人妻殺手(漿天褲) 2023-2-2 20:59:36 推推

:^(

綠茶綠茶 2023-2-2 22:57:39 Push

即是咁 2023-2-3 09:16:40 巴打你個名

:^(

:^(

開飯有益 2023-2-3 14:30:28 推

飛𨋢扭屎忽 2023-2-3 14:31:09 推到有文

:^(

葉開葉開 2023-2-3 14:31:34 綠茶巴

:^(

葉開葉開 2023-2-3 14:31:53 準備出架喇

:^(

葉開葉開 2023-2-3 14:32:45 多謝支持！
人生係有喜有悲既

:^(

葉開葉開 2023-2-3 14:33:43 肯定有既

:^(

葉開葉開 2023-2-3 14:33:58 有機會既

:^(

葉開葉開 2023-2-3 14:34:31 一見熙熙誤終身...

葉開葉開 2023-2-3 14:35:11 四百八十九

陰差陽錯下，經過遙遙轉述，我早就大概知道發生過咩事（當然我唔會比秋兒姐姐知我搵過偵探，想死咩）。

但我完全唔覺得係秋兒姐姐責任。

Jonathan既目標係佢，其實佢都係受害者，而且最重要係佢果陣仲係想好好照顧我，但我就發神經傷害左佢。

心理上同身體上都係。

所以我提出異議：「點會呢？係我果時發神經先至會……」

秋兒姐姐一臉歉意而且帶啲傷感地咁打斷我：「唔係架……原來Jonathan佢……」

秋兒姐姐慢慢咁將件事講返出黎，包括Jonathan點樣搵偵探調查我地、佢點扮到熱心幫助人、點樣利用秋兒姐姐大愛同唔忍心拒絕人既性格、點樣用睇準機會瞄準我性格同弱點對我出計謀令到我誤解再傷害秋兒姐姐再決裂、仲有佢點樣起疑心拆穿Jonathan再同佢絕交等等，當然佢點樣因為淇淇同我拍拖而刻意避開我地同埋隨住時間過去覺得我同淇淇穩定左同我開始返接觸都有大概咁講埋出黎……

講下講下，佢忍唔住喊左出黎……

成件事大部份我已經由遙遙口中聽過一次，所以就算今次可能有啲新資訊，但大致上我已經知道發生咩事，今次聽心入面其實唔再吃驚，只係不斷為秋兒姐姐遞上紙巾同埋安慰下佢。

「對唔住啊熙熙……」秋兒姐姐仲未止得住眼淚：「我應該一早聽你講，留意多啲Jonathan呢個人...係我太天真、太容易信人喇...而且你受左傷之後，我明知你唔鍾意佢，但我都唔識拒絕佢既堅持，先至會搞到佢有機會令到你誤會左我同佢既關係...如果唔係我既話，都唔會令到你果陣變到咁抑鬱，搞到我地關係變到果陣咁樣之餘，仲差啲影響埋你做物理治療既進度...」

「關咩事？妳都係受害者黎。再講，如果唔係我果陣咁幼稚、咁衝動，佢就算想搞我地都搞唔到喇，我既問題遠遠大過妳。」我安慰秋兒姐姐道：「所以，你真係唔駛責怪自己架。」

我心入面真係咁諗。

我係唔成熟同脾氣先會比Jonathan算計到。

秋兒姐姐搖搖頭，難過地道：「仲有，我知道左真相之後，冇即刻去搵你講返清楚件事，反而因為驚見到你同埋淇淇一齊我會難受，所以刻意去避開你...我實在太自私喇...」

自私？

秋兒姐姐將自己鍾意既人讓比另一個女仔，如果咁都叫自私既話，呢個世界冇人唔自私喇。

「點會係妳自私啫？講到尾，妳都係驚影響我同淇淇果陣既關係先會想避開我啫。」我嘆左口氣：「其實自私既係我。係我當水泡咁同淇淇一齊、係我自私完全冇理過妳響高考時期仲要照顧我既感受、係我自私傷害左妳地兩個...而且我明明係鍾意妳，但係我同過其他女仔拍過拖，傷害佢地之餘仲傷害埋妳。」

「熙熙真係成熟晒喇喎，可以咁冷靜咁去承認同面對自己既過錯。」秋兒姐姐面上終於有小小笑意。

我可以咁冷靜我諗係因為我已經由遙遙把口聽過件事一次，如果唔係我一樣會係覺得好震撼。

「唔係喇……」我搖搖頭：「我仲係好唔成熟。」

所以先會搞到我同淇淇、阿必佢地決裂，自己響學校連一個朋友都冇。

秋兒姐姐面上仲有淚痕，但係面帶微笑道：「你已經成熟左好多架喇。」

我搖搖頭再道歉：「對唔住。」

我地互相咁對望左一陣，其實唔係尷尬，反而係一種解脫，將心入面既刺拎出黎講。

「好喇，我地唔好再提呢件事喇，都過左去。我地要做既係珍惜而家，同埋好好計劃未來！」秋兒姐姐道。

講成熟秋兒姐姐真係成熟過我好多，我就講唔出佢呢番說話嘞。

「不過…」秋兒姐姐伸左個懶腰，好可愛：「下定決心講完呢件事比你聽，我講完出黎之後即刻舒服晒。對唔住啊熙熙，暪左你咁耐。」

其實我一早已經大約知道真相係點…

不過我梗係唔講出黎喇。

比佢知我同Jonathan做同一樣野想死咩。

「唔會…都話件事唔關妳事，妳都係唔知點開口啫。」

「你真係大個仔喇。」秋兒姐姐回復正常微笑道。

我認為秋兒姐姐呢一刻唔肯同我一齊，可能係因為有啲心結既存在。Jonathan件事係其中一個心結，而家似乎已經解開左…

而另一個心結，會唔會係淇淇？

如果係既話，我又應該點做？

（待續）

綠茶綠茶 2023-2-3 15:01:07 Push

小火花 2023-2-3 16:33:27 唔係已經誤左啦咩。。

:^(

輸劍因愁鹿 2023-2-3 17:07:16 初戀+隻豬俾咗個唔鍾意自己嘅男仔好似都好常見

:^(

:^(

大西北姿粉客 2023-2-4 00:00:38 究竟點解決淇淇

:^(

:^(

喊是沒有用 2023-2-4 00:45:43 淇淇其實都知熙熙唔係真係鐘意佢先會想用隻豬黎留人

:^(

人妻殺手(漿天褲) 2023-2-4 04:18:30 如果現實兩個人都可以咁容易講曬啲野出黎解開個心結咁就好啦….

:^(

占爺 2023-2-4 09:12:13 有冇人同一樣見到淇淇依個角色咁慘個心好涼

:^(

:^(

唔知點解極憎依個角色

:^(

:^(

:^(

清水灣少林寺 2023-2-4 09:51:19 因為佢明知真相都要乘虛而入，做第三者

:^(

冇芒26 2023-2-4 10:56:52

:^(

山區兒童窩巴 2023-2-4 16:09:20 推推

綠茶綠茶 2023-2-5 00:45:25 Push

冇芒26 2023-2-5 00:46:30

:^(

小火花 2023-2-5 13:29:46 推