:^(
英國茶餐廳:蛋糕光復價7.21磅!!! - 分享自 LIHKG 討論區 https://lih.kg/3060569 612:英國手足為大家帶來「香港人市集」 - 分享自 LIHKG 討論區 https://lih.kg/3033257 華南行老闆Save留言 https://t.me/mobilising/455 英國KPI 欠薪呃香港人事件 - 分享自 LIHKG 討論區 https://lih.kg/btkRBKU
Ads
同埋,英國食材平過香港係事實,但牛油喺英國人眼中唔係平,唔該你班移英撚唔好再講牛油好平。-
相比大部分5+1嘅香港人,我算係最早走果批,當時嘅香港,無人夠膽亂同朋友講我好快會飛,不如食餐飯farewell啦。
當時嘅機場,離境大堂充滿住傷感,登機閘口無人打卡,就連小朋友都彷彿知道乜嘢事咁,無扭計唔會周圍跑,好安靜咁跟住憂心忡忡嘅父母搭飛機。
2021年嘅移英香港人(其實係「走難」)係好有愛,明明互不認識,喺超市撞見會主動關心你;見你未有車,會主動問洗唔洗車你返屋企,甚至整香港食物會特登整多份俾你,因為佢哋知道自己思鄉時,你一樣思鄉。
呢個,係2021年嘅移英撚。
但呢幾年所見嘅嘢,我除咗失望,只有失望。
自從移英之後,我一直都知自己食緊人血饅頭,我係踩住一大班手足嘅血汗咁過嚟英國開展新生活。但係,香港人嘅行為每日都顛覆緊我對人血饅頭嘅定義。
我一直都覺得,你要食人血饅頭唔緊要,我做好自己,我繼續同一班英國人講吓香港發生乜嘢事,我繼續關心住對面嘅烏克蘭難民,我對得住自己就可以。
直至我睇到,有所謂港人組織嘅創辦人,竟然話BNO Visa唔係手足打返嚟。我實在好難忍落去
(我知世柒都有claim過自己有份倡議5+1,不過白卡講嘢就唔洗咁上心啦)恕我見識少,我冇聽過你個名,香港冇,英國都冇。如果係因為我冇睇大紀元報導你哋,我向你道歉。
我從來都唔敢去否認任何一個香港手足所付出嘅血同汗,但原來,有人真係會否定每一個防毒面具背後嘅靈魂,每一個被捕流亡手足嘅付出。
致 Britons in Hong Kong 搞手 Windanz,你拎住支英國旗最多只係間接幫香港人爭取 BNO Visa,真正直接導致有BNO Visa嘅,係每一個喺街頭衝嘅手足,每一個哨兵,甚至係殺人嘅陳同佳,先係導致BNO Visa出現嘅主因,絕對唔係你揮果一陣旗可以做到。
-
慢慢地,後期移英嘅人好多都係有錢唔憂做,個個都買New Build獨立屋,形成各地大大小小所謂「香港村」,有人成部車運嚟英國,而大部分,都係唔洗返工終日講飲講食
點解喺啲地區谷講政治無人有反應,但講LIDL有椰子味雪糕有特價出前一丁就衝去搶?
點解好意思買成車黃Label特價貨?
點解放上谷仲有人會覺得搶到黃Label係成就?
你哋係咪唔知英國而家Living Crisis,求助Food Bank嘅人係歷年新高,有英國人可以窮到買完食物無錢開暖氣。
點解唔可以留返啲嘢俾最有需要嘅人?
你哋,係咪已經忘記咗2019年?定係你哋過嚟只係當退休?
-
香港人人品差,出名嘅香港人更加差,正嘢冰室嘅£7.21蛋糕,612香港人嘉年華市集,又或者華南行老闆無啦啦save低Telegram公海留言(華南行仲要食水咁深...)
做Recruitment agency嘅水人返工廠,自己公司做錯嘢搞到欠薪,反而日日恥笑移英香港人乜都唔識。
你哋掛住香港人幫香港人嘅旗幟,喺英國撚鳩香港人,幫香港人?幫自己咋下話?
-
寫到呢度開始覺得自己發洩緊,唔係好識點樣再講落去,做個少少總結就去瞓
多謝每一個睇到呢度嘅人,自知自己中文差,寫到1999,但你哋都睇到尾,感謝你。
2023年每日都好感恩自己仍然生存到,好人依舊很多,奈何一粒老鼠屎整死一鍋粥,見到老鼠屎好難忍住唔出聲。畢竟2021年嘅移英撚,同2023年嘅移英撚,分別實在太大。
最後用一個幾痴線嘅移英TG user嘅用詞奉勸一班食人血饅頭嘅香港人
藍狗扮黃嘅契弟,終有一日要現實見真章。
作為一個移英撚,我最憎就係移英撚。
少少Reference