【I'm Back 】《病港II》(65)
上一頁
第 22 頁
下一頁
如何
2023-3-28 00:36:13
儲左三個月文又live左
:^(
呢班細路視覺好好睇!
Ads
近排好多人問我
2023-3-28 00:39:45
係咪要變特種了
:^(
二寶糖
2023-3-28 00:40:00
Ushhhhh
椒鹽蝦米
2023-3-28 01:25:13
係喎,少佐結婚嗰陣時娃娃艾匡雲水同枱㗎喎
高妹嗰台除咗有瑜小六韓湘仲有邊個?
星豆屎民
2023-3-28 01:44:56
科興 伏必泰
:^(
阿墳
2023-3-28 04:13:17
病必?
:^(
傻豬黎既
2023-3-28 04:14:12
:^(
:^(
:^(
講感情傷感情
2023-3-28 05:16:45
病肺
:^(
鳩毛sir
2023-3-28 06:21:27
啲名起得好撚正
:^(
:^(
文青死全家
2023-3-28 07:34:11
我依家先get到
:^(
萬言
2023-3-28 07:57:45
你唔講真係留意唔到
:^(
Ads
離人絮語
2023-3-28 09:16:01
個level應該係以指揮能力為主 所以唔係嗰啲單挑型嘅 公仔都算係咁
:^(
可可救傷隊
2023-3-28 23:46:16
Pushhh 文呢
墨說
2023-3-28 23:52:03
廣場正中矗立著精緻的人形雕像,採用水性雕塑泥製作,形象是十多歲的小孩,動作為手指天空,解說牌上寫著作品名稱──「末日神童」。
艾匡目光剛好放落雕像上,霍興便充當導遊給她說明:「依個細路我哋叫「神童」,曾經係我哋大學嘅先知。」
「先知?」
「佢都算係個中大神蹟,十幾歲就入大學,撞正咗末日,但唔知點解幾年後嘅某日,佢好似突然通咗靈咁,可以預測到好多事情,由天氣情況、校園政策、病者動向、糧食收成,佢都完全估中哂。」
「會唔會係背後有人造神?」艾匡不信這套。
「緊係好多人懷疑過,包括我在內,哈哈,但都無人搵到證據,相反佢仲利用各種預測慢慢將當時混亂嘅中大帶上咗正軌。」霍興神情相當欣慰。
「咁你哋應該當佢神咁拜?」
「的確有個社團當佢神咁拜,可惜係……」霍興臉色驟變,平淡地說:「佢已經死咗。」
「咁突然……」艾匡愣了愣:「點解嘅?」
「佢唔係被殺,而係喺好多人面前跳樓自殺,但無人知點解,可能係壓力太大?但佢死後的確令佢真真正正咁上咗神檯。每次經過廣場,好多大學人都會懷念佢,感謝佢曾經對大學嘅付出。」
末日神童雕像底下有群大學人閉目靜坐,看來就是崇拜神童的人。
「唔好同嗰班神學人行太近,佢哋不嬲神神化化,自成一角,成日想搵另一個神童出嚟。」霍興湊近艾匡耳邊低聲悄語。
「喔……」
「喂!新亞!」忽然,有名虛胖的男子高喊。
艾匡給他聲若洪鐘的叫聲嚇了嚇,霍興果斷牽著艾匡的手離開。
「咩事?」艾匡驚愕。
「佢哋準備四院會師,即係四間書院互相喊口號、鬥大聲鬥惡,你唔會想留喺到。」
「點解佢哋要咁做呢?」不曾入讀大學書院的艾匡,大概一輩子都想不明白。
「文化傳統係咁,世上有啲嘢係無得解釋。」
稍為參觀完文化廣場,艾匡便與霍興道別。
墨說
2023-3-28 23:52:13
回到國際生堂宿舍中,大家都圍在長桌前吃飯。
桌上不是什麼好菜式,但勞動幹活整天後扒口飯,吃什麼都是滋味。
「今日……大家點?辛苦你哋,我第一次病得咁重。」公仔能坐起來吃點東西,只是鼻音特別重。
「好悶,執書真係好悶,靈魂好似俾人掏空咁。」雲水雙手捂住整張臉:「好難想像之後幾十日仲要喺圖書館做。」
「陳生啲閱讀架賣得幾好,都分咗唔少錢,係招呼人招呼到就快聲沙。」娃娃撫著喉嚨。
「今日除咗捉棋賺錢,仲玩咗魔術方塊、拼圖,佢哋話我破咗記錄,送咗個獎品俾我。」嘎嘎拿出一個餐肉罐頭。
餐肉罐頭放上桌面一刻,大家都驚呆了。
「你哋唔鐘意食?」嘎嘎見他們沒什麼反應。
下秒,另外三個女生禁不住撲倒嘎嘎!
