【卡西正傳】《誤上了黑幫老大的情婦，我只好躲在中環的職場胡混》- 第六季：薔薇地獄

火一般的卡西 2023-2-1 16:28:45 「黃．．．．黃先生！？你知唔知我四周圍咁搵你呀！」Iris 緊張的嚷了一句，接著又看到這刻的我和之前赤裸狠狽模樣簡直就是判若兩人，便立即換上一副疑惑的表情，道：「咦，頭先你明明畀人追斬到連衫都無埋，點解而家你又變返咁整齊嘅？你．．．．你究竟去咗邊呀？」

我指著臉上的黑色面罩，再聳一聳肩膊，輕描淡寫的笑道：「我點可以扔低你老闆送畀我嘅禮物架？搵返之後見仲有時間咪順扁沖個涼同埋換返件衫囉。」

火一般的卡西 2023-2-2 00:13:12 「咩仲有時間呀？架飛機就嚟要起飛喇！！」Iris 跺足一下，再急急拉著我跑，一直出走到「薔薇莊」室外的庭院，便跳上之前剛抵達這裡時也有坐過的 Golf Cart，車子開動後，駛進夜幕低垂下更陰森如墓地的葡萄荒園，半晌，就看見一輛閃著訊號燈的私人飛機從遠方慢慢放大，又聽到引擎所發出來的咆哮聲浪也越來越吵耳，果然已是準備就緒隨時都要起飛。

我和 Iris 一登機，機艙門就立刻關上，未等我坐穩，飛機已動起來並不斷地加速，直至飛上夜空之中被無盡的黑暗吞噬。

同樣是乘搭私人飛機，我到來時駕臨如貴賓，離開時卻落荒如逃犯。

我長歎一口氣，問：「Iris，你認認真真咁答我，搞到而家咁，係咪你老闆所預計到架？」

火一般的卡西 2023-2-2 07:33:20 會一路keep住整嘅

:^(

火一般的卡西 2023-2-2 09:16:16 Iris 苦笑一下，搖一搖頭道：「對唔住，我唔答得你，我只可以講，作為體內流住『亞索克斯曼』嘅血嘅人，我同哈爾克維斯先生而家所做嘅嘢已經係近乎叛國，為嘅，就係哈爾克維斯先生能夠盡最大嘅努力去保護佢最好嘅朋友，同埋佢絕無僅有嘅友情。」

Iris 口中哈爾仔要保護那最好的朋友，不用多說都知指的是我，內心深處多少都滲出一陣暖意。

儘管我還有很多問題想發問，但我相信盡忠責守的 Iris 無論如何也不會解答，所以我亦無謂再難為她了，便只好閉起雙眼，安坐在椅子上養神起來。

約一小時多的航程很快就過去，飛機最後降落在「巴黎勒布爾熱機場」。

火一般的卡西 2023-2-2 11:52:59 終於回到大城市，我不期然舒了一口氣，心情亦變得暢快起來。

機師將飛機停定後，機艙門便徐徐打開，Iris 站起來向我道：「黃先生，放低咗你架機跟住就會飛去『亞索克斯曼』，我諗我要喺度同你道別喇。」

「今次真係唔該晒你！」我站起身跟 Iris 握了一下手，再笑道：「話時話，同你相處耐咗，我又唔覺得你好似你老闆講到你咁 cool 喎，如果你可以用對我嘅態度對返你老闆，佢一定唔會再叫你做木頭啫。」

Iris 啐道：「哈爾克維斯先生堂堂一國嘅王子，又係王位唯一嘅繼承人，我哋普通人又點可以喺殿下面前放肆架？」

我心裡暗暗一笑，因為我知道，哈爾仔根本就是喜歡跟我這個普通人一起放肆。

初級會員 2023-2-2 16:27:42 唔好放iris 走！

火一般的卡西 2023-2-2 21:12:35 我又伸一伸懶腰，道：「雖然搞咗咁多麻煩嘢出嚟，不過能夠見証到哈爾仔嘅人生大事都係值得嘅，加上又識到你，真係不枉此行，聽條友話遲啲得閒會再搵我，如果你都嚟埋，我哋就可以一齊出嚟玩啦，到時我介紹我個巴渣兼麻煩過你十萬倍嘅助理過你識啦？」

