【魔羅】《病港II》(58)
上一頁
第 4 頁
下一頁
面具男
2022-9-22 02:09:13
push
Ads
波台狙擊手
2022-9-22 02:13:37
弒神者係病者之始 絕對廢唔得過南北 余博士能力太op唔比較
點解咁多狗
2022-9-22 02:30:13
:^(
:^(
:^(
墨說
2022-9-22 02:33:14
倒下的木門後,站著個不明品種。
他沒有一吋皮膚,全身血肉潰爛而濕潤。
「佢就係……魔羅?」我正要上前。
嘎嘎卻捉住我手腕:「唔好俾佢掂到!」關上房門,拿起背包推開窗戶。
「佢有接觸感染能力?」我將衣櫃推去房門前。
「佢有……令任何事物腐爛嘅能力,唔會再復原到。」嘎嘎已跨腳出窗,站上冷氣機槽。
「你隻腳……」我想叫停嘎嘎,但她已經跳落不知哪裡。
我馬上跑到窗前探頭,原來她跳到外牆旁邊的排水管,捉住它們攀下去。
「呯!呯!呯!」那魔羅破壞房門。
我也不戀戰,跟著跨出窗外,然後跳去捉住排水管,當成繩子攀落地面。
層數少說有十樓高,嘎嘎對高空環境面不改容,只是緊張兮兮的想著逃命。
我們兩人手快腳快,都是外面生存老道的倖存者,好快便攀落地面。
「跟住我!」居然是嘎嘎帶領我離開。
她腳踝雖腫可速度不減,除了會身子側向一邊,幾乎看不出什麼受傷的樣子。
「你隻腳……」
「話咗我頂到。」嘎嘎回頭望我眼。
「去緊邊?」我跟緊嘎嘎後方。
「落去利南道下面怪物少!」
「嗒、嗒、嗒、嗒、嗒、嗒、嗒、嗒、嗒──」一陣急快的步伐,魔羅倏地現身後方。
墨說
2022-9-22 02:33:24
魔羅緊追不放,速度更比我們快,那隻潰爛的手將要接觸到我們。
與其兩個一起給抓住,倒不如由我來頂住,於是我跑到半路,停下轉身對魔羅擺出拳擊架式。
「M!」嘎嘎發現我停下。
「你走,交俾我!」保護弱小的病獵心態發作。
魔羅也不客氣,欲要對我出拳。
嘎嘎看見魔羅的拳頭,表情完全不敢想像,不惜打開背包,拿出個哨子一吹:「合實對眼啊!!」
戰鬥時刻大多數人眼也不敢眨,我自然沒理會嘎嘎的提醒,她吹出的哨子聲引來海怡平台花園上的那隻大眼球注意現身,本體從利南道一旁的御盈居和御雅居出現,以那鮮紅的目光凝視利南道下的我們。
生死關頭下,我不可能忽視一旁的威脅,下意識朝那大眼球望了眼,魔羅如是,剎那間我們兩者全身無法動彈,環境幻化成第二個世界。
是精神干擾!?
我心靈明明自問已經非常堅固……
那鮮紅的大眼球將我帶到雷聲轟鳴,寸草不生、屍骨曝曬的荒野。
魔羅雖為病者,但同樣受到影響,看著世界周圍的變化。
幻境像水墨般覆蓋原本的世界,變成只有我們兩個。
就在下秒,魔羅那一身潰爛竟在退化,漸漸回復人該有的外表,最後一張熟識的臉孔出現……陀蘭。
我自是驚訝不已,原來那個魔羅……就是他。
「嗄……嗄,麻煩。」陀蘭辛苦變回人類,冷冷地笑。
「原來你就係追殺嘎嘎嘅人,陀蘭。」
陀蘭仔細視著我:「我認得你。」
我捏住鼻子大喝,發出鯨歌防止陀蘭離開。
墨說
2022-9-22 02:33:34
鯨歌的影響下陀蘭腦子一晃,張開眼後又到別個世界。
夢中夢。
鯨歌夢中的陀蘭躺在某棵娑羅樹下,身下滿是蓮花。
天正藍,雲正白,心境豁達開朗。
「涅槃嘅時候……」陀蘭認得記憶。
當時的陀蘭口含鮮血,全身骨折,幾乎要奄奄一息。
承接聶一凜記憶的話,應該是他玩最後的終極挑戰,決心撞上懸崖後的下場。
不久,有個老婦走近,來到陀蘭身旁。
湯婆凝望陀蘭一會,彎身將他帶走。
轉眼間,場景換成一張手術木桌上。
本該完美涅槃,成道死去的陀蘭,給湯婆強行餵服湯藥。
不成佛,反成魔!