「點解你咁勁嘅!」
「你真係叻女……」
「我好耐無食肉喇嗚嗚。」
「過咗期未?」公仔拿上罐頭查看。
畢竟,末日都有十多年時間了,絕大部份舊社會前的食物,應該都過了保存期。
「佢哋話依罐係大學食品及營養科學研發嘅「末日罐頭」,保存期可以有三十年以上,話係平時資優生考試拎第一先會有嘅獎勵。」
「末日罐頭……以前港島都有類似產品喎,不過保存期最盡都係得十幾年。」雲水亦嘖嘖稱奇,湊近罐頭端詳:「大學依個可以三十年咁堅?」
餐肉罐頭開後不到十秒,眾人就吃得齒頰留香。
大家飯後滿足地小休,忽然門底下有張卡紙遞入。
「咦?」娃娃走去開門查看,卻不見有人。
「做咩?」背門而坐的艾匡問。
墨說
2023-3-28 23:52:24
「有人攝咗張卡紙入嚟。」娃娃蹲下撿起卡紙,閱讀上面內容:「如能答對題目,可獲千元獎金,完成測試後請遞交到人文館14號信架。」
接著卡紙的下方,便是智力測試題目。
「你哋睇下……」娃娃把卡紙放桌子上:「佢話答啱有收錢喎。」
「係咪有人玩嘢整蠱我哋?」雲水思疑著。
「咪即管玩下,反正無蝕底。」嘎嘎身子靠前,思考著題目。
智力測試沒有半句文字,全是一些極為相似的圖形,但圖形之間又有少許不同,並留下其中一個空格給測試者填寫答案。
「典型要搵出規律嘅智力題,等我諗下。」嘎嘎拿起卡紙回到自己床上躺著想著:「佢要寫名喎,我照填嘎嘎啊?對方會唔會覺得好怪。」
「我覺得應該會。」娃娃淺笑。
「我寫你個名得唔得啊艾匡?」
「哦,無所謂啊。」艾匡拍拍手,睡前給大家宣佈:「我差啲唔記得同大家講,我聯絡咗個人西醫學生,佢可以幫我偷少少藥粉,但索價四千,限期七日,所以……大家早啲訓好好努力工作。」
「係嘅女皇陛下……」雲水摟住艾匡的腰,一起躺到床上睡。
大西北遠征團,第十一天。
第二朝早上,嘎嘎的智力測試已經做好,艾匡替她將測試交到人文館的14號信架中。
同日的晚餐時間,不明人再次從門底遞入智力測試卡紙,並附上千元獎金,令大家大為震驚。
「居然係真……」娃娃握著那張千元獎金,驚嘆不已。
「仲有下一題!」雲水搶過智力測試卡紙,轉交嘎嘎手上:「嘎嘎,我哋可唔可以東山再起靠你啦,你係我哋智力擔當。」
「好。」嘎嘎再接再厲。
墨說
2023-3-28 23:52:34
如是者,往後的五日時間裡,大家繼續上班、吃飯、睡覺,並收取每日因智力測試題目得到的獎金。
大西北遠征團,第十六天。
距離購買藥粉的期限尚餘一天,猶幸艾匡已經儲夠金錢付給馮弼泰。
神學樓宿舍。
「一星期就拎到咁大筆錢出嚟……」馮弼泰點算著金錢,說話滿含意味:「睇嚟你為咗朋友,始終願意捨棄某啲道德觀念。」
「喂,弼泰你咁講係咩意思啊。」身旁的霍興推他一下。
