［冇圖］睇左好多年聖經你問我答（3）

Chairmannone 2022-12-31 10:05:28 即係話神係最惡最仆街既黑社會。佢想搞尻你邊個都救你唔到亦永遠唔講道理幾能型

黃大仙湯賀蘭 2022-12-31 13:34:45 我發現上帝同主耶穌都俾極左人士當係final boss

:^(

而教會就係恐怖份子大本營....

係，聖經的確指明同性戀係罪，但係都有講過其他罪都係罪。然而俾撒但水晒做炮灰嘅極左人士，就將嗰一句經文無限放大....講到上帝專針同性戀....

但其實上帝都愛同性戀者，並唔存在同性戀呢個罪大過其他罪，因為喺上帝眼中，罪就係罪，無分大細。非同性戀者又好，同性戀者又好，都係罪人，都係需要被主耶穌嘅寶血拯救。

而我個人認為，處理同性戀者嘅方法，就好似平時處理一啲跌倒嘅弟兄或姊妹咁。用愛心挽回佢哋嘅同時，自己都要小心。

一夜夫妻120蚊 2023-1-1 03:30:33 跟巴打機加多句

清心自省順服信心，搞掂自己再搞其他，上帝要分紅海都分到問題係響哂朵跟佢個d屬靈上有冇摩西亞伯拉罕咁乖仔

到底自己下秒收工見榮威三一主個時按聖經標準，係得佢悅納稱自己為朋友善僕定還是上帝話我唔認識你你走

搞掂呢樣，唔通上帝會唔保守屬佢既產業？係上帝守約施慈愛、係聖靈比能力、係耶穌受死再復活

只要上帝想，Toyota 可以變lambo ，問題係係跟佢個炸乖唔乖仔

新年流流又亂講野

同性戀呢到更加啦，信還信，有時講野都睇場合睇環境換位思考下先講
聖經係有不小地方只可以用信心領受而理性係過唔到，換句話講係真係非理性。
你信左你都解唔到仲十二成功力咁同未信咁直率咁𡁻埋去，你係人地你點諗

有時比人屌都覺得人地係屌得好legit 下，因為佢所引述既例子係自己人聽到都o乸哂嘴

要好小心到底有時係事奉緊自己定事奉緊上帝當開口用基督徒身份講野個時

第一係因為上帝係鑑察人心既上帝，唔好傻到諗住可以先呃自己再呃上帝；
第二係一個人衰係所有人連埋上帝都會比佢搞衰埋，福音變walking joke
沒有義人一個也沒有，正常既，你們相愛眾人就認出你們是我的門徒，問題係都衰左都感覺良好係好趕客。

其實d人屌屌咩，兩點，一虛偽二on9，其實呢兩點都衰左仲點叫人信耶穌係救主聖經係真信仰係理性，跟佢個班包括我呢條柒碌平信徒連登仔做埋d野咁既喂仲陳義高到係鹽同光

黎啦等你廿幾世紀 2023-1-1 05:11:59 我幾佩服你，好多次都係你既口中講到D之前冇討論過既真理

:^(

神既全能足夠佢去惡到盡，我同意佢有咁既能力。
但係如果佢真係咁做，我地仲有邊得淨？仲可以存在到而家？仲上到連登？

咁你睇下，佢用左佢既能力做咩？
創造呢個世界，救人離開罪惡，將盼望比絕望既人，接納冇人想理既人，陪伴孤單既人，使卑微既人升高，又將高傲既降卑，賜福比等侯佢既人，又令惡人跌入自己整既圈套。
佢管教佢所愛既世人。

神唔講道理，其實係架。公義聖潔既神淨講道理既話，每一個人都係做緊惡事自招審判。
反而，神講既係愛，而且唔單止講，呢份愛已經係佢獨生子耶穌基督身上顯明出黎。
你唔值得被愛，但係佢愛你。就係咁唔講道理架喇。

Chairmannone 2023-1-1 10:46:36 嘩幾呀人類既善就係神既愛人類既惡就係人自招呢啲真係老細款功就自己領鑊就啲細既

黑社會做完衰野起碼會認

Chairmannone 2023-1-1 10:49:58 仲有，做人唔好咁無恥講啲唔講啲

你唔值得被愛，但係佢愛你。***但如果你唔愛番佢，佢就要你永不超生****，就係咁唔講道理架喇。

仲衰過啲癡漢溝唔到女就斬開人九件

不妨濛一點 2023-1-1 18:52:53 你要強調上帝忌邪的一面都冇錯既，但你刻意無視神豐盛的慈愛與憐憫都唔見得係妥當

:^(

「不可跪拜那些像，也不可事奉它們，因為我耶和華－你的上帝是忌邪的上帝。恨我的，我必懲罰他們的罪，自父及子，直到三、四代；愛我、守我誡命的，我必向他們施慈愛，直到千代。」
‭‭申命記‬ ‭5‬:‭9‬-‭10‬ ‭RCUV‬‬
https://bible.com/bible/139/deu.5.10.RCUV

