楓宗七郎 2017-7-24 11:15:58 閒家 9 點 ， 莊家 2 點。

閒家勝。


「拿 !!! 都話咗㗎啦 !!! 」譚仔阿姐贏了後很開心的叫嚷。



還以為我失去了全部的摯愛，上天會賜予我另一種補償。其實我不相信這種事，就像我跟Darren 爭論了很久有沒有命運或是運氣這回事，我也很堅持上天是中立的，平等的。


上天才不會插手和干擾瑣碎的事，否則的話會引發蝴蝶效應，在世界的另一端會括暴風起來。 但是陷入低潮的我，卻很想這種事真的會發生。


「陳生, 使唔使幫你安排一下住宿 ? 」 Crystal 對我說。


「唔使啦......」我笑了一笑 。


我離開了貴族坊。




「先生，買咗船飛未 ? 使唔使翻本? 」男人對我說。



「原來係你 !!! 仲以為呢一邊 會係邊個負責放貴利!! 我認得你 !! 你果日喺大細專登輸一百萬!!!!! 」


「咩料 ? 」


「我而家要見你老細 !!! 」

「見我邊個老細 ?? 你乜水 ???」

「我要見余釗 ! 」

我看到他的面驚嚇得扭曲了一下。

「你搵佢咩事 ?」

「 話佢聽，佢個女而家有危險 ! 我有嘢搵佢傾。」




`
「快啲講, 你究竟係咩人 ! 」


在這雜物房內, 我被緊緊綁在椅子上, 眼前有兩個保安和一個沒穿制服只穿了黑色t恤的大漢， 黑衫的那個對我質問。

「我咪講咗好多次囉, 我只係一個爛賭鬼 , 我而家要見你哋老.....」


「你講大話 !!!!」


說罷他狠狠的在我面上打了一拳


拳頭打在面上的感覺, 真真實實 , 我肯定沒有事情比這種痛楚的感覺更實在, 也令我開始感覺到恐懼。

他似乎不肯收手, 開始一拳又一拳的打過來, 我連人帶凳也被打在地上, 其餘兩個人也開始幫手來一同毆打, 除了痛楚, 我開始感到絕望

絕望間我的頭腦清醒了一瞬間, 於是我決定再賭一鋪...............

我歇斯底里的大笑起來。


「仲笑???? 你係咪痴撚左線 ??」


「我計劃咗咁耐，做咗咁多嘢去同你個老細準備傾一單交易，佢而家咁樣招呼我???? 佢個女真係一啲都唔重要 ???」


就在這時，門口打開了，


有一個人走進來.........








這個人竟然是 Jacob。





Jacob 望了我一 眼，目無表情。我猜我明白他的意思 --- 不要說我認識他。


「 呢條友搞乜鬼 ?」 Jacob 說。


「佢話要見阿釗哥，仲話佢個女有危險。 我哋頭先打電話畀釗哥check過，佢話佢個女而家好地地。 呢條友多數係白撞........」


「喂 !!! 我話佢而家有危險啫 !! 冇話佢已經身陷險境喎 !!! 」 我插嘴說。


「所以我就要首先搞清楚你係乜頭乜路!!! 」黑衣大漢說。

「我都唔知釗哥有個女..................... 不過佢睇嚟胸有成竹，既然關係到佢個女嘅安危，我哋都係畀佢見釗哥先啦 ! 萬一真係證明到真係白撞我哋先郁佢啦。」Jacob 說。

