[中六續集][愛情][懸疑?]擁抱,失憶(重修版)
上一頁
第 8 頁
下一頁
香江第一淫棍
2023-4-12 01:51:06
:^(
Ads
白卡佬A.K.A龍叔
2023-4-13 22:34:43
八十.
喺我面前嘅,就係向澄。
「你終於肯認喇咩?」我苦笑:「何必呢?」
我同你一早就冇可能,搞咁多做咩?
「你知唔知咩係命定論?」佢行去長凳到坐低:「坐低慢慢講啦。」
唔好同我搞咁多。
我退後兩步:「有咩就快講,唔好嘥我時間。」
你肯定有啲咩詭計。
「你喜啦,總之我要開始講喇。」佢嘆氣:「都唔知你驚乜柒。」
我點起煙,預備好聽佢講經。
「有啲距離好啲。」我苦笑:「你知你架啦。」
一間你又放啲唔知咩技搞鳩我。
佢低頭嘆氣:「命運一早寫好,就算我唔做都會有人做。」
你唔好同我喺到鳩嗡啦。
我反咗下白眼:「你卸膊就卸膊啦,講咁撚多。」
做完衰嘢就話係命運,你玩曬佢好冇?
佢抬頭露出詭異嘅微笑:「我睇到嘅係咁,所有人都唔應該脫離命運。」
你都識講你睇到啦。
「咁如果你係錯架呢?」
神都會錯,更何況你人嚟架咋!
「到時咪有結果囉。」佢冷笑:「咁急做咩啫?」
呢一刻,我得一樣嘢想知。
我清咗清喉嚨:「你肯定仲有原因。」
我估你唔會鳩到純粹想糾正時間線。
「其實…」佢似笑非笑咁望住我:「你點解要喺我人生出現?當年件事點解會係咁?」
你明明有辦法忘記我呢個人。
我苦笑:「其實你開技落自己到就得,唔洗搞鳩我。」
建議用腦,個腦唔用會生鏽。
「能醫不自醫,仲有就係…」佢突然好似癲咗咁大笑咗一陣:「我唔好過,我都唔會比你好過。」
我…
我隨手執起樹枝掟過去:「屌你個仆街!」
喺樹枝甩手嘅一剎,佢變做蝙蝠避開。
佢變返人形:「你打死我都冇用架,有啲嘢係避唔到。」
佢講完又變返做蝙蝠飛走,得返我一肚氣咁企喺到。
我過咗陣就冇再嬲,反而不停咁諗嘢。
//
我拎住鎖匙,呆咗咁企喺門口。
「喂!」啊晴把聲將我扯咗返嚟。
佢就喺玄關位望住我。
「企喺門口做咩啊?」佢開門:「做咩拎住條鎖匙啊?都冇鎖門。」
木門冇鎖,鐵閘都開咗罅。
「係喎。」我傻笑住咁入屋:「冇睇到添。」
我嚟到梳化坐低,之後就打開同向澄嘅對話紀錄。
到底佢講緊邊件事?
IG好多嘢睇架
香江第一淫棍
2023-4-17 01:03:49
劇情好隨意,好似睇緊意識流。
:^(
白卡佬A.K.A龍叔
2023-4-17 08:01:54
少少隨意,因為未知點鋪條路出嚟
:^(
學遊學修咁講:仆街吹大咗
白卡佬A.K.A龍叔
2023-4-17 15:18:17
仲在我控制範圍內
白卡佬A.K.A龍叔
2023-4-17 16:46:41
嚟緊會好混亂
記得留意細節
白卡佬A.K.A龍叔
2023-4-17 21:02:25
PNN Link:
https://www.penana.com/story/118005/%E4%B8%AD%E5%85%AD%E7%BA%8C%E9%9B%86-%E6%84%9B%E6%83%85-%E6%87%B8%E7%96%91-%E6%93%81%E6%8A%B1-%E5%A4%B1%E6%86%B6-%E9%87%8D%E4%BF%AE%E7%89%88/
(準時好多架)
白卡佬A.K.A龍叔
2023-4-17 21:03:10
八十一.
