姬森滔華 2022-11-15 16:04:32 樓上我屌你老母

:^(

quote乜撚嘢文

なつみ 2022-11-15 20:11:00 好睇！留名！樓主加油

:^(

:^(

:^(

點改都撞名 2022-11-15 21:21:21 樓豬又死咗？

日月空曌 2022-11-15 22:50:44 唔好意思呀，今日會比較忙，今晚或者聽朝出俾大家

鐵拳無敵鍾培生 2022-11-15 23:29:03 得閒先出啦，唔洗急

:^(

:^(

漬者自漬 2022-11-15 23:33:03 慢工出細貨

:^(

:^(

:^(

M記都買唔起 2022-11-16 00:05:03

:^(

:^(

:^(

文青死全家 2022-11-16 07:57:26 樓主加油 好好睇 有人睇緊架

:^(

頭獎三注中 2022-11-16 08:11:50 留名

:^(

星夜箏雲 2022-11-16 15:09:20 留名支持好故 真係好睇

:^(

樓主快啲出文

:^(

三島由紀夫. 2022-11-16 21:41:35 推 想學社運史
人喺外國讀緊政治

動態精靈 2022-11-16 22:55:06 劉明在線等

鐵拳無敵鍾培生 2022-11-16 22:56:29 邊個咁得閒入嚟逐個comment負評

:^(

:^(

紹伊古一戰封神 2022-11-16 23:42:44 我估胡啟敢

:^(

日月空曌 2022-11-17 00:01:50 2004年4月10日

距離七一遊行之後已經差唔多大半年，呢段時間入面，一切都基本上同前世一樣，並無太大改變。

23條關注組喺11月嘅時候改組成《基本法》第45條關注組，亦開始通過網絡電台進行宣傳，偶然亦都可以喺高登或者其他討論區見到佢哋嘅post。

比較唔同嘅係沙士互助會並冇出現，可能係因為民間醫護人員聯會嘅出現，畢竟現時聯會嘅主要工作方向同原本嘅沙士互助會都有好大程度嘅重疊，會有咁嘅情況實屬意料之內，而前世沙士互助會嘅主席林志釉亦都加入咗聯會當中。

至於沙士嘅官司⋯Ching，這裏是香港，官司會拖你一年半載是常識吧，前世沙士嘅死因裁判法庭去到04年11月先至判決，而今世嘅官司算好彩，至今都叫進展順利，不過重要嘅部份恐怕今年六月之後先開始。

至於練Sir同徐承恩兩位，都繼續按照原先嘅規劃。練Sir喺12月出發去咗英國學揸帆船，不過走之前醫護人員聯會就將部份資金用嚟報銷前期練Sir捐出嚟嗰批物資，而練Sir亦將筆錢留返做公數，等日後有咩大動作嘅時候可以用。

至於徐承恩，如當日所預料一樣，醫護人員聯會確立體制之後，佢亦都順利當選第一屆主席。而家聯會除咗作為醫護嘅工會之外，亦開始招募義工提供急救培訓，同埋開始為一啲遊行或者其他活動提供急救服務，喺民間都有唔錯嘅聲譽。

「練Sir，你嗰邊而家幾多點？唔阻你嘛？」

「調返轉啱啱好，而家呢邊啱啱晏晝五點，咩事？」
從電話嘅背景聲入面，我聽得出佢而家應該係Pub入面。

「冇啊，主要係睇吓你記唔記得，上年講過搵定啲識得做IT嘅人呢件事。」

「記得，你要用？」
佢問我。

「係，始終呢幾年網絡普及率越來越高，所以諗緊如果有一個輿論平台，都會方便日後做嘢，你點睇？」

「我同意嘅，不過始終我唔係好熟網絡呢方面，你有冇咩諗法？」

練Sir調返轉問我，不過雖然佢可能真係唔係好識點用，但又點可能冇任何諗法？《信報》總編輯、《立場新聞》高層⋯喺傳媒界打滾咁多年，一定有啲自己心得嘅。

「我諗緊如果一個新聞網頁有冇得做…」
先提出一個唔係太成熟嘅諗法出嚟先啦，始終喺媒體呢方面，都係聽一聽專業人士嘅意見好啲。

「我諗呢樣嘢可能有啲難，始終現時香港嘅傳統媒體市場都算飽和，唔同光譜都有其代表媒體，泛民主派就《蘋果日報》，較為中立嘅就有《信報》同《明報》，建制派就算唔講《大公》、《文滙》，都仲有《東方》。