Iris 聽罷，好像若有所思似的，我一時之間也看不穿她的心情是悲是喜，就在我轉身想離開之際，她的手突然捉實我兩根指頭，我神經反射地把頭回過去一望，她就踮起腳跟仰著身子，並將軟唇貼在我的嘴巴上，一條柔軟膩滑的舌頭隨即鑽進我口腔之中，再生硬的攪拌了幾下。

黑色白貓 2023-2-2 22:29:15 終於屌Iris

:^(

火一般的卡西 2023-2-2 23:51:35 Felicia 人設：

https://instagram.com/stories/iamkasai4/3029403017491088294?utm_source=ig_story_item_share&igshid=YWJhMjlhZTc=

火一般的卡西 2023-2-3 00:13:10 我當然不曉得為何突然間會變成這樣子，不過由美女送來的一吻亦無需太過深究，理應閉目好好享受才算，但當我決意要專心陶醉其中的時候，口腔內的香舌已迅速地溜走了，我連忙睜開雙眼再看過究竟，Iris 的身軀已遠離我，更回復起初介紹時那副冷冰冰的神情，道：「掙你嗰啖我已經還返畀你，我哋無拖無欠。」

Iris 的驟變，很明顯是刻意地要跟我保持距離。

氣氛明明一直是很正常的，Iris 要主動吻我，卻忽然又下了一道大閘回絕我的善意，究竟是為了甚麼呢？

水瀬いのり 2023-2-3 05:33:06 強姦佢

:^(

火一般的卡西 2023-2-3 07:44:03 未幾，Iris 從衫袋拿了一部插有耳筒的手機出來，再道：「哈爾克維斯先生已經將佢想同你講嘅說話都錄低咗喺呢度，部機解鎖嘅密碼，就係哈爾克維斯先生識你嘅時候，聽到你講嘅第一句說話嘅縮寫。」

我接過那部手機後，Iris 連「再見」也沒有說一句，便頭也不回的走開了，而我亦從打開了多時的機艙門，步出這架客機。

頃刻間，我心裡充斥著不祥的預感。

火一般的卡西 2023-2-3 10:06:14 為了不讓自己有機會胡思亂想，我就立即戴上耳筒，決定要聽聽哈爾仔給我的那段錄音。

旁人肯定不會輕易明白甚麼是「第一句說話的縮寫」，我卻很快就意會到，並在屏幕上的鍵盤打入「D．L．S」這三個英文字母，機鎖一解開，就是「Voice Memos」的版面。

哈爾仔聽到我說的第一句話，是我在「伊甸堡」中以「紳士禮」考生的身分根據指示到排練室集合，其時卻不見有其他人到來，以為自己去錯地方便不自覺地罵了一句「屌那星」，才引來哈爾仔過來跟我搭訕，他聽到我說的「屌那星」，縮寫就是「DLS」了。

我再按著「Voice Memos」內唯一的一條 Clip，一把熟悉而溫柔的聲線便從耳筒傳出來。

我不是日本人 2023-2-3 10:31:50 Hehe

火一般的卡西 2023-2-3 11:57:21 重溫卡西初遇哈爾仔嘅段落：

【紳士遊戲 Begins! 】《誤上了黑幫老大的情婦，我只好躲在中環的職場胡混》- 第五季：紳士篇
https://lih.kg/bcvEBuV
#74 回覆 - 分享自 LIHKG 討論區

