柴田ミチコ 2017-9-24 01:21:15

冇追哂所有po
但有冇啲くノ一同姬武將史料？

:^(

:^(

只係略提立花誾千代、成田甲斐、妙印尼
女忍就冇寫，所以未有禰津巫女睇

:^(

雑賀蛍、井伊直虎呢

井伊直虎略提過，響關東英傑傳
雜賀我只著墨孫市

:^(

分明性別歧視

:^(

:^(

山崎腎人 2017-9-24 01:34:48 女忍正式史料應該好少、所以冇咩好講？

柴田ミチコ 2017-9-24 03:46:21

女忍正式史料應該好少、所以冇咩好講？

野史唔係史呀？

:^(

:^(

石田佐吉三成 2017-9-24 10:38:29

女忍正式史料應該好少、所以冇咩好講？

野史唔係史呀？

:^(

:^(

其實我有本百科全書講女忍，只係未諗住講

:^(

:^(

:^(

佐倉綾音BB 2017-9-24 11:56:06

女忍正式史料應該好少、所以冇咩好講？

野史唔係史呀？

:^(

:^(

其實我有本百科全書講女忍，只係未諗住講

:^(

:^(

:^(

反而藝妓刺客成功好似多過女忍

:^(

石田佐吉三成 2017-9-25 13:08:12 下一位人物預告

備前國，係山陽道、近畿出入走廊要道，戰國中後期亦歷經多場爭霸，而今次呢位人物見證住備前國既風雲前跡，佢又係邊個呢？

伊藤かりん 2017-9-25 14:06:20 點解我諗起細川家

:^(

中後期指秀吉統一果陣？

mirumiru 2017-9-25 20:12:18 宇喜多

:^(

石田佐吉三成 2017-9-26 00:26:21 備前大名 - 浦上宗景

今次介紹呢位人物，可能大家玩戰國遊戲都聽到，但只知大概卻不得其詳，又或者知道佢係備前國某位智將既手下敗將。雖然佢事跡不算廣為流傳，但在西國歷史上仍佔一席位。佢脫離傳統守護而獨立，聯合周邊勢力與毛利家爭雄，對政敵毫不手軟，呢位人物見證家族步入盛世，再衰敗而亡，精彩卻不亮麗，佢就係備前國大名 - 浦上宗景。

講到浦上家，就要提到宗景父親 - 浦上村宗，其於1521年以下克上，將君主 - 赤松義村刺殺，從而獨立成備前國大名，義村幼子赤松政祐持續頑抗，但一直被壓制。當時將軍足利義稙因為不滿細川高國而出走，浦上村宗就與細川聯手，擁戴足利義晴為新任將軍。擁戴將軍後，浦上雖然一度與赤松家共抗但馬山名家入侵，但畢竟有殺父之仇，兩家在事後繼續零星對抗，赤松政祐敗亡到美作國避難。

直到1531年細川管領內亂，細川高國不敵細川晴元一派，就搵浦上村宗幫忙，當時村宗勢力遍及備前、播磨、美作三國，為左全權控制播磨國，就出兵協助高國，並要求赤松政祐參戰。政祐表面應允，但早就私通細川晴元一派，6月兩軍在近畿天王寺一帶交戰，根據江戶創作書物《備前軍記》記載，當時戰況拉鋸，赤松政祐在背後倒戈，突襲細川高國軍。

「浦上村宗，為左報仇雪恨，我隱忍多年，今日時機成熟，納命黎！」結果浦上村宗當場戰死。赤松政祐與晴元一派聯手擊潰高國，細川高國被捕，被晴元要求自殺，赤松政祐恢復播磨實權，就與村上遺子 - 浦上政宗及浦上宗景對立。



有關細川高國、浦上村宗之死經過, 但是否已統一播磨, 仍言之過早

背景交代完畢，進入正題，浦上、赤松兩家勢成水火，但1537年一個天外來客入侵，令兩家一時和睦抗敵，佢就係尼子晴久。即使兩家聯手，面對山陰霸王尼子家，佢地毫無勝算，浦上政宗逃亡播磨國，兩年後尼子家擊敗赤松家，浦上政宗、赤松政祐逃亡到堺港避難。後來尼子晴久在吉田郡山城戰敗，撤出播磨，浦上、赤松響足利義晴幫助下回國，期間赤松政祐得將軍偏諱，改名「赤政晴政」。

