大西北姿粉客 2023-3-13 23:23:59 莉莉沉船了

:^(

:^(

座右銘 2023-3-13 23:42:15 白虎 朱雀部隊：本身都無乜戲份就收咗皮，連寫歧種人都係寫玄武部隊

:^(

濃霧 2023-3-14 00:53:58

「係。」阿當直認不緯，「佢地從來唔會有機會傷到你地，我限制左佢地既科技水平，係歧種人母艦內，佢地身上既動力外骨骼會因為接收住信號保持待機，除左離開艙內既個１１個。」

明明接收住待機信號，點解果11件歧種人會走左出來？

:^(

:^(

係亞當特登放佢地出來，反正就算唔放佢都知莉莉會入去船艙調查，倒不如俾莉莉親眼睇晒個真相？

資訊太少冇乜得推論。

濃霧 2023-3-14 00:59:27 BTW 今日冇文，樓主可唔可以答埋呢個？

:^(

:^(

陳立正VantaBlack 2023-3-14 09:59:05

:^(

黑椒牛丸河 2023-3-14 17:19:27

:^(

陳立正VantaBlack 2023-3-15 10:30:36 CHATGPT既本體「GPT」已經出左第四代, 叫「GPT-4」
佢有幾聰明呢？

例如，GPT-4 在模擬律師考試的成績在考生中排名前 10% 左右，在 SAT 閱讀考試中排名前 7% 左右，在 SAT 數學考試中排名前 11% 左右。

咁佢有咩問題呢?

該模型仍然有“幻覺”或編造事實的問題，並且在事實方面也不一定總是可靠的，“它傾向於堅持認為它是正確的，即使它錯了”。OpenAI 表示，GPT-4 正在努力解決其侷限性，例如社會偏見、幻覺和對抗性提示。

報導原文：https://www.techbang.com/posts/104653-openai-officially-launched-gpt-4-large-language-model-chatgpt

