【正廢柴】想溝到女千祈唔好學我咁
上一頁
第 4 頁
下一頁
田一榮
2023-2-8 00:14:10
之後我哋就去一個好大嘅活動室,入到去,見到唔同嘅小朋友圍住張檯咁坐成一組組,我哋根據返之前俾我哋嘅編號,去返相應嘅檯同小朋友見面。
「醒定喇!」一路行過去,洛賓都對我作出「最後叮囑」。
「Hello,四位小朋友,你哋好!食咗午飯未啊?」我哋組有四個小朋友,兩男兩女,一去到,阿南就好熱情咁同佢哋打招呼,完全唔洗熱身。
「嗯…」但可能怕生嘅係小朋友,佢哋只係羞怯咁點點頭。
「等我哋介紹吓自己先,我叫做子晴姐姐,佢叫做南南姐姐,後面兩個高大嘅哥哥叫做賓哥哥同埋正哥哥,你哋呢?叫咩名啊?」子晴承接阿南嘅活躍,接力將我哋介紹俾小朋友識。可惜幾個小朋友仍然冇乜反應,子晴嘅眼神中都掠過一絲不知所措。
「Roar!! 呢個小朋友叫咩名!唔講嘅話恐龍仔就會嚟咬你哋!」
Ads
田一榮
2023-2-8 00:15:29
出聲嘅係洛賓,佢扮成恐龍仔哄啲小朋友,估唔到其中一個小朋友真係有反應,「唧!」一聲笑咗出嚟。
「我…我叫陳若儀!」
「Roar!若儀小朋友你好!恐龍仔放過你啦咁!咁你呢?」佢擰向另一個小朋友到,果個小朋友都即刻講咗佢個名。
「鄭智輝!」
「簡千千!」
成功哄到小朋友嘅洛賓對住子晴笑咗一笑,子晴眼神入面亦充滿咗感激。佢哋三個都分別同小朋友溝通過,只有我仍然碌木咁企咗喺到。
「最後得返你喎!」洛賓將龍爪手伸向淨低嘅男仔身邊。
「無聊。」估唔到呢一招,去到最後關頭,失咗手。
田一榮
2023-2-8 00:52:51
夜已深 同聽朝睇文嘅打聲招呼先
:^(
田一榮
2023-2-8 15:32:20
推一個
:^(
我愛金旼炡冬冬
2023-2-8 15:55:00
Lm
田一榮
2023-2-8 18:49:34
謝謝你
:^(
田一榮
2023-2-8 18:54:13
「喂,俾吓面好喎。」洛賓見失手,就用返個「成熟」啲嘅方法溝通。
「佢!過嚟啊,過嚟我就話你知!」小朋友指住我。
「我?」突然被點名嘅我都一臉茫然,但為咗活動都唯有照做。
「你叫咩名啊,小朋友?」我踎低身,遷就返小朋友嘅高度問。
「Sa!哈哈,傻仔啊!我叫趙敏聰,記住我啦!」突然,眼前變得灰濛濛,好似有啲濃煙攻入眼,睇清楚之後先發現,原來個小朋友將一早準備好嘅粉筆粉儲落杯,然後兜頭淋咗落我到。
突然受到襲擊,一浸火滾嘅怒氣喺我體內湧緊上嚟,當我正想怒罵呢個囂張跋扈嘅小朋友果陣,有隻手搭咗落我膊頭。
田一榮
2023-2-8 18:55:34
我轉身一望,係阿南,佢對住我搖搖頭,應該係示意我唔好喺到發難。
「喂,聰聰,做咩整蠱哥哥啊?」阿南踎咗喺我隔離,問個小朋友。
「佢個樣好懵囉,傻更更咁。」
「咁都唔可以咁樣整蠱哥哥㗎嘛,啲粉咁污糟,要同哥哥玩,咁樣都得㗎!」阿南突然鏈住我下腮,隔硬嘟起我個嘴。
喺俾佢整嘅一瞬間,感覺到佢好嫩滑嘅肌膚,突然受到咁大衝擊嘅我,心跳直接跳升至一分鐘180下左右,我感覺到佢再唔放手我有可能當場暴斃。
「哈哈哈,金魚哥哥啊!」隔離嘅三個小朋友即刻笑咗出嚟。
「哼,仲樣衰咗。」
睇嚟,呢個趙敏聰,會係一個相當難搞嘅小朋友。
田一榮
2023-2-8 19:02:05
我哋同小朋友玩咗幾個阿南同子晴諗嘅小遊戲,都係一啲簡單嘅Ice Breaking Game,好快,幾個小朋友都已經融入咗呢個快樂嘅氣氛。估唔到喺咁狹小嘅房間入面,選擇玩呢啲小遊戲竟然係上策,其他組表演魔術、話劇呢啲需要一定空間嘅活動反而變得礙手礙腳,小朋友嘅反應亦唔算太激烈。
「佢哋又幾聰明喎。」洛賓都靜靜雞同我講。
喺休息期間,我地一人負責睇住一個小朋友,聰聰淨係肯跟住阿南,洛賓睇住阿輝,千千交咗俾子晴,而我就負責照顧若儀。
「正哥哥你食!」若儀竟然將佢頭先玩遊戲贏嘅甜糖送俾我。
「你唔食?」
「食完糖先會開心啊嘛。」
「我都冇唔開心。」
「你頭先一直都冇笑嘅。」
田一榮
2023-2-8 23:06:38
連小朋友都睇得出,可想而知頭先我係幾唔投入。雖然頭先一直玩遊戲,但係我都冇參與太多,最多喺側邊輔助一下,需要嘅笑容自然亦欠奉。
「哧!你食啦。」估唔到我會俾個小朋友哄返轉頭,我摸一摸佢個頭,突然覺得小朋友獨有嘅純真,真係好珍貴。
