座右銘 2023-2-13 02:19:39 放到800年已經想像中長

座右銘 2023-2-13 02:26:08 當初應該加多少少普通人嘅位置，揀無乜地位但有才能嘅人先啱，揀啲做唔到野嘅二世祖，不如揀爆爆哥依啲，起碼係爆炸專業級，啲二世祖可能少一個位都比屋企放棄咗。

:^(

大西北姿粉客 2023-2-13 02:26:11 基本上無人會理

大西北姿粉客 2023-2-13 02:27:03 其實冇得揀，你估啲有錢人唔會盡量揀多啲自己人入去？

座右銘 2023-2-13 02:33:41 地位最高最有錢個級就有得上曬啫，中間個啲政府大鳩佢地就唔敢嘈，好似阿凱咁都無位坐，只係唔會分位比無地位窮撚。
嚴格嚟講就係選擇錯誤，先會得出剩返幾百年就人類收皮嘅結果

:^(

黑椒牛丸河 2023-2-13 08:43:28 阿當都唔係人

:^(

陳立正VantaBlack 2023-2-13 15:24:16 「請稍等。」

秘書姐姐拉上門，我和爸爸坐到一個類似會議室的房間中，落地大玻璃使我們可以鳥瞰大半個方舟城，米寧雕像，方舟廣場，維多利亞大街，方舟城變得如積木一樣迷你盡收眼底，甚至連邊陲地帶的登月梭發射基地也能看到濃煙滾滾，大概又有某艘登月梭正準備升空。

連宇宙也能橫渡了，上月球就和以前去長洲那樣簡單吧。

這片美景，顯得走廊玻璃對面大堂中央的末日倒數特別刺眼。

距離世界末日：８０３年１７９日

「……」我爸看著那倒數也若有所思，希望別刺激到他。

按阿當的說法，現時於新地球再次崛起的人類文明依然搖搖欲墜，它會實時計算，評估文明安全度，並推算世界末日來臨的日子，而阿當的任務就是不斷把這末日倒數推後。這倒數是在說如果我們甚麼也不做，甚麼也不去改變，按現有制度繼續走下去，這新地球上的文明就是會於８０３年後毀滅。

相同的裝置於方舟廣場也有一個，用意是提醒所有人眼前的烏托邦並非永恆，除了珍惜，更加要提防文明癌的威脅。

「啪～」

我按下牆上的輕觸屏幕，玻璃變成黑色磨砂，倒映著我爸的影子。

用意，當然就是不想他一直盯著外頭的末日倒數看。

同一時間走廊響起有規律而沉重的腳步聲，接著秘書姐姐再次打開大門，一個拿著一把木刀的男人走進來，裝上穿著普通的深藍色西裝，但胸前別著的分別是星衛局與星軍的盾徽。

「阿平，要你等，唔好意思。」

他嘴上這樣說，但臉上沒有一絲真的不好意思的表情。

「唔緊要，我同莉莉都係岩岩到。」我爸站起來說，「莉莉，呢位係文凌雲將軍，星衛局星軍既總司令。」

也就是總統之下，便是星衛局局長，局長下面就是這人。

真的有夠份量。

「尋日就係佢出左少少力，幫你說服個個人既家長唔追究你。」

「…唔該你，文將軍。」

老實說，我說出文將軍這三個字時還是有點遲疑，因為眼前這人沒有一絲將軍的樣子。

一般來說將軍都是梳平頭，整條手臂都是紋身，古銅膚色，臉上有幾道疤，戴著墨鏡叼著雪茄拿著機關槍的那種硬漢吧—至少貝兒姐姐說的那些故事中將軍都是長這樣。

但眼前的文將軍官仔骨骨，西裝畢直，帶著金絲眼鏡，連頭也梳得油亮，這…真的是將軍吧。

「唔使客氣，莉莉。」文將軍點點頭，「只係一個電話，幫到你就好，當然我有向總統報告。」

「……」我不知怎樣回話，我的事竟然直接報告給總統了？

「唔好意思，莉莉佢係咁，係有少少怕生。」

「無妨，莉莉，我幫你個時係唔講求報酬，當我確認你無事後，我先向你爸爸提出想見一見你既意願，亦有交代原因，阿平亦話要同你媽咪商量，好在最後我都見到你。」

「咁點解…想見我？」

「我有個提案，不過…」文將軍斜眼望向爸爸，言下之意當然是要他避席。

「唔緊要，我出去等你地，唔該晒你，二號。」

「喂，我唔用呢個名好耐喇，文雀。」

我爸只是笑笑便走了出去。

「坐，莉莉。」

我和他坐在會議桌的一個角落，整個氣氛突然變得好像甚麼面試似的。

「我睇過你既資料同背景，你似乎唔太適合傳統學校，黎左兩年亦未融入到係咪？你呢身校服…裙改短左，襪改長左，鞋加左踭，睇黎你老師都放棄。」他打量我說。

「嗯，我唔理佢地。」

「你下年升中四？」

「係。」

「我地…有個新計劃，目標係由細培育軍隊既人才，所以想邀請你中四開始轉黎我地星衛局既軍校開始就讀中四，之後就係中五，中六，然後四年大學既一條龍升學。」文將軍一邊說一邊雙眼在空中左看右看，應該是在操作著只有他才看得到的AR介面。