啊晴去咗沖涼,而我就努力咁向上碌。
我哋中六Last Day之後就冇點講過嚟,好快就搵到啲線索。
//
澄:有啲關於啊晴嘅嘢你唔知,但我知。
我:咁你想點?
澄:你知架。
我:得,我嚟。
澄:即到唔該。
//
我嗰陣中六,最鍾意嘅係…
「飲酒!」搵到線索嘅我興奮到嗌咗出聲。
啊晴比我嚇到光脫脫咁衝咗出嚟,啲泡揈到成地都係。
「做咩嗌飲酒嗌到咁大聲啊?」佢一臉嫌棄咁望住我:「要飲酒咪去買囉,嚇死我喇!」
真心唔係特登。
我行過去推返佢入去:「對唔住啊,你沖涼啦。」
我要啲時間諗下嗰陣發生咩事。
「做咩咁啊你,又做虧心事啊?」佢睥住我。
你又咁話我架。
「冇啊冇啊。」我錫佢一啖:「我想自己一個諗下嘢咋嘛。」
比你睇到都唔係咁好嘅。
「咁好啦。」佢瞇起對眼、戚起個鼻咁扮豬仔:「我一間沖完涼要攤梳化架,你唔好搞咁耐啊。」
咁啊…
「咁我出去諗啦,一間返嚟。」我幫佢閂門:「你快啲沖涼啦。」
一間霸住張梳化就唔好啦。
//
我嚟到後樓梯,行落半層望住出面。
我扶住欄杆點起一枝煙,啲記憶開始慢慢咁湧緊上嚟。
我嗰次去咗酒吧,仲要係第一次開房飲。
佢喺房裡面同我講過啊晴做過PTGF,但我之後都係…
總之就係咁啦。
唔通佢就係因為咁而嬲我?
會唔會黐線咗少少啊?
「喂!」
我後面傳嚟一把聲,將我從思考裡面扯出嚟。
我轉身見到同我隔住一條樓梯嘅佢,佢見到我之後就點起一枝煙。
「做咩成個事業失敗啊叔咁望住出面啊?」佢望住我部電話:「做咩食枝煙都帶埋電話出嚟啊?你撳電話撳上癮啊?」
我將部電話收喺後面:「冇啊,想影下相咋嘛。」
佢聽到之後皺曬眉,擺到明係唔信我。
佢噴咗啖煙落我塊面到:「講啦,唔嬲你。」
點講啊大佬…
白卡佬A.K.A龍叔
2023-4-17 21:03:32
八十二.
等陣先…
「你咁快沖完涼嘅?」我上下打量佢:「有冇沖乾淨架?」
唔係有水流過就乾淨架大佬。
「我又唔洗頭,洗鬼沖咁耐咩?」佢鼓起腮,扮到好惡咁睥住我:「唔準同我遊花園啊。」
既然你發現咗,咁我就講啦。
「你記唔記得草叢嗰隻蝙蝠?」我呼出煙圈:「魚蛋粉鋪出面。」
如果你唔記得我就要重頭講。
「我記得啊。」佢瞬間嚴肅起嚟:「發生咩事?」
我都唔知算唔算係大單嘢。
「我頭先喺樓下撞到佢。」我望住向澄頭先企嗰棵樹:「佢就係嗰隻蝙蝠。」
呢個不嬲都知,不過唔肯定咁解。
「講重點。」佢喺樓梯坐低。
我知你想聰咩。
「佢講咗一堆好複雜嘅嘢,你比我諗下點講。」我搲咗搲下巴:「佢話我哋而家呢單嘢係一定會發生,仲問我點解要出現同埋當年件事點解會係咁。」
大概係咁。
「當年嗰單嘢?」佢皺曬眉咁望住我部電話:「你同龍哥咁Friend,我估龍哥應該知。」
係喎,我嗰陣咩都同龍哥講架喎。
