無人以為啊 2023-4-19 14:45:47 留明睇吓個仆街仔幾時會俾班女女發現

:^(

克羅伊 2023-4-19 18:15:19 文呢

:^(

:^(

樓豬

最孤獨的行星 2023-4-19 18:57:59

:^(

立花樹. 2023-4-19 19:42:36 大家都知道發生咗咩事，咁大個人有D野唔駛下下都要講岀口嘅。我同凱詠對望咗幾秒，畫面充滿住幸福同快樂，我面上亦都掛住甜蜜嘅笑容。

但其實我內心係好撚驚，好撚緊張，驚自己有咩行差答錯就係咁先。我唔知大家有冇玩過狼人殺，我自己最唔鍾意就係做狼，因為要講大話，每分每秒都驚俾人識穿嘅心理壓力，真係好難頂。

做狼俾人識穿咗最多都係輸場game啫，我而家咁樣俾人識穿咗，我真係唔知會有咩後果。老實講，可以做到凱詠男朋友我係好開心，但而家嗰種興奮同擔憂不停係我嘅內心世界浮浮沉沉，我仲要扮哂淡定，扮乜事都冇咁。

冇㗎喇臣哥，見步行步喇，唔好露出馬腳，唔好令佢哋事但一個唔開心就係我而家可以做嘅嘢。

凱詠一路拖住我嘅手，帶我去到一間中餐廳，正式開始我哋拍拖之後第一餐嘅晚飯。

「你先看想要食點甚麼，我想上個洗手間。」攞咗位之後，凱詠同我講。

我趁佢離開咗之後，馬上打開電話尋求協助。

20:32
10月14日
WhatsApp: Charlie B傳送你兩個新訊息

成日都同凱詠一齊，我根本冇乜機會覆返Charlie。我馬上趁住呢個空檔，覆下佢嘅WhatsApp，以免佢起疑心。

「嗰到山卡啦 電話收得超差 而家返到市中心 我食D野就返酒店喇」

我為我成日覆佢覆得咁少而作個藉口。

之後我又㩒到去同呀樂嘅對話，話俾佢知事態咁急速嘅發展，順便想睇下到底我應該點做。

「我衰咗喇」我WhatsApp呀樂。

為咗唔好露岀馬腳，我一邊打字就一邊望實女廁門口。見到凱詠岀嚟嘅一剎，我馬上收返埋個電話，扮到乜事都冇發生過。

「想要吃些甚麼嗎？」凱詠坐低之後問我。
「你選吧，你都熟悉那些好食不好食的。」

我根本睇都冇睇過個menu，點答你啫。

「你就隨便order一些東西吧，我都相信你的，我也想去個洗手間。」

我當然唔係真係想去廁所，我只係入去睇下電話入邊有冇D咩我要處理㗎啫。

20:38
10月14日
WhatsApp: 呀樂傳送你一個新訊息

「咁快食咗呀Y喇？」
「衰過…我哋一齊咗」
「下？WTF？你玩到咁大？唔係happy下炸咩？」

於是我用錄音將頭先嘅事發經過同呀樂講咗一次。

係等佢回覆嘅時候，我將Charlie B呢嘅contact改咗做一個普通嘅女人名，然後mute咗再archive埋我哋嘅Whatsapp對話。

我再打開相簿，見到大量我同Charlie嘅合照，但好彩最近嗰張都已經成兩個月前，我唯有博一博凱詠唔會冇喇喇睇我嘅album喇，因為我根本冇時間去處理佢。

20:40
10月14日
WhatsApp: 呀樂傳送你一個新訊息

「叻仔 我都未食過台妹 我都想試下」
「咪串我住喇 我驚到仆街…」

「今晚返到酒店再同你傾 我要岀去喇」我續道。

我係咁以處理過個電話之後，個心都冇咁驚，起碼唔會冇喇喇彈個「Charlie B」岀嚟，到時我真係水洗都唔清。

我同凱詠就係咁用情侶嘅身份食完我哋嘅第一餐飯，之後我哋又拖住手咁慢慢行去車站。落電梯嘅時候，我作為一個男朋友，好自然咁擰轉身，望向企高一級嘅凱詠。

雖然我哋已經係情侶嘅身份，但始終都係我哋第一次咁近距離咁望住對方，少不免都會有D尷尬嘅。

我捉住佢嘅雙手，好快咁趷一趷高腳，然後蜻蜓點水式咁錫咗落凱詠嘅唇上。

我feel到自己嘅面迅速咁變紅變熱，尷尬嘅氣氛令我雙眼不受控制咁四處張望，只見凱詠望住我笑一笑，然後係電梯之上將我緊緊咁攬實，我都將雙手放到佢嘅背後作為回應。

我哋就係咁以一對情侶好正常嘅姿式，搭完呢一次嘅扶手電梯。

「好吧，你不用送我了，你也累了吧。早點回去休息，明天再跟我見面呀。」凱詠去到我哋要分開嘅地方之後同我講。

「不好吧，讓我送你呀，你自己一個那麼晚回去我不放心。」

