White Mountaineering成立於 2006 年,由品牌名便可以知道是100%製作山系服飾,但相較其他山系品牌,White Mountaineering 融合了眾多街頭元素,更加注重於圖案與配色上的設計,也很貼近生活,容易carry。而近年 White Moutaineering 歷經品牌轉型後變得更加時尚,透過更加前衛的設計與剪裁,帶領著品牌登上時裝周,走上國際舞台,雖然稍為弱化了戶外風格的色彩,但卻製作出更為細膩精緻的日系時尚風格,也不時與不同Fashion brand合作。
3.Meanswhile
Meanswhile成立於 2014 年,由曾任職於 White Mountanineering 的設計師藤崎尚大(Naohiro Fujisaki)創立,在設計上揉合豐富街頭和傳統日式服裝元素,誇張的拉鏈與口袋配置,獨特剪裁風格可以用大膽創新來形容。作為日本山系品牌的後起之秀,他的新奇設計總是令人期待新產品的降臨。
4.F/CE.
F/CE.成立於 2010 年,由日本樂團 TOE 的貝斯手山根敏史(Satoshi Yamane)創立。除了深入民心的功能包款,還有多款獨特的配件與生活小物,高質感與功能性完美結合,將山系風格融入生活。近年也不斷推出服裝支線,設計風格都是十分適合戶外活動,搭配多元配色與剪裁,將山系風格帶到又一巔峰。
5.and wander
and wander 成立於 2011 年,致力於製作兼具功能性與設計美感的都會山系設計單品,從品牌主旨「無論是在雨中淋雨,或被風吹拂,或只是漫步其中,山林都充滿樂趣。」可見 and wander 對大自然的憧憬。由於品牌主理人仍任職於 ISSEY MIYAKE ,因此 and wander 對於布料選用與線條剪裁都獨具慧眼且準確,利用簡練的設計去修飾本該複雜的山系風格,帶來在山系潮流中獨樹一格的美感之作,無論在戶外或日常中著用,都能夠貼近需求。
細滴大雨雲
2022-12-19 23:51:10
平就一定係 M
但去得日本。我會睇埋Snow Peak, and wander
Atom LT men
Update
因為Arcteryx 已經被大陸公司收購, 關於Arcteryx 既各種介紹會留低俾你地參考, 你地可以搵類似既spec既褸代替. 我添加左幾件類似既褸可以作參考
呢個post 其實主要係討論係旅行角度, 著重功能同保暖度既羽絨. 通常呢d "功能服"既牌子, 都會係網站清楚列明呢件羽絨係用乜野fill power既羽絨, 淨羽絨重量 (fill weight), 整件衫既重量, 有d detail 到會寫....身, 博頭, 手袖既羽絨重量分怖. 而普通時裝品牌既羽絨, 上面講既呢d info 係全部欠奉, 表表者係Superdry https://tw.appledaily.com/life/20170113/O2OJOEQUP27C7WJW3RLCN5LDSY/ . 佢係設計差到上晒新聞. 因為有呢d 資料, 先可以準確地咁知, 你要去既旅行地點, 應該要著邊款合適既羽絨.
我屬於怕凍既人, 所以post 裡面既意見, 溫度估計亦係跟據我個人體質黎估計. 亦好大機會同外國住既巴打頂凍程度有好大分別. 而post 裡面既溫度評估係跟據裡面著左一件普通去街笠衫/Fleece + 一件base layer保暖內衣黎估計. 我唔係屬於會係行山或滑雪既人, 所以整個post 既意見, 都係企係普通香港人出國去旅行揀羽絨既角度出發. 因為行山滑雪, 對保暖要求唔洗咁高, 但係對防水既要求高好多. 如果你係行山或戶外既人, 呢度仲有其他真係戶外高手既會答到你問題. 我只算係一個買得多d既旅行用家.
對於普通旅行既我, 我主要係睇保暖能力, 頂到落雪, 裡面唔洗著好多衫為大前題. 因為普通旅行, 我個人既著法係以方便為主, 一件過. 而我比較少用layer 既著法. 一係就係街, 唔係就入左shopping mall. 一冷一熱溫差成20度, 最緊要外面就頂到凍, 入室內除一件褸就室內有暖氣都唔熱. 除落黎要壓縮到可以塞係10L 細背囊行shopping mall. 呢個係我揀羽絨既大前題. 所以, 取向會同行山或者滑雪既人既要求會好唔同. 請注意.
呢d jacket 其實分3大類, 好似Arc'teryx 呢個牌子咁講, 第一種係Shell jacket. 100%防風防水. 不過唔保暖, 你當佢係雨褸擋風雨. 好凍既天氣就要黎防風. 第二種係Insulated Jacket. 大部份只係冼水, 未到防水. 可以就咁當褸著, 又或者著係Shell jacket 入面. 係羽絨級數既保暖能力. Arcteryx 好多個model 都唔係用羽絨, 係用人做羽絨 Coreloft. 其他品牌都有類似既人做羽絨 (或叫化纖) , 好似Primaloft 咁. Coreloft/Primaloft 比普通羽絨最大既好處, 係防水透風. 濕左仍然保暖同快乾, 而普通羽絨, 係一濕就完全唔會暖. 第3類係Ski jacket, 即係滑雪用. 你唔係滑雪就唔好揀呢類, 滑雪褸一定係高透氣, 但係唔會特別暖, 因為太暖的話驚你運動下over heat. 所以, 滑雪褸並不等於旅行用既羽絨
好多人鍾意用layer 既著衫保暖方法, shell jacket 著最外面要黎防風, insulated jacket 著係裡面要黎保暖. 最底層係着保暖內衣Base layer. 有d 好d 既Insulated jacket, 就包埋防風, 咁你就可以買少件shell jacket. 通常你滑雪, 或者行山預左照頭淋雨, 你先需要防水. 否則, 防水羽絨唔係太recommend, 首先因為係太貴, 第2係防水既jacket 大多數都透氣唔係好好同整到件褸係好鬼重, 會有好侷既感覺. 侷同埋暖好明顯唔係同一樣野. 除非係必需, 否則唔好貪防水既jacket. 我好肯定話你聽你唔係真係用得著防水, 你貪過癮買防水羽絨係必定後悔. 因為你要記住就算你防水, 你同行唔係防水, 你最終都係要搵地方避雨. 冼水一般情況下已經夠.
另外要注意既係, 唔會有一件羽絨係香港用唔熱, 又會可以去日本頂到0度. 香港冬天通常係12-17度遊走. 真係凍既跌到落10度以下, 時間加埋唔會多過一個月. 即係話香港用最多既, 係通常15度左右. 咁好明顯唔會有一件褸, 適合15度著唔熱, 又會旅行個陣夠暖頂到0度. 呢度係講緊足足15度既差距. 無論你搵shell jacket 點搭配法, 都無呢樣野存在. 有巴打係試過攞住件Atom LT 去東京 5-6度既天氣, 裡面着多3件衫都唔夠暖. 最尾可能裡面著多幾件真係夠暖啦, 你又變左成個米之連咁既樣咁腫. 呢個係咪又係你想既哩? 所以, 適合香港冬天着既薄羽絨, 同你去旅行既羽絨, 係肯定2件唔同既褸黎. 慳錢既話, 先買一件你眼前最需要既先.