【獨立】由九七年開始再嚟一次
第 1 頁
下一頁
日月空曌
2022-9-26 21:09:33
:^(
赤柱監獄 飯堂
「各位香港市民大家好,以下係新聞報道」
「行政長官李文龍發表新年講話,指來年2047年將會係「一國兩制」嘅最後一年,作為行政長官,將於最後一年繼續帶領香港,保持經濟以及民生各方面穩定發展,並希望能夠與中央政府穩定過渡⋯」
我抬頭望一眼電視機,睇住嗰個令人聯想起朝鮮廣播員嘅CCTVB主播,不由自主嘆咗一口氣。
「2047….話咁快已經入冊25年,時間過得真係快…」
冇錯,2020年《國安法》通過,當時我因為推動香港獨立運動,俾政府以「顛覆國家政權」名義拘捕,2022年被判終身監禁,去到今年已經係第25年。
就係咁,我大概有一半嘅人生喺監獄裏面渡過,由25歲嘅後生仔慢慢變成一個50歲阿叔。當然,有類似經歷嘅人唔止我一個人,當年有唔少人都同我哋一樣,曾經為咗呢個地方去付出,然而失敗收場。
「睇咩啊,反正呢世人都出唔到去,嗱嗱臨食完飯出去放風好過啦」
喺我身邊,一個年齡相若嘅阿叔捧住裝住飯餸嘅鐵兜,坐喺我身邊,一邊食一邊講。佢係阿傑,遲我兩年入嚟,原因係持械殺警。
「阿傑,你甘心就咁咩?」
「屌,唔甘心你可以點,出到去咩?出到去又點,你同我都五十幾,打得郁咩?更何況而家咩世界你又唔係唔知。」
「…」
「話唔定下年我哋就送去長城監獄打靶呢,唔好諗咁多啦。」
我冇答佢,枱頭再望多眼電視機。
「來年就真正回歸了,咱們作為中國人自然是非常感動…」
睇住電視機入面嘅「街頭訪問」,見到一班十幾歲嘅小朋友講住一口流利嘅北京腔,熱淚滿盈咁表達自己對「祖國」嘅熱愛,再諗起下年。唔甘心、憤怒、絕望…本來以為多年嘅牢獄生涯已經抹走咗呢啲情緒,但係呢一刻卻連同過去嘅回憶不斷湧現喺心頭。
諗起當初第一次走上街頭,對香港未來嘅憧憬;諗起後生嘅時候嘅鴻圖壯志,誓要通過自己雙手完成香港人共同嘅悲願;諗起嗰個改寫香港未來嘅炎夏;諗起曾經喺茫茫人海入面相遇過嘅嗰個人⋯我心入面突然之間有有一個決定。
Ads
日月空曌
2022-9-26 21:11:08
:^(
「屌你老母,你講乜撚嘢!」
我突然大嗌,攞起不鏽鋼餐盤,一下一下咁出盡力跟住阿傑個頭毆落去。
「歐陽健峰!你發咩癲!你黐咗線呀!」
阿傑嘗試喝停我,但係我冇理佢。歐陽健峰,呢個名到底有幾多年無聽過呢?無錯,我同《十年》入面其中一個主角一樣名,我都曾經引以為傲。但亦因為咁,入冊之後就冇人叫我個名,連柳記都係根據囚犯編號第一隻字叫我「四仔」,後來就變成「四哥」、「四叔」。
「全部同我停手!踎低!」
作為最高設防監獄,懲教人員反應自然迅速,郁手無耐就即刻衝咗入嚟,將我制服並帶走。
打交就自然入水飯房(單獨囚禁),但係喺押送離開之前,我回頭同阿傑講:
「我床下底仲有兩包朱古力,當賠罪啦。」然後笑咗一笑,就俾懲教人員帶走。
行咗一段時間,我就俾佢哋送咗入一間單獨囚室,入面只有一張床,簡單嘅枱櫈同埋一個不鏽鋼座廁。
日月空曌
2022-9-26 21:11:47
我望一望牆邊一個唔起眼嘅記號。
「果然冇錯⋯係六號房。」
喺赤柱監獄度過咗25號,自然唔係咩收穫都冇,呢個監獄入面絕大多數嘅地方我都去過,亦都係唔少地方收埋咗一啲「寶藏」,而我亦會偷偷地留低記號,以作識別。
就係咁,我瞓喺張床度直到人靜夜深,大約凌晨四點左右,偷偷地爬起身,從不鏽鋼座廁同牆壁之間嘅夾縫入面拎出一塊鋒利嘅金屬片。
「你哋可以阻止我出去,總冇可能阻止我死掛。」
但在此之前,仲有一件事要做。
我拎出跟住一齊入水飯房嘅紙筆,簡單寫低遺言,隨即就將金屬片插入自己條頸,扯開左個傷口,鮮血亦隨之噴擁而出。