雖然我從來冇歧視過佢哋,但之前咁樣話佢哋,實在係有啲過意唔去。
「啊!!」若儀突然間嗌咗出嚟。原來係聰聰喺後面扯咗佢頭髮一下。
「咁咋㗎,唔好玩!」佢正打算轉身走嘅時候就俾我捉住咗。
「做咩啊!俾我走!」聰聰不斷掙扎,但佢當然冇我咁大力。
「整痛女仔仲想走?」
田一榮
2023-2-8 23:08:15
「咩事?」洛賓帶住輝仔行過嚟。
「個細路冇啦啦抆人頭髮。」
「鬼叫佢唔扎頭髮!放開我啊!」
「嘩,佢賴皮嘅功力比得上你。」洛賓細細聲咁笑住同我講。
「彈啦你。」
「放開你都得,你同若儀道歉先。」我對聰聰講。
「睬你都傻!唔道!」
「算啦正哥哥,我都唔痛啦...」若儀拉一拉我衣袖。
「若儀,唔可以俾易俾人恰㗎。遇到唔公平嘅事要爭取到底。」
「聰聰,你講聲對唔住啦!你係男人,要保護女仔,唔可以傷害女仔知道嘛!」呢個時候,阿南都走咗過嚟勸喻佢,但語氣溫柔好多。
Ads
田一榮
2023-2-8 23:10:15
「唔要!」之後佢就走咗去,呢個時候,唯有搵龍Sir幫手。
「唉,佢成日都係咁,等我去睇吓佢啦咁,唔該曬你哋!」
「佢細個應該有啲好差嘅經歷。」我自言自語。
「我都覺得係。」點知俾阿南聽到,佢講先之後又靜靜雞走咗去。
「若儀,哥哥同你講嘅嘢你記唔記得?要堅強啲。」之後,佢再同若儀複述我頭先講過嘅說話,然後再望住我笑一笑,咁係咪代表佢冇再嬲我?
直至活動嘅下半節,聰聰先再返返嚟。
「大家好,相信上晝大家同小朋友都有一定認識,嚟緊嘅活動應該可以令大家對小朋友了解更加多。」龍Sir正向我哋交代下半節嘅活動詳情。
「我哋會喺成個院舍裡面放唔同嘅寶藏,記事簿上面嘅提示就係寶藏收藏嘅地方。同學們就要同小朋友一齊搵到呢啲寶藏,集齊先後就要返嚟呢到交俾我,最快嘅一組當然有禮物啦,而最慢果組就會有小懲罰㗎啦!」
田一榮
2023-2-9 09:37:10
:^(
:^(
Robert-Pattinson
2023-2-9 10:07:19
一口氣追哂,又幾好睇
:^(
不過咁,除非你諗住出十萬字嘅小說,如果唔係樣樣嘢都寫到咁detail 驚你會棄故
:^(
:^(
:^(
田一榮
2023-2-9 16:21:58
只要有人睇都會盡做
:^(
多謝你
:^(
基緊30(cm)
2023-2-9 16:24:45
lm
KieranTierney
2023-2-9 16:24:59
Lm
全港最大PR討論區
2023-2-9 16:56:17
lm
田一榮
2023-2-9 19:05:32
係咪真事 竟然連續三個都係lm
:^(
墨言
2023-2-9 20:48:16
Ok
墨言
2023-2-9 20:48:35
Lm
Ads
印傭撈麵
2023-2-9 21:15:30
Lm
咩叫眼前一黑
2023-2-9 21:34:25
LM
田一榮
2023-2-9 23:29:27
:^(
:^(
感謝大家
Btw 又和咗皮
其實大家係咪特登嘅
:^(
田一榮
2023-2-9 23:32:10
我哋由一個大組再拆分做兩個細組,各自帶住兩個小朋友。唔知有心定無意,洛賓第一時間話同子晴一組。
「喂,你搵嘢叻唔叻㗎?」阿南問我。
「唔叻。」我好敷衍咁講。
「咁你就跟住我啦!」
「點解?」
「我哋要贏啊!」佢戰意十足咁講。
其實洗唔洗咁認真,我原本諗住慢慢搵,唔做最後就得。
活動一開始,聰聰就一支箭跑走,我同阿南叫都叫佢唔住。
「喂,我哋要商量下去邊到搵先啊!」若儀向住遠方嘅聰聰大嗌。
「傾得嚟都搵完啦!快啲搵好過啦!」但聰聰冇理到我哋,依然獨自去尋寶。阿南見到咁就即刻追上去,得返我同若儀兩個好迷惘咁企咗喺到。
上一頁
第 4 頁
下一頁
「醒定喇!」一路行過去,洛賓都對我作出「最後叮囑」。
「Hello,四位小朋友,你哋好!食咗午飯未啊?」我哋組有四個小朋友,兩男兩女,一去到,阿南就好熱情咁同佢哋打招呼,完全唔洗熱身。
「嗯…」但可能怕生嘅係小朋友,佢哋只係羞怯咁點點頭。
「等我哋介紹吓自己先,我叫做子晴姐姐,佢叫做南南姐姐,後面兩個高大嘅哥哥叫做賓哥哥同埋正哥哥,你哋呢?叫咩名啊?」子晴承接阿南嘅活躍,接力將我哋介紹俾小朋友識。可惜幾個小朋友仍然冇乜反應,子晴嘅眼神中都掠過一絲不知所措。
「Roar!! 呢個小朋友叫咩名!唔講嘅話恐龍仔就會嚟咬你哋!」