火一般的卡西 2023-2-3 14:26:46 以下是哈爾仔給我的錄音內容：

＊＊＊＊＊＊＊＊＊＊＊＊＊＊＊＊＊＊＊＊

黃仔，由細到大，我諗母后同我講過最多嘅一句說話，就係「你係未來『亞索克斯曼』嘅國王，你唔可以再咁任性架喇」，但係喺我懂性之後，我開始意識到百分百射手座性格嘅我崇尚無拘無束嘅生活，喜歡不斷追求自由同刺激，偏偏我生於皇室亦擁有「完人」嘅命格，又係王位唯一嘅繼承人，一出世所有人已經對我唯命是從，將來做埋一國之君之後，我更要肩負起成個國家嘅責任，我嘅角色同身分根本同我與生俱來所渴望嘅嘢完全係違背，但係命運既然已經同我選擇咗，我亦無得揀，我仲可以做嘅，就係喺成為國王之前，盡量去享受任性。

大頭 2023-2-3 16:41:30 終於live咗

:^(

好有細個睇武俠小說、韋小寶嗰啲誤打誤撞嘅感覺！
樓主加油

:^(

火一般的卡西 2023-2-3 19:03:34 所以一路以嚟，我係專登爭取任何一個機會去任性，包括同你做朋友，因為我知道呢啲一切一切，都會成為我日後可以回味嘅重要回憶，自我喺「伊甸堡」遇上黃仔你，我可以毫不猶豫咁講，同你一齊參加「紳士禮」嘅短短呢兩日，肯定係我一生人之中，最最最最最快樂嘅事情！

你嘅坦率真誠，令我重新釐定人與人之間嘅關係，你嘅超凡表現，令我喺陷入苦戰當中，見識到一個從未試過咁認真去做一件事嘅自己，就係你畀我呢種熱血沸騰嘅感覺，話畀我聽，我原來係有血有肉咁存在緊喺呢個世上，呢種切切實實嘅存在感，我係自出娘胎以嚟都從未有試過。

火一般的卡西 2023-2-3 22:14:31 好多謝你呀

:^(

都係因為我自細都好鍾意睇武俠小說，就令我好想寫一套有武俠小說feel又以現代都市作舞台嘅長篇小說

:^(

如果大家都鍾意睇嘅話，我就一定會繼續寫落去

:^(

Btw 睇咗幾耐live?

:^(

大頭 2023-2-3 23:36:27 好似年廿九開始

:^(

火一般的卡西 2023-2-4 00:29:09 陪你過年喎

:^(

咁你最鍾意邊個角色？

:^(

大頭 2023-2-4 01:38:16 Vivi 同 Siri
(唔鐘意大波

:^(

）

火一般的卡西 2023-2-4 04:58:07 終於有人鍾意Siri，好感動

:^(

出戰一兵 2023-2-4 07:04:33 鍾意siri same
希望食siri多啲劇情

:^(

火一般的卡西 2023-2-4 09:47:54 之後，我仲居然學識去鼓起勇氣，想去擺脫命運對我嘅操控。

我大膽到利用抗婚嚟威脅我母后，逼使佢答應本應唔屬於呢度嘅你，嚟到「薔薇莊」參加我嘅婚禮，但之後畀我發現，你，並唔係一個普通嘅外來人咁簡單。

實情係，你唔單只唔屬於呢度，你係根本就唔可以屬於呢度，喺我知道真相嘅嗰一刻，面對住「國家利益」同「個人情感」二選一嘅決擇，身為「亞索克斯曼」王子嘅我根本都無得揀，呢次亦係我頭一次感受到，過往我不顧一切嘅任性行為，原來係會演變成一個我擔當唔起嘅後果，但係講到底，今次帶你嚟嘅人始終係我，所以無論係點，我都一定要喺母后知道你真正身分之前，保護你離開「薔薇莊」，作為我最後一次以哈爾仔之名，為我唯一嘅好朋友黃仔，做最後一件、最任性嘅事。