墨說 2023-2-1 13:54:05 無時無刻都有

:^(

let it be

宮崎由加 2023-2-1 14:01:00 其實要留嚟套料好似燒左其中一邊等佢地唔可以再合體穩陣d

:^(

隻虔誠者太古惑，出口術好難套料
反而背叛者本身都係想背叛天腦，應該易搞d

M1ssGolden 2023-2-1 14:18:00 的確係
所以希望墨巴繼續寫自己鍾意既野就得

:^(

:^(

江東小霸王 2023-2-1 14:29:51 咁有時都要吸收下啲善意批評既
如果多人批評即係真係有問題 唔岩市場

:^(

墨說 2023-2-1 14:35:43 我自問已經好吸收批評

:^(

強弱問題解釋咗好多次，唔想寫龍傲天主角

:^(

波餅 2023-2-1 15:24:12 唔係想佢無敵 而m亦都開唔到無雙啦
之前一隻射釘怪都差d收佢皮 要壓佢戰力
可以寫話太多變異怪 又有遠攻屈你大劍
加上咁多病者 雙拳難敵4手 就算有大劍都作用不大

而唔係唔帶自己把主武就走入去 0準備咁 次次都比人打到仆街 我唔信陳一劍同白鯨 知道自己出任務 都唔帶大劍出門

不過以上都係我個人意見 純粹唔想好似恐怖片咁 要作死就一定要主角門分頭行 摸黑入屋 同聽到怪聲就行過去

:^(

文青死全家 2023-2-1 15:55:11 唔係批評墨巴 但m真係縮數撚黎
出街唔帶銀包 成日要王達尼艾匡找數
出危險任務唔帶大劍 等隊友幫手

:^(

:^(

:^(

墨說 2023-2-1 15:59:58 其實去到呢啲地方係唔會諗戰鬥，永遠都要諗走佬先，冒險故事嚟講，你當然覺得打怪物帶武器睇落好似正常思路

但按真實正常嚟講，你無可能帶住大劍諗住全身而退，佢係要求生存，唔係要打贏病者

:^(

墨說 2023-2-1 16:05:23 佢本身就係敏捷潛行型

:^(

把大劍既然佢唔想用，就俾其他有緣人用，鯨牙大劍從來無話係屬於邊個，你拎得起想去用就可以用，好似聶一凜都做過大劍主人一排，但依家都係用聖槍

墨說 2023-2-1 16:18:20 射釘怪嗰到，其實就係我講嘅見招拆招，無話咩戰力之分。舉個例子，好似一隻大眼拎住把手槍，當面射傷咗蕭梵，都唔代表蕭梵就戰鬥低啲，事實係人類反應好難避到音速

如果學你咁講，太多變異怪，又有遠攻屈你大劍，到頭嚟我估計都會俾人屌廢

:^(

所以其實無意思

現實戰場上真係無咩英雄存在，只有為咗生存而好狼狽嘅人

油尖旺金毛lin 2023-2-1 16:29:44 軍磊

:^(

小狗裕姝 2023-2-1 16:32:17 咁唔拎大劍都拎董倫把金劍輕便裝，好過下下用拳頭打

墨說 2023-2-1 16:41:36 個陣把劍好似喺靈實，佢自己都無印象

:^(

從頭到尾佢自己用得 得心應手嘅根本係得七傘，所以去到邊先帶住，係七傘武者回收咗之後先兩手空空

:^(

M1ssGolden 2023-2-1 16:46:38 其實M唔係空手入去
虎牙係有比把槍M
只係用哂D子彈

:^(

:^(

波台狙擊手 2023-2-1 17:04:54 同意

:^(

而家擺明要打多次 今次死十個 下次唔知有冇咁好彩

波台狙擊手 2023-2-1 17:10:42 突破盲腸

:^(

波餅 2023-2-1 17:36:30 係 仲要咁珍貴既槍一野掉左

:^(

孽瘤 2023-2-1 17:42:11 把劍無左就導彈都無埋

波台狙擊手 2023-2-1 17:43:04 公道講句強如白鯨當年都要喺將軍澳新手場輸俾一堆特殊病者嘅聯手埋伏 其實理論上嗰堆咩三腦男病童南愚北賢個隊型同七病獵好似（肉盾近戰法師射手）但當時嘅白鯨喺時間線上已經單挑完弒神者 對佢哋咪都係輸 重點不在於個體實力

