[賀歲故]有咩癲得過年三十晚跌咗入搶頭炷香嘅輪迴
上一頁
第 3 頁
下一頁
11315315
2023-1-26 19:52:42
:^(
Ads
黑犬風易
2023-1-26 22:03:27
任我行巴 新年快樂
:^(
:^(
黑犬風易
2023-1-26 22:08:07
當我驚訝到講唔到嘢嘅時候,黃大仙一邊玩住佢執鬚,一邊好似啲古人咁開始慢慢度步同講嘢:「雖然你不知我何許人也,但係亦都無傷大雅,畢竟應該都無人會預計到居然會有幸與我相見一面。其實今次我之所以現身,乃係因為你係我廟內第666,666,666位上香嘅善信。
正所以『三三不盡,六六無窮』,我道教所信,天地萬法自然,生生不息,無窮無盡,所以『六』算係一個具有象徵性嘅數字。既然你如此有緣,所以我專程嚟為你送上一個小小獎勵。」
聽完黃大仙嘅說話,我忍唔住笑咗出嚟講:「我以為淨係咩百佳惠康先會有啲Yuu吸下客,但係原來你哋仙界都會玩埋呢啲獎勵計劃去吸客㗎!」
「唉,呢幾年你哋政府行嚴刑苛政,搞到我香火都大打折扣,唔因時制宜,忍怕我間廟都獨力難支啊。」黃大仙搖頭嘆息,我估唔到連神仙都會俾呢個肺炎搞到。
「喂,咁不如入翻正題先啦,到底你打算俾咩獎勵我呢?」我無咩心機聽神仙放負,所以即刻轉翻個話題去重點。
黑犬風易
2023-1-26 22:08:36
「我可以送你一個問題,可問仕途姻緣、健康吉凶,仲有我黃大仙親自為你解說。」黃大仙露出一臉微笑,睇嚟對自己相當有自信。
但係老實講,我呢刻就真係笑唔出,仲有少少燥咁講:「吓?話哂我都係第666,666,666位善信,咁鬼難得,你淨係送個問題俾我?公唔公平啊?」
「無錯,只係送問題,係公平嘅。」黃大仙居然點一點頭,然後再講,「嗱,施主,轉眼間我已經答咗你兩條問題喇,正所謂上天有好生之德,答問題買一送一。答多咗呢一條問題我亦都不跟你計較,我哋就此話別啦。」
我一手拉住咗黃大仙,疑惑咁問:「你唔係打算就咁就走吓話?」
黃大仙諗咗一諗,然後順理成章咁點一點頭:「都係㗎,我約咗月老、女媧同二郎神打牌,佢哋三缺一,我諗我都係時候告辭。」
黃大仙講完呢句,居然想轉身就走。
嘩,我估唔到神仙都會咁古惑,求其答咗嗰兩個唔算問題嘅問題嘢就想走?
但係難得遇到神仙,我又邊會咁易放佢走吖?
我靈機一觸,即刻大聲講:「走囉,你試下走囉,你唔好唔記得我係香港人嚟㗎,你知唔知我最叻係咩吖?」
黃大仙聽到呢句,擰翻轉身望翻住我。
「係投訴啊!你試下今日唔好好哋俾翻個交代我吖,我就上連登啊、Facebook IG、Openrice、Google嗰啲寫衰你,等啲善信俾哂啲香油錢車公廟天后廟都唔俾你!」
我見黃大仙一聽即刻面色都變埋,睇嚟香油錢對佢嚟講真係好重要。
黑犬風易
2023-1-26 22:09:07
黃大仙搖一搖頭,走翻我身邊問:「咁施主你到底想要得到一個咩交代吖?」
「求求其其整翻個願望嚟先啦。人哋中東嗰啲燈神都有三個願望,你come from China喎,點可以輸俾人哋啊?」我拍一拍黃大仙膊頭講。
「唉,施主,每年千辛萬苦搶得頭炷香嘅善信,姑且可以得到提升一次許願成真嘅機會,但係都尚未話必然成真。如今你開口就要一個願望,咁未免於理不合喎。」黃大仙兩手一攤,睇嚟真係俾我難到佢。
我見黃大仙一臉為難,似乎所講嘅又唔係假。
睇嚟要一個願望就應該唔得㗎喇,於是,我呢個時候靈機一觸,又俾我諗到另一樣新嘢。
「你識唔識『般若波羅密』?」我問黃大仙。
「佛教心經?我道教中人喎。」黃大仙一臉嫌厭咁答。
我擰頭兼反白眼咁答:「唔係啊,周星馳啊,時光倒流啊。」
「哦……」黃大仙恍然大悟咁點一點頭,「時光倒流,都並無不可嘅。只不過我何解要咁做呢?」
我講出我嘅大計:「嗱,你話要上到頭炷香先有機會實現願望,而我呢,就想要一個願望。咁好簡單啦,你時光倒流我翻去年三十晚,我重新搶多一次頭炷香,如果我憑自己實力搶到實現願望嘅機會,咁係咪又唔同講法先?」
