石田佐吉三成 2017-9-13 08:56:27 推上水先

:^(

J痕叔叔 2017-9-13 12:30:15 上年先去完 伏見城

:^(

指原莉乃旦乃樣 2017-9-13 15:14:18 想問"太守"呢個係雅稱，⼀⼂⼂

指原莉乃旦乃樣 2017-9-13 15:14:45

想問"太守"呢個係雅稱，定真係有呢個官名？

銀河妖精 2017-9-13 15:23:06 巴打搵次講ねね様丫

:^(

身為女人我好佩服佢可以令秀吉咁尊敬佢

:^(

石田佐吉三成 2017-9-13 16:05:44

想問"太守"呢個係雅稱，定真係有呢個官名？

一國領導叫守護，如果掌管多個國，就會通稱「x州/x國太守」（其實都冇明定），例如今川義元、大內義興、尼子經久身兼數國守護

石田佐吉三成 2017-9-13 21:31:20

巴打搵次講ねね様丫

:^(

身為女人我好佩服佢可以令秀吉咁尊敬佢

:^(

北政所大人一向顧及各方，所以關原時無直接出面，即使我、仆街仔福島請求也好，都冇接受

:^(

Panzer_IV 2017-9-13 22:40:31

巴打搵次講ねね様丫

:^(

身為女人我好佩服佢可以令秀吉咁尊敬佢

:^(

北政所大人一向顧及各方，所以關原時無直接出面，即使我、仆街仔福島請求也好，都冇接受

:^(

但係或多或少係佢唔肯出面支持斬殺烏龜令到其他牆頭草歸左第2邊

:^(

虫吳虫公 2017-9-13 22:45:53 巴打介唔介意講吓係關東英傑傳個度俾你唔小心skip左既風魔小太郎
上次去日本時去左個風魔cafe幾得意

:^(

伊藤かりん 2017-9-13 23:19:31 fb既史檔都介紹尼子經久

石田佐吉三成 2017-9-14 00:27:10

fb既史檔都介紹尼子經久

多謝推介，意外發現好野

:^(

石田佐吉三成 2017-9-14 00:27:46

巴打介唔介意講吓係關東英傑傳個度俾你唔小心skip左既風魔小太郎
上次去日本時去左個風魔cafe幾得意

:^(

冇問題，我本來就打算補返
等尼子經久下篇結束後先

:^(

蕭斯達高維契 2017-9-14 02:31:32 巴打你戰國個post有無開blog之類做整合，容易啲睇

:^(

btw依幾日又炒返起本能寺之變光秀復興幕府説

:^(

班香港傳媒求其報道吹水話本能寺之謎解左，但成件事擺明望文生義

石田佐吉三成 2017-9-14 07:57:34

巴打你戰國個post有無開blog之類做整合，容易啲睇

:^(

btw依幾日又炒返起本能寺之變光秀復興幕府説

:^(

班香港傳媒求其報道吹水話本能寺之謎解左，但成件事擺明望文生義

我周末試下搵個Blog寫
有blog可以隨時修改返，都應該要架喇

:^(

伊藤かりん 2017-9-14 09:10:44

巴打你戰國個post有無開blog之類做整合，容易啲睇

:^(

btw依幾日又炒返起本能寺之變光秀復興幕府説

:^(

班香港傳媒求其報道吹水話本能寺之謎解左，但成件事擺明望文生義

我周末試下搵個Blog寫
有blog可以隨時修改返，都應該要架喇

:^(

有得分類既blog比較好

:^(

點解人要有名 2017-9-14 14:57:03 治部有冇興趣分享下你對油郎道三既睇法?

石田佐吉三成 2017-9-14 17:31:10

治部有冇興趣分享下你對油郎道三既睇法?

對佢不熟，只知大概而不知甚解，應該唔會分享

石田佐吉三成 2017-9-15 00:08:49

:^(

:^(

:^(

天目茶碗 2017-9-15 00:12:45 留名

:^(

無嘴貓 2017-9-15 18:32:22 幾時出埋下篇？

石田佐吉三成 2017-9-15 18:34:58

幾時出埋下篇？

預計聽晚

石田佐吉三成 2017-9-17 01:40:01 隨著大內、尼子兩雄激戰，夾在中間的安藝、石見兩國頓成主戰場，被迫表態選擇支持何方。1521年左右，尼子經久的影響力席捲整個安藝，國人大多望風歸順，作為最大勢力的毛利家亦被威脅，被迫轉投尼子，更被對方迫令殺死已退隱的家老 - 坂廣時，以及將兩名重臣送往出雲做人質，以換取對方信任，是毛利投尼子家的第一滴血。

大內家亦積極收復安藝失地，於1522年一度奪回嚴島神社及重鎮 - 鏡山城，但係尼子家亦開始動真格。1523年6月，尼子經久進攻鏡山城，並要求旗下安藝國人參戰，時年9歲既毛利家督 - 毛利幸松丸亦被要求出席，作為監護人既元就亦隨陣。但係，呢個安藝重鎮不易攻破，多治比元就利誘城主伯父 - 藏田直信叛變，最終響裏應外合下攻破鏡山城，城主藏田房信自殺，換取軍民平安。