陳立正VantaBlack 2023-3-15 14:15:50 幾乎天光才睡著的我，睡到了下午才懶洋洋起來。

才一回復意識，我便發現有點不對勁：門外有人在偷看。

準確來說，門縫外有人。

「佢醒左呀！」

「走呀！」

「喂等埋呀！」

我霍一聲躍起來，著地後接長程翻滾撲向門縫：「咩人！！」

「哈哈哈呀！」

小孩子？

我打開房門，只見幾個小孩子一縷煙似的逃向樓下，消失在走廊的盡頭，其中有兩個身影特別熟悉，正是楊舜兒和楚詠琳兩老表。

「搞咩…」我揉揉自己的頭髮，昨晚連頭也沒洗就睡著了，因為我本身的髮色就是淺金，現在更像爸爸口中說的禾稻草。

「你地搞咩呀楊舜兒，楚詠琳…」

話說到一半，我才發現在客廳中有足足十多個小孩子在瞪著我看。

而於我，不但頭髮沒有洗沒有梳，睡眼惺忪還有眼垢，沒有化妝，連睡裙也皺成一團，當然也沒有噴香水…糟了，我昨晚睡前有沒有刷牙？不，我現在也沒有吧！

「呀呀呀！」

我轉身逃跑，後面哄堂大笑，同時我決定了今晚要把楊舜兒的臉蛋捏爛。

以極速梳洗，略略打扮，換上軍服後我才下樓

「家，家姐，早晨。」楊舜兒還忍著笑。

「表姐…」楚詠琳低著頭說。

「佢地係咩人？」我在那群小孩子面前就不發脾氣。

「佢地係我地同學，話想黎見下你，見下單人匹馬擊落歧種人母艦既英雄。」楊舜兒道。

「同學？等陣，你地點解會知…」

在我睡了這段時間到底發生了甚麼事！

「今日我地全部睇完新聞都識你呀，莉莉姐姐！」

「我地有睇直播，見住你砰砰砰，嗖～～碰！咁樣打左個架母艦落黎架！」

「莉莉姐姐可唔可以同我握手？！」

「莉莉姐姐，我想你幫我係筆袋度簽名！」

「都好喎！莉莉姐姐，我想你簽係我校服度！」

孩子都湧向我，我手忙腳亂地後退，東張西望想找人幫助處理眼前這亂七八糟的局面，但是卻一個人也看不到，人工智能倒有一個！

「阿…阿文！」

「大家，要乖乖隊排好隊先。」阿當笑著走過來，「如果唔係莉莉姐姐就唔會幫你地簽名或者握手架啦。」

這傢伙…

「你專登既，係咪。」我壓下聲線在阿當耳邊問。

「本身個母艦煙花俾你取消左，你幫下手啦。」

「你…！」

但盛情難卻，我還是硬著頭皮和一個個小孩子握手，簽名，摸頭，花了近半小時才把那條小小的人龍消化掉，其中兩個頑皮鬼還排完再排！

「太陽就落山，你地唔使返屋企？」

阿當笑道：「方舟城８５２全日都係咁安全，不分晝夜，哈哈，大家係咪都仲想同莉莉姐姐玩多陣呀？」

「係～！」孩子們舉手笑著回答。

「咁…嗯…」

總不能使她們失望吧。

我著他們坐在沙發上，沙發坐滿了後阿當搬走茶几，好讓剩下的孩子能坐到地毯上。至於我搬來了一張椅子，搞得好像那些兒童中心的讀書分享會似的。不過她們的問題倒簡單，除了「地冕戰鬥梭與噴火龍那一邊比較快」這種問題之外。

「所以～你地如果想加入星衛局既話，或者可以考慮高中報讀星衛局既軍校喔。」我道，「真係夜喇，你地都要返屋企食飯，最後一題問題喇好唔好？準備～三，二，一！」

幾隻手「嗖」一聲舉到空中，我看準最快的那孩子。

「你。」

那個小男生高興地跳起來：「莉莉姐姐，依加你咁勁呀…如果你見返細個係赤柱既同學，你會想同佢地講Ｄ咩？！」

「赤…」

嗚…

一陣嘔心感又升起。

那神父…赤裸裸地壓在那些幼小軀體上晃動的畫面…明明已經很久沒有看到過了，明明我就已經忘記了…

「小莉？」

沒有瞳仁只有眼白卻流著血淚，全身赤裸，滿身傷痕的她們以十多把口一起叫我的舊名字。

「唔好再叫我呢個名！！」

我站起來後退兩步，本能地閉上眼別過頭去避開那些空白的眼眶，但稍稍定眼再看，眼前的當然也只是楊舜兒和楚詠琳的同學們。

「莉莉…」阿當察覺到我不妥，想替我解圍，但被我舉起手掌叫停。

「問得好。」我握起拳頭說，「我會同佢地講…依加我正係方舟城８５２之中捍衛住所有人既幸福，所有人既未來…我唔會再容許再有當日既邪教出現，唔會再容許有大家咁樣既悲劇，我會用盡全力，不惜一切咁保護當日我保護唔到既佢地…！」