黃大仙低頭沉默咗一陣,然後點一點頭:「嗯……畢竟係自力更生,咁呢個要求都尚算合情合理。」
「嗱,一於咁話啦!」我一手攬咗黃大仙埋身邊講:「你幫我時光倒流,我成功之後呢,一定周圍大大力幫你說好黃大仙故事,再加埋『搶善信』計劃,到時包保你呢度人山人海,旺過迪士尼!」
「好,君子一言,快馬一鞭!」黃大仙用古代人標準大聲朗笑幾聲,然後向我伸出咗右手手掌。
黑犬風易
2023-1-26 22:09:21
正當我打算下意識即刻同佢high five,點知我見到佢手掌心上面畫咗一個八卦陣。
「呢個係……?」我有啲疑惑咁望住佢個動作。
「送你翻去之前時間嘅儀式。」只見黃大仙另一隻伸出手指公、食指同中指併合,然後喺半空之中打圈。
神奇嘅係,黃大仙右手手掌嘅八卦陣竟然從佢手心變得愈嚟愈大,慢慢仲變得大過我。
黃大仙喺呢個時候將手掌反轉,同時大喝一聲:「陰陽逆施,斗轉星移,萬物重置,日月歸依!」
正當我喺心裡面仲覺得點解神仙嘅招式都會咁中二病嘅時候,我眼前嘅八卦陣突然爆出一陣白光,同時有一股強勁嘅吸力將我吸咗入去。
到我回過神嘅時候,我首先從耳邊聽到非常嘈雜嘅聲音。
黑犬風易
2023-1-26 22:10:02
「喂!無位啦!唔好迫啦!」
「邊個搞我後面?」
「你枝香插咗入我鼻哥窿啊!」
「呢度排黃大仙廟啊!唔係排壽司郎啊!無飛攞啊!」
……
呢一種擁擠嘅感覺,好熟悉。
我張開眼一望,我呢一刻,正身處喺黃大仙廟之外嘅人群之中。
喺我眼前,就係欄住公眾嘅紅線。
我不可置信咁望住身邊嘅一切。
我,真係時光倒流咗!
我,真係有機會再重新搶多一次頭炷香!
諗到呢度,我首先望向我嘅手機。
23:50:03。
十分鐘,我有十分鐘時間去為我搶頭炷香做準備。
我將目光望向我嘅右邊。
楊家朗,呢一刻嘅佢依然未除外套,保持低調咁喺我隔離。
我知道,楊家朗就係我今次嘅最大敵人。
既然我今次有機會可以時光倒流,我就一定要把握而家呢十分鐘搞掂佢。
而亦都喺呢個時候,我留意到一樣嘢。
一樣,足以令我可以解決楊家朗嘅嘢。
(故事待續)
= = =
加更目標:
200正評
達到加更,當日會立即加更一章
:^(
食肥美羊腩煲
2023-1-26 22:12:45
新故留名
:^(
:^(
大西北姿粉客
2023-1-27 00:14:01
搞鳩奧運選手
:^(
:^(
痴足火腩飯
2023-1-27 00:53:22
趕住去打牌
:^(
陳卓賢本人
2023-1-27 03:46:57
:^(
:^(
:^(
:^(
Ads
已閱
2023-1-27 04:24:17
黃夏蕙唔喺香港
硬係覺得新年少左d野
:^(
:^(
:^(
:^(
:^(
:^(
已閱
2023-1-27 04:24:28
黃夏蕙唔喺香港
硬係覺得新年少左d野
:^(
:^(
:^(
:^(
:^(
:^(
綾瀨桃
2023-1-27 04:30:34
lm
漿糊筆
2023-1-27 04:41:03
Lm新年快樂
:^(
黑犬風易
2023-1-27 11:20:21
係啊 年年都睇佢造型
:^(
黑犬風易
2023-1-27 11:20:43
漿糊筆絲新年快樂
:^(
11315315
2023-1-27 13:46:27
:^(
Gin
2023-1-27 15:07:53
好正!留名等更新!
新年快樂!
:^(
我萬朱莎華呢
2023-1-27 15:14:39
有新鳩故
新年快樂
:^(
:^(
黑犬風易
2023-1-27 18:45:51
多謝gin巴
:^(
新年快樂
:^(
Ads
黑犬風易
2023-1-27 18:46:23
萬朱莎華巴
:^(
:^(
係新年鳩故
:^(
新年快樂啊
:^(
船梨精Funassyi
2023-1-27 19:32:36
新年快樂
:^(
11315315
2023-1-27 20:42:41
:^(
黑犬風易
2023-1-28 09:44:57
船梨精絲新年快樂
:^(
上一頁
第 3 頁
下一頁