會救你。」我如實直說。
齊福皇點點頭，喝口茶：「的確……」
我想要全身而退是不可能了，這種極權領導者怎會放任有威脅的人離開。
「我哋可以係合作關係。」我提出其他方法。
「繼續講。」
「琴日嗰個敵人係我追捕好耐嘅高智慧特殊病者，佢叫DR.D。如果可以嘅話，可以建立個情報網，有咩消息就互相聯絡大家，我會無條件出手處理。」
「情報網？哈哈哈，係咪要打電話俾你。」齊福皇笑問。
「要知會嘅話總有方法，但依刻我要繼續搜尋佢，我哋應該解決共同敵人先。」相比起人類，病者才是我們共敵。
齊福皇轉身行向窗前觀看湖景，負手思考著。
可能今天不是正式日子的緣故，他沒有穿上那些喜慶的中式傳統服裝，僅穿著老式西裝。
Ads
墨說
2023-5-17 01:57:03
他的親生兒女輩，全都四、五十歲，互相沒半點交流，是舊社會前出生的。
青年孫兒輩高興打鬧，可謂兒孫滿堂。
「你叫馬克？」一位配戴眼鏡，髮型整齊露出前額的中年男向我搭話。
「你係？」我向他問。
「齊福強，長子。」齊福強斯文微笑。
「你好。」
「我老豆依啲都就快八十歲嘅老人家，係唔似得我哋咁開明，佢所有事都想掌控住。」齊福強無奈苦笑。
齊福皇倏地轉身：「馬克，你想點合作解決敵人？」
「唔好阻住我就得。」我答。
「其他獵手都唔需要？」
「我怕佢哋無咁嘅實力，佢哋未對付過依種敵人。」
「好，有自信。」
「另外你哋有冇人識整面具？」長期暴露容貌讓我好不自在。
齊福皇點頭：「我叫人安排。」
終由齊福皇的下屬，給我去弄個新面具。
面具樣式無需多說，就是鳥嘴。
不知工藝師手癢還是怎樣，她在面具上增添繁花的圖案，弄得像舞會面具的樣子。
與齊福皇會面及做好面具後，我回到滿天的房子商討尋找DR.D的計劃。
「齊福皇開咗綠燈？。」
「暫時係，我唔想同佢太多瓜葛，搞掂哂就盡快離開依到。」
「你可以確切搵到D？」
「我帶咗摩西嚟，用佢個鼻搵出DR.D都只係時間問題，只係諗緊佢其他同黨
會喺邊到……」
「你意思係血禍佢地？」
「係，DR.D可以知道錦綉祭係奪齊福皇舍嘅機會，應該多少都潛入咗倖存區，而且嗰兩個大病獵話哂係人類，係人類就點都要食飯……我就唔信佢兩個會自己種田打獵，佢地應該會定時喺倖存區到補給。」
「其實依區都頻常有綁架案，只係外面嘅鄉郊圍村無咩人會理。」
高追
2023-5-17 01:58:17
:^(
坑渠屎忽窿
2023-5-17 02:03:03
墨霸時間
:^(
傻豬黎既
2023-5-17 05:43:26
:^(
:^(
PanzerV
2023-5-17 08:15:40
:^(
鳩毛sir
2023-5-17 09:27:22
推
萬言
2023-5-17 09:27:48
推
8.23香港之路
2023-5-17 09:30:10
Push
二寶糖
2023-5-17 12:45:37
Pish
蝦咩蝦咩蝦哈哈
2023-5-17 18:58:22
推
Ads
進藤光（00比多)
2023-5-17 19:38:48
Pish
真係老翻
2023-5-17 19:43:48
個會面完得咁突然嘅
碧水劍
2023-5-17 20:00:16
咁樣幾好 有時文戲文拖會唔好
碧水劍
2023-5-17 20:00:37
個會面完得咁突然嘅
咁樣幾好 有時文戲太拖會唔好
馬神彈出彈入
2023-5-17 20:16:10
Push
弱水叁千只取一瓢
2023-5-17 20:29:44
證明m對人已經係專專家級
二寶糖
2023-5-17 23:02:13
焳
人人人
2023-5-17 23:59:30
推
:^(
