大西北姿粉客 2023-4-24 23:49:14 有個同呀冰差唔多咁靚女嘅女朋友都唔識滿足

:^(

:^(

立花樹. 2023-4-25 00:14:39 人就係咁貪心

:^(

窮撚就想有一百萬
有一百萬嘅人就想要一千萬
有一千萬嘅人又想要一億
有一億嘅又會諗點解我唔係李嘉誠

:^(

全家仔女都喊 2023-4-25 00:32:50 想知阿臣外表幾多分

:^(

台妹係易食，但識咗一陣就深深愛上咁又咁快確認男女朋友關係

:^(

究竟有咩過人之處

:^(

照計Rachel 送上門前都唔知佢碌鳩大唔大，凱泳到目前呢一刻都唔知
就咁睇又唔覺佢講嘢有咩特別或者風趣幽默之類

:^(

立花樹. 2023-4-25 00:55:13 評女我識 評仔真係難D 等陣俾佢睇到又打哂飛機咁

:^(

只可以講佢同我哋講呢D事發生係佢身上嘅時候 成班friend唔會覺得驚訝或者覺得佢係到吹水囉

:^(

都有返咁上下嘅 碌鳩大唔大我就唔知喇

:^(

你的樣子如何 你的日後也必如何

:^(

立花樹. 2023-4-25 00:57:52

全家仔女都喊 2023-4-25 01:01:55 佢係咪keep 住有一路同你講details 你一路出故，定係之前同你講過一次你記住

:^(

立花樹. 2023-4-25 01:20:26 佢exchange完返嚟已經同我講過 之後幾個月前佢見我寫自己嘅野 又想叫我幫佢紀錄下

:^(

我哋有個google doc share俾佢做viewer 佢隨時睇到我打到邊到 打完一兩篇佢又會再講之後發生咩事 間唔中又會同我講某D位當時係點點點 佢嘅感受又點點點先係最真實嘅咁樣囉