「但係如果佢冇料到，釗哥一定會怪我架 !!! 佢會話"我而家好得閒咩 ??!!! 畀啲咁嘅人嚟見我 !!! " 」

「但係今次關係到佢個女，如果發生咗啲咩事我哋真係擔當唔起呀 ! 」Jacob 說。







多謝你，Jacob。 在未搞清楚事情之前仍然維護著我。是的，我一直在隱瞞著你。

勿演懶肉凍撚死 2017-7-24 11:40:10 文！

中大遊學修 2017-7-24 12:21:03

:^(

:^(

:^(

:^(

:^(

跟車仔太貼 2017-7-24 13:24:33 繼續支持

Goofy高飛 2017-7-24 13:32:02 jacob 咁大粒架咩原來

:^(

楓宗七郎 2017-7-24 14:13:23 「烏鴉」是我潛意識的人物，是我學習自我催眠的時候創造出來的。

自從秀之離開以後，我對成功的渴望就像水裡要窒息的那樣 ，於是我拼命學習，與自我對話是其中一個學習了的重要事情。

因為我一定要對自我稱呼自己，所以一定要找一個秘密的名字。要是那是一個 任何人也會叫喚我的名字，應該會無效。所以「烏鴉」是我一直自言自語，一個內心的想法。


但是，「烏鴉」也是我在黑帽子偵探暗網的網名。


那一天，我被約到了在一間麥記裡面。


「烏鴉 !!! ......... 陳生 ! 呢度 ! 」 一個跟我年紀差不多的男人，戴著眼鏡斯斯文文的，叫了我。

這是一間位於舊區的麥記，下午2時左右也頗為忙碌，因為坐滿了長者。 這裏雖然嘈吵但是隱密性卻變得高起來，而且讓我去僻靜的地方會引起我的戒心，他果然是專業的。

「你就係李生 ? 」 我坐在他前面，這一個名叫 “Joker626” 的人是那個暗網的站長。 我想不到他竟以「李生」 的身份約了我出來，也沒有想過他怎麼看都不過是一個普通的白領，卻是經營著那一個關於毒品、暗殺、軍火和勒索的暗網。

「呢位係何小姐。」 李生介紹了身邊的她，她也是一個看起來很普通的OL，相貌其實不錯不過有一點皮笑肉不笑的感覺。 我分別跟他們握了手。何小姐的手很冷而且也只是很沒有誠意的握了一握。

「你點知道我係陳生 ?」


「 我唔止知道你係陳生，我仲知道你好多嘢添............ 你係一個攝影師，係咪? 你投資失敗咗，而家爭緊幾十萬............」李生說。


「點解你會知 ? 」


「Hack 入你電腦囉 !!! 你唔係覺得求其中一個洋蔥瀏覽器就走入暗網會安全下話 。」

我語塞起來，也開始感到害怕。

「你唔使驚，我地唔係黎勒索你。 起你底都係為咗我哋合作嘅例行安全驗證程序。 」 何小姐說。


「我哋見到你最近不停咁樣完成一啲細嘅任務，係為咗增加你嘅信譽，係咪? 我見你對最高報酬嘅任務有興趣，不過殺人運毒嗰啲就click返出去，但係你就考慮捕捉 "余釗 "個任務，係唔係 ?」李生說。

「 係，咁你想點 ?」


「其實有一單好大嘅買賣，我哋已經接咗手嚟做，我需要同你合作。」


「係乜嘢? 」


「綁架余釗個女。」 李生輕聲的說。然後何小姐把手提電腦展示了給我看，裡面有她的基本資料和相片。


「點解余釗個女會係叫殷凱茹 ?」


「你唔係偵探黎㗎咩 ? 咁簡單嘅心思點會諗唔到 ?」

被李生這麼的刺激了一下，一下子還更加想不到，不過後來我總算想通了。


「我哋已經 Hack 左個女仔部電腦觀察左好耐。 首先佢應該唔知道究竟佢老豆確實係做緊啲乜，只知道係做生意，所以佢嘅戒心應該唔會好高。 而余釗o係澳門嘅生活一向好低調，喺呢個政治咁特殊嘅地區，佢日常既生活係冇問題嘅，平時出入帶一兩個保鏢就夠。

佢地對個女既家教不嬲都好嚴，不過佢啱啱讀咗大學一年，對佢嘅監控開始鬆手左， 所以呢一個係一個好機會 。」


「咁你想我做啲乜 ?」


「我留意左佢平時睇嘅漫畫同埋網絡嘅行為，佢應該係有"兄長控" ，佢喺度上網結識緊一個哥哥。我想你去應徵。」

「點解你揀我? 我又唔係特別靚仔。」

「 坦白講，其實我已經試過一次，不過同佢傾唔埋就冇再聯絡。上得嚟暗網既，唔係毒販就係道友，我好難搵得到正常少少嘅拍檔。我估計你攝影師嘅身份可以係對佢吸引既誘因。再講，我有絕對嘅把握你會同我哋合作。」