狐狸仔
2023-5-18 00:59:03
推推
我想行開下ar
2023-5-18 01:26:35
冇文冇文冇文
每日翻黎睇故，都已經唔記得上一日睇左d乜
Ads
墨說
2023-5-18 01:28:43
總括而言，DR.D藏身點一般不會離人類倖存區太遠，因為人類是他主要的營養攝取來源，有些補充品亦需要由倖存區入手。
滿天撕掉屋中一張陳舊的海報，從背面位置繪畫出西北區地圖，並根據線索重點圈出幾個可能性較高的地點，讓我帶摩西去嗅嗅。
「如果你真係搵到，唔好單槍匹馬。」滿天捲好海報，交到我手上：「一打一你有勝算，幾個圍你就唔同講法。」
「搵到我會你同講。」
此事不能知會獵手黨，縱使他們是同行，但血禍的事比較複雜，他們下錯殺手就糟糕了。
我待在摩西旁邊等候，等到星星和月兒都出來，黑夜成為我們的隱形衣，便開始正式行動。
壯闊的西北版圖上，我再次乘騎摩西縱橫馳騁，牠自由自在地仰天嚎叫，盡收方圓百里內氣味。
經三日兩夜的搜索，氣味的源頭已有結果。
範圍是行政長官粉嶺別墅。
位於上水古洞，大約在西北倖存區的東面，是幢兩層高的平房，給高爾夫球場包圍，猶如一個私人花園，設有泳池、網球場、燒烤場及直昇機坪，如果以藏身地點而言，確實是個好地方，因為這種官邸本身設計就包含防禦襲擊。
我自是不會蠢到騎著摩西在別墅外頭跑來跑去，更不可能上去踩點，因為打草驚蛇的話，DR.D他們可能會帶著跑路。
話雖如此，在我審視整個粉嶺高爾夫球場後，我發現有個高點可以觀察到別墅狀況，那便是同在古洞段上，距離相近的私人屋苑──高爾夫．御苑。
行上最高的天台樓層，可以俯瞰整片高爾夫球場，乃至受翠綠林丘包圍的官邸。
墨說
2023-5-18 01:29:04
我趁晚上利用蘇維的眼睛聚焦，仔細觀察那片土地上一切。
這顆眼球除了能夠迷惑病者外，視力亦堪稱一絕。就算離地那麼高，若我單著眼專注，一樣可以看見綠茵上移動的螞蟻。
我在天台待上整個星期，徹日徹夜地監察別墅。
如果可以發現DR.D存在此地的決定性證據，我就會叫上滿天採取行動。
可惜他們像群見光死的混蛋，不管白天黑夜都沒有半個人外出，但我確實留意到那些緊閉的窗戶內，間中會有人影掠過。
狩獵行動大多時間是枯燥乏味，因為觀察往往耗時最多，但它不會虧待你。
第十天的傍晚，看似死寂的別墅終於迎來一點動靜。
有個不明的男人沿著唯一通向別墅的道路走，走到別墅大閘前等上幾分鐘，大閘隨即自動打開，然後對方繼續行入到別墅內部。
「咩人……」
半小時後，那個男人離開別墅。
雖然全程看不見D以及那些同伙，但已非常可疑。
依那男子步伐速度來看，如果我夠快落到樓下，應該尚可跟蹤他後方。
想到這點的我馬上轉身衝入樓梯間，為壓縮時間直接跳落每層的緩衝平台上。
「嗒──嗒──嗒──嗒──嗒──」
對常人來說極傷膝蓋關節，千萬不要學。
三分鐘不到，我已經離開共高二十八層樓的大廈，追入金錢路上。
剛好那男子恰恰行出路口，並往左面方向走。
左面的話就是西北倖存區，他是區內人？
由於距離仍然離別墅好近，我想走遠些才上前盤問，於是發揮自己間諜所長，暗暗跟蹤在對方身後。
如我所料，對方好快回到倖存區範圍中，期間有兩隻病者打擾，但他身手不凡，兩三功夫就了結。
那兩隻病牙從小路跑出，可那傢伙不急不緩地亮出把金光燦燦的鐵扇，腳尖像芭蕾舞者踮著，身子朝前對準兩隻病牙的脖子凌厲旋轉，血花便如潑墨飛濺，甚為華麗。
「嘎嗉嗉……」兩隻病牙亦斷脖死去。
「依種游刃有餘嘅身法……」暗暗觀察的我，當下就判斷出對方身份：「係獵手。」
那人倏地轉頭往身後瞧：「……」
高追
2023-5-18 01:29:05