多治比元就策略高明，卻擅自行動，早被尼子經久察覺，便故意在論功行賞時下令處死藏田直信，元就諫議：「藏田直信叛變，因為我答應保佢平安，並授與領地，人心歸附不是更好嗎？」

「歸附？年輕人(當時元就26歲，尼子經久65歲)，歸附的到底是我，還是毛利家呢？鏡山城係重鎮，既然有前科，豈能留之？」藏田直信被處死後，尼子經久故意邀請毛利幸松丸參與首級檢驗，年幼既幸松丸睇見猙獰既死相後，被嚇得倉皇失色，一個月後病逝，係毛利家既第二滴血。而多治比元就在家臣團署名推舉下，成為新任家督，「西國謀神」毛利元就正式誕生。



由於找不到元就年輕圖, 只好沿用《戰國無雙》

尼子經久忌憚元就，派龜井秀綱接近元就從弟 - 相合元綱，計劃扶植其為毛利家督，令對方忠心於己，並商議暗殺元就既計劃，然而在1524年4月，毛利元就急襲相合元綱，對方被殺個措手不及，當場陣亡。毛利元就得悉原委後，對尼子經久存有芥蒂，開始計劃叛離。

除左安藝外，尼子家響各地都有戰場，首先係東邊既伯耆國，之前忽略了，尼子家早於1506年就插手當地，扶植山名澄之爭奪守護，最終獲勝並安排尼子晴久就任守護代，變相建立傀儡政權。隨後，尼子家攏絡西部既日野郡，當地係重要鐵產地，以及進出備前、備中、美作國之要地，早有記載1524年已對當地直轄管治。然後，通說1524年5月尼子經久以閃電戰殺入伯耆，將山名澄之、南條宗勝等反對勢力逐出伯耆，俗稱「大永五月崩」，但實情是伯耆東部依然係山名、南條控制，聯合對抗尼子家，直到經久死後為止。

同年7月，趁尼子遠征伯耆，大內義隆、陶興房率25000兵進軍安藝，兵分兩路進攻櫻尾城、佐東銀山城，意圖收復失地，尼子旗下既武田光和、友田興藤死守兩地，前者在銀山城死守，令大內軍難以得手。尼子經久接到毛利元就既通報後，派牛尾幸清、龜井秀綱、河副常重等人救援銀山城，響毛利元就獻策下，尼子軍夜襲大內本陣，殺得大內軍倉皇撤退，但櫻尾城既友田興藤卻於10月投降。

1525年4月，陶興房再度入侵安藝國，今次唔選擇強攻，而係籠絡當地國人，毛利元就認為大內家做靠山，可助其擴大勢力，加上與尼子家既舊恨，就決心叛離，並游說天野興定投降，獲賜吉田郡山城西南部地區。

1527年3月，陶興房向安藝、備後進攻，降伏阿曾沼氏，並利誘白井氏倒戈，成功將廣島灣控制。為此，尼子經久7月親自南下，卻在備後細澤山擊破大內軍，但係大內派既山內直通最終拉攏和智氏叛變。隨著國人倒戈、連戰失利，加上大內家聯合山名澄之夾擊，尼子家響西國陷入苦戰。不過1528年12月，隨著大內義興病逝，大內軍退回本國，備後國人重投尼子懷抱，舒緩三年來既困局。

1530年，尼子經久三子 - 鹽治興久以養子身份，就任鹽治氏家督後，籠絡出雲西、南及備後北部國人，其中以三澤氏、多賀氏等昔日敵人為主，鹽治興久於該年背叛經久，有關背叛離由眾多，一說係不滿經久出兵過多(《出雲鹽治誌》)，但又有軍記物指：鹽治興久要求加封龜井秀綱既土地不果，而起兵謀反，雖然原因不準確，但尼子經久未能鞏固西部國人，係不爭事實。

鹽治興久聯絡大內家，向尼子家謀反，參與勢力包括出雲大社、鰐淵寺、三澤氏、多賀氏，以及備後山內氏等，尼子經久費盡心思，以新宮黨為首積極奮戰下，兩年便鎮壓內亂，鹽治興久逃到備後山內家避難。但係，由於大內、尼子兩家都轉戰他方，忽略安藝國發展，被毛利元就乘機坐大，1530年更將石見國親尼子派 - 高橋氏擊潰。

鎮壓動亂後，尼子經久亦逐漸淡出，軍務主要由新宮黨、尼子晴久負責，1532年晴久向東進攻美作國，但係被西部既三浦氏擊退。1534年，尼子晴久進攻備後國，要求山內家交出鹽治興久，否則城毀人亡，鹽治興久不想連累外父，便切腹自殺，終年38歲。由於興久之死，山內氏一年後與毛利家互通婚約，並協助昔日政敵 - 渡邊家回歸毛利，令備後、安藝兩大勢力和睦。