係彌留之際,我再一次望向床上面嗰張俾幾滴鮮血浸濕嘅紙,上面寫住一句說話。
「當我為之奉獻一生嘅故土消亡之際,我亦失去活着的最後意義。
歐陽健峰 絕筆」
日月空曌
2022-9-26 21:12:11
唔知過咗幾耐,我隱約聽到耳邊傳來一陣聲音。
「太太,吸、吸、呼!見到個頭㗎啦,加油啊!」
我唔係已經死咗喇咩?點解仲聽到人講嘢嘅?我嘗試擘大眼,但好似俾嘢黐住咁抹極都擘唔開,成個人就好似俾嘢唧出嚟咁,由一個溫暖潮濕嘅地方慢慢接觸到冰冷嘅空氣。
我再一次盡力擘大隻眼,但亦不過隱約見到一絲景色,係我眼前嘅係⋯一隻巨大嘅鮑魚。
「我屌!!」
嚇一條嘅我準備嗌出聲嘅時候,發現自己氣管入面有唔少液體,因此忍唔住一陣咳嗽。
「太太,辛苦你啦,係個男仔。」
當我聽到耳邊啲嘅說話之後,我終於頂唔順,陷入沉睡當中。
張員英
2022-9-26 21:31:17
支持,好的開頭
日月空曌
2022-9-26 21:57:26
兩年後 1999年
兩年過去,除咗終於唔使飲奶,可以久違咁食返啲正常嘢之外,我亦都漸漸理解到而家嘅處境。
如各位所見,我返咗去出世嘅時候。
「一架中華航空嘅班機由於颱風森姆影響,於香港國際機場着陸期間發生意外,機翼折斷並發生火警,機上三人死亡,50名乘客重傷⋯」
我坐喺電視機面前,一邊食緊糊仔,一邊聽緊電視機入面嘅新聞,而屋企個菲傭就喺廚房洗緊碗。
呢兩年入面,為咗避免惹起麻煩,唯有好好扮演BB仔嘅角色,同時係唔令人懷疑嘅前提下,盡可能收集更多消息,分析情況。
然後我得出一個結論,現時嘅處境同我認知嘅90年代末期一模一樣,兩德統一、蘇聯解體、台灣第一次民選總統選舉、香港及澳門主權移交,所有一切都冇改變,除咗呢樣。
「咔嚓」
「我哋返嚟啦,阿仔,有冇掛住老豆啊」
隨着鎖匙打開鐵閘嘅聲音,一對連約20歲尾嘅男女走入屋入面,男嘅相貌雖然唔算標青,但粗眉大眼加上國字臉,感覺就十分正氣;而女方則算得上眉清目秀,但眉目中隱約俾人一種柔中帶剛嘅感覺。
冇錯,佢哋就係我呢世嘅父母。
同前世住公屋,老竇做的士司機,老母返酒樓嘅唔同,今世嘅環境相對好好多,兩老對我亦非常唔錯,除咗一點之外都非常滿意,就係佢哋嘅職業。
我老竇,歐陽震華,PC6954,隸屬旺角警署重案組嘅一名探員;我老母,葉芷晴,喺羅湖懲教所嘅福利官。
而依家住緊呢間屋,叫做黃大仙紀律部隊宿舍。
丁軟得轉彎
2022-9-26 22:04:00
Live 推
日月空曌
2022-9-26 23:03:19
一個鐘之後再up
日月空曌
2022-9-26 23:33:25
晚飯過後,我瞓喺張床上面,繼續思考緊未來應該點做。
我知道就算有先知先覺嘅優勢,但要改變未來依然係一件非常困難嘅事。而前世種種遺憾如今尚未發生,哪怕放低過去嘅包袱亦未嘗不可。
但我唔想辜負每個人嘅付出同犧牲,哪怕如今尚未發生。
但決心歸決心,現實歸現實,家陣先得兩歲,行路都未行得穩,我可以點做呢?
首先,香港人嘅本土思潮萌芽於一零年之後,過早推動同宣傳香港獨立,無論基於我嘅年齡以及社會環境都唔允許,時機來臨之前過早行動,最好嘅下場都只係成為下一個陳巧文。
換言之,喺15歲之前,我要做嘅就係利用先知先覺嘅優勢,提前部署。
另一方面,兩老嘅職業局限咗我唔能夠公開行動,如果唔係隨時反面。喺十八歲有獨立能力之前,貿然同父母決裂絕非一個明智嘅選擇。
加上受年齡限制,好多嘢好難出面去做,因此需要一個代理人,一個可以幫我出面,可信嘅代理人,利用情報優勢獲取佢嘅信任,代替我喺枱面上培養自己嘅勢力。
香江第一淫棍
2022-9-26 23:49:43
好好.
