Ads
上回講到細蚊佢哋四個喺藥房摷摷搵搵!
好多物資都俾人搶晒!淨係得返啲止痛藥!
點都好啦!拎得就拎啦!
拎盡都唔係多!睇嚟要去下一個地方再搜過!
咁下一站係去邊呢?
急症室!
好彩嘅話,喺急症室就搵到需要嘅物資!
但又返有冇咁理想?
未走到去急症室都已經見到好亂!又好似打完大仗咁!
入到去就更加亂!俾人洗劫一空一樣!
咁嘅情況仲有冇手術用具呢?都要搵㗎啦!
大家都摷摷搵搵!
阿Jill喺個櫃裡面拎個盒喺手...打開睇睇:「冇...」
Chris又係啲櫃裡面搵搵...拎幾個盒出嚟打開睇睇:「都係冇...」
Cherry都喺櫃睇睇:「都係得啲...消毒藥水...仲要得半支...」
阿Jill點點頭:「半支都好...仲有冇其他?」
Cherry繼續摷摷:「有啲綿花...紗布...」
Chris點點頭:「都好!拎咗先!」
都好...都真係得好少咋喎...點睇都唔夠用...
要再搵多啲...希望仲有多啲物資俾佢哋搵到啦!
細蚊都好努力咁搵...摷嚟摷去!翻嚟翻去!啲櫃同雜物堆都俾細蚊搵過...但乜都搵唔到!
有時候真係...係冇就冇...再努力都冇用...
就喺再睇睇空空如也嘅櫃...再喺雜物堆當中搵搵有冇有用嘅物資...細蚊就望到...
望到喺病床旁邊...放咗幾個...
『背...囊?』
跟住嘅劇情發展又會係點呢?
準備出文
Ads
今晚出完
鍾意嘅朋友記得Like同Share俾身邊嘅朋友一齊追~
有咩記得喺下面留言講~我會一一回覆~
Ads