李東敏教我極敏感 2022-10-22 18:56:12 情緒支援對病情都有好大影響 多啲安慰 關心同陪佢 減輕佢嘅不安同無力感 樓主同你媽媽都要加油

:^(

旺角MK仔 2022-10-22 19:04:51 試吓戒口食糖先啦，真係會減慢個瘤生既速度
另外，如果情緒唔開心，我原本其實想建議食CBD
不過政府下年開始當毒品

:^(

我以上呢2個建議，係自身試過，係work既
同埋心態都好緊要
我基本上真係好似回魂夜個一句咁
成盤係血，當佢冇事

:^(

夏洛特科蒂 2022-10-22 19:16:04 點解唔做埋RCC+/CA9+/CK7/AMACR等先排除咗唔係腎癌？

佢會唔會係做左但無寫? 佢comment只係寫左咩係 positive

bforbabycforcat 2022-10-22 19:16:19 呢份病理學報告真係做得幾唔夠。惟一證明到嘅只有Clear Cell Carcinoma, 會唔會係腎原發又唔排除，冇乜有用嘅訊息。

既然佢可以認為Clear Cell Carcinoma响膀胱原發雖然係罕有，但都有此可能；如果係由子宮內膜/卵巢/腎轉移過去一樣係罕有㗎喎，咁佢憑啲乜認為唔係原發，而係由其他地方轉移過去？

一般而言都係如你所講先做個CT證明冇擴散後先肯同你切膀胱，如果有擴散做唔到手術就唔會同你做。術後如果再照PET包底確定其他器官全部都冇cancer，就好大機會只係一個原發性中早期嘅罕有嘅Clear Cell 膀胱癌，而唔係一個四期擴散嘅癌症，成件事好大分別㗎喎。咁的話好可能真係咁好彩只係膀胱原發，切得乾淨的話係可能轍底根治。

bforbabycforcat 2022-10-22 19:17:56 唔會，做咗的話一定會report返，就算negative finding都好重要

Alexis-Sanchez 2022-10-22 19:19:43 膀胱既你可以搵返附近啲organs
好大機會 卵巢、子宮頸 婦科癌 所以你快啲搵個婦科照下ultrasound

二十四者 2022-10-22 19:29:27 我答你唔係。

第一，膀胱瘤塞住尿道影響小便，醫生一定要切除，先能夠比你媽媽如常生活。做無創手術，用膀胱鏡就可以一次過將膀胱內嘅瘤割曬，出院走得。

第二，切落嚟嘅瘤，拎去化驗係必然。
有啲人嘅結果無嘢，如果膀胱癌無入侵性，切除曬就叫完全康復。
有啲人有嘅結果就好似你咁，化驗發現其他位置係原發。但膀胱切除曬瘤係好事，唔影響你媽媽小便，而膀胱唔係原發位置。

你最尾個問題：首先醫生要睇CT, 睇啲瘤生成點，另外就視乎個case有幾複雜，點樣做，幾時做，如果個case複雜，往往會同teammates, team head 做更多溝通，為病人諗個適合佢嘅方案。