//
電話接通。
「喂?」龍哥把聲好沙。
雖然話佢把聲沙到好似就死咁好衰,但我真係唔知點形容。
「你記唔記得我中六臨尾發生咗咩事?」我問佢。
你一定要記得。
「你咪同啊晴一齊咗囉,有咩特別啊?」佢咳咗幾聲:「你咁夜打過嚟就係問呢啲啊?」
可能係我講得唔夠清楚。
「我有冇同你講過我同另一個啊澄嘅事?」我再問一次。
咁樣應該知喇啩。
「我冇印象喎,你等我諗下先。」佢呼吸得好大聲。
得,我等你。
//
我彈走煙頭:「諗唔諗到啊?」
應該差唔多啦。
龍哥嘆氣:「真係冇記憶。」
咁好啦。
「咁我唔阻住你瞓教喇。」我Cut線。
//
我嘆氣:「咁搞法搵唔到答案架喎。」
最熟我嗰個都唔知。
啊晴起身:「睇返中六聖誕聯歡會交換禮物嗰兩封信會唔會搵到啲嘢?」
應該會,但…
我打咗個喊露:「我覺得要瞓個覺先。」
希望會搵到線索啦。
香江第一淫棍
2023-4-18 02:44:36
:^(
白卡佬A.K.A龍叔
2023-4-19 16:34:44
八十三.
我起身行出廳就見到電腦枱上面有個盒,裡面應該就係嗰兩封信。
盒蓋上面有張Memo紙,上面寫住啊晴嘅留言。
「枝燈都喺埋入面架喇,雪櫃有幾舊朱古力卷比你當早餐。」
真係好,有得食住嘢睇信。
//
「開工!」我打開盒蓋。
我拎啊晴比我封信出嚟用紫外光燈照住慢慢睇,用咗無耐就搵到好重要嘅一句。
「我同你一齊嗰日啊澄過嚟講咗幾句」
我記得我同啊晴一齊嗰日的確有人過嚟講咗幾句,但嗰個係邊個就真係一啲印象都冇。
假設嗰個人叫「啊澄」,咁到底佢係邊個?
點解會咁?同啊晴有關嘅所有嘢我都記得好清楚,就係唔記得同樣同啊晴有密切關係嘅佢到底係邊個。
個感覺就係有個人存在喺我記憶當中,但我對佢一啲印象都冇。
但「啊澄」呢個名能夠喺呢封信到出現,證明佢應該幾重要下。
我估啊晴會有印象,所以我抄低咗「啊澄」呢個名之後就打咗比佢。
//
我望住張紙:「你知唔知邊個係啊澄?」
聽落好怪,但佢應該聽得明。
「吓。」佢沈默咗幾秒:「你做咩突然咁問?」
聽得明就得啦。
我直接跳過佢個問題:「你係咪知佢係邊個?」
快啲講咗先啦。
「你等我一陣。」佢嗰邊傳嚟一陣腳步聲:「你琴晚見到嗰條友同埋中六轉過嚟嗰個咪啊澄囉。」
等陣先。
「我淨係記得有個咁嘅人。」我皺眉:「但我完全唔知佢係啊澄,更加唔知邊個係啊澄。」
照咁講,啊澄應該就係嗰日行過嚟講嘢嘅人。
中六轉校嘅人好少,我冇可能冇印象。
「等陣先!」佢好似Get到啲嘢咁大叫:「你同我嘅情況一模一樣!」
係喎!
「唔通…」我搲咗搲下巴。
我唔肯定。
「係佢!」啊晴直接嗌咗出嚟。
Ads
白卡佬A.K.A龍叔
2023-4-21 12:29:49
八十四.
