我和鄰居大姐姐的故事(18)
上一頁
第 38 頁
下一頁
葉開葉開
2023-3-1 14:32:12
推山區巴
:^(
Ads
葉開葉開
2023-3-1 14:32:51
五百
我地學校既中六得兩班,分別係6A同6B。
6A係文科班(但都有啲商科讀,好似經濟同會計咁),而6B就係理科班。
我好自然就係讀6A班。
而淇淇都係原校升中六,我地好自然就係同班同學。
老老豆豆,我地都分左手年幾,但兩個人之間依然冇交集。
我最初都有決心想向佢道歉,想同佢回復返朋友關係,但當時間一長左,加時佢對我完全採取封閉既態度,所以漸漸地我都冇再浮現呢個念頭。
不過我地依然係有啲公事上面既交集,因為佢係今年黃社既社長,而我就係今年黃社足球隊既隊長,所以公事上點都要傾幾句。
我其實都還ok,但淇淇就好似尷尷尬尬咁,每次一講完正經野就即刻轉身走人或者搵返其他幹事。
而家咁樣,我地真係仲衰過形同陌路,都唔知我地呢一世仲有冇機會改善返到我地既關係呢?
唉。
不過我衰我賤,都係我自己攞黎既。
另外,當初八婆儀放榜果日喊到好撚淒涼,我仲以為佢係會考失左手升唔到中六,點知開學之後我又見到佢同淇淇出雙入對,無穿無爛咁升讀左6B班,仲做埋學校辯論隊隊長,我就知我自己既估計係錯晒。
我地學校每年中六文科收生既最低分數大概係十四、五分左右,但理科班既收生分數係長期維持二十幾分,所以除非你覺得二十三分都係失手,如果唔係只要佢係夠分原校升中六既根本就唔算係啲乜撚野失手。
咁佢果日喊又係咩原因呢...?
...
...
...
因為阿必會考得兩分,所以升唔到中六先喊到豬頭咁?
但係我相信就算阿必會考有成三十分都好,佢都係會唔讀書就去做職業球員既。
所以佢究竟係喊乜鳩呢?
以佢同阿必既關係,佢唔係應該知道阿必既打算而一早預左既咩?
啊,其實阿必、八婆儀同淇淇三個人而家既關係係點既呢?
不過就算我想知都無從得知了。
我同佢地都完全冇晒交集。
講起阿必,自從佢畢左業之後都冇見過佢了。
正如之前所講,佢就算三十分都唔會升中六,何況得果兩分?
不過,我就從其他隊友口中得知,佢畢業之後果個球季,已經被提拔上甲組隊跟操,響我地果個世代黎講佢係第一個。
我都仲有同其他隊友出黎食飯,只係理所當然地阿必當然冇到。
呢段時間入面,除左秋兒姐姐之外,我呢班舊隊友都比左我心靈上面唔少支持。
而再見到阿必既時候,就係響報紙上面既報導見到既。
類似係話佢以年僅十七歲就為流浪後備出場上陣,仲射入左一個好靚既自由球,而且全場助攻助守,話佢將會係香港球壇既一顆超新星。
我睇到好羨慕同妒忌。
我以前響青年級別既賽事踢得再好,都唔會好似響甲組大放異彩咁有咁多人留意,而且我本來仲有機會響日職登場,但而家......
唉。
不過即使我同阿必已經「絕交」都好(其實係阿必單方面同我絕交咋),其實我對阿必一啲憎恨都冇,所以我內心真係有祝福佢既。
唔知我地以後仲會唔會有機會見面呢?
雖然把口唔認,但其實我真係當佢係好兄弟黎架,所以一諗起我地而家搞成咁我就好唔開心。
我地五人組入面,仲有一個人我未提,果個就係忍者欣。
但其實我都冇野好提,因為我都唔知佢去左邊。
我唔係一個八卦既人,加上忍者欣同我一樣摺到冇朋友,存在感極薄弱,所以我都冇從任何人口中得到過佢既消息。
佢考成點?升中六?Repeat中五?IVE?副學士?
唔知。
我諗我同佢之後都唔會再有交集。
*
中六我成為左黃社足球隊既隊長。
老實講我其實一啲都唔想做,又要搞選拔又要同學生會夾場地練波,不過今年黃社足球隊入面得我一個中六,想唔做都唔得,除非想唔踢既啫。
我當然都有帶佢地去同文叔佢地練波。
文叔望住我,一臉感嘆:「你果陣黎果陣仲係細細粒,而家個樣雖然都係細細粒,但身材已經高大左咁多。」
「……個樣果part係多餘既。」我道。
「阿必冇再黎過?」隔左一陣我問道。
我因為受傷同升中六忙左,已經大大減少左響屋邨球場流連既時間。
唔知響果段時間入面,阿必有冇黎踢過波呢?
(待續)
開飯有益
2023-3-1 14:51:44
睇完推一下
山區兒童窩巴
2023-3-1 14:56:40
推推有文
:^(
綠茶綠茶
2023-3-1 14:58:51
Push
秀田。武仁耕
2023-3-1 15:21:13
推
即是咁
2023-3-1 17:21:19
先恭喜下500話,再推一推葉開巴
:^(
即是咁
2023-3-1 17:21:30
然後再推山區巴
:^(
寧釆臣
2023-3-1 17:27:18
推!
山區兒童窩巴
2023-3-1 17:32:03
推到加更
:^(
:^(
魔法掃把
2023-3-1 18:30:55
此回覆已被刪除
Ads
歐子爭
2023-3-1 18:36:56
牙爭推開
港女世一
2023-3-1 20:09:11
推推
開嚟見我
2023-3-1 20:22:27
推啊
小火花
2023-3-1 20:42:46
推爆佢
Igor_Sartori
2023-3-1 21:22:16
此回覆已被刪除
摸奶達
2023-3-1 21:50:05
唔怕自爆,我同有過同淇淇一樣差唔多既經歷,所以好身同感受。
:^(
利申:巴
摸奶達
2023-3-1 21:56:58
應該係林嘉緯做原型靈感,但唔係林嘉緯。因為阿必同嘉緯sir有唔同唔同,球風上阿必同嘉緯sir都係比靚波同同進攻核心,但唔同係故事講阿必後期踢波會助攻助守同體能超好,但嘉緯sir主要都係踢10嘅位同阿必box to box唔同,比較少參與防守,同體能比較差。球場外嘉緯sir咁多年識佢既隊友都話佢比較怕羞同內向,唔同阿必咁外向同講on9野做搞笑果個。
冇芒26
2023-3-1 21:58:45
:^(
摸奶達
2023-3-1 21:59:18
仲有估事港隊有盧棍,應該係盧均宜原型,不過唔同係均宜sir青年軍係踢流浪,唔係傑志。
月水竹戈口弓土人
2023-3-1 23:43:14
秋兒考會考但讀四年大學好似有啲矛盾
:^(
Ads
大西北姿粉客
2023-3-1 23:47:19
懷疑忍者欣之後會有故事
山區兒童窩巴
2023-3-2 01:39:03
我都覺
:^(
冇芒26
2023-3-2 07:52:45
:^(
寧釆臣
2023-3-2 10:08:15
再推...
上一頁
第 38 頁
下一頁