「莉莉姐姐起身之後就一直同大家玩都攰啦，今日就到呢度先啦。」阿當為我打圓場，「自動共享車已經係門口等緊大家，記得帶齊你地既野，同莉莉姐姐講拜拜啦！」

「拜拜～」

「拜拜～莉莉姐姐！」

「Good…Goodbye Madam!」

她們拿過和我的合照，簽了名的東西之類魚貫地離開，我和阿當確保她們都安全登上自動共享車後，屋子終於又歸於平靜。

「阿當你…」

「你頭先有無事？莉莉。」阿當緊張地捉住我肩膊說，「係咪唔舒服？因為我只係測量到你心跳有異常，你個下…」

「阿當，我無事。」我說，「就…只係俾佢地勾起我少少回憶。」

問題就是這回憶過於真實，過於鮮血淋漓。

而且，呼吸還…嗯，要再調整多一會兒。

「你依加可以講到底做咩事未？」

阿當搖頭說：「你狀態唔好，我唔會講住。」

「我唔想聽朝訓醒又突然成屋小朋友。」我說。

「但我見你頭先幾樂在其中呀？」

「依加識串人啦？有毛有翼啦？」

「係你面前，我感覺更加樂意套用新既功能，我都唔知點解，但呢副身體話我知我可以咁做…好神奇。」阿當按住自己的胸口說。

「依加你即係當我係你本身個煙花啫，阿當，唔使問你之後就要擺我上枱做小丑做你既宣傳啦。」

「咁都係貢獻方舟城８５２既方式一種，而且代表形像係金髮美少女皇牌駕駛員，感覺唔錯，我鐘意！」

「你鐘意？」我捉弄他。

「嗯，係呀？有咩問題？」阿當看著我眨眨眼睛。

「你…！咁都無問題…」沒想到他完全沒在意，害我不知如何反應。

頭上的兩個月光，也很美。

陳立正VantaBlack 2023-3-15 14:50:45

:^(

大西北姿粉客 2023-3-15 22:30:13 莉莉同亞當啲互動好正

:^(

:^(

濃霧 2023-3-15 23:10:45 莉莉都有 PTSD

:^(

:^(

不過冇文雀咁嚴重

座右銘 2023-3-16 02:02:36 新地球嘅小朋友竟然識噴火龍，應該話去到新地球都整返噴火龍出嚟比小朋友睇？

:^(

濃霧 2023-3-16 04:26:49 主席，規程問題
樓主，設定問題：
1. 楊子平、言寄葉、楊芷欣同一號而家分別幾多歲（純粹想知多啲可以腦內補完佢地有幾老，睇得投入啲）？
2. 楊芷欣到左新地球之後用左幾多年先發明到時光機救返楊子平一家（佢救楊子平果陣楊子平唔認得佢）？
3. 新地球係一到左就即刻大家落船定係亞當要搞啲 Terraforming 先住得人？如果有，搞左幾耐？

黑椒牛丸河 2023-3-16 21:36:40

:^(

濃霧 2023-3-17 01:16:17 又係時候總結下之前有咩伏筆埋落未解
驚樓主自己都唔記得 大家可以睇得爽啲

:^(

之前樓主答左果啲我照 quote 番大家可以一次過見到，追問同新發現嘅伏筆會用紅字方便樓主見到。

正篇：
1. 打完赤柱之後，有暗示莉莉個預言能力似乎可以再次被激發
樓主回覆：

我無野講

2. 文雀一家被時光機救出之後，有暗示莉莉係「座標」（原文好似係：「楊子平、言寄葉同埋『座標』）
樓主回覆：

的確，莉莉於彩虹計劃中被稱為「座標」

但係冇再提供任何資訊

:^(

呢個應該同第 4 點有關係，所以我唔追問啦。

方舟爭奪戰：
3. 錘妹同歐舜兒愛到要生要死，但係錘妹就咁掉低佢自己上方舟？
樓主回覆：

舜兒要陪家姐

4. 結局後續，新地球有個聽證會調查楊芷欣，點解咁多重要嘅人唔救，淨係救佢阿哥一家。當時到底文雀有冇爆到末日真相出來？
故事而家進度係彩虹橋計劃已經完結，即係個聽證會已經完左（所以楊芷欣咁得閒）。如果爆左出來佢地應該冇咁自由自在，如果冇爆咁楊芷欣點甩身？
樓主回覆：

我無野講

5. 零號、一號（原本）、二號都有登艦權，點解三號冇？
樓主回覆：

三號既長處係「訓練」，佢的確無登艦權，亦唔會要

6. 絢香、偵探同「空白的９３日」
樓主回覆：

我係有諗呢９３日啦，但寫埋呢個先

即係暗示今個故唔會有關於呢件事，會另外開個故？
7. 明明之前叫開「小莉」，點解而家改口叫「莉莉」（呢個感覺唔太重要

:^(

）
樓主回覆：

唔重要，但會交代，你當莉莉大個女唔想俾人叫乳名就好

結果原來係莉莉都有 PTSD

:^(

唔想俾人叫小莉， 因為佢會諗番起赤柱啲事。
8. 沉船之前到底楊芷欣同英英講左乜野？英英到底係咪因為知道真相而自殺？

新故：
9. 莉莉親生父母到底是否在生？正故有冇提過佢地死左？
樓主回覆：

冇講過的

:^(

咁佢地有冇上到方舟？定係同呢個故冇關係？
10.

