喵噢 2017-8-4 02:04:59 好正啊

:^(

:^(

宇治銀時丼 2017-8-4 02:42:34

:^(

:^(

救老母俠 2017-8-4 10:49:18

[quote] 無錯﹐我係同佢地玉帛相見過。 [quote]

:^(

:^(

咁知道咩叫相形見拙未？

:^(

:^(

:^(

:^(

喂!你咁講好傷人架!
你估我想架咩

:^(

:^(

天生架嘛

救老母俠 2017-8-4 10:51:33

搞到好想去高加索

:^(

留名支持

去啦!我敢講格魯吉亞一定唔會令你失望!
你睇埋下個POST就知!

救老母俠 2017-8-4 18:05:05 成個格魯吉亞最靚就係呢到﹐好似拍戲嘅景咁。唔講太多﹐大家睇相。


如果要係呢張相加一個配樂﹐我會選擇係《天地孤影任我行》。



係提比里斯玩夠後﹐我地出發左去格魯吉亞北面同俄羅斯接壤嘅卡茲別克山(Kazbegi)。坐車大約要3個鐘到﹐去嘅目的得一個﹐上山睇聖三一教堂。由山腳行上山大約要兩個鐘到﹐其實平時係可以坐車直上架﹐不過因為冬天太厚積雪關係﹐只可以行上去。座教堂就無咩特別架﹐但我個景就絕對值得！


沿路上山時



聖三一教堂係被四面環山包住﹐只係個背景都已經夠人讚嘆。


難得嚟到﹐當然又要CHOK下啦。



山腳民宿門前﹐由於光害唔嚴重﹐都見到好多星。我就幻想如果係山上聖三一教堂前紮營影星加埋環山同教堂景﹐應該會好壯麗。但可能會凍死左。


係卡茲別克山落少少就係格魯吉亞滑雪勝地古道里(Gudauri)。因為我地都係第一次滑雪﹐俾左幾舊水揾左個連英文都唔識嘅教練教我地一個鐘咁大把。最後更係學唔識啦！完！屌！

總括嚟講格魯吉亞係十分引人入勝嘅地方﹐有景睇又有酒飲又有山行又有雪滑。玩夠格魯吉亞後﹐下個Post就直接踩去冷漠的阿美利亞。

勾洋鎮華 2017-8-5 03:18:01 幫推

:^(

睇過下高加索地區資料，發現哩個國同個度唔岩，個度又同唔知邊度唔岩咁

:^(

樓主個陣plan起上黎困唔困難

:^(

朱古力新地走花生 2017-8-6 16:27:53 好正呀！好葡萄

:^(

:^(

:^(

:^(

好想試下 唔駛去到樓主咁勁 短d簡單d既都好好

:^(

但係身邊冇女仔朋友想一齊癲

:^(

:^(

Btw 想問樓主帶邊部相機同咩鏡去
繼續等睇post

:^(

救老母俠 2017-8-7 11:39:29

幫推

:^(

睇過下高加索地區資料，發現哩個國同個度唔岩，個度又同唔知邊度唔岩咁

:^(

樓主個陣plan起上黎困唔困難

:^(

高加索三個國家 格魯吉亞 亞美尼亞 阿塞拜疆

如果去左亞美尼亞就去唔到阿塞拜疆
去左阿塞拜疆就去唔到亞美尼亞
兩個國家唔妥嘅

入呢兩個國家最好都係經格魯吉亞入好
如果你有兩本護照 技術上係可以去齊哂 但我未試過
而且阿塞拜疆visa都好似好煩

我用BNO 去格魯吉亞同亞美尼亞都唔洗visa

救老母俠 2017-8-7 11:45:29

好正呀！好葡萄

:^(

:^(

:^(

:^(

好想試下 唔駛去到樓主咁勁 短d簡單d既都好好

:^(

但係身邊冇女仔朋友想一齊癲

:^(

:^(

Btw 想問樓主帶邊部相機同咩鏡去
繼續等睇post

:^(

一d都勁呀我 一山還有一山高
好多野事在人為姐 無女仔朋友咪搵男仔朋友囉
再唔係自己去囉（當然要識獨立同保護自己啦）

Btw 我相機同鏡係canon 6D + tamron 24-70 f2.8

恐懼先生 2017-8-7 12:22:47 留名

:^(

上面個kazbegi真係靚到痴線
感謝樓主個post 真係開哂眼界

:^(

新資料夾 2017-8-7 15:17:38 樓主個遊記好正
幫推

:^(

on9689 2017-8-7 15:32:22 合照永遠無黃種人

:^(

我係短呀吹咩 2017-8-7 16:06:55 好正呀巴打

:^(

:^(

推推推

救老母俠 2017-8-7 16:29:18

合照永遠無黃種人

:^(

請問你係想表代咩

:^(

救老母俠 2017-8-7 18:19:48 玩夠食夠我地就出發去阿美利亞﹐由格魯吉亞到首都提比里斯去阿美利亞邊境大約只係需要踩半日到。我地凌晨6點天未光就係提比里斯出發﹐我記憶中都幾險象環生架﹐因為有段路係連街燈都無﹐ 要戴住頭燈照明﹐如果唔係的話就咩都睇唔到。


