【校園/愛情】戀上鄰家女孩(布甸篇)
上一頁
第 29 頁
下一頁
深夜甜品
2023-10-25 20:52:50
製作完成了
:^(
Ads
支那追擊手
2023-10-25 21:22:44
作者細個係咪成日睇咩飛躍青春系列嘅小說 真係夠曬educational
:^(
深夜甜品
2023-10-25 22:08:21
冇睇過
:^(
講啲咩的
聚賭最多罰三千
2023-10-25 22:35:37
真係搞大咗
:^(
:^(
:^(
JM
2023-10-25 22:58:22
:^(
真係做爸爸
大西北姿粉客
2023-10-25 23:44:07
生性喇男哥
:^(
:^(
記得拎埋嗰兩萬呀
深夜甜品
2023-10-26 01:33:23
準備拉佢坐監
:^(
深夜甜品
2023-10-26 01:33:44
人生第一桶金!?
深夜甜品
2023-10-26 01:35:01
咁子瑜可以做阿姨
不能控制的大師
2023-10-26 09:28:12
一次即中 呢2萬抵拎啦
:^(
齊國小王子
2023-10-26 12:12:19
直接上埋樓
:^(
Ads
深夜甜品
2023-10-27 10:05:08
:^(
2萬都上到樓?
不如搬過嚟一齊住好過
女傭Cafe打手
2023-10-27 11:13:51
想睇樓豬點收尾…
:^(
Xzy934
2023-10-30 21:50:15
Pish
聚賭最多罰三千
2023-11-1 22:42:44
樓豬努力出文啦
:^(
深夜甜品
2023-11-4 16:26:35
出啦出啦
:^(
深夜甜品
2023-11-4 16:27:14
我都想知陳佑男可以點收科
深夜甜品
2023-11-4 16:27:41
97.
自從呢晚過後,我同曉琳之間就多咗一個秘密,係任何人都唔知得嘅秘密,我開始晚晚陪曉琳傾電話,我總覺得辜負咗呢個女仔,所以佢要我陪佢做啲咩都可以,事隔兩日嘅呢一晚亦都唔例外,我匿咗喺個被竇裡面陪曉琳佢煲電話粥。
「我有嘢要同你分享啊,今日食晏嗰陣呢,芯玲話原來我哋個社長都有追過佢…」話筒另一邊嘅曉琳好雀躍咁同我分享佢每日嘅所見所聞。
「呢個我知啊,芯玲話佢份人太花心所以無理佢。」
「吓…點解你又會知嘅?」曉琳語氣詫異。
「之前芯玲佢講俾我知嘅。」
「原來係佢講俾你知㗎?咁但係點解佢會無啦啦講俾你知嘅…?」
弊傢伙!我唔可以俾曉琳知道嗰陣係因為我同芯玲傾緊關於子瑜嘅事,佢先提起佢都有俾社長追過嘅事,芯玲仲話最憎啲花心嘅男仔。
「欸…唔記得咗講啲咩佢話佢好討厭啲花心嘅男仔,然後就講佢有俾社長約過出街。」靈機一觸俾我諗到可以點兜。
「嘻嘻,係啊芯玲好討厭呢啲渣男,但偏偏佢又有種吸引渣男嘅體質,識親嘅都係呢啲男仔。」
「好彩我係乖乖仔。」其實我都係隨口噏。
「你仲話你乖!?你唔記得咗早兩晚你對我做過啲咩喇…?哼!」曉琳又提返起早兩晚喺佢屋企發生過嘅事。
「咩喎,明明嗰晚我只係錫咗你一啖…」
「哦~你做過唔認數,你點止錫咗我一啖喎。」
咁曉琳又無錯嘅,嗰晚夜闌人靜孤男寡女獨處一室,佢屋企又無人,我哋兩個又全身濕晒除咗啲衫出嚟坐喺床上面吹乾,吹吹下我忍唔住錫咗曉琳一啖,錫錫下就錫勻晒佢全身上上下下,最後仲唔小心闖咗入曉琳個秘密小花園,又再一次留低咗啲嘢喺裡面。
「你咁曳,我要話俾Miss Chan聽你搞女同學。」曉琳把聲扮到好可憐咁嘅款。
「我諗Miss Chan應該無咁好氣去理我哋。」