「係。」阿當直認不緯，「佢地從來唔會有機會傷到你地，我限制左佢地既科技水平，係歧種人母艦內，佢地身上既動力外骨骼會因為接收住信號保持待機，除左離開艙內既個１１個。」

明明接收住待機信號，點解果11件歧種人會走左出來？

:^(

:^(

係亞當特登放佢地出來，反正就算唔放佢都知莉莉會入去船艙調查，倒不如俾莉莉親眼睇晒個真相？

希望樓主得閒可以解答下，當然劇透嘅你會答「我冇野講」架啦

:^(

:^(

:^(

陳立正VantaBlack 2023-3-17 11:06:56

:^(

陳立正VantaBlack 2023-3-17 14:54:02 距離世界末日：９９８年３１６日

方舟廣場。

位於米寧雕像下的末日倒數鐘如在夕陽之下被凝結似的，剛從星衛局離開的我一離開大堂，馬上就看到阿當在那兒等著我。

「阿當。」

「喲，莉莉。」正抬頭看著米寧的他轉身望向我，日落餘輝的照拂下他的臉看起來格外立體，輪廓份外分明，睫毛也在金光中輕晃，「千年祭既準備工作順利嗎？」

「你明明就係上面同我地一齊開緊會…」

「莉莉，依加你眼前既呢個我，依加已經同主機群斷開左網絡連接，只會每星期同主機群同步一次，所以你可以視我為獨立個體。」阿當攤攤手說，「雖然好多功能用唔到，但係…依加既我更加似人類。」

「哦…嗯，千年祭既話一切順利。」

「咁就好，多謝你今日陪我。」

千年祭是一個即將會在方舟廣場舉辦的大型嘉年華會，慶祝距離世界末日的末日倒數鐘即將推遲到一千年之後，象徵我們距離永垂不朽的文明又近了一大步。原形應該是昔日日本的祭典，絢香師傅告訴我那是最好玩的活動之一，有小食攤販，有攤位遊戲，巡遊，歌舞表演等等。

「你話你想食…臭豆腐？」

我得要再確認一下今天約會的目的，為甚麼他會對這種東西有興趣啦。

「無錯，按正常邏輯演繹，臭味應該係令人類感到厭惡，反感既存在，所以我無辦法理解以臭味為賣點既臭豆腐，點解會受到人類既喜愛。」阿當一本正經地在說著傻話，「依加我得到人類既身體，所以要去感受一下。」

「你會後悔喔？」

「點解？」

「我自己係唔鐘意啦…」

阿當馬上追問：「既然你唔鐘意，點解你要應承同我一齊黎？」

「因為係你…」

看著阿當的雙眼，我不由自主的為之一頓，明明又不是帥，而，而，而而且這臉只是他自己製造出來，這…

「莉莉？」

「車，車到喇，仲等咩？」我轉身拉開車門鑽到車廂中。

「…明白。」

突然覺得今晚的自動共享車有點太快了，駛慢一點不好嗎。

我們前往的店是其中一家會參與千年祭的食肆，主打是舊式街頭小吃，當中臭豆腐相當有名，連我爸也會偷偷地過來吃，要偷偷來的原因是我和我媽都不喜歡那股味道。倒是姑姐，明明她自己也不喜歡，那次我爸叫她嘗嘗，她就硬住頭皮嘗了一次，結果就順理成章的接受了。

但看來千年祭上要為攤檔安裝強力抽氣扇。

一下車，喧鬧聲馬上撲面而來，餐具與碗筷碰撞的聲音格外清脆明顯，這邊算是方舟城８５２的食街，各國的美食都能在這兒嘗到。即使是凌晨，日式居酒屋與潮式打冷鋪也沒有安靜過下來，間中有醉掉的人被扔上自動共享車，炭火爐中升起的火星點亮了方舟城８５２的夜。