三代四代同千代萬代比，蚊同牛比呀

Chairmannone 2023-1-1 18:54:45 勁呀憎你就要罰港區國安法

不妨濛一點 2023-1-1 18:57:47 你先定義左咩係善，咩係惡先

:^(

你係講緊自己果套定神果套
自己果套就無謂講喇，人人有唔同標準
神果套就係，你meet唔到佢果套標準就係罪/惡，咁佢果套真係無限地高，只有耶穌meet到，that’s why 沒有義人，連一個也沒有。係架，龍門係任佢擺架，鬼叫佢係神你唔係

:^(

Chairmannone 2023-1-1 19:02:41 你自己認就得啦仲衰過黑社會

不妨濛一點 2023-1-1 19:16:46 神要對人做審判，因為佢係公義的，亦因為佢既高標準，冇人被審判後可以無罪，只有信左耶穌可以被免罪，因為耶穌已經為信佢既人，獻上一次性的永遠的贖罪祭，叫信他的不致滅亡，得以稱義

:^(

所以唔愛佢既，就不能稱義，自然要受審判

:^(

Chairmannone 2023-1-1 19:18:28 個個都有罪，咁仲審乜春？浪費時間。衰過國安法。

黎啦等你廿幾世紀 2023-1-1 22:31:51 所有神做既野，你需要知既神都攤晒出黎比左你知。佢既光仲照落人既黑暗度。
黑社會連自己做緊咩自己都唔知，兼且唔見得光

:^(

Chairmannone 2023-1-1 22:44:04 仲衰，明明做緊賤野唔知醜攤哂出黎，即係毛澤東希特拉

連羞恥之心都冇

黎啦等你廿幾世紀 2023-1-1 23:31:17 你呢個講法幾有創意喎，因果要搞清楚呀

:^(

神做咁多樣野，不妨分開遂樣睇：

（1）因為神愛人，所以賜下耶穌為接受既人贖罪，所以你接受耶穌就當你冇罪，你唔接受耶穌就繼續有罪。
（2）因為神係聖者，所以你有罪就冇得去神度，你冇罪就有得去神度。
（3）因為神係善同生命既源頭，所以有神果度就有好野有永生，冇神果度就只有衰野同永死。
（4）如果你愛神，你就會想以後同神一齊，如果你唔愛神，你就唔會想以後同神一齊。

上面（1）-（4）係事實，而家大家講下道理：
***如果你唔愛番佢***，你就唔接受耶穌既救恩，咁（1）你就仲係有罪，（2）你冇得同神一齊，你個結局就係永遠同神分開，（3）永死。其實咁唔係就係你正正想要既結果（4）咩？

所以****佢就要你永不超生****就唔合邏輯喇，明明係你自己揀，做咩賴神？
你有罪特登唔理其實係你既決定喇。
神將你本來應得既野比你，係佢既公義。佢將你想要既野比你，係佢既恩典。

有冇聽過殺人犯判左刑之後，話條法律唔講道理？話個法官唔講道理？
乜唔係佢自己攞黎既咩？

黎啦等你廿幾世紀 2023-1-1 23:34:37 我其實幾好奇，究竟神係你身上做左咩事，令你覺得係賤呢？

Chairmannone 2023-1-1 23:53:01 殺哂埃及人長子，連bb 都唔放過

Chairmannone 2023-1-1 23:55:04 唔接受神既愛就係有罪哈哈哈

你試吓溝女咁樣同條女講：你唔接受我既愛就係有罪！！

條女只會同你講：痴能線

黎啦等你廿幾世紀 2023-1-1 23:57:09 上面講緊你本身既罪

Chairmannone 2023-1-1 23:57:47 仲有，我冇聽過一個地方，立法又係佢，執法又係佢，審判又係佢，然後話係公義。

有既，嗰個叫共產黨。

唔該番屋企讀多幾年書先好出埋呢啲垃圾比喻

黎啦等你廿幾世紀 2023-1-1 23:58:10 呢D樓上答左，今次我問緊你

Chairmannone 2023-1-1 23:59:58 我既所謂罪係神自己界定既呢句係你講架

你話神既所謂罪係唔關我地呢啲俗世既道德事㗎嘛

一個啱啱出世既BB都有罪，咁即係屈佢機啦

Chairmannone 2023-1-2 00:01:19 你自己講埋啲尻野就當答左啫

無差別殺人係神既一貫作風

黎啦等你廿幾世紀 2023-1-2 00:03:27 塊地係共產黨造？人係共產黨造？
係永恆創造主面前既共產黨冇資格話自己「公」義喎。

仲有，就算係共產黨都好，我個比喻係講殺左人既犯，唔係被屈果D。

Chairmannone 2023-1-2 00:06:25 勁吖，做我出黎就有權控制我。

唔怪得之咁多痴線老豆老母話你係我生出黎既我叫你點就點！！