整個故事由2047開始,但整個監獄同2022一樣。突出社會內在毫無進步過,而電視畫面反映外在光鮮,不過敗絮其中。
對白對比兩個人完全唔同嘅心態和性格,2047不單象徵一個新時代來臨,亦表示舊時代結束,主角更加無生存意義。
看到父親職業係警察,我已經知道故事走向同埋結局。
概念唔錯,可以寫到好精彩嘅大場面。
日月空曌
2022-9-27 02:14:49
如無意外聽日夜晚繼續更新
Ads
無牌大師
2022-9-27 02:30:59
此回覆已被刪除
鐵拳無敵鍾培生
2022-9-27 02:50:43
有趣
:^(
:^(
美帝印鈔機
2022-9-27 03:01:50
lm
龜頭大師
2022-9-27 03:03:04
:^(
:^(
:^(
華裔鬼佬
2022-9-27 03:05:16
有趣有趣
估唔到第一回就扭一扭條橋
唔是路
2022-9-27 03:10:57
此回覆已被刪除
李永森
2022-9-27 03:14:11
留名
:^(
1011010001
2022-9-27 03:52:59
:^(
咕沽詁
2022-9-27 05:19:22
Lm
霞躲ken
2022-9-27 10:56:05
留名一身蟻
Ads
得意趣置先生
2022-9-27 11:04:44
lm
KK蘑菇
2022-9-27 16:12:58
唔通最後老竇被主角做低?
日月空曌
2022-9-27 17:28:30
九點左右開始更新
但有樣嘢想問吓各位巴打
你哋會唔會介意小弟直接用現實人名,因為始終咁樣比起用同音字冇咁尷尬
如果唔係要諗太多新角色會好煩,同埋我驚自己都唔記得
日月空曌
2022-9-27 19:19:43
而呢個代理人,我心目中已經有人選,根據平日所睇到嘅消息,佢嘅人生軌跡同前世一樣。換言之,佢將會喺未來成為民主派嘅一員健筆,並慢慢成為獨立運動嘅其中一個重要支持者。
可惜嘅係,目前佢仲喺政府入面擔當要職,而家貿貿然去接觸為時尚早,但到時機成熟要如何取信於佢,我已經有所打算。
但扶持代理人只係一方面,既然我選擇隱藏身份,咁「歐陽健峰」呢個人亦未嘗唔可以從另外一條路為未來嘅獨立運動爭取優勢。前世獨立運動除咗缺乏資源同情報,更重要嘅係我哋冇辦法係關鍵時刻對政權造成致命一擊,所以暗地裏既要培養勢力,明面要做嘅就係爭取上述三者,加上作為警察嘅老竇,我決定⋯
做一個「愛黨愛國」嘅警犬。
第 1 頁
下一頁
赤柱監獄 飯堂
「各位香港市民大家好,以下係新聞報道」
「行政長官李文龍發表新年講話,指來年2047年將會係「一國兩制」嘅最後一年,作為行政長官,將於最後一年繼續帶領香港,保持經濟以及民生各方面穩定發展,並希望能夠與中央政府穩定過渡⋯」
我抬頭望一眼電視機,睇住嗰個令人聯想起朝鮮廣播員嘅CCTVB主播,不由自主嘆咗一口氣。
「2047….話咁快已經入冊25年,時間過得真係快…」
冇錯,2020年《國安法》通過,當時我因為推動香港獨立運動,俾政府以「顛覆國家政權」名義拘捕,2022年被判終身監禁,去到今年已經係第25年。
就係咁,我大概有一半嘅人生喺監獄裏面渡過,由25歲嘅後生仔慢慢變成一個50歲阿叔。當然,有類似經歷嘅人唔止我一個人,當年有唔少人都同我哋一樣,曾經為咗呢個地方去付出,然而失敗收場。
「睇咩啊,反正呢世人都出唔到去,嗱嗱臨食完飯出去放風好過啦」
喺我身邊,一個年齡相若嘅阿叔捧住裝住飯餸嘅鐵兜,坐喺我身邊,一邊食一邊講。佢係阿傑,遲我兩年入嚟,原因係持械殺警。
「阿傑,你甘心就咁咩?」
「屌,唔甘心你可以點,出到去咩?出到去又點,你同我都五十幾,打得郁咩?更何況而家咩世界你又唔係唔知。」
「…」
「話唔定下年我哋就送去長城監獄打靶呢,唔好諗咁多啦。」
我冇答佢,枱頭再望多眼電視機。
「來年就真正回歸了,咱們作為中國人自然是非常感動…」
睇住電視機入面嘅「街頭訪問」,見到一班十幾歲嘅小朋友講住一口流利嘅北京腔,熱淚滿盈咁表達自己對「祖國」嘅熱愛,再諗起下年。唔甘心、憤怒、絕望…本來以為多年嘅牢獄生涯已經抹走咗呢啲情緒,但係呢一刻卻連同過去嘅回憶不斷湧現喺心頭。
諗起當初第一次走上街頭,對香港未來嘅憧憬;諗起後生嘅時候嘅鴻圖壯志,誓要通過自己雙手完成香港人共同嘅悲願;諗起嗰個改寫香港未來嘅炎夏;諗起曾經喺茫茫人海入面相遇過嘅嗰個人⋯我心入面突然之間有有一個決定。