響1551年前，浦上宗景一直仕政宗為主，但尼子晴久再度南侵，浦上兄弟就作戰與否產生分岐，政宗與尼子、備前松田氏結盟，但浦上宗景選擇對抗。1553年兄弟鬩牆，浦上宗景在天神山城與兄長分道揚鑣，並與備中三村氏、安藝毛利家結盟，宗景初時佔優，但政宗於1558年左右請尼子晴久南下，宗景一度面臨危機，不過尼子晴久在1560年暴斃，戰局再度逆轉，浦上宗景終於打敗兄長，將其驅逐到備前國東部，掌握實權。

浦上宗景奪權後，備前國人間既爭鬥尚未結束，屬下宇喜多氏與政宗派既松田氏繼續爭戰，1562年松田元輝佔下風，與浦上家議和，宇喜多直家更將長女許配給元輝之子 - 松田元賢，又將妹妹許配給松田家臣 - 伊賀久隆。雖然浦上宗景擺脫尼子家，但佢一直靠三村、毛利協助，講到底只係換個老細，毫無改變。1563年5月，浦上宗景與兄長和睦，內亂結束。但此時三村家親為擴大勢力，入侵美作國，攻打浦上家盟友 - 後藤勝基，並在備前西部既船山城阻截宇喜多直家，浦上宗景豈能坐視不理？遂與其宣戰，並於12月與毛利家斷交，宣告獨立。



浦上政宗 (信長之野望 概念圖)

1564年1月，浦上宗景收到兄長噩耗，呢度要交待前因，六年前兄弟對立期間，浦上政宗染指赤松家事務，將昔日戰友 - 赤松晴政放逐，擁戴其子 - 赤松義祐就任家督，晴政被逐後搵遠房親戚(龍野赤松氏) - 赤松政秀幫忙，自此赤松、浦上家既戰爭再度爆發。

浦上政宗與當地土豪 - 小寺氏建交，安排長子清宗與其屬下 - 小寺職隆女兒結親，原定1564年1月舉行大典。點知赤松政秀率領部隊，親臨現場為兩家「送鐘」，浦上政宗、清宗父子及小寺重隆當場被殺，次子浦上誠宗繼承家督，小寺職隆憤而與赤松氏對立。而浦上宗景呢？佢當時專心與三村家交戰，無暇理會赤松家。

1565-66年間，三村家親兩度攻打後藤勝基，根據通說三村家親在1566年2月入侵美作國時，被宇喜多直家安排派人埋伏鎗殺，但此說出自《備前軍記》，並非第一手資料，因此可信性存疑，但其於1566年逝世是不爭事實。趁三村家親病逝，宇喜多直家意圖擴張，於備前西部既明善寺築城。

1567年5月，本來浦上宗景不想理會東邊既姪仔，但因為佢籠絡播磨小寺家，宗景擔心佢因此坐大，就引佢到江見河原，將其暗殺，留低遺子由小寺家看管。7月，三村家督 - 三村元親為報仇雪恨，夜襲並攻破明善寺城，宇喜多直家見狀，就將周邊既岡山、中島、舟山城城主策反，孤立明善寺城。

石田佐吉三成 2017-9-26 00:26:49 宇喜多直家勸降明善寺城不果，就使計引誘三村元親出兵，對方在求證後，便聯合國人庄氏、石川氏率兵萬人救援，兵分三隊進軍，而直家就加緊明善寺城攻勢，瞬間攻破。結果，未知形勢既三村軍兵分三路，被宇喜多直家逐個埋伏截擊，三村元親更於主力戰被三面夾擊，慘敗撤退。自此，宇喜多直家穩守備前國西部，掌握備前既鐵砲重鎮。



明善寺之戰

明善寺之戰期間，宇喜多直家曾向松田元輝求救，但對方沒有反應，令直家不滿。1568年，宇喜多、松田兩家在金川城一帶狩獵，怎知松田重臣 - 宇垣與右衛門被宇喜多既人當成鹿射殺，引起宇垣一族不滿，但松田元輝唔想破壞關係，導致宇垣一族出走，家內不穩。宇喜多直家在7月趁機策反妹夫伊賀久隆，並於兩日後突襲金川城，松田元輝怒罵久隆，被對方既鐵砲隊鎗殺身亡，其子松田元賢與弟弟趁夜逃亡，但元賢在路上被伊賀久隆截殺，松田氏就此滅亡。

直家吸收松田氏勢力後，雖然名義上統領備前西部，睇落甚至凌駕主家，但浦上宗景勢力遍及備前、美作兩國，在宇喜多既領地上亦設有直屬官員，限制直家既統治，尚能將其控制。但係，直家亦逐漸產生不臣之心。