「點解呢 ?」


「 呢一個係我哋網站有史以來最大嘅委託，幕後嘅金主大到想像唔到，我已經著手搞咗好耐。你其實乜都唔使做， 你只要呃到個女仔去指定嘅地方，我就會比五十萬你! 」

接下來我什麼也聽不到，我只是在沉思著。



「我知道你已經欠債累累，你根本冇其他方法可以翻到身! 喺你電腦嘅相簿，我留意到呢幾個月已無再同女朋友合照，我估你哋分咗手，係咪 ? 」



我緊握著拳頭，我真的很想打他一拳。

楓宗七郎 2017-7-24 14:14:57 「我仲知道你周圍碌卡借錢，又係我哋個網度訂咗一粒咁暗殺用嘅毒藥。如果我冇估錯，你打算賭一鋪，一係贏一係自殺，係唔係 ?」


「你哋知唔知你哋做緊乜嘢㗎，你哋講緊綁架呀 !! 綁架一個佢都唔知自己做錯乜嘢，又唔知佢老豆做過啲乜， 一個無辜嘅女仔呀 !! 」


李先生望了一望何小姐，何小姐冷冷的說:

「咁樣啦陳生，你嘅心情我明白嘅 ! 你從來都冇諗過捲入呢一啲事情，其實任何人都係一樣，亦都包括我在內。

不過你要諗清楚佢老豆係邊一個，佢哋涉及嘅政治同埋權力鬥爭係同我哋完全唔同層次嘅世界，就算我哋唔做， 其實佢哋嘅結果都可能係一模一樣。

你諗下出咁大筆錢要捉一個女仔，邊有可能捉唔到? 我哋嘅工作只係將呢一件事做得好好睇睇，唔好令到個社會有不必要嘅輿論或者震盪。」


「 咁捉到個女仔，個女仔之後會點? 」


「我哋都唔知，亦都唔應該過問。 我哋淨係負責交畀個客嘅接頭人。 我估果個女仔未必會死嘅， 可能要嚟要脅一下余釗等佢妥協一啲嘢咁啫，政治嘅嘢我哋邊顧到咁多丫? 其實你係咪都諗住死，點解唔把握呢一個千載難逢嘅機會?」李生說。


「 如果個女仔拒絕咗我，咁又點 ?」


「 咁樣我會叫你去一間cafe到試下混熟佢哋嘅職員，我查到佢既手下開咗一間cafe，你可以試下喺嗰邊攞余釗嘅料，咁樣你應該最少會攞到廿萬，呢一個情報就當係我哋嘅見面禮，我哋對你表達嘅善意。」


「好可惜我飲親咖啡都會頭痛......... 」


「頭痛咪頭痛囉 !! 你唔係已經將生命豁咗出去㗎喇咩 ?」何小姐說。

然後李生補充道: 「 我建議你今日開始，一日飲一杯，之後飲多啲水，到時你嘅身體就會適應㗎喇。記得之前搜習多啲關於咖啡嘅技術，到時好好地同佢哋吹水啦 ! 」


「我哋唔使你即刻答覆住，畀你考慮幾日先甚至到賭埋果一鋪先又點話? 你越絕望就越需要同我哋合作，我哋亦都唔會臨時壓你嘅人工。

而且亦都冇辦法擔保你一定可以成功約到個女仔。不過呢個一定係最和平捉咗佢既方法，我哋唔介意等多一陣睇埋個結果先。

我哋之後會長期出現喺賭場，我哋一定會再見。我哋而家send啲資料畀你先 ，你好好考慮一下啦。」何小姐說。


「 記得唔好做任何嘅蠢事，呢件事嘅複雜程度唔係咁簡單, 警察就算想理都未必理到， 如果喺你嗰邊有野爆咗出去， 你應該會想像得到個後果。

觀察咗你好耐，你應該係一個明事理嘅聰明人，我哋就等你嘅答覆。」李先生說。

楓宗七郎 2017-7-24 14:28:44

麗婷。。。又一個拜金女

:^(

:^(

:^(

請問真有darren同麗婷此人嗎？

:^(

呢個時候可以覆你又唔破壞氣氛啦


唔係真實人物但係 "混合人"