「琴日見完佢,今日就出事。」我嘆氣:「應該都去咗九成。」
但…
「點解係唔記得佢,而唔係唔記得我?」啊晴笑咗聲:「奇鳩怪架喎。」
我都係咁諗。
「唔記得佢對我一啲影響都冇架喎。」我苦笑:「你有冇咩諗法?」
但正常人係唔會嘥時間做啲無意義嘅嘢。
「暫時冇。」佢嘆氣:「我返工啊,一間再講。」
收到你。
「咁你諗到咩就再同我講啦。」我收線。
我睇埋封信,之後就開始翻睇電話相簿。
//
要睇嘅都睇曬,係時候做返正經嘢。
「好攰啊。」我睇一睇錶:「原來已經咁晏架喇。」
落去食個飯再講啦。
「工欲善其事,必先利其器。」
//
我離開魚蛋粉鋪,點煙嗰陣睄到一個熟悉嘅身影。
我行過去:「點解你喺到嘅?」
係搵我抄嘢個伯伯。
佢坐喺石壆上面擔住個煙斗,但啲煙草仲未點著。
佢笑得好慈祥:「點解我唔可以喺到?」
咁又係,人係流動架嘛。
「咁你過嚟做咩啊?」我遞個火機比佢:「你未點火。」
既然都撞到,咁就一齊食啦。
佢拎走個火機之後就諗住點火,點知就手震到點極都點唔著。
我拎返個火機:「我幫你啦。」
手騰腳震咁,點搞啊?
「唔該。」佢苦笑住咁拍咗拍我隻手:「老喇,好多嘢都搞唔掂。」
你老都唔係第一日嘅事啦。
「你識我嗰陣已經白曬頭啦。」我嘆氣:「呢啲嘢避唔到架。」
生老病死呢啲,邊個都走唔甩。
「咁又係,睇幾時到架啫。」佢苦笑:「最好快啲死。」
做咩咁厭世啊?
「點解啊?」我拍咗拍佢膊頭:「你哋老一輩唔係鍾意長命百歲架咩?」
我啊媽成日都話長命係福氣嚟。
「開開心心咁長命就話有福氣啫。」佢嘆氣:「身邊啲親人死曬,間屋得返四面牆。」
吓。
「你冇朋友架咩?」我嘆氣:「雖然我都冇咩朋友。」
諗諗下先發現。
「呢個世界上最可怕嘅嘢,係寂寞。」佢拍咗拍身邊:「坐低啦,我係嚟搵你架。」
都估到架喇。
香江第一淫棍
2023-4-21 23:32:18
:^(
白卡佬A.K.A龍叔
2023-4-23 13:06:24
八十五.
我撥乾淨個位坐低:「你點搵到我架?」
你知我知住邊係因為有寄出地址,但你點知我呢個時間會喺到?
「我冇電話都生存到咁耐啦。」佢笑咗聲:「我搵到你又有幾出奇?」
聽落好似有問題,但又講唔出個問題喺邊。
「咁既然你搵得我⋯」我諗咗陣:「應該係有嘢想同我講?」
又或者係點醒我。
「如無意外,今次係我最後一次見你。」佢嘆氣:「我都幾廿歲人喇,今日唔知聽日事。」
咁又唔好咁講。
「雖然你食開煙⋯」我撞咗撞佢膊頭:「但都唔見你有咩病痛。」
應該冇咁早死嘅。
佢苦笑:「閻王要我三更死,我豈能活到五更?」
咁又係,無人知個天會點安排。
「咁你有咩遺言啊?」我講笑咁講:「你依家唔講,遲啲可能冇得講㗎喇。」
所以大師你又參透咗啲咩?
「有啲嘢你忘記咗嘅,就由佢啦。」佢拍咗拍我膊頭:「夾硬記返起對你一啲好處都冇。」
你講嘢可唔可以唔好咁玄?