:^(
墨說
2023-5-18 01:29:15
我馬上躲好，不讓他見。
沒發現什麼異樣的他收起金鐵扇，繼續邁步向前。
最終那人停在新田村社區，一間古色古香的雀鳥行。
新田村算是較人多的聚集居住社區，而他的雀鳥行是存在巷內的小店，後方連著個中型倉庫，高手果然大隱隱於市。
鐵扇男貌似鳥行的老闆，甫入店內便悠閒地吹著哨，挑逗鳥籠中吱吱喳喳的漂亮雀兒。
其方齡不出三十多，卻是副退休人士的模樣。
既然追到府上，我都無謂隱瞞。
我拿著齊福皇的許可，社區中鬧點小事應該不成問題。
我踏入店內，直視老闆。
「有嘢幫到你？飛鴿傳書費用係半斗米。」老闆審視我面具，若有所思：「睇嚟係愛鳥人士，定係要買雀？」
該用懷柔手段還是高壓手段回應他？
直接點，後者吧。
我墊步上前，魔爪就要拉住他衣領。
殊不知他極為警惕，腳底向後一撐退開，同時打開鐵扇往兩側擺放的鳥籠亂斬，店內頓時百鳥亂飛！
「唧啾唧啾唧啾唧啾──」
這眼花撩亂的瞬間，他往店家後倉庫跑入。
我想都不想一同追進倉庫，然而他早有預謀般計算好距離，拉下牆壁上的機關手柄。
「咔噠」一聲，倉庫上方有個大型鳥籠下降。
「呯」
恐怖的鐵製鳥籠將我牢牢困住。
對方見大局以定，對籠中的我微微一笑：「唔好急。」
「鐵籠？」我嘴角泛出少許笑意。
「鳥嘴面具？」對方好好看著籠中的我，突然才留意到：「你係嗰個……」
未等他說話下去，我雙手已經抓住籠中鐵柱向外掰開。
對方回神過來，心感不妙，想往倉庫外跑去。
我馬上哼出鯨歌，制止住他的行動。
「噫！？」對方露出不可置信的目光，全身手腳皆動不了。
憑著意志力的他腳步僅能小步小步地走，並眼睜睜看著我一條條鐵柱的掰開，慢條斯理地站到其面前。
局勢給掌控後我停下吟唱鯨歌，那短短的幾十秒間，已經消耗了不知多少的精神。
「唔洗諗住走，有好多嘢要問你。」
上一頁
第 16 頁
下一頁
「多謝。」
「你有冇興趣喺到坐鎮？就當係守住錦綉花園嘅入口，唔好再俾好似琴晚咁嘅怪物闖入嚟……」齊福皇的意思是想我當條看門狗。
齊福皇見我未答，低沉笑兩聲：「福利方面你唔需要擔心，每日兩餐夠你飽，仲有居住權，你仲想要咩嘅即管提出下……」
我深一深呼吸，組織如何拒絕：「多謝齊生你嘅誠意邀請先，但我仲有緊要事做，應該唔會有時間留喺到。」
「有事緊要得過我性命安危？」齊福皇臉孔稍稍前傾。
「全人類嘅性命安危。」
「年青人，我唔係下下好似初見面咁客氣。」
「……」
「如果你唔係自己人，咁你就係個危險嘅人，危險嘅人係需要隔離同監管，當然你可能會話……區區一個老鬼同外面嘅刀衛點攔得住自己？的確係，但信我，我有方法令到你後悔。」
「我可以聽下，你會點令我後悔？」
「哈哈哈哈哈哈哈……」齊福皇仰首大笑，對我手指指：「講咗出嚟就無意思，係咪？」
「……」
「說好唔好話我野蠻，始終唔係自己人嘅話，就有機會係敵人，我對你可以話係招安。」
「如果我係要對你不利，我琴日就唔會救你。」我如實直說。
齊福皇點點頭，喝口茶：「的確……」
我想要全身而退是不可能了，這種極權領導者怎會放任有威脅的人離開。
「我哋可以係合作關係。」我提出其他方法。
「繼續講。」
「琴日嗰個敵人係我追捕好耐嘅高智慧特殊病者，佢叫DR.D。如果可以嘅話，可以建立個情報網，有咩消息就互相聯絡大家，我會無條件出手處理。」
「情報網？哈哈哈，係咪要打電話俾你。」齊福皇笑問。
「要知會嘅話總有方法，但依刻我要繼續搜尋佢，我哋應該解決共同敵人先。」相比起人類，病者才是我們共敵。
齊福皇轉身行向窗前觀看湖景，負手思考著。
可能今天不是正式日子的緣故，他沒有穿上那些喜慶的中式傳統服裝，僅穿著老式西裝。