「無咩意思,但你自己諗下喇霍興。」馮弼泰握起螢光筆,塞入霍興的中醫袍胸袋中:「世上無咁多女神,女人有錢就得……」
「我唔理你點諗我,總言之我要收到藥粉。」艾匡抱著手。
「放心,我唔會女人嘅辛苦錢都呃,拎到我會即刻俾你。」
交易結束後,艾匡走出神學樓,霍興跟在身後:「艾匡!艾匡……」
「做咩?」
「你點解會有咁大筆錢……」霍興眼神有些慌。
「賺囉。」
霍興有口難言:「唔係……唔係……做嗰種交易嘅皮肉錢?」
本來和悅的艾匡,頓時不愉:「喂,你點諗我啊霍興。」
「唔係,我只係擔心……」
「總之我賺啲錢係對得住自己。」
「艾匡……對唔住……」
艾匡對著他都不知說什麼好,唯有轉身離開:「下次再見。」
霍興看著艾匡的背影,落寂地回到宿舍中。
艾匡打算經中大校友徑落到崇基路上,那條路高樹林立,景色清幽,平常不被日光照耀,走起來比較舒服,
然而,艾匡行經順利橋時候開始察覺不妥,她的正前方站著個身穿神學服裝,頭戴希臘男性雕塑面具的高大男人,他擋住了去路,沒有讓路的意思。
艾匡回頭一瞥,竟見後方身穿同樣服飾的人,他們面具上更滲著兩行血淚,極為詭異,像某種邪教徒。
這些相同打扮的人前後共有十名,他們無聲無語地包圍住艾匡並慢步靠近,像慢慢接觸獵物一樣。
「你哋咩人……」艾匡下意識做出拔劍動作,卻忘記劍給關口人員收走了。
「你叫艾匡?我哋觀察你好耐。」為首的不明男士舉起厚厚的聖經:「你通過咗智慧測試,智商達138以上,你絕對有資格同「偉大的智慧」進行連結,依家先請安眠一陣。」
艾匡想要突破包圍,但都給可怕詭異的神學士用雙手推回到中間,直至他們用身體將艾匡緊緊密密地圍封住,然後那男人將高舉的厚聖經,痛快地砸落艾匡的頭頂上。
「啪!!」
豐乳交加100蚊
2023-3-29 00:09:00
然而,艾匡行經順利橋時候開始察覺不妥,她的正前方站著個身穿神學服裝,頭戴希臘男性雕塑面具的高大男人,他擋住了去路,沒有讓路的意思。
:^(
諗起呢個輝石魔法師
:^(
豐乳交加100蚊
2023-3-29 00:09:54
玩近戰成日畀佢本聖經打撚死
:^(
毒蟹座
2023-3-29 00:17:01
天腦個覆蓋範圍可以去到中大咁遠?😮
咁將軍澳區都應該覆蓋到
二寶糖
2023-3-29 00:19:39
屌,諗起逃學威龍
:^(
Ads
二寶糖
2023-3-29 00:20:50
天腦5g
:^(
湘B
2023-3-29 00:21:41
逢教必邪
星豆屎民
2023-3-29 01:34:59
小神童Gaga
:^(
我軼世一
2023-3-29 02:32:26
豬首領
:^(
上一頁
第 22 頁
下一頁
呢班細路視覺好好睇!