我和鄰居大姐姐的故事(18)
上一頁
第 4 頁
下一頁
葉開葉開
2022-12-16 15:48:34
正評100加更:星期六
爆舊po加更:星期日
Ads
山區兒童窩巴
2022-12-16 16:02:30
推推
小火花
2022-12-16 16:04:25
今日依編好虐心啊
:^(
綠茶綠茶
2022-12-16 16:31:55
推推
:^(
水晶硬膠膠
2022-12-16 17:53:40
推
純情小書僮
2022-12-16 18:43:42
肉都赤埋
:^(
:^(
dllm屎忽鬼熙熙
:^(
:^(
:^(
跪求出番外篇條仆街仔俾人再剷斷腳係醫院郁唔到再俾john仔爆菊
:^(
清水灣少林寺
2022-12-16 18:44:39
即係乘虛而入啦仆街
:^(
凋零綠
2022-12-16 20:09:15
作為作者你都咁講?
唔好話男未婚女未嫁,連拖都未拍,有咩問題?
紅花影綠柳
2022-12-16 20:36:11
幫我寄多份
鐵拳無敵鍾培生
2022-12-17 02:15:55
淇淇
:^(
:^(
點解要為咗個人渣作賤自己
齊齊針
2022-12-17 03:58:30
:^(
:^(
:^(
Ads
孤獨的覓食家
2022-12-17 05:53:07
苦戀注定難,我卻這樣貪
神仙B大佬
2022-12-17 11:29:56
推
葉開葉開
2022-12-17 17:44:16
四百六十六
我個胃一陣翻滾。
「同你一齊我真係好開心架…」淇淇有氣無力地道:「我已經唔可以離開你…我唔可以冇左你架…」
我雙眼都開始有啲濕。
淇淇對我咁好,但根本就冇求過回報。
甚至乎我地一齊左既時候,佢明明知我心目中有另一個人,甚至同Kitty姐姐玩過,佢都選擇默不作聲。
反而係我比左個希望佢,然後再親手將佢幻滅。
係我令到佢好似上左癮咁,唔能夠響呢段關係上面抽離。
我呢一刻有小小心軟……
但我知道唔可以咁,如果唔係對佢既傷害會更加深。
搞到而家咁仲唔夠?
「我會繼續陪響妳身邊。」我道。
淇淇收一收聲咁望住我。
「以好朋友既身份。」
屌你唔講呢句仲好啲,一講淇淇又爆喊:「唔好啊…我唔想同你分手啊!」然後想撲埋黎我身上。
「唔好咁。」今次我點都要鐵石心腸,我輕輕推開淇淇:「妳冷靜下先,我扶妳入房喇。」
淇淇渾身無力咁跌坐響地上面,無力咁痛哭,只係任由我扶住佢慢慢咁入房,再扶佢響床上面坐低。
要講既已經講晒,安頓完淇淇我想走。
但就響我起身既時候,淇淇拉住我隻手,哭道:「唔好走啊…」
我其實都唔忍手就咁掉低淇淇就咁走左去,但如果我唔狠下心腸既話,我係唔會分到手。
不過……其實我而家咁又何嘗唔係狠心?
於是我狠下心fing開淇淇:「我要走喇。」然後真係唔理淇淇咁快步離去。
我好快咁行出房行過梳化拎起個書包快快手咁開門走人,但淇淇一見我走都即刻由張床度彈落黎,追住我出廳,響我出門之前果一下捉住我隻手。
「熙熙…唔好走…唔好掉低我啊…」淇淇已經泣不成聲。
一個淨係著住bra同低褲既美少女,響門口大開晒既時候拉住我,聲色淚下咁求我唔好走,我就算幾鐵石心腸都好,都應該回心轉意。
或者,至少關好度門,唔好比人見到淇淇咁性感既一面。
但係我冇,我再一次輕輕咁fing開淇淇捉住我既手,道:「再見。」
因為我知道自己只要有一刻猶豫,我就會忍唔住唔同淇淇分手。
「唔好啊…」
我可以做既,就係響我出門口之後快快手關上大門,等出面既人唔好睇到淇淇呢個淒涼既樣…
關上門同閘之後,我挨住淇淇屋企大閘,雖然隔住道大門,但仍然可以聽得到淇淇響屋內痛哭。
我心一陣狡痛,然後眼淚都不由自主咁流出黎。
我最心痛既其實唔係分手,而係見到淇淇而家咁痛苦既樣。
我知道我主動講分手既話一定會有罪惡感,但估唔到自己一樣會心痛,更加估唔到我都會喊……
就係咁我地兩個隔住道門,雙方各自痛哭……
然後……
淇淇哭喊既聲音突然靜止左落黎。
……
……
……
唔通佢想出去搵我?