「唔會囉,佢知道你對我咁衰,可能會直接攞把鉸剪出嚟閹咗你。」
「曉琳,話時話呢,你覺唔覺得Miss Chan咁靚女,以前讀書嗰陣肯定有好多男仔追佢?」我嘗試轉移話題。
「都話你係衰人嚟㗎啦,連自己班主任都唔放過…」
冤枉呢…曉琳又你錯咗重點啦,就算Miss Chan再靚女都好,我都未止於夠膽打自己班主任主意,師生戀呢啲咁凌亂嘅關係真係唔啱我,不過我依家同曉琳嘅關係何嘗又唔係曖昧不清吖,都分咗手但又晚晚煲電話粥,仲要早兩晚喺佢房卿卿我我,莫講話條情侶手繩我哋兩個都仲戴住…
至於搞大咗佢肚嘅呢單嘢,當然我好小心去應對,我又未摸清楚曉琳究竟有咩打算,但老實講句現階段我可以做嘅事又好限,頂多都只係盡量滿足曉琳想要嘅嘢,同埋平時多啲留意住佢嘅身體狀況。
啲人話,女仔啱啱有咗會成日作嘔又好易攰,雖則我見曉琳上堂有時都會恰眼瞓,但一到小息食晏時間又重拾朝氣容光煥發,我都有啲擔心萬一曉琳身體狀況有咩異樣,譬如同芯玲佢哋食晏嗰陣無啦啦要衝去廁所嘔,咁就可能會俾嗰幾個女仔發現,到時候都唔知點算。
何況我仲未接受到自己搞大咗曉琳呢個事實,唔通真係有朝一日要睇住曉琳個肚越嚟越明顯?咁到時候班上面啲同學肯定會察覺得到…唔止添啊,老師都會知道,曉琳嘅爹哋媽咪都會知道,時間一長根本上就無得隱瞞…
不過好在暫時呢幾日都算風平浪靜,芯玲佢哋又似乎未有發現我同曉琳經常偷偷見面,無事無幹終於嚟到呢個禮拜嘅最後一日,亦都係聖誕聯歡會嘅呢一日。
所謂嘅聖誕聯歡會,就好似之前Miss Chan講嘅咁,朝頭早咪每班各自喺返自己課室自由活動,想玩啲咩都可以,唔好玩到搞出人命就可以,跟住中午過後就齊齊落去禮堂聽歌唱比賽。
曉琳作為女班長,又係藍社康樂幹事兼連續四屆壁報板設計比賽冠軍,搞活動經驗豐富,計仔多多嘅佢一早就度好晒呢個朝早嘅活動流程,而我要做嘅嘢好簡單,就係負責幫手執行。
今日一大朝早,我就嚟到曉琳屋企樓下,等佢落嚟一齊返學,當然呢個係尋晚曉琳喺電話裡面嗲我嘅結果…
「陳佑男!」曉琳見到我又好似以前咁衝埋嚟。
「你套聖誕女郎裝呢?」我問。
「喺書包啊,講好咗唔會呃你㗎嘛。」曉琳笑咪咪咁捉住我手臂行。
「你確定我哋一陣間返到學校真係要咁著?」
「係啊,你諗吓喇,一陣聖誕聯歡會係我哋兩個負責主持,如果唔換返套聖誕cosplay衫,又點夠氣氛喎?咦咦你嗰套聖誕老人裝呢?」
「我有帶啊,喺書包。」我微微一笑。
「嘻嘻,算你啦,知道你唔會捨得抌低我要我自己一個人玩cosplay嘅~」
一諗到轉頭返到課室,班同學見到我同曉琳兩個著住套聖誕裝,我都唔知道佢哋會點諗…
聚賭最多罰三千
2023-11-5 04:33:59
11月 陸運
12月 準備聖誕聯歡會
12月某星期五 - 兩條線
依家係12月聖誕前
男哥幾時會帶曉琳去睇醫生....
kai心很難
2023-11-5 05:34:08
明顯扮嘢
:^(
變異紅毛猩猩
2023-11-5 08:09:40
好悶 淨係感覺係到拖緊
:^(
:^(
Ads
冰雪新地
2023-11-5 11:53:36
幾時會闖入子瑜嘅秘密小花園?
:^(
深夜甜品
2023-11-5 13:08:02
:^(
深夜甜品
2023-11-5 13:08:28
後面會精彩啲(應該)
大西北姿粉客
2023-11-5 13:53:05
男哥幾時帶曉琳去醫院登記呀
:^(
:^(
唔係諗住叫曉琳去落仔掛
上一頁
第 29 頁
下一頁