「可唔可以講多少少?」我嘆氣:「我蠢得滯,聽唔明。」
求大師原諒我。
「舊情不需記。」佢深呼吸:「再見。」
佢講完就郁都唔郁咁攤咗喺到。
我搖咗搖佢:「你冇事啊嘛?」
我見佢都係冇反應,深呼吸咗下就將隻食指擺去佢個鼻下面。
冇呼吸。
//
我Call白車送咗佢入醫院,之後就嚟到醫院出面食煙。
「喂。」
我右邊傳嚟一把男人聲。
我望過去:「係你啊?」
坐喺我身邊嘅係英倫啊伯,佢照舊戴住黑色口罩但冇戴紳士帽。
「係啊。」佢拍咗拍我膊頭:「你冇事啊嘛?」
呢啲唔講都知啦,我個頭耷撚到咁。
「還好啦。」我苦笑:「話時話你頂帽呢?」
我比較好奇呢樣嘢。
「我頂帽?」佢望住我:「呢層唔係你最清楚咩?」
香江第一淫棍
2023-4-25 03:30:15
:^(
白卡佬A.K.A龍叔
2023-4-25 12:06:37
八十六.
咩啊?
我皺眉:「我點會知你頂帽去咗邊啊?」
我又唔係同你一齊住。
「無啊。」佢望住我頭頂:「我送咗比人。」
你望住我做咩呢?
我聽到成頭問號:「你冇送過嘢比我喎。」
唔係又失憶啊嘛?
佢微笑:「你唔記得啫。」
又係我問題?
「冇可能,等陣先…」我突然諗起搵我抄嘢個伯伯:「係咪嗰頂?」
佢拍咗拍我膊頭,之後就起身行去我面前嘅一個凹位。
佢微笑:「到時見。」
喂!
我連跑帶仆咁衝過去:「你未…」
我未問到出口,佢已經變成烏鴉飛走。
「我屌啊!」我低頭苦笑:「大師不愧係大師,係都要講啲唔講啲。」
我嚟到醫院範圍外嘅垃圾桶側邊點煙,一點著就見到隻蝙蝠喺我頭頂飛過。
蝙蝠唔係夜行性動物嚟架咩?邊有可能喺晏晝見到佢飛?
呢單嘢一定有景轟。
//
我跟住佢行到去中學門口,而佢就企咗喺走廊嘅石壆上面。
仆街,我撚入到去咩?
中六嘅班主任向我揮手:「喂,武仔!」
你真係嚟得及時。
我點頭示好:「前幾日先見完,今日又見到。」
有啲嘢真係話唔埋。
「你過嚟做咩啊?」佢搭住我膊頭:「想行返轉,懷緬下啊?」
老餅係唔同啲,一嘢就睇穿我。
「想架。」我都搭住佢:「得唔得先?」
拍硬檔幫幫手好冇?
「梗係得啦,今日佢哋放假。」佢拍咗拍我膊頭:「行啦。」
咁就掂曬啦。
//
我聽佢講咗一輪舊事、搞咗一輪,之後終於上到嚟六樓。
「你記唔記得中六嘅班房就喺呢層?」佢擰咗擰頭:「你嗰屆啲人勁嘈囉。」
點會唔記得吖,成個中學生涯玩得最癲就係中六。
不過講舊事就下次先啦,今日夠多喇。
我拎開佢隻手:「我想去睇下個班房而家咩樣。」
//
佢指住其中一個位:「你咪坐嗰個位囉。」
我望過去,幾個畫面隨即喺我腦海閃過。
我挨埋牆,雙手抱頭:「比我唞唞。」
我個腦好似有啲嘢損毀咗但我死都要Run佢咁,痛到好似有嘢喺裡面爆炸咁。
白卡佬A.K.A龍叔
2023-4-27 16:42:10
八十七.