如果咁樣justify到點解七個人可以做到兩個病獵大師都做唔到嘅野 咁都解釋到M同蕭喺南區殺咗幾百隻病者之後唔夠氣同佢打然後敗走嘅結果

超級涼浸浸 2023-2-1 17:52:10 但佢而家變特種病獵後好似無咩戰績

:^(

變之前仲可以單人清天后定北角區全街全樓層病者

:^(

病港越來越拖 2023-2-1 17:55:01 有，血洗天環教

墨說 2023-2-1 18:19:39 但佢做緊嘅事，效益遠遠大於殺幾百隻病者

:^(

而且唔係個個做到

:^(

墨說 2023-2-1 18:27:19 「如果你叫得郁，咁當然好。」

「咁等返到去我再講。」

「等聽日先返去，依家有啲夜。」

南征據點重新安頓好，已是傍晚的時間。

為免夜深外出，我和猴腦暫住一天。

猴腦給分配睡在軍營中心，成為重點保護要員。

虔誠者和背叛者分別給安置在石澳村最左和最右的單位，單位是間密封的村屋，交由姜河冥和范世京看守，共約二十名南征病獵全方位監視。

晚上的石澳海灘重回平靜，只有規律如一的浪聲，今早的大戰彷彿不留痕跡。

我想轉換心情於海邊散步，偶然發現給衝到岸上的東西，我會留意是因為它隱約散發著幽幽的靛藍光芒，跟深藍的海浪相比有些分別。

我走去撿起那東西，它是根權杖，杖頭還是顆碧藍的眼珠。

等等，這東西不就是……

我馬上扔棄權杖，退後擺出格鬥姿勢。

觀察者在附近！？

不，他總是手不離杖，不可能扔棄發號施令的權杖。

莫非權杖是隨海流衝到石澳來？恐怕這個可能性最大。

我原地靜待數分鐘，見周圍沒有動靜，才小心地伸手拾起那權杖。

我把權杖帶到離火炬相近的地方查看，我看是沒錯了……的確是觀察者使用的那根。

雖然權杖是出自病者國度的褻瀆之物，但我還是有種撿到寶藏的驚喜感覺。

我對著權杖再仔細點打量研究，發現它端部的寶石藍眼珠，是有筋狀組織依附緊貼杖身，讓兩者形成一體。

墨說 2023-2-1 18:27:29 象白色帶有威爾士梨紋風格雕刻的杖身，採用了某種生物的骨頭，可稱得上是工藝品，真難想像那些病者會造出這種東西。

而且，權杖似乎蘊含著某種力量。

這種危險的東西，我自然不會獨自收藏。

我帶去了指揮營給秦狩等人觀看，並把它的來源說出。

「應該就係病者國度出品嘅武器……」竹三草伸手觸摸杖身。

「上面隻眼珠係咪仲郁緊。」秦狩盯緊杖頭。

「唔出奇，可能權杖嘅主人，可以透過呢隻眼睛觀察我哋。」我按按那顆眼珠。

「M你話佢有吸引同驅散病者嘅功能？」石在陽比較大膽，舉起權杖到油燈前打量：「咁佢稱得上係神器……」

「依種病者整嘅嘢，都係少用為妙，你哋有冇嘢可以封藏好？」我接手權杖。

「叫木匠整個箱俾你，暫時放喺入面先。」秦狩說。

「嗯。」

離開指揮營後，我去找了南征病獵的木匠，誰不知又是同一個人──軍磊。

「你又係木匠？你都已經係廚師擔當。」

「呢啲雜活我最在行，都關補給官事，你要整個武器存放箱想幾大幾長？」軍磊直接問我呎吋。

我如實將需求說出，軍磊馬上拉出幾條木板，即時割木、組合、落釘，不花一小時弄了個武器存放箱，為保管得更安全，我到村屋民居找了卷膠紙，將權杖的眼珠包裹好，最後用木蓋釘死箱子，像對待禁忌物般慎重。