一諗到呢個可能性,我即刻離開,行入房煙門響樓梯上面坐低。
我唔知坐左幾耐,亦唔知道淇淇最後有冇出到去搵我,我冷靜完之後就出返去搭𨋢走人。
*
我心情唔好受,但只怕淇淇既心痛比我痛苦千倍百倍。
我冇咁快返屋企,因為我驚佢會上我屋企等我返去。
話晒佢都有我屋企鎖匙。
然後我諗起既然要打發時間,不如打比遙遙問下佢調查進度如何?
我一拎部電話出黎,先發覺有無數個missed calls,而且唔單止係淇淇,仲有八婆儀、阿必同忍者欣。
我唔理佢地,直接打比遙遙。
「喂。」
「遙遙。」
「係你。」遙遙笑道:「知道你心急喇,其實我都想搵你,不過之前要考試所以唔係幾得閒。」
「我明,唔緊要。」我問:「咁即係有結果了?」
遙遙道:「有。」
「即係點?」
「……」遙遙問:「出黎先講?」
「好,而家得唔得?」我問。
「嘩,你駛唔駛咁急?」遙遙失笑道。
「妳唔得閒?」其實咁急約佢,佢唔得閒係好正常。
「咁又唔係……」
「妳響邊,我過黎搵妳。」聽到佢得閒,我即刻打斷佢。
(待續)
葉開葉開
2022-12-17 17:46:45
冇問題架
:^(
我個答案其實係中性,咁佢係同Jonathan friend先會咁吖嘛,但我冇話過有定冇問題
:^(
綠茶綠茶
2022-12-17 17:52:28
Push
西門廿一九
2022-12-17 17:54:59
懷疑淇淇自殺
:^(
凋零綠
2022-12-17 17:56:13
為自己愛嘅人,係可以咩都做得出
:^(
有無人可以催眠我
2022-12-17 18:51:27
淇淇唔好自殺啊我棄故嫁屌你
:^(
紅花影綠柳
2022-12-17 19:55:47
我都有呢個懷疑
:^(
鐵拳無敵鍾培生
2022-12-18 01:17:28
一同淇淇分手就搵第二個女人
:^(
:^(
Ads
小火花
2022-12-18 01:35:34
刀片呢
:^(
葉開葉開
2022-12-18 18:41:52
四百六十七
又係麥○勞。
我為左搵遙遙特登搭車過海搵佢。
而我地就約左響上次果間麥○勞等。
而根據慣例,靚女係會遲到既。
不過好彩都唔駛等左好耐,一身便服既遙遙就到左。
「妳遲到。」我心情已經好差。
「十分鐘咋嘛,邊算遲呢?」遙遙笑道,個笑容有啲麻甩。
唉。
其實佢幫我做野又唔收我錢,遲十分鐘又算得係乜。
遙遙坐低放好袋仔之後望住我。
「做咩?」我問。
「你對眼咁……」
「眼?」
「冇野喇。」遙遙笑一笑,再道:「你係咪想知調查結果?」
我緊張地點點頭。
「冇拍拖。」
「下?」
「我話。」遙遙深吸一口氣大聲道:「你個秋兒姐姐冇拍拖啊!」
「喂,我聽到喇,唔駛咁大聲!」我見到隔離枱師奶望住我偷笑。
「嘻嘻。」遙遙俏皮地眨眨眼:「驚你聽唔到吖嘛。」
「詳細既情況係點啊…?」我心急地問。
「等陣先話你知~」遙遙又企起身:「我買啲野食先~」