佢過嚟拍咗拍我膊頭:「你冇事啊嘛?」
擺到明就好撚有事啦。
我捉住佢隻手:「可唔可以扶我埋一邊?」
唔好對住我以前坐個位應該好會好啲。
「梗係得啦。」佢秤住我:「去坐低唞下先?」
是但啦。
我深呼吸:「嗯。」
佢諗住扶我入去我以前中六嘅班房,我即刻用所剩無幾嘅力拉住佢。
佢耷低頭:「做咩啊?」
人都死幾個啊大佬。
我苦笑:「過隔離啦,呢邊太多回憶。」
諗起會痛嗰隻。
「你條友真係。」佢拍咗下我:「咁鬼好記性嘅。」
唔係我好記性。
「佢難忘啫。」我嘆氣:「中學生涯最後一年喎大佬。」
然而事實係…因為中六有啊晴。
只要有啊晴就記得。
佢扶我去隔離課室坐低:「你仲行唔行啊?」
一坐低就咩事都冇,應該係見到個班房就出事。
我想架。
我嘆氣:「唔喇,唔舒服。」
可惜事實係唔得。
既然都睇唔到,留喺到都冇意思。
「你自己慢慢落去?」佢微笑:「我仲有嘢要搞。」
可以。
我起身:「咁我走先喇。」
我行出校門之後就嚟到天橋邊嘅垃圾桶隔離,遠處仲有個咬住煙仔嘅女仔望住我。
佢著住黑色T-Shirt、白色短裙,仲有對中筒Converse。
佢戴住文青眼鏡個樣都唔差,但感覺好撚MK。
可能唔關衣著事,係佢個氣場問題。
我點煙:「嘥撚曬。」
咁靚女食煙不突止,仲要有MK氣場。
佢見到我點煙就行咗埋嚟,我下意識退後幾步。
「唔洗啊嘛?」佢拎住枝煙:「想借個火機啫。」
無計,你氣場嚇親我。
我苦笑:「早講啊嘛。」
佢咬住枝煙,而我就幫佢點火。
「唔該。」佢拍咗拍我手背:「我叫啊水。」
做咩啫你?
「借個火機咋喎。」我冷笑:「而家同你過人世咩?」
唔洗自我介紹架喎。
「人生嘅嘢…」佢微笑:「總會有機會再見。」
香江第一淫棍
2023-4-29 01:01:51
又玩火機
白卡佬A.K.A龍叔
2023-4-29 14:22:48
火機橋段老是常出現
白卡佬A.K.A龍叔
2023-4-29 14:23:13
八十八.
你講到咁,都係想搲水吹啫。
我苦笑:「點解你會咁覺得?」
就同你吹下。
佢微笑:「要見到嘅,總會見到。」
聽君一席話,如聽一席話。
我嘆氣:「你係咪講緊廢話?」
定係你讀緊經?
佢冷笑一聲:「你未參透到啫。」
我頂你個肺啊!
「吹個水仲要我參透?」我苦笑:「你慈山寺落嚟架?」
啲頭髮長癩癩咁,唔似係尼姑喎。
「梗係唔係啦。」佢苦笑:「你有見過尼姑咁MK架咩。」
咁你就唔好講經啦。
我望一望枝煙:「你有咩要講好快啲講喇,我枝煙就燒完。」
趕住返去啊,唔好喺到Talk shit啦。
「返去陪老婆啊嘛,我知啊。」佢撳熄煙頭:「我都走先,有嘢做。」
佢講完就轉身向橋嗰邊行,而我就相反。
等陣先…
我轉身:「你點知我有老婆架?」
我頂吖。
轉個身就唔見咗,保特啊?
我嘆氣:「真係。」
越嚟越多怪事發生,我個頭都越嚟越痛。
電話響起,係啊晴。
我:喂,做咩啊?
佢應該都差唔多收工。
晴:我返緊嚟,你想我煮定點?
又要麻煩你,唔好啦。
我:食魚蛋粉啦,你煮完又要洗。
因為有可能係我洗,所以都係唔好煮。
晴:咁好啦,你去嗌定嘢食等我啦。
不嬲都係咁架啦。
我:知喇。
等你啊。
晴:錫曬你喇,掰掰。
電話收線,我都慢慢行返去。
凍奶茶依舊係老闆娘嘅出品,奶同茶依舊都係完美咁融合。
但我就係忍唔住攪佢,仲攪到失曬神。
老闆娘見啊晴未到就喺我對面坐低,之後就慢慢咁將我杯奶茶推走。
我鬆開飲管:「做咩啊?」
佢冇講嘢,淨係望住杯奶茶。
我望落去,見到啲冰已經融曬。
「我問你做咩就真。」老闆娘拎走杯奶茶:「呢杯唔好飲喇,我整過杯比你。」
我點頭道謝,而佢都好快就拎咗另一杯凍奶茶出嚟。
老闆娘放低奶茶:「煩緊老婆?」
你又有神通?
