約網友出嚟玩調教,點知發現佢係我中學舊同學
上一頁
第 20 頁
下一頁
莫竣名
2023-6-4 00:09:38
:^(
Ads
真波唔怕比人摸
2023-6-4 00:52:02
文呢
:^(
矮有罪咩
2023-6-5 10:47:32
屌你 好撚虐心
:^(
諗起之前同個女仔喺海旁坐
基欲盡塞
2023-6-5 23:12:03
推!!文呀
男朋友個波好大
2023-6-5 23:14:15
文呢
:^(
:^(
可愛的小木星
2023-6-6 07:09:10
:^(
:^(
:^(
要happy end 呀樓主
淫達內人
2023-6-7 01:20:25
文?
Apricot:)
2023-6-7 10:55:15
灣 係度嗎?
差我地啲文幾時遠?
:^(
松露味薯片
2023-6-7 11:12:51
時隔2個月入嚟睇文好滿足
:^(
:^(
灣加油啊!!!等緊你
:^(
灣子
2023-6-8 21:07:26
打緊文
灣子
2023-6-8 22:28:22
20.
本來我哋係諗住睇完戲一齊去食飯,最後再去埋陳君儒舖頭食甜品。
陳君儒好耐之前已經話要帶我去佢舖頭食甜品,但我哋成日都冇咗件事。難得今日一齊出街又順路,梗係要順便去埋。
不過就喺我哋踏出戲院冇耐,一場突如其來嘅傾盆大雨打斷咗我哋嘅計劃。
咩料,今朝睇天氣預報又話冇雨嘅?!我忍唔住喺內心咒罵。
「你有冇帶遮呀?」我問陳君儒。我把遮爛咗一直未買新,唯有將希望寄託喺佢身上。
陳君儒點咗點頭,然後攞咗把遮出嚟:「咁大雨,我哋都係返屋企先啦。」
我唔太肯定佢講嘅「返屋企」係指一齊返佢屋企,定係指今日嘅約會結束,我哋各自返自己屋企。
呢場雨好猛烈。陳君儒把縮骨遮根本阻擋唔到啲雨係咁撇入嚟。等我哋兩個好唔容易行到去車站嘅時候,我哋個身一早濕咗,只有個頭仲係乾嘅。
「真係有遮都搞唔掂。」我抱怨咗一句。
上車嗰陣,可能因為本身個身濕,車內嘅冷氣搞到我凍到忍唔住打咗個冷震。
坐低之後,陳君儒問我:「一陣喺我屋企附近買嘢返上去食?」
照咁睇嚟,佢頭先講嘅「返屋企」係指一齊返佢屋企。
「好。」
之後雨一直落,完全冇停過。
雨實在太大,我同陳君儒都冇乜心機行太遠買嘢食,最後只係匆忙咁喺佢屋企樓下買咗M記。
我上到陳君儒屋企第一件做嘅事就係去沖涼,因為我勁肚餓,想快啲沖完涼就食嘢。
因為係臨時決定過嚟陳君儒屋企,所以我冇帶衫嚟換。
「着住我件衫先啦。」陳君儒俾咗佢件T shirt我。佢都高我幾多,我着佢件T shirt上身嘅話係遮到pat pat,我可以當睡裙咁着。
「話說你使唔使換底褲?不如着住我嗰啲先。」陳君儒又話。
「好啦。」雖然着佢嘅底褲好奇怪,但我寧願奇怪都唔想同一條底褲着兩日......
我攞住陳君儒件T shirt同埋佢條底褲行入浴室,準備沖涼。
陳君儒講笑咁問我:「要唔要一齊沖?」
「唔要!」
我而家淨係想嗱嗱臨沖涼食嘢......
我餓到極點,所以一沖完涼就即刻行去餐檯坐低開餐,完全冇諗住等埋陳君儒先食。
陳君儒沖完涼出嚟嘅時候,我已經差唔多食完我自己嗰份。
「咁快嘅你?」陳君儒一邊抹頭髮一邊坐喺我隔離。
食完嘢之後,我哋一齊執嘢。
「好攰呀!」我一執完嘢就即刻入房攤喺床度。
其實本身我係唔攰嘅。今日淨係同陳君儒睇咗戲,都冇做過啲咩,只不過落大雨實在搞到我哋太狼狽,搞到我唔攰都變攰。
我攤喺床上㩒電話。呢個時候,陳君儒都入咗嚟。
佢上咗床,從後面攬住我。只係單純攬住我,冇講嘢,亦冇其他動作。
我抬起一隻手,同陳君儒攬過嚟嗰隻手十指緊扣,另一隻手仍然㩒緊電話。
我同陳君儒身上隱約散發住一模一樣嘅沐浴露香氣。
淡淡嘅清新氣息鑽入鼻腔,令人感到安心。
喺我㩒緊電話嘅同時,可能係因為無聊,陳君儒鬆開咗拖住我嗰隻手,轉而喺度玩我手指。
因為佢整到我有啲痕,所以我擰轉頭望咗佢一眼。
見我擰過去,佢笑咗笑,順勢低頭錫咗我個嘴一下。
之後我擰返轉繼續㩒電話,而陳君儒就繼續從後攬住我。
我哋兩個好安靜,一直都冇出過聲。
我聽到陳君儒均勻嘅呼吸聲同我嘅呼吸聲重疊,漸趨同步。
其實而家呢個情景根本冇乜特別,只係好平常嘅一幕。
但我卻突然希望時間可以暫停喺呢一刻。
Ads
大西北姿粉客
2023-6-8 22:30:45
估唔到幾sweet
Stokecity10
2023-6-8 22:33:00
有文就推
大西北姿粉客
2023-6-8 22:54:08
留名陳仔仲係鍾意喻姐
東方不舉
2023-6-9 11:21:50
玩調教,但係好耐都冇重口甜
:^(
男朋友個波好大
2023-6-9 23:34:55
唔好sad end
:^(
肌肉型男友
2023-6-12 17:38:17
本身講左2年後先入嚟 點知忍唔住2個月就入左黎
雖然有文,但都係唔夠喉
:^(
!