和我一樣服湯藥後歷盡苦不堪言的痛楚,最終憑著可怕的意志挺了過來,睜開嗜血的目光。
重生獲得生命的陀蘭,本應要接受湯婆一連串檢查,但他利用其將萬物腐壞的特質解開束縛,殺死湯婆其餘的實驗體,趁機離開其實驗室,成為真正史上首個成功的案例,被記錄到湯婆的報告上。
鏡頭一轉,陀蘭周圍流浪,尋找著生命的真諦。
旅途上看見萬物皆會腐化凋零的陀蘭,內心產生更深的覺悟,萌生出一個念頭。
為達成目的,他先加入病者人道主義機構,替占妙如理事長辦事,藉此獲得實驗上的資金和人力援助。
在機構旗下惡名昭彰的東華醫院中,陀蘭抽取出自身血液,給醫療人員解析出湯藥的成份,上萬次調配測試下,供機構轄下的孤兒輸送,但兒童們不是死去就是病變,因為難以支撐血液所帶來的劇變和痛苦。
於是他讓兒童們進行更殘酷的極限訓練,全方位推高身體的質素,除了心臟停頓外,任何終止訓練的理由都不被接受。
兒童一個一個的死去,被當成垃圾掉棄街外。
由本來上百個、數十個,最後不到三個。
墨說
2022-9-22 02:33:45
陀蘭負手站著醫院昏暗的實驗室內,觀看著跑步機上不停奔跑的孩子,對他們而言跑下去才是活下去的機會,其中一個孩子正是……嘎嘎。
「原來……」我明白了。
原來嘎嘎,正是陀蘭成功輸血的孩子。
而嘎嘎刻意逃到病者國度,正是為了避開陀蘭。
此時,實驗室場景內負手站著的陀蘭,以人類姿態轉身面向我:「明未?」
「點解……要主動呈現記憶我睇。」我說。
陀蘭邪魅一笑:「我感覺到,我哋係同類。」
「我唔會殘害細路。」
「嗯……果然只有從細開始培訓,思想先夠純淨。」
見陀蘭正欲步來,我立即轉移閃出鯨歌造的幻境,回到那片閃電交加的荒涼世界。
曾陀蘭未從第二層夢境醒來前,我打算先下手為強,對他出拳暴打。
誰不知,他卻舉手接下拳頭,可是他神智亦未從鯨歌的夢境抽離。
什麼情況!?
「遠離顛倒夢想。」閉著目的陀蘭唸著經,抓住我拳頭慢慢地扭轉:「究竟涅槃。」
陀蘭雖被幻境所困,卻不被幻境所困!