我擘大個口得個窿:「你點知架?」
我咩都未講喎。
「做人幾廿年,觀人入微架嘛。」佢微笑:「同佢傾下啦。」
嗯。
我繼續攪杯奶茶:「會架喇,有心。」
佢拍咗拍我膊頭就起身行返去廚房,而啊晴都終於到。
香江第一淫棍
2023-5-2 12:31:42
其實故事我都唔知講緊咩,已經同失憶無關。
:^(
Ads
白卡佬A.K.A龍叔
2023-5-2 15:55:11
八十九.
「傻佬!」啊晴嚟到我身邊坐低:「做咩唔飲下嘢先啊?」
佢一講完,我即刻飲咗啖。
我摸住佢把頭髮:「等埋你啊嘛。」
獨食難肥,齊食識飛。
「嘢食到!」老闆娘擺低嘢食嘅時候向我打咗個眼色:「慢慢食。」
我都知應該要傾。
「知喇。」我拎起對筷子:「一碗粉仔,𠽌一聲搞掂啦。」
但我應該點開口?
「食咁快做咩啊?」啊晴趷個頭埋嚟:「同我食飯好委屈你咩?」
梗係唔係啦。
「老闆娘要休息啊嘛。」我望住行咗返廚房嘅老闆娘:「你話係咪啊?」
你最好幫下口。
「我遲下大把時間休息。」佢飲咗啖水:「唔差嗰幾個鐘。」
事實證明女人係一定會幫返女人,仲有佢好鍾意啊晴。
「聽到未啊?」啊晴捉住我耳仔:「仲駁唔駁到?」
你話呢?
我舉高雙手:「我投降喇,放過我隻耳仔啦。」
佢就嚟甩喇。
「咁就差唔多。」佢鬆手:「今日搞咗咩嚟啊你?」
呢個就複雜喇。
「個熟客走咗,英倫啊伯冇咗頂帽。」我嘆氣:「之後仲無啦啦返咗轉中學,不過都係冇新發現。」
個頭仲痛咗好多。
「既然係咁…」佢拎起筷子:「就咪鬼理佢啦!」
嗯。
我扮曬冇事咁微笑:「食嘢啦,凍喇。」
真係可以唔理就好。
要我唔理呢單嘢就好似啲人啱啱分手嗰陣比朋友叫佢忘記前任咁。
即係點?三個字,冇可能。
我記得最清楚嘅係同啊晴嘅經歷,但呢啲經歷裡面基本上都有個「無名氏」喺到。
啊晴應該要係焦點,但呢個「無名氏」係一個好神秘嘅部分。
人就係咁犯賤,越神秘嘅嘢就越引到人注意。
「話時話呢…」佢飲咗啖奶茶:「你覺得我哋一齊掂落英倫啊伯比我哋枝紅色棍之後會發生咩事?」
你突然咁問,我又真係冇諗過。
白卡佬A.K.A龍叔
2023-5-4 13:54:56
九十.
「可能會有啲考驗咁?」我縮咗縮膊:「我都唔知。」
我又唔係月老,點知月老會點做?
「我覺得愛情係…」佢托住下巴:「選擇?」
你咁講一講,我諗起之前睇嗰啲愛情語錄。
「愛情就係一次又一次咁愛上同一個人,一次又一次咁選擇同一個人。」我搲咗搲下巴:「可能係要我哋重新做一次所有選擇啩。」
重新嚟多次都係揀佢嘅話,咁就係真愛。
「如果我比機會你再揀多次,你會唔會同我一齊?」佢好認真咁望住我:「你諗起我嗰陣會唔會諗起第二個?」
雖然我唔知點解你咁問,但我照答啦。
「梗係會啦,至於諗起你嗰陣會唔會諗起第二個呢…」我搣住佢面珠墩:「梗係唔會啦。」
你估我係嗰啲個個都放唔低嘅仆街啊?