「嗚…」

「莉莉你知道係邊一間？…莉莉？」

「梗係知，陣味咁勁…」我指著那股惡臭的源頭說，阿當的視線沿我的手指望過去，穿過霓虹燈，穿過燈籠，穿過人群，總算看到。

「好在有你帶路，我無得同主機群同步真係好唔方便。」阿當說，「順便一提，空氣採樣報告顯示呢一帶空氣品質正常，呢度亦遠離民居，你覺得咁反感只係你既心理影響，莉莉。」

「我建議將臭豆腐列入文明癌。」我說。

「我反對。」

阿當高興地走過去，我運起文雀心法減慢呼吸才敢追上。

「哦哦哦，原來係因為咁。」

買畢後的阿當坐在附近的一張長椅上，頭上的樹冠有點點燈串裝飾，阿當坐在我旁邊仔細地挑弄著紙皮袋內的幾舊臭豆腐研究，上面還淋上了辣椒醬。

「你真係鐘意？」我皺著眉說。

「我並非鐘意，應該話我並無喜惡，我只係想理解點解會有人喜愛呢種食物，的確，要有人類既身體先可以明白呢種食物既魅力。」阿當把一塊臭豆腐扔到口中吃掉，「你真係唔食？莉莉。」

「絕對唔食！！」我把頭挪後。

「真奇怪，我本來以為你接受到法國既藍紋芝士亦會接受到臭豆腐。」阿當望向我說。

「完全唔同囉！」我說，「藍紋芝士臭係臭，但…個種係好味既臭！」

「錯誤：無法理解咩叫好味既臭。會唔會只因為你爸爸係法國人？」

「我爸爸都係香港人呀？」我哭笑不得。

「我指親生爸…」

「……」

不，我聽到了。

「對唔住，莉莉。」

「…無事。」我搖頭說，「放心，我無咁玻璃心。」

「莉莉，你親生爸爸媽媽一定都會以你為榮。」

夜裡的街道格外醉人。

「扔低我一個係赤柱自己上方舟既人，以唔以我為榮我根本就…無所謂。」望住行人的我握緊拳頭說，「我爸爸媽媽叫楊子平，言寄葉。」

「既然係咁，點解個時你知道佢地係星際旅行途中死亡，你會咁傷心？莉莉。」

「我先…唔係。」

畢竟連方舟也不能確保所有人能順利到達新地球，登艦者存活率100%對他來說也是不切實際的幻想，這不是任何人的錯。

「……嗯，呢個話題對你黎講唔太愉快，我決定就到此為止。」阿當說。

「你食完未？」我冷冷地說。

「岩岩好食完。」他把垃圾扔進旁邊的垃圾箱中，箱底的迷你焚化爐瞬間閃過一下火光，把垃圾燒成灰燼。

「快D去買野飲漱口，如果唔係唔好同我講野！」

阿當一臉驚恐：「明…明白！我即刻去買，判斷薄荷類飲品係最佳選擇！」

他真的很怕我不會再和他說話，馬上就一溜煙的跑去台式飲品店買東西漱口，還幫我點了布丁黑糖珍珠奶茶半糖無冰。

又回到那長椅上。

「咕嚕咕嚕…」他真是很認真的在漱口呢。

「……」

「莉莉無同我講野，判斷原因可能係仲有氣味殘留。」阿當再次灌下薄荷蜜糖水，「咕嚕咕嚕…」

我在新地球看著超級人工智能用薄荷蜜糖水漱走臭豆腐的味道，這畫面不是誰也看過呢。

「莉莉依然無同我講野，應該…應該已經完全清除，莉莉，我需要你確認。」阿當把頭哄過來，「霞～」

當然沒有，阿當張開口呼出的風只有陣陣薄荷味。

「好啦，阿當。」我說，「享受杯野飲，唔好再當人地係漱口水。」

他好像舒了一口氣的樣子：「嗯，莉莉你要唔要試下？雖然我已經飲過，以人類習慣黎講…」

「都好。」

我輕易地低頭咬住阿當手上飲品的飲管吸吮，薄荷蜜糖不算是我的愛好，但我就是想試試看。

就普通吧，有點太甜了。

「你要唔要試我杯？」

阿當看看我，看看我遞到他口邊的珍珠奶茶，然後笑著喝了一口：「好味。」

「你臉紅，阿當。」

「我…有咩？」

人工智能也會害羞呢。