唔係唔做得，不過如果生態環境冇太大改變，你好難短時間之內見效⋯」

練sir呢番說話講出事實，往後香港出現嘅新興媒體，從來都冇成功衝擊傳統媒體市場，佢哋嘅崛起係建基於新嘅資訊傳播模式：智能手機、社交媒體、直播⋯喺呢啲嘢出現之前，香港就算偶有新嘅媒體平台，都難以喺主流市場佔一席之地。

「你講得啱，所以我都諗緊不如唔好糾結喺傳媒呢個身份，既然係一個輿論平台，如果係一個能夠保障大家安全，能夠暢所欲言嘅平台，你覺得如何？」

我咁樣同練sir講，而呢個工作亦都非常適合佢做，如果Admin身處海外，只要連伺服器都放喺外國的話，就等於食咗無敵星星。

「可行，但係你點樣確保能夠同現存嘅同類型平台去競爭先？」

「呢樣嘢唔使擔心，其中一個平台好快會有負面新聞，我諗住趁住呢個機會⋯」

實際上我唔太記得當時發係咩事，但隱約記得係發生喺零四年四、五月左右。而我諗緊嘅係，有冇可能趁呢個機會等高登提前「熄燈」，取連尼住而代之，等連登提早踏上歷史嘅舞台呢？

前世大家成日講林早洩出賣高登會員，又成日估到底連尼住有冇篤灰，而家既然有呢個難得嘅機會，就梗係自己揸手，唔使再估估下啦。

更何況，不論高登或者連登，無論係廣告抑或相關衍生產物，例如腦魔、連豬連狗，甚至係講故台嘅一啲創作，只要能夠好好利用，都係一筆唔少嘅收入。

日月空曌 2022-11-17 00:03:00 徐步高舉牌嗰度，係我唔記得咗，查網典嘅時候佢寫住零四年。

雖然我覺得以徐步高嘅情況佢應該唔係淨係去一年，應該年年都有舉㗎啦，大家就當住係咁先啦。

日月空曌 2022-11-17 00:04:16 最撚討厭呢啲現實一事無成，論述說服唔到人，然之後喺連登嗰度出埋啲廢post嘅左翼奇行種

日月空曌 2022-11-17 00:24:20 4月20日

「個討論區基本上已經搞掂咗，轉頭你睇睇，不過我唔係好明，點解要叫『連登』？」

唔夠一個星期，相關準備工作已經完成，比預期當中快好多，睇嚟練Sir係呢方面多少已有準備。

「呃…你當係尊重原創啦…」

「咁你諗住邊個去管理？你唔好旨意我呀，你知我嚟緊未必有咁多時間⋯」

問都未問，練Sir就已經拒絕咗我。

「呢層唔使擔心，我主要係希望可以掛你個名做擔保，等大家對呢個平台嘅自由度有信心。」

「至於Admin，圍內請人做啦，我呢兩日問一問徐承恩，麻煩練Sir你都留意吓，辛苦晒。」

「好，咁幾時要正式開始你就同我講。」

聽佢咁講，我心入面唔多唔少都有啲驚驚哋，始終我已經唔係好記得準確嘅時間同埋發生咗咩事，但而家已經投放咗一定資金，如果萬一最尾唔成事咁就麻煩⋯

我唔係驚件事唔發生，而係驚件事嘅影響冇想像中咁大。當年林早洩加入咗同民建聯過從甚密嘅互聯網專業協會，當時都有人另起爐灶，亦都有膠登呢啲衍生討論區，但又有幾多個成事？

諗到呢度，都係做定兩手準備為上。我拎起電話打俾徐承恩，一嚟讀緊中大嘅佢手上應該會有Account，二嚟可能要提前打點一下，確保件事可以玩大佢。

紹伊古一戰封神 2022-11-17 00:35:35 live

:^(

日月空曌 2022-11-17 00:37:07 4月30日

好彩嘅係今日係星期六，由於唔使返學嘅關係，朝頭早開始我就坐咗喺電腦前面，等待件事嘅發生。

所幸嘅係，一切與前世無異。

【突發】無鋒慧劍同買家甲比Admin Ban咗!!!