Darren 係我自己同埋唔同既朋友既經歷結合出黎



閱到這裡你應該明白麗婷不能算是拜金女，只是價值觀不同， 她也有為愛情作很大犧牲啊 !

長期長旗 2017-7-24 14:31:18 仲有後著

:^(

主角有陰毛

艾斯柏斯BB 2017-7-24 15:01:27

:^(

TungB 2017-7-24 15:02:19 此回覆已被刪除

藍色電話亭 2017-7-24 15:35:57 支持！

民建聯好假既肥仔 2017-7-24 16:04:06 推

青山院長 2017-7-24 16:41:50 今日會唔會出埋結局

楓宗七郎 2017-7-24 17:34:08 如果有能力完全閱讀一個人的電腦，的確，他的任何背景、過去和現在也可以在掌握之中。


就像他們的說，如果賭輸了，我根本沒有翻身的可能。所以我沒有理由拒絕他們的勾當。


但是，有一種東西，就是他們永遠不可能 Hack 進來的，就是我的靈魂 。


望著圖片裏面那一個女孩的相片，一個普普通通的少女，背著一個普通的背包，背包上掛著一個孩子氣的貓貓鎖匙扣。我真的要出賣她，交她到壞人的手上嗎? 想到這裏我不禁鼻子一酸。


根本不知道會對方會對她做出什麼的事，在暗網世界裡，有著各種殘酷的視頻出售，我可不要冒險成為了惡魔的幫兇 。


儘管我與這女孩素未謀面，但既然我本來就打算將性命豁出去， 我決定拼死保護這女孩，算是為我的生命作出一點交代。

要麼就是贏錢，那麼樣我只會將綁架的情報偷偷的洩露給余釗，然後拿著贏了的錢過新生活。

要是輸了的話，我要和這一班綁匪同歸於盡。這樣完全不符合邏輯，也是他們始料不及的事情。


他們以暗網站主的身份，還有已掌握我一切情報的高姿態來看待我，不過那卻是太過自負了。他們沒有察覺當中的細節，就是我用我的手錶偷拍下了他們的容貌。

李先生與何小姐，他們雖然沒有說明，但從他們說話的默契來說，我猜他們是一對夫婦，沒有證據就只是一種直覺。身為攝影師我可是接觸了無數的夫婦，從一兩小時的拍攝時間我夠膽說我甚至能夠猜想他們會否離婚收場。

那一間麥記也會是重要的線索，他們未必會因為我放棄這一個地點，或者他們會再出現相近的地方。我決定以一萬元作為成本，追蹤這兩個對我有威脅和以為已經了解我一切的人。

於是我用另外一部電腦然後用電話卡無線上網，首先我用30元一小時在網上招募了一群無業的年輕人 ，然後在一般放工的時間開始部署他們在該區不同的快餐店等候。 10小時才300元， 我有一定的時間可以消耗，也用了獎金鼓勵他們。 對他們來說，那樣無所事事的等人總比冇收入甚至是做快餐店好。

花了五日左右，我終於找到了李先生的第一個出沒的線索。 之後三天，我掌握了他越來越多行蹤的的模式。於是我開始了最後”Checkmate”的行動 。


「 MK 仔 仲係咪跟緊 ?」

「跟緊! 掉住佢尾。」

「唔好跟咁貼。」

「收到。」

「 四眼仔到街口未 ? 」

「 仲有幾步路就到 !」

「 咁樣嘅話MK 仔 陣間轉左繼續行，Target 轉四眼仔去跟。」


我在二樓的連鎖咖啡店，一邊畫著 print 了出 的地圖，一邊用手機的對講機app 指揮著。 那個「 李先生」應該是偵探的老手，了解當中跟蹤各種的方法 。但是那技能不等於可以免於被追蹤，你能察覺你背後不起眼的嘍囉嗎? 為了表示對網主的尊敬，一條簡單十分鐘的路我可是用上三個中學生跟蹤著。

「我而家俾龜逗 !收線 ! 」 四眼仔突然說。

「 MK 仔 返轉頭見唔見到target ?」

「 見唔到喎 !」






頂!!! 成班垃圾 !!!