「的確，心率上升，比起正常心率高出百分之十九，呢種反應我都係第一次遇見…」

阿當低下頭好像在檢視著自己的這副身體，還用手按在自己胸口感受著心臟的每一下躍動，他混然不覺自己在傻笑著，臉上又是好奇又是高興。

感受到—活著了呢，阿當。

那麼。

「阿當，合埋眼。」

「完成，係咩事？」

我輕輕捉阿當兩臂，然後探頭吻向他的雙唇。不誇張，除了他的體溫外我更加能感受到他砰然躍動的心臟，他沒有掙開我，而是生硬地在試圖模仿我的動作吻回來，直到我們依依不捨地分開，但還是撫著對方的後頸，以額頭緊貼著彼此。

「莉莉，係幾時開始…」

「由一開始。」

「……」

「你唔係要感受咩人類，感受咩係活著咩？」我說。

「我…」

我看著阿當瞳中自己的倒影，我亦看著那倒影瞳中的阿當說：「阿當，我唔理你係咩…但我親生爸爸教過我…Si vous ressentez de l'amour, dites-le（愛著，就要說出來）」

「……我唔知可以點回答，莉莉，我呢種感受…我…」

「我唔係要你即刻回答，畢竟你唔係真正人類…我都有好多野未知自己想點。但係，我媽咪…後來個個，佢話被鐘意既人浪漫表白係女仔最開心既事，所以…我等你喔，阿當。」

「千年祭個時可以嗎？」

我不禁失笑：「你自己決定，阿當，你呀…真係。」

「真係令人期待，千年祭。」阿當也笑笑道，然後他摸摸我的頭抱我入懷。

不知不覺間，我和他放在椅上的兩杯飲料已碰在一起，就如我們另一手的十指一樣。

陳立正VantaBlack 2023-3-17 14:54:19 聽日答問題

:^(

未至應許之地 2023-3-17 21:35:36 甜到

:^(

大西北姿粉客 2023-3-17 22:07:13 咁快答咗你一條問題

:^(

:^(

大西北姿粉客 2023-3-17 22:07:32 莉莉好主動哦

黑椒牛丸河 2023-3-17 23:29:34

:^(

:^(

濃霧 2023-3-18 07:56:00 莉莉太勁普通人我諗佢眼尾都唔會瞄一下

:^(

，更何況而家 852 同佢咁上下年紀嘅都係啲二世祖，佢直頭睇佢地唔起。

:^(

老豆係堂堂文雀連星軍師令都要俾面佢。
老母同姑丈都係末日一騎當千嘅猛將。
姑姐係頂尖科學家，時光機發明人，末日果陣做過許少傑軍師贏過兩場以弱勝強嘅大戰。
師傅係絢香，學識燕返得十幾歲都可以用條法包就打到人豬頭咁

:^(

、兼且冇預備下秒殺四個星軍教官

:^(

。大學做學霸一 grad 就係星軍精銳部隊副隊長。

:^(

身邊啲人粒粒皆星，佢自己又勁撚到開外掛咁唔係亞當都應該冇乜人襯得起佢

:^(

:^(

陳立正VantaBlack 2023-3-18 14:52:24 問題１：

楊子平：３６歲
言寄葉：３１歲
莉莉：２２歲
楊芷欣：３２＋３０００歲
楚思洛：３７＋３０００歲

問題２：物理時間１１年（詳見 《末日後的那些人》— 前奏：渡過彩虹之橋而來）

問題３：按末日博物館介紹，到達新地球後亞當有進行前期工作，完成基建先放人出方舟，至於準確時間唔重要

陳立正VantaBlack 2023-3-18 14:55:54 ６：空白的９３日如果講會開新故，睇下到時點先，好多故排緊隊，都寫左幾年末日系列，可能要抖抖，當然我係好想寫絢香既故事，但呢個故重點唔會涉及到個９３日

８：我無野講

１０：我無野講

始終唔係揭尾故，唔應該由讀者提問我回答去交代劇情