我本來想話不如我請,不過我諗起荷包君,既然今次佢冇提,我就算。
人地請食野我就鳩衝啫,調轉我就要諗諗。
「不過……」遙遙又俏皮一笑,響自己個袋入面拎左份野出黎:「響我買野食你又冇野做既時候,可以睇下佢既……」
係一份用人手釘裝既文件,上面整整齊齊咁用人手寫左一行字:《林秋兒調查報告》。
啲字寫得好靚。
「妳自己寫既?」我問。
「係啊,唔通你寫架咩?」遙遙伸一伸脷笑道。
我有啲感動……
「多謝妳……」
「唔駛多謝~」然後佢突然伸隻手出黎:「請我食飯得架喇~」
哎呀。
真係走唔甩添。
「冇問題啊。」不過抵比既。
除左係因為份咁精緻既調查報告之外,仲因為我臨時臨急叫佢出黎佢都肯。
*
「……」
「點啊,得到你想要既資訊未?」遙遙一邊食住杯麥○風一邊問我。
我點點頭:「多謝。」
份報告記錄左秋兒姐姐呢個月以黎既行踪,其實佢除左返工同放工之外,淨係間中會同啲朋友出去。
Jonathan真係連影都冇。
而且最爆既係……
「妳真係開口問秋兒姐姐?」我指一指報告相關既部份。
「係啊。」遙遙笑一笑:「除左佢本人之外,仲有咩人更加清楚佢既感情狀況?」
「妳真係…佩服佩服…」我深感欽敬。
遙遙有時一條友,有時就同啲朋友跨晒區衝上B's Cafe溫書,從而了解秋兒姐姐既返工放工時間,而且佢仲主動去同唔同既staff傾計,然後若無其事咁變到同秋兒姐姐熟絡,再探口問佢感情事。
「偵探唔易做架。」遙遙又將一羹雪糕放入口。
「妳其實具體黎講係點問?」我有啲好奇。
「熟左好易問架咋。」遙遙又俏皮咁笑一笑:「而且佢見我係客人,對我反而冇乜戒心,同我講左好多野。」
「有冇……提到我?」
「冇喎。」遙遙聳聳肩。
「噢…」我有啲失望。
「你又唔駛咁失望既~」遙遙笑道:「事實上應該講我都唔知,因為佢冇直接提起你啫。」
「妳到底係點問佢?」我覺得遙遙響度賣緊關子。
「你想知?」遙遙向我眨眨眼。
「想啊。」我點點頭。
遙遙突然伸出一隻手,攤開手掌道:「我要多杯士多啤梨新地!」
「……」
遙遙一臉笑意咁望住我。
唉,都係幾蚊啫。
「殺妳。」
*
「我最初同朋友上去間Cafe溫書,然後開始周圍撩人講野,咁當然我個目標係你個秋兒姐姐喇。
「我好快就同佢地混熟,好易可以傾到計。
「慢慢我都掌握到林秋兒幾時返夜班、幾時收工。
「我後尾其實通常都係自己一個上去,易啲開口同人傾計吖嘛。
「有一晚我響Cafe差唔多收工既時候林秋兒冇乜野做既時候捉住佢傾計,同佢呻下話讀女校好難識到好男仔。
「佢笑一笑咁答我話我而家先讀中四,以後大把機會識男仔喇。
「我見時成熟,於是就打蛇隨棍上問:『係喎,咁秋兒妳咁靚女,有冇男朋友啊?』」
(待續)
葉開葉開
2022-12-18 19:40:40
過200正評加更:星期四
小火花
2022-12-18 21:30:19
我比軟想知淇淇點,多過秋兒有無拍拖
:^(
上一頁
第 4 頁
下一頁
爆舊po加更:星期日