始終都係第一日做佢嘅男朋友，我就咁走咗去好似好衰咁。

「沒事了，我會一直跟你報告的，快點回去休息，不然明天沒力氣岀來見我了！」

我見佢今次同上次都咁堅持，或者佢可能唔想咁快俾我知佢住邊？而且我都真係有D攰，同埋我想快D尋求下呀樂嘅意見，睇下我跟住落嚟應該點做，所以我都冇再堅持送凱詠返去。

「好吧，那你回到家跟我說了。」
「嗯，byebye囉。」
「Byebye。」

「欸！」我捉住正準備轉身離開嘅凱詠手臂。

我哋四目交投嘅一刻，我向前踏出一步，慢慢合上雙眼，將頭哄埋去佢到做一次情深嘅吻別。

「傻瓜，byebye囉」凱詠篤一篤我嘅鼻頭講。
「Byebye。」

係我自己一個人返酒店嘅路上，我不停重複重複又重複咁思考我同Charlie同凱詠嘅關係。我知道我做得好錯，但無論我點諗都諗唔到一個完美嘅解決方法。

我放唔低佢哋事但一個，亦都唔想傷害任何人，或者我真係只可以毫無破綻咁去呃佢哋，唔好穿煲，見招再拆招喇。

23:12
10月14日
Line: 凱詠傳送你一個新訊息

「這個不會是你吧？」

仆街，啱啱先話唔好穿煲，唔係轉個撚頭就收皮呀？

我望住凱詠send俾我嘅message，係我真instagram account嘅一張cap圖。

立花樹. 2023-4-19 19:45:15 Sorry 呢排真係太忙 又遲咗

:^(

但我會盡力keep住每日岀文㗎！

:^(

立花樹. 2023-4-19 19:45:38 相信唔少人等緊

:^(

全職兒子 2023-4-19 21:42:51 由樓主上個post開始追到嚟呢到 呢兩個故算唔算係演繹咗咩叫 殺人放火金腰帶 修橋補路無屍骸

:^(

忠忠直直乖乖地嘅男仔就要俾女玩 講大話偷食嘅fuckboy player就可以做幸福賓周

:^(

呢個世界真係冇乜公義

:^(

樓主係咪想點醒世人 叫大家唔好做好人

:^(

立花樹. 2023-4-19 22:31:16 又唔好咁講 大家get到咩咪咩囉

:^(

甩嘴字母哥 2023-4-19 23:19:31 今晚仲有冇？
想佢男豬仆街

:^(

喜多郁代 2023-4-19 23:32:26 呢鋪阿臣真係燒賓周都唔掂啦

:^(

大西北姿粉客 2023-4-19 23:34:42 咁呀木都有vicky嘅

:^(

:^(

立花樹. 2023-4-19 23:36:43 打緊

:^(

轉頭會再岀！

立花樹. 2023-4-19 23:39:29 等睇呀臣仆街圍爐區

:^(

:^(

立花樹. 2023-4-19 23:40:34 呢個真！

:^(

睇埋落去先知呢個世界有冇公義

:^(

立花樹. 2023-4-20 00:07:28 冇事嘅，只要你夠厚面皮，冇野係解決唔到㗎！

「對呀 這個就是我之前跟你說已經登入不了的那個 為甚麼你會找到得？」
「是IG跟我推薦的」

屌，梗係呀樂follow咗佢所以instagram會將我呢個account suggest俾凱詠喇，我哋只有呀樂呢個mutual friend炸嗎。

「我也很久未登入這個account了」
「真的嗎？」
「當然了 騙你幹嗎？」

眼見電話另一邊嘅凱詠冇再追問落去，我都不以為意，以為純粹可能佢有D野做緊啫。係車上嘅我又重新進入思考mode，不停係到諗冇解決辦法嘅問題。

正當我以為自己大步檻過，咁都呃得到佢嘅時候，我嘅思緒又俾電話嘅震動打斷咗。

23:25
10月14日
Line: 凱詠傳送你一個新訊息

「你不會是有女朋友的人吧？」

見到呢個message嘅我爭D係車上邊跌咗半舊屎岀嚟，當堂嚇到成個人醒哂。

「當然不是了 為甚麼會這樣說？」
「我也不知道 香港的男生好像都比較花心」
「所以以前曾經有香港的男生騙你嗎？」
「對」

「寶寶 你可不可以不要是這一種人？」凱詠續道。

「我當然不是了 怎麼會騙我的凱詠了」
「好吧 那你可以跟我保證以後都不會騙我嗎？」
「我保證！」

我保證我會。