去到中午就到左關口﹐今次都係用BNO入境而且係出奇地順利。睇張相就見到我地係用車輛關卡嚟過關﹐快好多。咩呀？單車唔係車呀？ BTW 所有關口都係唔可以影相的﹐影完上面嗰張就立刻被人叫收皮﹐大家唔好學。



阿美利亞係可以完全感受到高加索嘅孤傲冰冷。成個國家大部分都係山同高海拔﹐搞到天氣好凍。山路多踩上山固然辛苦﹐但幸好係格魯吉亞已經習慣左山路。最攞命係落山先啱！天氣凍加上落山時﹐你個身又唔洗踩﹐D風又係好似針打入你個身到﹐而且你隻手係會凍到無哂知覺﹐想剎車唔得。落山無得剎車係幾咁玩命嘅一件事！通常落完山我地個身都震過貓王

除左天氣冷﹐人情更冷。係土耳其時﹐路邊D人會叫你停飲下茶傾下計食下野咁﹐有時仲有後生女為你歡呼下添。至於阿美利亞呢？踩單車好叻咩？好出奇？好型呀？你可能都想知佢地心裡面係咪咁諗﹐不過佢地咁諗的話都要見到你地先會咁諗丫。佢地係直程好似見你唔到咁呀！係直接無視左你！原來高加索人真係好cool…..



第一日係阿美利亞我都就去左一個類似係工業城鎮嘅不知名小城。咩都無又好凍﹐連人都唔見到多個。好辛苦咁終於搵到間靠近河邊嘅酒店﹐裡面得一個完全唔識英文嘅肥大叔。基本上係完全靠身體語言作溝通。當日有一件事我依家都仲記得﹐就係個城係連餐廳都無﹐我地問大叔點食晚飯。佢講左大堆唔明嘅野﹐但到左晚飯時間就送左野食嚟。食物都係好簡單嘅煎肉餅﹐煎薯仔同芝士﹐唔算特別好味。但可以講呢一餐係我成個旅程最深刻﹐甚至可以話係覺得最好味嘅一餐。可能係因為佢有一種雪中送灰嘅溫暖。最感動嘅係肥大叔無收到我地飯錢的。(當晚我地真係凍到要開兩個暖爐先瞓到)

誠逸樹喜 2017-8-7 19:03:28 樓主都幾鐘意鮮色既野,又紅又黃

:^(

救老母俠 2017-8-7 23:51:38

樓主都幾鐘意鮮色既野,又紅又黃

:^(

發老姣嘛

:^(

:^(

Btw 我唔准你咁話我朋友 上面張相係我朋友嚟

:^(

我係紅色褸綠色背囊嗰位 都係又紅又綠架喇

救老母俠 2017-8-8 17:41:23 人生就總會遇到D仆街老點你﹐旅行都一樣。今次遇到嘅仆街叫Google Map。

阿美利亞對比起格魯吉亞感覺上好似窮好多。點解咁覺得？首先就係好多馬路都係日久失修﹐好凹凸不平好多凹坑﹐我地踩單車時要瘋狂避嚟避去﹐唔係的話就會炒車。另外就係物價都幾平下﹐物價指數大約係泰國咁。其中一次去一間cafe﹐點左杯熱朱克力埋單都只係5蚊港紙。


好！講返條仆街先。話說係阿美利亞翻左幾日山後，到左一個叫Vanadzor城。終於搵到間Cafe有Wi-Fi上網(一直搵唔到大城買電話卡)﹐ 我地就用Google Map睇下咩路線入伊朗
﹐發覺其中一條路係入返土耳其再入伊朗 （灰色那條線）﹐咁樣可以避開係亞美尼亞4座二千米以上既山（籃色那條線）。咁著數嘅事更係去馬啦﹐我地就用一日沖左去亞美尼亞同土耳其邊境城市Gyumri。故事既高潮就係呢到發生﹐所以話細時讀好D書真係好重要﹐特別係國際關係呢一方面﹐搞到我都覺得沈旭暉好撚CHARM。如果我地當時知道土耳其曾經大屠殺過阿美利亞人﹐一直都迫害緊佢地﹐我地就唔會做個咁傻嘅決定。我地到左Gyumri之後﹐當地人同我地講呢個關口係無左架喇！再上網搵下原來係1993年就已經關左！你一接近關口就會開槍射你！
呢個消息令到我地精神受到好大打擊﹐除左代表左我地浪費左一日踩去Gyumri外﹐我地去伊朗既路程亦遠左200km﹐仲有未來我地將要係天寒地凍下踩500km 4座二千米以上既山路！呢D咪偷雞唔到蝕渣米囉。