:^(

所以佢先係最live嘅嗰個人

:^(

大西北姿粉客 2023-4-25 02:50:48 佢見到我哋祝佢大鑊有無嬲

:^(

:^(

立花樹. 2023-4-25 09:00:11 咁又冇 佢叫我寫呢個故個陣都預咗俾人屌到化㗎喇

:^(

無人以為啊 2023-4-25 11:18:55 仆街得嚟 佢都算幾好喎

:^(

立花樹. 2023-4-25 18:20:37 起碼佢都知自己係衰嘅 有D人偷食得嚟仲好大條道理 一D都唔內疚

:^(

立花樹. 2023-4-25 18:34:38 我見佢咁攰，就諗住帶佢搭的士等佢唔駛咁辛苦一早去機場嚟搵我，嚟到仲要「熬」巴士咁慘。

「我們去那裡呀？」我哋差唔多去到的士站嘅時候凱詠問。

「坐車回家呀，你都要先放下行李吧。」我指住一架架排緊隊嘅的士講。

「坐巴士就可以了。」
「無關係了，我來付吧。看你這麼累我不想你這麼辛苦。」
「我可以了，不要浪費錢。」
「就一次半次，沒所謂了。」

「你爸爸付錢給你來讀書，不是這樣浪費掉的。乖吧，我們去坐巴士就可以了。」凱詠講完就抆住我向巴士站嘅方向行。

其實我又唔係打跛腳都唔駛憂嗰D嚟嘅，純粹我想佢舒服D啫。見到佢咁堅持，我都無再同佢糾纏落去喇。

最後我哋都係坐咗巴士岀返市中心，落咗車之後，我就帶住凱詠行返去我屋企。

「你會怕嗎？」我打開我屋企樓下嘅大門之後問。
「怕甚麼？」
「就…畢竟你認識我不是很久，會怕我是壞人嗎？」

雖然我哋已經係男女朋友，但始終都唔係識咗好耐，所以我驚佢會擔心咁樣跟我返屋企，萬一我係變態殺手或者強姦犯咁點算呢。

「我怕就不會來呀，那你是嗎？」

「當然不是了，我就怕你擔心所以問你一下。我的家雖然比較小比較亂和擠了一點，但很安全的所以請你放心。」
「我都沒有在擔心了，難道你會殺了我嗎？」

聽到佢咁講，我都唔知到底係佢太信任我定係佢真係太天真喇。雖然我唔係咩變態殺手，但我都唔係咩好人。

我帶凱詠返到屋企之後，就同佢行咗一個圈，介紹下我家徒四壁嘅屋企，然後佢就打開自己嘅行李箱，執拾一下佢嘅行裝。

我坐係梳化睇住佢係喼入邊拎D野岀嚟騰嚟騰去，又入廁所又行去衣櫃嗰邊。之後佢入咗廁所成十五分鐘，岀返嚟嘅時候已經由原本化住淡妝嘅佢變返我第一次見到嘅佢。

「你進去那麼久就是化妝？」
「對呀，跟寶寶去玩當然要美美的。」
「你化不化妝都這麼美呀，我都這麼喜歡的。」

其實我有時都鍾意女仔簡簡單單，樸素D嘅樣。雖然佢化嘅妝都係正正常常，唔係鬼五馬六嗰隻，但既然佢淡妝都咁靚，無謂嘥咗自己呀嗎。

「你今天晚上再說吧，可能你今晚就趕我走了」
「這個是不可能發生的！而且你剛才也沒怎麼化妝吧？」

我知道佢講笑㗎啫，頭先其實佢落機嗰陣根本都冇乜點化妝，而且佢對自己素顏冇信心嘅話，根本唔會俾我睇到喇。

「所以你一直說我很累的樣子！」
「我沒有這個意思！就你這麼早起床一定會很累呀，是正常的吧。」
「不是，你是說我的樣子，所以我要馬上修補一下。」

一講佢嗰樣呢樣野不論港女同台妹都一樣，都係咁敏感。

其實今日我預咗凱詠會好攰，所以都冇咩安排D咩特別嘅行程。我帶佢食咗個早餐之後，就同佢行下Fish market，唐人街，加上佢咁鍾意影相，我哋一路沿住Opera house嘅海邊散步一路影咗好多合照，之後我諗住早D食飯就同佢早D返去休息。

「我們去食飯好嗎？早一點食，早一點回去休息。」
「不用岀去食了，回家我煮給你吧。」

其實聽到凱詠話要煮飯俾我食，我都幾開心嘅，我幾鍾意過呢D簡簡單單，老夫老妻Feel嘅日子。

「但你來旅行還要你煮不太好吧，你不會想多吃一些這𥚃不同的餐廳嗎？」
「早上不是吃了嗎？晚上在家吃就可以了。」

「但我怕你辛苦呀，你今天都沒有睡夠。」
「可以了，我煮飯都很快的。」
「今天岀去食吧，明天你才煮飯給我好嗎？」
「不要囉攣，快去買菜，我在幫你省錢呀！」

或者我唔應該用港女嘅思維去猜度凱詠。我唔係話港女全部都衰，至少Charlie都係一個好好嘅女仔，我亦都唔係話台妹全部都好，但我冇諗過凱詠竟然係一個咁知慳識儉嘅女仔，就連我想駛錢等佢唔駛咁辛苦佢都多次拒絕。

或者台灣嘅人工真係比較低？計返條數佢哋人均都係得七八千港紙一個月。香港入息中位數應該係佢哋嘅兩倍甚至三倍，所以當香港人都覺得外國嘅野貴嘅時候，對佢嚟講可能係更加更加貴。

原來凱詠唔淨只得個樣，仲咁賢良淑德，持家有道，但佢越好，就顯得我越衰，內心越內疚。

大西北姿粉客 2023-4-25 22:38:04 真係一朵鮮花插在硫酸之上

Eefje_Depoortere 2023-4-25 23:22:12 外國巴表示係外國溝亞洲妹仲難過溝鬼妹

:^(

仲要三兩下就搞掂
佢一定好撚靚仔

:^(

大西北姿粉客 2023-4-25 23:44:07 啲亞洲妹好受歡迎

:^(

:^(

立花樹. 2023-4-25 23:46:07 佢見到有人咁講又cap低send俾我睇㗎喇

:^(

立花樹. 2023-4-25 23:47:27 亞洲妹又想食洋腸
鬼妹又想食洋腸
黑妹都想食洋腸

連登仔只可以食自己

:^(

大西北姿粉客 2023-4-25 23:55:40 又有女

:^(

:^(

大西北姿粉客 2023-4-25 23:56:20 唔係㗎，啲鬼妹、黑妹鐘意亞洲仔㗎

全家仔女都喊 2023-4-25 23:56:28 樓主今晚仲有冇文

:^(

全家仔女都喊 2023-4-26 00:06:07 澳洲撚表示好多亞洲留學生圈都好淫亂，要食其實唔難

:^(

但前提係你本身係個圈嘅人，自己本身都要識玩識發放signal, 當然要樣唔柒啦 (唔洗好靚仔，但性格唔可以係毒/柒)
好似Rachel 呢啲玩家食完唔會黐牙嘅大把

:^(

但凱詠呢啲見一次面就主動確認男女朋友關係嘅就真係未聽過，仲要一個係Sydney 一個係Melbourne 都堅持要確認關係

:^(

立花樹. 2023-4-26 00:28:54 有D咁嘅事

:^(

立花樹. 2023-4-26 00:29:23 冇喇 聽晚繼續！

:^(

立花樹. 2023-4-26 00:30:23 呢個世界真係唔公平㗎

:^(

立花樹. 2023-4-26 18:28:54 明明我哋只係見咗四日，一齊咗都係三個禮拜左右，就好似一對老夫老妻咁去行supermarket買餸。睇住凱詠好似好專業咁揀緊食材，又會格價，我覺得自己前世應該係拯救咗世界先會識到佢。