9月，播磨國出現變卦，赤松政秀計劃將女兒送到幕府做侍女，但係赤松義祐不滿政秀既逾越之舉，派小寺政職綁架其女，再請浦上宗景聯手討伐赤松政秀。為左得到兄長一族既遺領，浦上宗景出兵播磨國。1569年2月，雖然女兒被釋放，安全抵達京都，但赤松政秀因為不敵浦上家，而向幕府求救，時任將軍足利義昭，以及推舉者 - 織田信長聞訊，於8月派池田勝正支援。

播磨戰局立即逆轉，赤松政秀與別所安治、明石氏等東部勢力反攻，好快就將赤松義祐迫退到居城，並進迫小寺氏既姬路城。同時，有不臣之心既宇喜多直家會見織田使者後，起兵謀反，意圖夾擊浦上宗景。

赤松政秀攻打姬路城，由於兵力已被送往保護義祐，僅餘三百人可調配，一位年輕人主動在西邊埋伏，將赤松軍擊退。一個月後，赤松政秀本隊抵達，雖然初戰小寺氏因被突襲而失利，但呢位年輕人與父親 - 小寺職隆趁赤松軍恃勝而驕，夜襲反擊對方得手，斬殺赤松政秀多名重臣，赤松軍潰敗而逃。小寺氏以十倍之差勝利，全憑呢位年輕人既膽識，佢叫小寺孝高，亦係後世聞名既「黑田官兵衛」。



小寺孝高：「這場作戰, 正是在下既傑作」



青山、土器山之戰

雖然織田加勢，令赤松義祐、浦上宗景陷入危機，但僅維持一月便結束，原因係畿內局勢不穩，織田信長命令攝津部隊撤退。危機除去後，赤松政秀在11月向浦上宗景投降，西部龍野城一帶盡收浦上家囊中，而宇喜多直家因被孤立，就向浦上宗景謝罪投降，獲其赦免。

1570年起，當係浦上家積極擴張之時，當時毛利家稱霸西國，係最大威脅，浦上宗景在1569年10月，便與北九州大友家結盟，並且協助尼子再興軍在出雲活動，不過尼子軍在1570年已經被毛利軍逐漸壓制。11月，赤松政秀被浦上宗景毒殺，輾除龍野赤松氏既後顧之憂，而赤松義祐退隱，改由赤松則房繼承家督，浦上、赤松在該年合作攻打別所安治，未能得手。

1571年2月，毛利轄下既村上武吉，及其水軍叛投浦上家，但被小早川隆景擊破；當時浦上、三好兩家結盟，於5月共同進攻備前兒島，將小早川水軍擊退。同時，宇喜多直家攻打備中三村氏，奪取幸山城。一個月後，「西國謀神」毛利元就病逝，由嫡孫毛利輝元繼位，當時毛利需要面對浦上、大友、三好、尼子，以及但馬山名家、美作三浦家結成既包圍網，形勢險峻。

同年8月，尼子再興軍本據 - 新山城、末吉城被攻破，尼子勝久逃亡到隱岐國，山中幸盛被吉川元春活捉，將持續三年既再興活動鎮壓。9月，浦上軍在備中佐井田城擊敗毛利、三村聯軍。不過昔日盟友，美作國既後藤勝基與浦上斷交，浦上宗景包圍三星城。

石田佐吉三成 2017-9-26 00:27:00 1572年，大友家與毛利家和議，令毛利全力投入東部戰場，面對毛利兩川既壓迫，浦上家逐漸不敵，請求足利義昭出面，協助與毛利進行議和。最初毛利輝元並不接受，更收復備中國部份失地，但係該年10月輝元改變立場，與浦上家和議，結束為期三年既戰事，後藤勝基見雙方議和，就與浦上家重修舊好。



浦上宗景 (信長之野望概念圖)

1573年期間，除左暗中支持尼子再興軍，浦上、毛利之間並冇明顯衝突，浦上宗景在12月派人拜訪織田信長，在其斡旋下與別所氏和解。當時足利義昭已被信長放逐，將軍一位懸空，織田信長並非將軍，無幕府既正式任命權，不過就頒佈朱印狀，令浦上宗景得到相當於備前、美作、播磨三國守護地位既加許，但此舉激起播磨國人不滿，因為浦上只係控制西邊，東邊勢力如小寺、別所、明石，甚至赤松氏都唔係佢下屬，所以略為反感。