我舉起第二隻手,馬上施展閉日。
陀蘭又是側頭閃開閉日攻擊,另一隻手隨即捏向我頸喉。
「噫……」
我沒收回攻擊,兩指轉為五指抓住陀蘭頭部,用力捏緊。
「嗄……」
我們兩人各不相讓,胳臂不停發力。
腦中反覆集中要脫離夢境,那集中的狀態到了燒腦的程度,終於被陀蘭捏得斷氣前幾秒,我驀地離開了夢境,回到現實世界中……
「嗄啊!」我被激靈般彈起。
只見嘎嘎正揹著我,跑到沿岸的地區
「你醒咗?」嘎嘎問。
「嗰個陀蘭……」我張望尋找他的身影。
「我帶咗你走!如果你俾夢境締造者一直望住,到你脫水前都唔會醒到!」嘎嘎欲言又止,稍稍看向我:「不過你識得陀蘭……」
「佢就係魔羅?」
「係……」嘎嘎吞吞喉,兩腳顫抖不已:「嗰個狀態嘅佢,叫魔羅。」
我雙腳落地,反為扶著快要跌倒的嘎嘎:「原來你就係接受過機構輸血實驗嗰批孤兒……」
「……佢同你講哂?」嘎嘎抬頭問。
「我睇到哂。」
用腳推人
2022-9-22 02:41:29
Push
空歡喜心跳這摩狗
2022-9-22 02:41:35
好禪
:^(
阿仙奴世界第一
2022-9-22 02:44:14
睡夢羅漢拳咁
:^(
森林大火鳥
2022-9-22 02:52:06
幸運時間
Ads
來自未來的機械貓
2022-9-22 03:12:48
無限月讀
:^(
阿墳
2022-9-22 03:44:48
原來唔係魔羅 係死柄木弔
:^(
星豆屎民
2022-9-22 04:57:50
原來係山寨版特種病獵 唔怪得有料可以係病者國度生存
:^(
傻豬黎既
2022-9-22 05:05:43
:^(
:^(
:^(
:^(
:^(
:^(
翼征殿士
2022-9-22 05:37:34
Lm
墨說
2022-9-22 06:49:20
嘎嘎短促的苦笑,看向其他地方:「咁你都知我以前嘅事。」
我拍拍她肩:「最緊要係你已經脫離咗嗰到。」
我和嘎嘎正躲沿岸地區的一間荒廢加油站,好消息是眼下並無病者,馬路上意外地冷清,不像病者國度的吵雜熱鬧。
「真係好彩,無撞正怪物出貨。」嘎嘎又說些我不明白的東西。
「出貨?」
「呢條路直去到盡頭,又係個怪物據點,一個大型工場。」嘎嘎指著東南面:「佢哋會搜括人類遺留喺城市嘅各種精密儀器、日用品、電子零件、廢棄材料,全部喺嗰到進行研發同加工,仲有大量病者全天候喺嗰到無限發電。」
「簡單嚟講,即係病者國度嘅工業地帶。」我概括成一句。
「嗯,講得好。」
「……」
話音剛落,路面上有些震盪,遠處兩隻病獸拖著大型拉車,朝工場反方向離開,由前頭隻身披殘袍的大眼領路,拉車兩旁是全副武裝的竊屍賊,拉車上的物品被粗布掩蓋著,也不知是什麼。
嘎嘎打開背包,掀開日記中自己所繪畫的地圖,接著告訴我病者國度中各個的區域。
「頭先講咗,利南道、利興街、利樂街嗰頭,係病者大型工場。」嘎嘎手指上移,指著利東:「然後係利東區,嗰到係特殊怪物生活氣息濃厚嘅聚集地,唔同興趣、藝術、教育、文化活動都喺嗰到搞同發展……」
「即係創意中心地區咁。」我見識過那裡的藝術品有多病態了。
「隔離少少嘅漁安苑係怪物屠場兼養殖場,應該唔單單係人類,其他生物都會喺到被圈養宰殺……」
「嗰到有人類!?」
墨說
2022-9-22 06:49:35
「我……無實際入去睇過,但聽過有人類嘅慘叫聲。」
就算真的有人類存在,我一個人都做不了什麼。
「然後就係鴨脷洲市政大廈,嗰到係政治重地,有個怪物議會存在,怪物國度嘅發展方針都喺嗰到決定,外面鴨脷洲大街經常企滿哂病者,絕對唔好過去。」
「怪物議會,即係詭人議會。」嘎嘎說的怪物,需翻譯成病者。
「你又知?」
「我知道病者間有呢個議會存在,但唔知原來就喺嗰到。」
「市政大廈隔離小小嘅悅海華庭係怪物孵化區,好多人類屍體疊成塔咁,怪物會埋自己喺屍堆入面。」