「你家裏有雞蛋嗎？」凱詠繞住我推住購物車嘅手問。

「Er…一兩隻吧，我都不會買太多，平時都只有我一個人食。」
「你還要買些甚麼嗎？」我見到車入邊嘅餸都夠哂煮一餐兩人份量嘅晚餐於是問。

「Um…買些雞蛋，香腸，麵包跟橙汁，還有一些水果吧。」
「買這些幹嘛？」我聽住呢D都唔似煮夜晚飯會用到嘅野，又好奇一問。

「明天做早餐給你呀。」
「不用了，我們岀去食就可以了。」
「沒關係呀，都來到這裡就多買一些吧。」
「那你不是要很早起床嗎？」

「我已經習慣了，你慢慢睡，明天我煮好早餐就會叫你呀。」凱詠箍住我嘅頸，鼻頭掂住我嘅鼻頭，企係凍櫃嘅面前講。

幸福嘅畫面又伴隨住一股罪疚感湧上我嘅心頭。

你唔好對我咁好喇，我有時真係令願你好似Rachel咁，只係玩下Happy下咁味算囉。

可能我上一世拯救咗世界今世先識到凱詠，可能佢上一世作奸犯科，姦淫擄掠今世先會識到我。

我哋買完野返到屋企之後，凱詠就入咗廁所梳洗一輪。我唯有坐係梳化上邊，一路等佢，一路連接藍牙喇叭播下歌，準備等陣嘅煮飯仔環節。

18:03
11月6日
沒有新的通知

我揀好一堆凱詠都會聽得明嘅歌之後，見佢仲未係廁所岀嚟，就知道呢個係最好嘅時機俾我覆下Charlie，廢時咁長時間唔應機。

「唉好攰呀 啱啱先係學校走」
「陰公囉B 咁你今晚食咩呀？」

「唔知呀 求其買D外賣囉」
「唔自己煮？」

「唔煮喇 好攰呀」
「咁快D食完野早D休息喇」
「知道！」

如果俾佢知道我今晚其實係食咩，佢一定接受唔到咁殘酷嘅真相。

覆完Charlie之後，我放低個電話抬起頭，已經見到凱詠紮住馬尾嘅背影係廚房開始工作。望住呢個畫面，聽住speaker播緊周杰倫嘅《我不配》，都係嗰種感覺喇。

覺得自己好好彩，好幸福，好sweet嘅同時覺得眼前嘅凱詠好唔好彩。

睇住佢係廚房好忙碌嘅樣，紮住嘅馬尾更加為佢增添咗幾份賢妻良母嘅味道。唔知點解腦海中開始岀現同凱詠組織家庭，開始岀現有個細路係屋企走嚟走去，好似我哋會有將來咁樣嘅畫面。

醒下喇柒頭，你唔傷害人都偷笑喇，仲小朋友係屋企走嚟走去。

我坐係到觀賞咗佢嘅背影成分幾鐘，先至醒起其實我係應該行過去幫下手。

「有甚麼我可以幫你嗎？」我行到凱詠嘅身邊問。
「沒有呀，你坐著就可以了。」佢一邊耷低頭專心咁處理手上嘅野一邊答。

「你在煮甚麼了？」
「滷肉飯。」

「滷肉飯？不會很難煮嗎？」
「其實很容易的，不是你們想像中那麼困難。」

「還有雞湯讓你補補身子，你看你的手經常都是冰的，然後煮個菜就可以了。」凱詠續道。

我望住好專心咁係到煮緊飯嘅凱詠，一路切下野又一路攪下煲入邊嘅湯，開始諗野諗到有少少靈魂出竅嘅狀態。

「而我心碎妳受罪 妳的美 我不配」

喇叭啱啱好播到呢句咁應境嘅歌詞，凱詠聽住我唱都不以為意，仲一邊笑笑口一邊搖下頭。

佢當然唔會知道呢句其實係我嘅真實心聲。

「幹嘛了？看着我幹嘛？」凱詠俾我望到有D唔聚財，於是抬起頭望住我問。

「沒有，就在想我上輩子做了甚麼這一生才能認識這麼好的女朋友。」我將凱詠攬實，廢時佢見到我面上幾分嘅內疚之情。

「傻瓜，你對我不好嗎？你不疼我嗎？」
「當然疼了。」我輕輕親吻一下佢嘅額頭。

「來呀，我教你煮這個湯，那我不在的時候你也可以自己煮呀。」
「不要！不是你煮的我不喝！」
「吔！不要在玩了，我認真的。」

「我也是認真的！你很快又要離開我了怎麼辦？」
「所以你要學會自己照顧自己呀，不要讓我擔心。」

凱詠細心咁教我點樣去煮呢D餸菜，如果可以嘅話，我令願唔學，我令願以後都有佢去煮俾我食。當然，我內心好清楚呢件事係唔可能發生㗎。

每當我個腦有同凱詠將來嘅畫面嘅時候，我都好自然又會聯想到「咁Charlie呢？」。如果俾佢知道我竟然有半秒去諗過同第二個女仔有小朋友呢D咁荒謬嘅想法，我想像唔到佢會點。