「如果有一天我發現的話 我一定會很傷心 你不會想看到傷心的我吧？」
「當然了 我怎麼捨得讓你傷心呢」
「那你就不要騙我！」
「一定不會！」

原本我以為自己死緊㗎喇，估唔到咁樣講幾句花言巧語又咁容易氹得返佢。凱詠好快就好似冇咗件事咁，一D懷疑都冇，乖乖地做返我嘅女朋友。

我哋第一日拍拖就遇上感情危機，但咁樣又俾我渡過咗。

由今日開始，我往後每一次同另一半分享自己做緊D咩，報告我嘅行蹤嘅時候，都要分別係WhatsApp同Line各自做一次。

我返到酒店之後，分別同Charlie同凱詠講咗一聲，然後就開始同我「第三個情人」—呀樂展開對話。

「屌你仆街仔 爭D俾你累撚死呀」
「？？」
「你follow咗呀Y搞到ig向佢suggest我嘅真account呀」

我將我頭先同凱詠嘅對話cap俾呀樂睇。

「Shit！千算萬算算漏咗呢樣添 咁而家點呀？」
「冇野 仲俾我兜到 但頭先真係爭D瀨屎」

「而家點部署呀？我從來都冇諗過我會同一時間有兩條女㗎 至少唔係快到咁呀…」我續道。

「你都冇得揀㗎喇 都洗濕咗個頭囉」
「但咁樣好似好仆街咁喎 我每次好理直氣壯咁呃佢哋嘅時候 其實內心都好內疚…」

「咁你開唔開心呀？」
「開心 點會唔開心呀」
「咁佢哋開唔開心呀？」
「而家唔知咪開心囉…」

「咁咪係囉 就算你而家同佢哋坦白 佢哋都係會唔開心㗎喇 咁點解唔大家一齊開心落去？你手腳乾淨D 唔好穿煲 其實可以三個人都開心㗎喎 只要你冇令任何人唔開心 你就唔係衰人喇」

「你真係損友嚟…」
「咁你而家同呀Y講其實你一直都有女朋友 唔可以同佢一齊囉」
「咁又唔好…」

「咁你一係同Charlie講喇 你識咗個好索嘅台妹要飛佢喇 咁囉」
「咪玩喇 師兄」
「咁咪係囉」

聽住呀樂嘅說話，我明知係歪理嚟，但我又反駁唔到喎。

唔知大家有冇睇過HBO嘅Chernobyl，入邊有句說話「Every lie we tell incurs a debt to the truth. Sooner or later, that debt is paid.」

講大話就好似借貴利咁，你每講一次就起一次釘，大話冚大話就好似數冚數咁，遲早都係有一日要還，拖得越耐就越甘。

香港科技食撚屎 2023-4-20 01:48:39 冇可能噉都唔穿煲

大西北姿粉客 2023-4-20 03:53:55 基本上一定穿，不過ig扮少用其實唔難嘅
首先post哩啲本身都唔會成日出，然後hide story就已經呃到八成

你好好我好好 2023-4-20 04:17:20 異地唔難啦

Eefje_Depoortere 2023-4-20 06:31:37 真心唔難啦 只要一日正身唔好比台妹加到
分身唔好比港女加到就冇野 最安全有埋第二部電話

立花樹. 2023-4-20 09:36:29 可能我係文中表達得唔清楚 係到解釋下先

:^(

凱詠係搵到呀臣真嘅account 但呀臣嘅真IG係private嘅 所以嗰張cap圖只係寫住this account is private 凱詠係乜都睇唔到㗎

:^(

之後呀臣話自己已經登入唔到呢個IG 所以好順理成章亦都唔會俾凱詠follow到 去到呢到暫時係仲呃得住兩邊㗎

:^(

惡毒女人受害人 2023-4-20 13:17:45 豬隊友呀

:^(

個豬隊友本身都已經有分身IG
點解會用個正身account 去follow 架

:^(

波斯貓頭鷹 2023-4-20 13:49:49

:^(

立花樹. 2023-4-20 15:54:45 佢兩個IG都有follow呀臣㗎 分身都要整到好似真咁 係冇follow佢條女啫

:^(

立花樹. 2023-4-20 15:55:28 Sorry

:^(

:^(

臣哥太多女 我都亂咗

:^(

Rachel先啱

:^(

惡毒女人受害人 2023-4-20 16:12:06 咁豬隊友自己都隨時有殺生之禍

:^(

豬隊友自己條女睇男主IG咪起到出黎？

:^(