例子：如果有病人係子宮有關嘅癌，簡單嘅，如果切咗部分或成個子宮就完全康復嘅，咁醫生會同病人講，病人同意就做手術切除，康復如常。如果唔係嘅就要彈去腫瘤科治療。

樓主，比啲耐性等幾日，等化驗結果，聽完主診醫生講番個結果、點處理，了解咩治療方案先。然後就同佢講叫佢寫轉介信，攞封信去公立專科。

呢度有好多訊息，自己過濾，有啲人唔識亂講就唔好睇。

我有留言教你點同你媽媽講佢病情，你可以跟住講，幫佢面對+接受。

子宮嘅癌相對無咁複雜，亦容易由陰道去抽組織化驗。子宮嘅癌易做化驗，亦相對唔係重要器官。我認為算係不幸中之大幸。

我見過有case難搞嘅係肝癌，擴散去膽管癌。
病人喺嗰年嘅3月因黃疸入院，入院驗好多指數，排除好多引致黃疸嘅原因，抽組織化驗、照CT等，一直喺外科病房，插胃喉飲奶。
Covid-19 唔比探病，呢段時間佢精神，行得走得，可以行出病房見家人。日漸消廋得好緊要。佢心態算係樂觀。每日講笑話佢聽引佢笑，佢都有講有笑。同佢講病況，佢每次聽完都叫我要打比佢仔講一次，我話轉頭就打比佢。感覺佢係個好媽媽，佢一仔一女，仔女都好孝順。佢仔啱啱做嘢，女讀HD。喺佢眼中，無論仔女做咩，佢都好引以為傲，好欣賞、支持
6月同佢做手術，開大刀切膽管瘤。做手術目的係令佢出院、食番嘢。做完開大刀，佢就要臥床休息，止痛機、止痛針等，再逐漸安排物理治療，落床、行路，7月出院。
做完手術佢哋開始腫瘤科做化療。佢番嚟化療，我特登去睇佢，都係勁廋。佢開心可以食番嘢，但食唔到多，同化療好辛苦。最後佢農曆新年期間過身。一年時間，但呢段治療時間係好痛苦。前5-6個月喺醫院，後半年先回家同家人共聚嘅最後時光，但同時定期化療、係煎熬緊。

南風微醺 2022-10-22 19:47:17

:^(

二十四者 2022-10-22 19:47:41 啱啊！就係咁講！

佢回應代表接受自己有腫瘤啦，你咪答番佢：「係啊，你講得啱啊，揾唔到就無事，揾到咪整走去囉」
語氣要氹女朋友咁

:^(

:^(

夏洛特科蒂 2022-10-22 19:49:35 其實係香港做唔做埋上面所講呢D係renal 決定定path 決定?

我都想睇下封轉介信上面點寫
其實樓主媽媽睇緊幾多個醫生?
秘尿科? 婦產科? 腫瘤科?

AugmentinIII 2022-10-22 20:07:25 -RCC with metastasis to bladder is uncommon
-CT should show evidence of local invasion (e.g loss of fat plane between bladder and uterus ) if they didn’t mention anything. It is unlikely to have invasion
-Immuno-markers are not 100% sensitive and organ- specific
-PET/CT is the next step for metastatic workup

高山低谷 2022-10-22 20:34:48 西醫一般都唔建議食虫草靈芝

二十四者 2022-10-22 20:43:58 瞓醒未？
樓主本身咪喺私家比咗錢，等緊化驗結果囉

:^(

:^(

你係咪想笑死我？同樓上自稱做醫療嘅都係on9。

本身樓主媽媽喺私院有醫生跟緊，等緊化驗結果。

我諗唔到你哋叫佢咁做係咪on9?

佢咪比咗錢喺私院等緊化驗，你哋兩個想佢唔L等？
佢媽媽有醫生跟，唔L叫醫生寫轉介，轉介信嘅作用係話比人聽病人情況係診斷係咩，等專科收症去跟。

你哋叫佢直接揾腫瘤科醫生睇。真係唔識㗎喎！係未到呢步啊！明L唔明！如果佢係要去腫瘤科，佢而家個醫生都彈佢過去啦。

去邊間私院，去到人哋有錢實想賺。
Even佢拎住手上嘅膀胱瘤切除完嘅discharge slip + 病理報告去任何醫院、任何專科，無轉介信就去+無進一步化驗報告，去到邊都係會叫佢先做化驗。啲嘢咪又係還原基本步。請問分別喺邊？

我諗到個分別啦，就係想樓主周圍燒錢？

:^(

:^(

:^(

:^(

:^(

:^(

你哋醫療程序搞L錯曬，講嘢唔駛負責，亂講一大堆。講咩大學醫院教授，我真係唔想再回應你

:^(

如果想樓主媽媽做全面檢查，佢同而家私院醫生request額外嘅CT都得啦，駛咩去揾腫瘤科醫生

:^(

而家婦科醫生幫病人做咗抹片檢查，樓主等埋結果，再叫醫生寫轉介信轉公立。轉公立係樓主要考慮錢嘅方面。

嗰個自稱醫療講咩縮短公立手術等候時間，成段無句講啱。係你先附和佢。兩個傻鬥傻。切除手術一排就做啦，即日排，即日做都仲得。牽涉飲食，最多咪翌日做

:^(

二十四者 2022-10-22 20:52:16

:^(

:^(

地肉少女 2022-10-22 20:59:52 之前我幾個親戚都係，醫生話擴散，無咩希望之類的了，之後過左段時間情況又好似好返啲。依家過左成年了，身體都重好好。唔好放棄，盡量往好的方面想。