整個夜裡，我都膽心著觀察者會否為了自己的權杖，而找到石澳這裡來。

事實是我白膽心了，直至黎明升起前，石澳都沒有什麼異樣。

第二天，已經半毀的露天酒吧裡，可聽見猴腦苦惱地抱怨著。

「你哋居然會無all day breakfast？一日之計在於晨，早餐對腦部思考非常重要，我成世人未試過有一日唔食早餐，早餐is the best！」猴腦喋喋不休的訴說著：「最低限度都俾杯café！egg！bacon！I am hangry！」

「大佬你依家身處喺末日，你當自己嚟渡假？」軍磊雙手插腰，顯得無奈：「蕃薯就有舊。」

猴腦嘆口氣：「呼……咁請你幫我整做薯蓉，可以的話落少少蘑菇汁。」

「男人老狗，生啪落口啦，原型食物夠天然啊。」軍磊只管給他整個馬鈴薯。

見他兩人爭持不下，我唯有上前解圍。

「軍磊，呢位公子哥好少出嚟捱，你唔好介意。」我轉身對猴腦，搭著他肩膀行開一點：「猴腦，得罪廚師唔會有好下場，依個係全世界嘅潛規則，唔想俾人加料就不如食其他。」

墨說 2023-2-1 18:27:39 「Mark，我不惜犧牲最珍貴嘅模型幫你哋收集數據，估唔到換嚟咁嘅對待……」猴腦緊握拳頭，語氣有些不憤：「I really want to eat breakfast.」

「Ok，just冷靜，It's no big deal.」我盡可能平和地，用自己那簡陋的英語安撫：「You need to cool down.」

為安撫猴腦的肚子，我就特別一次給他找找食物，始終他昨日付出非常大，而且我需要和公子會保持良好關係，我和猴腦現在幾乎稱得上出生入死了，以後洽談公子會的事會好辦很多。

有時候人與人的信任度，就是在這些毫不起眼的支線上增進。

最終，我在郊林那裡找到棵香蕉樹，上面長著金黃的香蕉，於是摘了好幾十條，給猴腦當是早餐。

可能是香蕉裡有糖分，令猴腦心情舒坦不少。

「嘿，其實我啱啱都只係搵啲嘢發洩自己琴日無咗部B-2幽靈轟炸機嘅痛苦……」猴腦給香蕉剝皮，拉開頭套大口吃香蕉：「Whatever，唔該你！」

「我哋一陣起行。」

吃光摘來的香蕉，我們便駕駛快艇回到清水灣。

其實兩地中間只夾著個東龍洲，距離可說是非常近。

公子會的成員們平時都留在清水灣俱樂部基地中，偶爾會有些成員外出散步，與世隔絕的他們除了坐下來一起研究陰謀，餘下的時間就是給自己找樂子。

如，鼠尾喜歡閱讀、龍頭喜歡拳擊、虎牙喜歡射擊、港豬喜歡抽雪茄、馬面喜歡駕駛、猴腦喜歡模型，至於羊角則喜歡打高爾夫球。

「每日十點後，佢都會打golf。」猴腦很清楚該到哪裡找他。

前往期間，我不禁問：「都想問下，係咩驅使你幫我幫到底？」

「If anyone forces you to go one mile, go with them two miles.」猴腦又說出不知什麼意思的英文。

「簡單嚟講好人做到底，琴日先見識到你哋病獵傷亡率明明咁慘重，居然仲可以堅持繼續行呢條路，眼神強烈到淨係得殲滅病者依件事……嘿嘿嘿嘿……」猴腦抓抓後腦勺，不好意思地說：「老實講，我有少少佩服。」

「嗯，大概係識英雄重英雄嘅感覺？」

「Exactly.」猴腦彈個響指。

青青嫩綠的高爾夫球場上，池水靜謐如鏡，花木安然若素，沙丘平滑乾淨，廣闊無比的場地上，遠處傳來揮擊高爾夫球的聲音。

「咚」

寬闊的半空上有顆高爾夫球猶如小型隕石，精準跌落我們面前，並緩緩滾到鞋尖前。

看向擊打方向那邊，站著穿戴羊頭套，配純白西裝的人。

羊角。