石田佐吉三成 2017-9-17 01:40:11 1536年初，尼子經久、晴久進攻備後國，攻破山內氏居城，迫山內直通退隱，再將其孫子 - 山內隆通繼承家業，將山內家納入旗下。自此，備後國國人幾乎歸順尼子，只餘下三吉氏等親大內、毛利勢力。同年，尼子、大內兩家爭奪石見多年，終於出現變化，東部國人 - 佐波隆連繼任後投靠尼子，石見國呈現東、西割據局面，加上石見銀山於4年前被發掘，兩家更積極搶佔當地。

安藝國方面，平賀氏為投靠大內、尼子一事內訌，成為西國雙雄亂入根據，尼子晴久打敗大內軍，趁機佔領備後北部、安藝山縣郡（西北部）等地區。隨著晴久表現日漸出眾，尼子經久於1537年讓出家督，正式退居幕後。尼子晴久上任之後，積極奪取石見銀山，然後由於京都出現光頭黨動亂，尼子家計劃上京並發起東征，向美作、備前、備中、播磨國進攻。

有關晴久東征過程，將列舉如下：
美作國：1537年攻打井之內城，並與三浦、草刈等國人持續交手，成功拉攏東部後藤氏加入。
備前國：1537年南下，浦上、赤松兩家一時和睦，堅拒尼子家，然而1539年浦上、赤松兩家兵敗，浦上政宗退堺港、赤松政村退走淡路島。
備中國：尼子家支持新見氏、庄氏等勢力，力壓親毛利既三村氏
播磨國：1539年攻陷西部既龍野城，並拉攏別所就治、明石氏等勢力

晴久兩年間既遠征戰績彪炳，簡直意氣風發，不過顧此失彼，石見銀山落入大內家手中。1539年1月，安藝武田光和病逝，大內、毛利趁機進攻佐東銀山城，由於繼任人 - 武田信實逃亡若狹國，尼子家決定藉此進攻安藝，意圖威脅國人，打倒大內、毛利家既戰略。為此，尼子晴久選擇以吉田郡山城為主要目標，尼子久幸認為大內、毛利強勢，不能輕舉妄動，反被晴久指責膽怯。



郡山城之戰前，西國勢力圖

1540年6月，新宮黨先沿備後國入侵安藝，但被毛利旗下既宍戶隆家於祝屋城擊退。為此，尼子晴久在8月號令出雲、石見、伯耆、備前、備中、備後、安藝、美作等國人參戰，率兵共三萬人兵分石見、備後兩路，向吉田郡山城進攻，可謂傾盡全國之力。

毛利元就率領軍民八千死守郡山城，向大內求援，並得到小早川、天野、宍戶等盟友幫忙，雖然贏得多場小戰，但尼子軍依然有壓倒性優勢。不過在10月於青山土取場既戰鬥時，毛利元就以伏兵擊潰尼子軍，更斬殺至少500人，令尼子軍轉向持久戰。

11月，以陶隆房為首既大內援軍經嚴島神社，參拜後趕赴郡山城，12月接近戰場，雙方約定於1月與尼子軍決戰。1541年1月，毛利軍出城突擊，與吉川興經既部隊激戰，同時大內軍從背後突襲尼子軍本陣，釀成混亂，尼子久幸奮戰而死，雙方激戰一日後不分勝負，各自收兵，傷亡人數相若。

雖然係不分勝負，但包圍多時早已損耗士氣，加上大內、毛利夾擊下，尼子晴久知道毫無勝算，下令從郡山城撤退。戰後，各地國人見尼子勢弱、大內強勢，開始萌生叛意，安藝國人友田氏、武田氏相繼滅亡，平賀氏叛投大內，１年後包括吉川、三澤、三刀屋、山內、多賀山等13個國人勢力亦背叛尼子家。



毛利元就：垃圾不管來多少，多是垃圾

隱居既尼子經久聽到敗訊後，感嘆一聲：「看來我死後，西國會係毛利元就呢個小子既天下了。」1541年11月，西國「謀聖」尼子經久病逝，終年84歲，早年以策略復興家業、統一出雲，到後來與大內抗衡、威壓山陰、山陽道國人勢力，令尼子伸手遍及十一國，因此被後世誇稱為「十一國太守」。

只是，長江後浪推前浪，尼子經久死後，雖然晴久仍維持七國領地，但誅殺新宮黨，以及國人相繼離叛後，埋下左尼子滅亡既禍根。後來毛利元就在嚴島之戰，奇跡地擊敗陶晴賢，取代大內成為西國之雄，此消彼長之下，尼子敗象漸呈。

就算經久聰明一生，亦想不到滅亡家業既，竟然在鏡山城那位意氣風發既年輕人。



尼子經久 (信長之野望 概念圖)

石田佐吉三成 2017-9-17 01:43:52 完成尼子經久後，你有以下選擇

A. 留在出雲
B. 前往石見
C. 前往安藝
D. 前往伯耆
E. 前往備前

石田佐吉三成 2017-9-17 08:33:11

:^(