「即係病爪……」
「再向左移鴨脷洲邨,嗰到係宗教神廟,怪物佢哋之間都信奉住某個神祇,會喺嗰到進行敬拜、洗禮、祭獻。」嘎嘎手指移動下方,指著海怡半島:「對下嘅海怡半島我未入過,俗稱「病城」,估計呢個國家嘅大魔王就喺入面,守衛非常森嚴。」
「病城前少少嗰個平台花園,有隻巨型觸手大眼,係咩嚟?」剛剛我想憑精神力破解夢境,卻起不到任何效果。
「夢境締造者,一旦同佢對上咗眼,無論咩方法都唔會離開到個夢空間,直至有人幫你移離佢視線範圍外……」嘎嘎指著天空,瞇著眼睛:「你見唔見個天好紅?係佢隻眼發出嘅光芒影響,將個天空局部折射成咁,長期喺呢種紅光底下生活,會令你壓抑到有精神病,思想出現精神污染……我就係被呢種紅光搞到個腦越嚟越唔正常。」
「成個病者國度發展出政治同宗教,咁文明程度都唔低……」
「仲有仲有,最近大橋區域嘅鴨脷洲公園,有隻十六米高嘅怪物,佢俾六條巨柱鎖住喺入口前面,佢先係最具威脅嘅怪物!成隻巨獸咁,仲有其他地方我未去過就唔啦。」
墨說
2022-9-22 06:49:45
嘎嘎說的大概是病獸,這種高度算凶獸級。
「咁你知唔知,有隻叫天腦嘅病者。」
「唔……」嘎嘎沉思一陣:「無。」
「咁你又有冇聽過,有個叫天本聰嘅人類?」
「都無喎。」
「嗯……」都不算白來一趟,至少得到不少具價值情報。
大量病者國度的資訊被灌輸,看來我需要點時間去消化。
我們在加油站躲了會兒,見陀蘭仍未追來,估計暫時脫險了。
現在我一身是傷,無謂久留此地。
「嘎嘎,你有冇諗過離開依到?」
嘎嘎抱著膝:「我唔想返嗰個倖存區。」
「因為嗰間機構?佢哋已經唔存在,你唔洗驚。」
「我都無屋企。」嘎嘎表情有些厭惡。
「可以去我到。」
嘎嘎雙眼呈橫線,表達無奈。
「我意思唔係我屋企,係我做嘢嘅地方,病獵協會。」
「病獵……」
「你唔一定要喺嗰到受訓,食下嘢、訓個覺,做蛀米蟲都得。」
「邊有咁好嘅人同事。」嘎嘎別臉,不是很相信。
「咁當然係因為你對我都有用,你比較熟識病者國度。」
「唔要。」
「真係?」
「唔去。」嘎嘎語氣非常堅定。
「可能會有雪糕」
「去。」
嘎嘎想都不想就答應了。
我們的下步計劃,是如何離開病者國度。
正常來說回去鴨脷排,撐船回到海洋公園是正確的做法,但是失去病袍的話,情況就不一樣,無法掩人耳目。
我唯有請教旁邊的高手:「嘎嘎,你之前點避開病者發現?」
「匿喺無人嘅位置,郁都唔郁就係最好嘅辦法。」
「但你總要食嘢……」
「偷偷入去啲大廈單位,入面廚房仲有幾個罐頭淨,但喺依到我哋同曱甴無分別,見到病者都要即刻跑。」嘎嘎輕輕仰頭,大姆指摸鼻:「我最叻就係伏匿匿,連魔羅都唔夠我玩啊!」
「叻。」我含諷刺意味。
嘎嘎聽完,卻心滿意足的接受稱讚。
「有兩個怪物係要特別小心。」嘎嘎舉出三隻手指:「一個係蛾人,第二個係監視者,前者係識飛嘅怪物,不時喺天上面飛嚟飛去,但平時只會企喺座斷橋上面,後者係專企喺天台高位嘅大眼仔,佢會監視每個地方。」
「大眼仔?你唔係講緊大眼啊……」
「是。」
「咁威脅唔大,小心就得。」
墨說
2022-9-22 06:49:57
補上po 200正評
:^(
PanzerV
2022-9-22 06:54:27
:^(
Ads
出示委任證
2022-9-22 07:13:28
儲咗幾個月一次過睇…….又live咗
:^(
漆黑中的螢火蟲.
2022-9-22 07:17:29
朝早多咗篇
:^(
牧羊記
2022-9-22 07:22:08
一打四加一堆痴撚線特殊能力
:^(
:^(
:^(
又操控腦波又無敵反傷又火又電
一隻完全打唔入,再加上兩隻控場
:^(
零式
2022-9-22 08:12:53
曾
陀蘭未從第二層夢境醒來前,我打算先下手為強,對他出拳暴打。
趁?
上一頁
第 4 頁
下一頁