自我完成「紳士禮」以來,我便立即被送到趕去應哈爾仔的約之路上,期間都沒有機會與男男和 Siri 交代過行蹤,所以當我這時用 FaceTime 跟她們聯絡,她們一知道我平安無事都難掩瞬間表現出來的興奮,尤其 Siri 這個傻妹更喜極而泣的罵道:「你呀!喺『伊甸堡』度又話一搞掂埋啲手尾就即刻出嚟同我哋會合,點知跟住乜嘢消息都無,你失蹤咗咁耐我哋就擔心咗咁耐!你個衰人無口齒呀!嗚嗚嗚!」
這時,男男將臉龐靠近鏡頭一點,當堂令我本能地精神為之一振,才聽見她徐徐地道:「嗰日你同 Siri 入返去『伊甸堡』之後,我咪將啲學員逐一搬返去安全嘅地方,同埋用『腿骨號』解開佢哋嘅催眠狀態,因為事件涉及到香老師呢條人命,我亦唯有選擇咗報警,喺我畀警方嘅口供入面當然無提起過有關『靜思維』活動嘅事,而警方根據現場環境嘅情況,都相信呢單只係一次喺我哋交流營嘅營地附近發生嘅古蹟倒塌意外,失咗蹤嘅香老師曾經懷疑係埋咗喺瓦礫堆中,但係經搜救隊挖掘後又搵唔到佢嘅屍體,所以最後唯有列做失蹤人口案件處理。」
https://instagram.com/stories/iamkasai4/3030502752096505509?utm_source=ig_story_item_share&igshid=YWJhMjlhZTc=