不過最想講既係,高登追講故台到連登,呢個故可以話係最有代入感,好有畫面,多謝你既文字令我諗起以前曾經有過既畫面
:^(
虐待動物協會
2023-6-12 20:22:44
:^(
好sweet
:^(
又要等一頭半個月
:^(
比卡比卡比卡比
2023-6-13 02:18:53
lm g chi
咩end 都好 唔好爛尾pls
:^(
:^(
:^(
:^(
白雪公主不多
2023-6-16 21:58:06
聽完梁美芬講主人要入黎中和返
:^(
幾時再有調教睇
:^(
記住記住
2023-6-19 13:39:11
佛系讀者 等左幾個月再入黎都係得幾篇
:^(
但係樓主又寫得好好睇
:^(
Ads
灣子
2023-6-21 21:12:00
睇得開心就好
:^(
灣子
2023-6-21 21:12:15
Ch 21
最後我哋唔知喺幾時瞓着咗。
我係喺朝早八點幾嘅時候突然驚醒嘅。我醒咗之後望一望隔離,發現陳君儒仍然熟睡中。
見佢瞓得咁腍,再加上趕住返工,所以我冇叫醒佢就自己走咗,淨係send咗個message同佢講聲。
之後陳君儒成朝都冇覆我message,直到我就嚟放工先覆返我。
「啱啱醒,」佢話:「我好似有啲發燒……」
「吓咁大鑊?」唔知係咪因為琴日落雨濕咗身搞到攝親。
「你幾點收工呀?」陳君儒又問。
「就收喇。」我答。諗諗下,佢而家先醒應該咩都未食,於是又補多句:「使唔使我買嘢食過嚟?同埋你屋企有冇藥?」我諗住佢屋企冇藥嘅話就買埋過去。
「想食茄牛通。」佢答得好快:「屋企有藥呀啱啱食咗。」
「好。」
一個鐘後,我買完嘢食上咗陳君儒屋企。好彩我返工嗰度距離佢屋企只係半個鐘車程,如果唔係仲耐。
陳君儒開門嗰陣成個樣都係冇嚟精神咁。
「退燒未?」我問佢。
「好似退咗少少。」
我伸手想摸佢額頭,佢好乖咁低頭俾我摸。我feel到佢額頭有少少㷫但唔係好嚴重。
可能係因為唔舒服,陳君儒呢刻嘅表情有啲可憐。對上佢嘅目光,我忍唔住放輕語氣:「快啲食嘢先啦。」我將外賣遞俾佢。
佢隨手就將袋外賣放咗喺鞋櫃上面:「攬下先啦。」佢伸手將我拉入懷中攬實。佢應該啱啱沖完涼嚟,我聞到佢身上有沐浴露嘅香味。
不過做咩佢病咗之後好似特別嗲咁嘅??
我有啲想笑,但又覺得好衰,所以忍住笑意攬返佢。
攬咗一陣之後我哋終於都食嘢。
食完嘢,我問陳君儒使唔使瞓陣,諗住等佢瞓着就走。
點知佢望住我:「咁你會唔會陪我瞓。」
唔知咁樣形容恰唔恰當,但我真係覺得佢呢刻嘅表情好似嗰啲期待主人陪自己嘅狗咁......
我完全唔捨得拒絕。
於是我就係咁俾佢拖住入咗房。
不過陳君儒講嘅「陪佢瞓」係真係陪佢瞓,冇其他意思。瞓上床之後,我哋只係攬住對方,並冇其他動作。
本身我其實唔眼瞓,但可能係因為陳君儒張床太舒服,一瞓上去我就感覺到有股睡意襲來,搞到我好快就瞓着咗,分分鐘仲快過陳君儒瞓着。
我呢一覺瞓得好腍。醒返嘅時候,我第一反應仲以為我已經瞓到朝早,望一望電話先知而家係夜晚八點幾。
陳君儒唔喺我隔離,應該出咗廳。
我落床行出廳,見到佢坐咗喺梳化度㩒緊電話。佢個樣睇落比下晝精神咗。睄到我出咗嚟,佢抬頭望咗我一眼:「醒喇?餓未?我啱啱叫咗foodpanda。」
俾佢咁講一講,我又真係覺得有啲餓:「叫咗咩食?」我坐喺陳君儒隔離,好奇咁伸個頭埋去佢部電話度,想睇下佢叫咗咩。
「意粉。啱唔啱食?」佢遞俾我睇。
我點頭,同時打咗個喊露。
其實我而家都未完全醒晒,個人仲有少少吽下吽下咁。
呢個時候,陳君儒望向我,表情同下晝叫我陪佢瞓嗰陣一模一樣:「而家都咁夜,不如今晩喺度瞓埋?」
其實八點幾就真係唔算夜嘅......
我而家都幾肯定佢係特登扮可憐。
喺陳君儒期待嘅目光下,我扮晒嘢咁猶豫咗兩秒先開口:「都可以嘅。」
大西北姿粉客
2023-6-21 21:57:03
女主角得米啦
東方不舉
2023-6-22 04:44:31
雖然好睇,但係冇調教,甚至冇甜,頂唔住啦
:^(
上一頁
第 20 頁
下一頁