正所謂一醉決千愁。支酒係之前格魯吉亞酒莊莊主送俾我地﹐好似叫做ChaCha。酒精濃度係40-50%。


酒入愁腸愁更愁。(已飲哂)

下個Post我地就唯有就死死地氣踩去阿美利亞首都耶里溫（Yerevan）。

北鳥 2017-8-8 18:04:02 push

:^(

好熱血好想試

🍼乳甜藥稀💊 2017-8-9 02:04:05 繼續追

救老母俠 2017-8-9 18:01:46 由於太憤怒嘅關係﹐我地就決定一日踩120KM山路直到耶里溫。



之前提過係阿美利亞嘅天氣都好鬼凍下﹐不過好彩就無咩點落雪。係零下6度踩單車會係點？睇下我個FD條由口水加鼻涕混合成嘅冰柱就知。


我仲記得當日要翻過一座2000米嘅山﹐但我地踩到中午都搵唔到一間餐廳食飯﹐可想言之係幾咁荒蕪。咁無計啦﹐只好靠食自己乾糧。其實踩單車好大運動量﹐特別係上山時﹐踩兩個鐘到就要停低食下零食(通常係朱古力Bar同蛋糕仔)補充體力。無一餐豐盛嘅中午飯確實係一個好大嘅問題。



係饑飢寒交迫咁攻頂嘅時候﹐奇蹟發生左喇！就係馬路上有架車停左係到﹐有一班男人向住我地招手﹐原來佢係想請我地食野呀！又有紅酒白酒暖身﹐又有麵包同肉腸醫肚﹐等我地唔洗係山上餓死﹐真係感動到想喊。佢地當然地又係一句英文都唔識﹐但又唔知點解我地可以雞同鴨講得好開心咁。邊個話阿美利亞人係冷漠孤傲架！



與恩公們的合照

朱古力新地走花生 2017-8-10 16:58:42

好正呀！好葡萄

:^(

:^(

:^(

:^(

好想試下 唔駛去到樓主咁勁 短d簡單d既都好好

:^(

但係身邊冇女仔朋友想一齊癲

:^(

:^(

Btw 想問樓主帶邊部相機同咩鏡去
繼續等睇post

:^(

一d都勁呀我 一山還有一山高
好多野事在人為姐 無女仔朋友咪搵男仔朋友囉
再唔係自己去囉（當然要識獨立同保護自己啦）

Btw 我相機同鏡係canon 6D + tamron 24-70 f2.8

男仔朋友都冇乜人想癲

:^(

:^(

努力plan下自己去

:^(

:^(

所以樓主出post加油

:^(

:^(

救老母俠 2017-8-10 17:22:19 阿美利亞大部分嘅景點都係教堂﹐修道院同教堂同埋修道院。



踩到入首都Yerevan見到排好有舊式唐樓嘅屋。去到首都當然又有休息一兩日周圍遊覽下啦！




Khor Virap Monastery(好似叫深坑教堂)

因為真係有個好深嘅坑



Garni Temple

一個較為特別嘅景點。因為當日日都係睇緊教堂時﹐其實有時都幾悶。即使我依家開返D相睇時﹐都唔太清楚邊間教堂打邊一間。上面嘅Garni Temple算比較深刻﹐估唔到係阿美利亞會睇到類似希臘神廟嘅景點。


係Yerevan段時間我地正正就係年廿九﹐年三十﹐同大年初一。年三十我地選擇左自己煮返餐。就係上面兜類似嘔吐物嘅野﹐我叫佢做蛋碎五香肉丁炒意粉。呢兜野雖然好嘔心﹐但係係有心思細密嘅安排。首先蛋可以幫助修補大腿踩單車時嘅肌肉撕裂﹐至於五香肉丁喇喎！係因為就快入伊朗﹐伊朗係唔食得豬肉架嘛！(罐五香肉丁係由香港帶到嚟阿美利亞的)


最後都係屌唔住﹐年初一出去食返餐好。

誠逸樹喜 2017-8-10 18:01:36 個神殿好正

:^(

:^(

,好似星矢入面十二宮咁

:^(

姜智賢 2017-8-12 12:03:15

:^(

支持