我從二樓cafe落地玻璃的窗望出去，我望到了「 李先生」， 和我起初猜想的一樣他就在那一間商業大廈上班，我其實今天只是需要確認一下。於是我連忙跑到地下。

剛剛趕得及看見他的背影入了升降機，於是我看著升降機去了那一層，然後我再追上去。


那是一間韓國手提電話的客戶服務熱線中心。


最後我憑著這重要的情報查到了所有事情，Joker626 是黃志偉，是在那裏上班的IT技術支援人員。「何小姐」其實是他的太太，在財務中介中心上班。 他們只是十分普通的上班一族，有一對仔女，家住「維港一號」， 仔女都要上不同的興趣班和補習班， 估計單是那樣就要每月八千左右的開支，供樓那裏大約每月要四萬。

一個在尼日利亞租了伺服器經營暗黑網站，估計網站每月數十萬收入而網站總價值一千萬的主人，竟然就只是香港的一對普通樓奴。 我猜想那男的因為從事IT， 見有利可圖所以就那樣營運著， 未必有想得很深入或是有什麼樣自由世界的理念，一切的本質就只是為了盈利和生存，香港果然是最變態的城市。


我已經完全掌握了他們的身份和地址，反追蹤了壊人， 沒有把我從黑帽子偵探 變成了白帽子偵探。 相反，向目標人物要求贖金才是黑帽子的經典謀利手法。

即是掌握了通姦的證據，他的妻子本來可以離婚然後分到一半身家，卻反而將情報賣給丈夫，以賺取大於妻子的委託金。


就是這樣，我已經輸到了這個地步，我打算和余釗交涉。




其實我本來打算從 Jacob 那邊著手， 但是我後來卻選擇去認識凱茹然後當她的哥哥。


那只是為了無聊的事，就是 Katy 離開以後我對我造成了一定的打擊。


在南生圍的那一天，我有想過真心的全部告訴她，但是我實在說不出口認識她是因為我太寂寞。


我也想起 Katy 跟我說出一切真相的那一幕，那一種被背叛和驚嚇感覺。


而且凱茹未必會相信我， 她或會猜想我把她當成最後的 Plan B。



不過我清楚我自己在想什麼就已經足夠。




凱茹，從跟你一起活過的那一天開始，我已決定保護你到最後。

楓宗七郎 2017-7-24 17:35:10

今日會唔會出埋結局

今天已經寫了六小時以上, 也全放出來了


明天繼續

勿演懶肉凍撚死 2017-7-24 17:37:09

:^(

:^(

勿演懶肉凍撚死 2017-7-24 17:37:30 嘩 今日出左咁多既

冇難度托利斯 2017-7-24 17:48:06 硬係覺得Jocab就係幕後閪手

:^(

語文系教練 2017-7-24 17:50:34 即係佢唔止返過一次香港？

日日上高登 2017-7-24 17:51:03

:^(

時光小偷 2017-7-24 17:52:08

:^(

唔捨得你篇文完

楓宗七郎 2017-7-24 17:53:27

即係佢唔止返過一次香港？

那是出發澳門之前的事呀


第一鋪賭輸了已經和 joker 在賭場有交流

楓宗七郎 2017-7-24 17:54:07

硬係覺得Jocab就係幕後閪手

:^(

那可以是外傳

:^(

:^(

:^(

楓宗七郎 2017-7-24 17:55:02

:^(

唔捨得你篇文完

我一半唔捨得, 一半解脫吧