「軍校…?」

「無錯，四年大學畢業後，你就可以直接加入我既星軍，為保衛行星效力，你覺得點？」

「無興趣，我連普通學校既紀律都唔想守。」

「呢個計劃之所以叫新計劃，就係佢同傳統軍校唔同，我地唔太重視紀律，而係想你地忠於自己地咁為方舟城效力，保護所有人既日常，改制服？無問題，遲到早退都無問題，只要你完成到任務就可以。」

這倒有點意思，難怪說可能適合我。

「有興趣？」

「…少少。」我的確心動了。

「咁就好，但係我都要考考你對新地球既認識，始終你唔係係方舟城土生土長。」

「依加真係面試？」

「你當係，但唔使緊張，只係普通地問問。」

「我盡力。」

文將軍點點頭：「三階市民係邊三階？」

「所有人都係第一階，可以領取基本生活月費，有基本市民權；而只要去工作或者讀書，每日工時上限四小時，每周工作日上限四日，就可以領取一點五倍既每月生活費，而專業人士或者營運者，每月可以領取一點七五倍既每月生活費。」

「幾好…歧種人係點黎？」

「歧種人來自其他方舟，佢地本身都係逃離舊地球既人類，但係因為放棄及拒絕阿當既帶領，於是文明再次步上舊地球既後塵，環境被嚴重破壞，核子戰爭引致末日等等…失去家園既佢地開始對繁榮既方舟城８５２虎視眈眈，企圖入侵並佔領我地既家園。」

「睇黎你返學都真係有聽書。」文將軍點點頭。

「咁我係pass左面試？」

「畢竟你都只係係方舟城生活左兩年，唔可以要求太高。」文將軍笑一笑，卻沒有回答我的問題。

然後話鋒一轉。

「你覺得星軍係負責咩？」

「太空作戰。」

海陸空三軍，與負責太空作戰的星軍，正是星衛局旗下的四大部隊。

「的確，星軍負責太空作戰，特別係對付歧種人，但畢竟唔係日日有歧種人試圖空降，所以除此之外我地仲有任務…比較低調既任務。」

「低調任務…？」

「我去個廁所先再返黎同你解釋。」文將軍突然用一個超唐突的藉口離場，他站起來後馬上秘書姐姐幫他開門然後又帶上，接著我才發現他剛剛拿在手上那格格不入的木刀正放在桌子上。

正當我還未搞清楚甚麼事，突然燈光熄滅，接著「砰砰砰砰」四聲，四個穿著護甲的人從假天花垂降下來，手上的電筒在黑暗中照向我從四個方向把我包圍，腰上還繫著垂降而下的繩子。

「莉莉，楊，勒菲弗爾，我地係黎攞你命！」

這是甚麼中學話劇社的九流劇情？他們認真的嗎？

不過既然文將軍你想這樣玩的話—

拔刀。

牧羊記 2023-2-13 16:14:04 二號本身係邊個

:^(

係咪保護楊芷欣
已經唔記得咗

陳立正VantaBlack 2023-2-13 17:34:22

:^(

陳立正VantaBlack 2023-2-13 17:35:36 即使你有建造方舟相關方面既技能
都係要靠人脈的
就同普通社會一樣

陳立正VantaBlack 2023-2-13 17:36:33 方舟就係用社會地位黎衡量一個人既存在價值

:^(

陳立正VantaBlack 2023-2-13 17:37:38 齊老大四大頭馬
二號，文書型，個時係公務員
專幫楊芷欣收拾殘局同打關係摸底之類

:^(

座右銘 2023-2-13 17:50:10 所以咪咁多人有能力但無位上
我講方舟啫

:^(

座右銘 2023-2-13 17:50:57 所以就得800年貨仔

:^(

大西北姿粉客 2023-2-13 22:45:45 ai嚟啫

:^(

:^(

大西北姿粉客 2023-2-13 22:59:34 1號先係欣欣條仔

黑椒牛丸河 2023-2-13 23:17:40 係咪有個零號？錘妹？

大西北姿粉客 2023-2-13 23:39:29 錘妹係0號

座右銘 2023-2-14 00:21:22 零係錘妹
一係楚思洛 楊芷欣男朋友
二上面出咗
三係言寄葉師父 係win訓練人

座右銘 2023-2-14 00:41:02 話時話 錘妹都上咗方舟 會唔會出場？

牧羊記 2023-2-14 00:42:47 唔係香咗咩

:^(

:^(

座右銘 2023-2-14 00:59:40 唔係揼咗爆爆哥 比許少傑打 之後舜兒同三號救咗佢？
幫齊老大做野有得上船，係一號掛住溝女變咗無得上

狩獵夢的人 2023-2-14 01:04:05 留名支持

牧羊記 2023-2-14 01:26:24 屌
香嘅係傻釘

:^(

:^(

:^(

有啲亂 sorry

:^(

牧羊記 2023-2-14 01:26:53 一號唔係俾楊子平推上去？