宇喜多直家見狀，又萌生不臣之心了，佢聯絡小寺政職，暗中接收浦上誠宗遺子 - 浦上久松丸，可見小寺氏對浦上宗景不滿。1574年3月，宇喜多直家為爭取獨立，與毛利輝元結盟，並宣佈擁戴浦上久松丸，向浦上宗景謀反，今次宇喜多有久松丸做擋箭牌，令備前、美作部份國人亦參與起事。

備中既三村元親得知毛利與仇人結盟，便與織田信長私通，信長承諾可得備中國及部份備後領地後，三村元親與毛利家決裂，將宇喜多直家困在備前國，毛利輝元於1574年11月出兵討伐三村氏。有趣的係，雖然宇喜多被夾擊，但浦上、宇喜多兩軍當時冇太多行動。

直到1575年4月，宇喜多直家向天神山城一帶進攻，雙方互有攻守。5月，三村家親兵敗自殺，毛利輝元在6月掃蕩殘黨後，將備中國南部贈與宇喜多，浦上家失去備中盟友後勢孤力弱，美作國盟友 - 三浦氏又被毛利、宇喜多兩軍圍攻。9月，由於重臣相繼叛離，天神山城陷落，浦上宗景逃亡到播磨國，後寄身到織田家，由荒木村重安置，其後不見記載。

浦上家係備前國最大勢力，在村宗時代開始擴張，力壓播磨守護赤松氏，後雖經歷兵敗及尼子晴久入侵，但浦上宗景收復失地，最大範圍遍及備前、播磨、美作，以及備中、出雲部份領地。為主導對抗毛利家既工作，組成廣大既西國包圍網，在當時形勢，無人會想像浦上家會瞬間崩塌。後來浦上家在織田、毛利下失去外交主導權，導致宇喜多直家離反，結果僅兩年就被滅亡，一代備前大名被備前智將下克上，導致家只會談及宇喜多直家，而浦上宗景既事跡卻因為失敗，被後世淡忘。



宇喜多直家 (軍師官兵衛劇照)：到頭來, 你的還是我的, 多謝曬了

石田佐吉三成 2017-9-26 01:31:00 中間冇提到第二次尼子軍再興，因為當時浦上家集中在山陽道，敬請見諒

石田佐吉三成 2017-9-26 07:15:23

:^(

:^(

石田佐吉三成 2017-9-26 12:17:03

:^(

Panzer_IV 2017-9-26 12:30:02 咁宇喜多家外傳呢

:^(

飛膠鑊 2017-9-26 12:46:28 對浦上家既印象真係只有畀宇喜多下剋上

:^(

同埋三村家其實都好似幾多動作下，對三村元親最有印象都係之前去完既備中松山城

:^(

石田佐吉三成 2017-9-26 13:16:51 呢度補返些圖，驚大家搞唔清位置



1569年播磨國 勢力圖





備前國勢力圖 （包括後來秀吉西征路線）

可樂可樂 2017-9-26 13:23:34 留名

:^(

石田佐吉三成 2017-9-26 13:26:43 再修正一點，最後段將三村元親打錯成家親

:^(

石田佐吉三成 2017-9-26 13:40:31

對浦上家既印象真係只有畀宇喜多下剋上

:^(

同埋三村家其實都好似幾多動作下，對三村元親最有印象都係之前去完既備中松山城

:^(

因為松山城係佢據點

:^(

三村家唔差，話曬係山陽道對抗尼子家既主力之一，又與毛利關係良好。但因為織田信長開始染指西國，毛利必須在山陽道對抗，就要籠絡宇喜多，先收拾浦上家，三村家不忿就反了

呢個轉變既始作俑者，係小早川隆景

:^(

三村家就咁做左毛利砲灰

石田佐吉三成 2017-9-26 14:37:54 訪問完浦上宗景，又到左選擇題了

A. 前往播磨國 （陸路）
B. 前往讚岐國 （海路）
C. 前往備後國 （陸路）
D. 留在備前國

伊藤かりん 2017-9-26 17:19:40

訪問完浦上宗景，又到左選擇題了

A. 前往播磨國 （陸路）
B. 前往讚岐國 （海路）
C. 前往備後國 （陸路）
D. 留在備前國

C！

mirumiru 2017-9-26 17:30:10 不如講完尼子先

:^(

石田佐吉三成 2017-9-26 17:32:09

咁宇喜多家外傳呢

:^(

會根據各位選擇決定

:^(

伊藤かりん 2017-9-26 17:37:13

咁宇喜多家外傳呢

:^(

會根據各位選擇決定

:^(

有興趣！
我選擇留係備前 ok?