「你知我信你架。」佢露出意味深長嘅微笑:「你知點做架喇。」
其實我唔知。
「知架喇。」我苦笑:「食嘢啦。」
但我知佢都唔知,所以就無謂徒添幾分慨嘆啦。
我哋食完飯就漫步返屋企,沿路好似少咗嘢講咁。
佢除鞋入屋,而我就行去後樓梯。
佢趷個頭出嚟嗌停我:「你食煙啊?」
你又食啊?
「一齊?」我睇一睇煙盒:「最後兩枝。」
啱啱好。
「唔係啊。」佢微笑:「入嚟食啦。」
吓?
「你唔係話鍾意喺屋企食架咩?」佢著拖鞋行出嚟:「行啦。」
我鍾意浸味殘存喺間屋到架。
「但你唔鍾意啊嘛。」我摸咗摸佢個頭:「費事啦。」
無謂搞到你唔開心啦。
「而家鍾意喇。」佢拉住我隻手:「行啦。」
如果係咁嘅話…
我跟住佢行:「好啦。」
既然你唔介意,我冇理由介意返轉頭架嘛。
佢拎個飲完嘅汽水罐過嚟:「煙灰缸。」
唔該。
我點煙:「你唔係話啲味留得耐會好難頂架咩?」
做咩而家又得嘅?
「人會變架嘛。」佢點煙:「同埋氣味好重要。」
吓?
香江第一淫棍
2023-5-5 01:52:11
:^(
白卡佬A.K.A龍叔
2023-5-6 11:54:41
九十一.
「如果氣味好重要嘅話…」我成啖煙噴落佢到:「咁樣會唔會重味啲?」
雖然睇落似玩緊嘢,但我絕對唔係玩緊嘢。
佢對眼瞇到得返一條線,好無奈咁望住我:「咁又略嫌多咗少少。」
咁好啦。
「咁我都係吹返第二邊啦。」我清咗清喉嚨:「但你都係未同我講氣味有幾重要。」
真心想知。
「你知唔知好多時認人都係因為認得浸味?」佢呼出一口煙:「同埋氣味會影響人嘅心情。」
前面明。
我皺眉:「咁聞到煙味會有咩心情?」
真係有架咩?
「聞到煙味咪諗起你…」佢挨落我到:「咁咪問心囉。」
原來係咁。
我撳熄煙頭:「好啦。」
聽到佢咁講嘅我表面平靜,但內心已經笑到gap gap聲。
「包Black Devil 3000你食咗幾多枝?」佢望住包煙:「未食曬啊嘛?」
梗係未啦。
「靚嘢梗係要慢慢食架啦。」我都望住包煙:「但你做咩突然咁問嘅?」
你以往都唔問架。
「冇啊。」佢微笑:「想你留返枝等嗰日喺屋企食咋嘛。」
雖然唔知點解要咁做。
「梗係得啦。」我望住佢:「又唔係啲咩難嘢。」
更何況你係我最重要嘅人。
「咁就得啦。」佢撳熄煙頭:「快啲瞓教啦咁。」
佢揼咗個汽水罐就去刷牙洗面,而我都跟埋佢。
我哋搞掂曬就上床瞓教,對眼一開一合就嚟到第二朝。
佢去咗返工,而我就去咗印嘢。
文具鋪老細遞張紙比我:「自己印有法律效力架咩?」
法律效力呢啲唔重要。
「呢句嘢啲用字都唔夠精準啦。」我微笑:「最緊要有儀式感。」
一切都已經準備好,眨眼就嚟到幾日後。
啱啱起身嘅啊晴趴喺我心口到望住我:「你今日係咪會求婚架?」
會架。
我耷低頭望住佢:「你覺得我會做啲咩?」
我肯定你估唔到。
上一頁
第 8 頁
下一頁