見到呢個post，我不禁揞住塊面笑喊不得，雖然唔想承認，但今次呢件事黃世澤同林忌呢兩個後世人所共知嘅戇鳩仔，居然係今次嘅MVP。

一直以來，佢哋兩個都係高登積極宣傳45條關注組嘅電台節目《人大殺普選》，結果最尾俾親中立場嘅Fevaworks admin ban咗，引起廣大巴打不滿。

見到事情已經發生，我立即打電話俾練Sir，好彩由於練Sir遲睡早起嘅習慣，電話仍然打得通。

「事情緊急，長話短說。」
「高登已經出咗事，連登可以準備開始運作。」

「得，我而家叫人開咗先。」

搞掂連登呢部份之後，就係點樣令呢件事進一步發酵。

「徐醫生，唔好意思，而家得唔得閒？」

「請講。」

「啱啱高登出咗事，你手頭上個AC可唔可以借俾我？同埋幫手contact一下45條嗰邊啲人，盡量配合下。」

「AC冇問題，但至於45條嗰邊，只能夠講試一試。」

連登、AC、輿論配合⋯呢一系列嘅準備工作都做完之後，剩低嘅就係等晏少少差唔多五六點，場戲正式上畫嘅時候。

漬者自漬 2022-11-17 00:43:30 屌，樓主連高登熄登都記得

:^(

我真係冇晒印象

:^(

～小妖精～ 2022-11-17 00:44:52 樓主好熟香港淪陷初期歷史，冇返咁上下年紀都唔記得

日月空曌 2022-11-17 01:00:00 晏晝7點

「我大概將你嘅諗法講咗俾佢哋聽，45條嗰邊原則上同意，但係希望之後嘅新論壇admin要有佢哋份⋯」

「同佢哋講冇問題！」

最多事後走數啫，作為公民黨嘅前身，當你新東補選嘅時候你哋吹風話「下次投俾梁天琦」，九月嘅時候咪又係話「Plan B唔代表梁天琦」係咪？走數啫，邊個唔識啊。

由於智能手機尚未出現，喺呢個年代嘅用戶活躍度基本上同返工放工嘅時間掛鉤，最多人嘅時候永遠就係全部人都放晒工嘅時候。

由五點鐘開始，高登吹水台已經開始有人批評Admin嘅所作所為，甚至開始有人發起一人一post，抗議政治審查。

我打開連登嘅頁面，再次整理一下實際應該點樣操作：而家有人開始一人一Post，之後Admin應該就會Ban人，繼而激起更大民憤，最終解決方式一係就Ban晒全部人，一係就直接鎖版。

而我要幫連登攞到最大成果，除咗靠之後45條關注組幫手做宣傳外，就係靠呢段期間吸納高登嘅會員。

簡單嚟講，有兩件事要喺鎖版之前做，首先要喺高登推廣連登，最好係可以加埋落而家一人一post呢件事上。第二就係要諗辦法令到更加多嘅會員被Ban，避免之後佢哋回流高登。

登入高登，略大惡趣味咁將個名改做「連尼住」，將會員編號用短訊send俾徐承恩，等45條關注組嘅人可以配合宣傳，之後就開始出今世第一個，亦係最後一個高登post。

小弟膽粗粗另起爐灶，希望大家支持

「有鑒於admin無理封鎖一事，小弟膽粗粗開咗個新高登取而代之，如果大家唔介意可以轉過嚟。

所有Server都係外國，安全上面唔使擔心。至於大家最驚會唔會有言論審查呢個問題，相信下面呢段片唔多唔少可以令大家安心。

至於註冊方面，系統已經搞掂，同高登一向左走向右走樣，用ISP就得，大家都識用就唔多講。」

之後就係練Sir啱啱拍好嘅片。

「各位高登嘅朋友，大家好，我係練乙錚，首先多謝大家一直以來對香港民主自由嘅支持，亦都特別多謝你哋喺上年七一積極宣傳，先至有咁多香港人行出嚟。

我哋重視自由，而網絡本身就係一個最容易自由表達觀點嘅地方，我哋更加需要捍衛香港人喺網絡上嘅自由，所以今次有朋友聯絡我哋，希望喺而家呢個時候能夠幫手set up另一個討論區，等大家可以繼續咁樣免受政治審查嘅情況下自由討論⋯」

明星效應，香港人幾時都係咁受，喺段片下面就係連登條link，同埋一張有連登logo嘅宣傳圖。

日月空曌 2022-11-17 01:07:22 其實有樣嘢我都幾好奇，如果今日有人出post，表示諗住喺外國set Server開新forum，然之後有啲有公信力嘅人加持，有幾多人願意跟過去?

ANGEL方家 2022-11-17 01:10:30 人慣左好難改
除非好似你篇文入面咁熄燈大炎上

但維唔維持到就另一問題
MeWe同signal就係好例子