Godfather 2022-10-22 21:10:58 實有人過唔到 唔一定冇得醫

:^(

bforbabycforcat 2022-10-22 21:11:43 Path

夜風 2022-10-22 21:18:57 我最近都開咗迴腸造口，高纖野（菜心、橙）我會照食（量唔會太多），重點係確保咀嚼到好碎好爛先吞，真正要戒既係堅果類（花生、杏仁）同粗纖既食物 （金菇、粟米）

照食高纖食物既原因係因為抗癌所需要既營養好多都來自高纖食物，完全唔食靠食營養補充劑都係唔健康

tsutsumi 2022-10-22 23:28:37 真係多謝你睇晒我d文同埋覆我，你既回覆俾到好好既方向我，我而家冇咁迷惘。

有時真係忍唔住上網周圍睇，所以會亂諗好多野，阿媽完全依賴我，我好驚做錯決定害左佢。

唔好怪我蠢，我有一個點諗唔明，媽咪做經尿道清除膀胱腫瘤前，有做下腹部袐尿系統CT Scan，呢個CT應該有睇埋子宮個位置(?)因為都係响一齊。醫生話冇擴散，咁即係子宮都睇唔到有啦？咁點解而家又話可能係子宮嗰邊轉移？或者個癌太隱袐？

你對病人好好呀，會同佢地講笑，呢個肝癌case又令我諗起，如果touchwood媽咪真係末期，究竟做化療電療呢d咁辛苦既治癒好，定係享受埋最後一齊既時間好…不過由而家起，我都要珍惜所有同媽咪一齊既時間。

tsutsumi 2022-10-22 23:32:58 係，其實要改變自己想法，與其日日驚日日擔心，不如日日開心生活，人總會離開呢個世界，要珍惜眼前人

tsutsumi 2022-10-22 23:33:35 加油巴打！

要用德國寶 2022-10-22 23:41:03 其實最火滾係當時我老豆出院唔夠3日佢地就已經咁建議同佢哋都有要求我老豆多啲食杏仁定合桃拎Omega 3同食粟米，Detail 仲有乜要食我都唔太記得，始終我嗰陣時唔喺現場，都係聽佢講返比我聽

食高纖菜佢嘅講法都唔係話攝取微量元素，而係因為想佢攝取多啲纖維帶走啲癌細胞

:^(

:^(

:^(

如果當日我哋聽大師講左，話咁快就比高纖菜莖、杏仁、粟米同糙米比我老豆食，佢未必可以咁快消化到，始終手術後都禁食左好一段時間，腸都未必咁快適應到咁強勁嘅活動，會有咩後果我真係唔敢諗

比人個感覺就係嗰個大師冇諗過當刻病人做完個造口手術有乜禁忌，同纖維帶走癌細胞呢個講法真係好柒

Ching 唔知你係咩原因要開造口，但你都要加油

夜風 2022-10-23 00:42:56 我係直腸 + 大腸癌 三期，剛做了手術，只保留2/3大腸，為咗讓縫合位埋口同方便進一步治療而開了迴腸造口
造口護士其實應該有千叮萬囑你老豆唔好亂咁食野，因為亂食野最嚴重既後果 : 1. 肚痾引致身體嚴重脫水 / 2. 消化唔到既食物未能從造口排出引致腸塞，兩樣野都係要即時入急症室

:^(

希望世伯都保重，得閒陪佢去多啲唔同既地方 (平時唔會去個啲) ，個人開心對病情都好重要 (幾個權威醫生都咁講)

要用德國寶 2022-10-23 00:58:17 佢確診半年左右就走左啦，但好彩嘅係最後一段路行得相對舒服亦都唔孤單


祝福Ching你後續治療一切順利，之後生活健健康康

:^(

仲後生康復機會高好多，要比心機！