【魔羅】《病港II》(58)
上一頁
第 24 頁
下一頁
真係老翻
2022-10-2 23:23:12
推
Ads
神仙B大佬
2022-10-3 00:13:49
推
魔法嵐
2022-10-3 00:19:28
:^(
心凝形釋
2022-10-3 00:48:25
我反而覺得可以直接用新角色做主角
湘B(生死未卜)
2022-10-3 00:57:20
艾倫啦 佢喺海嘅另一邊
墨說
2022-10-3 01:02:19
每個人眼光裡都回想起曾被他幫助、與他相處的畫面,那份永遠善良彷彿刻印在腦海中,揮之不去。
慢慢地兩方氣燄都消退一半,表情不再那麼倔強。
「你哋意見我會再詳細去諗,今日就咁,有答覆嗰陣我會再召集開會。」我想與其討論下去,倒不如讓大家回去思考。
「好,係咁。」我取回三角帽,第一個行出會議室。
「果然好快手喎……」雲水看著開始離開的叛獵們。
「佢哋應該待你不薄?」我多問句。
「係開槍開到有少少板機指,但佢哋人都唔差嘅,唔會真係睇住我死。」雲水反複握著空氣,展示手指的靈活程度。
「雲水,行啦。」吹波糖呼叫。
「走啦,拜。」雲水跟我揮手。
「嗯。」我看著她遠去。
叛獵們由左邊走廊離開,南征病獵由右邊走廊離開,會議室內餘下本協會的大病獵和忙著收拾碗筷碟子的霍洛圖,一時間又空虛了不少。
「真係……」博海德笑兩聲:「難搞今次。」
「辛苦會長你,睇嚟你未有得抖。」蒙柯亞給我拍拍膊。
「頭先佢哋講死咗嗰位宮浪紋,你哋都識?」我對他認識不深。
「都打過一戰,如果佢當初無走,應該同我一樣教緊學徒用劍。」陳一劍舉起每個酒壺感受重量,檢查是否喝光了。
「瑪昆,你有冇下半場?」我問。
「無。」
「幫我喺紀念牌上面,刻宮浪紋個名上去。」我給瑪昆做點事,讓他不用無所事事。
墨說
2022-10-3 01:02:30
「嗯。」瑪昆準備前往。
「嘎嘎,有冇悶親你?」我轉問。
「無啊,只係覺得好怪,你哋明明係同一陣線,但又好似合唔埋咁。」嘎嘎可能未接觸過社會,不懂大人的世界。
「世界就係咁,即使相同陣營,都唔係非黑即白。」瑪昆行出前,給她說教。
「但依家你肯定係同我一陣線。」我戳戳她的頭部:「你個小腦袋裝住好多病者國度嘅知識,我唔會俾你有事。」
「咁如果我無呢啲知識呢?」
「都唔會。」
「點解呢?對你無利用價值喎。」
「因為保護人類係病獵嘅使命。」
「真係型……」嘎嘎戚起笑容。
「M你諗住收多個徒弟?你已經有批麻將戰隊同混血兄妹處於棄養狀態。」我感受到富馬史面具底下的嘲笑。
「咩棄養……病獵協會咁多資源導師訓練佢哋,有心自然會摸索到點行。」
「我已經領養咗娃娃,教緊佢做外科手術,佢底子唔差。」話癆蒙柯亞都參一嘴:「做到我徒弟好巴閉,每年我淨係會收兩、三個。」
「咁公仔呢?」
沒一個大病獵認頭。
「佢好似做獨行俠。」薛墊仁說。
「獨行俠?」
「接任務然後自己走去做。」
「咁有我少少風範。」
「令我在意係飯堂阿姐每次都俾雙倍份量佢。」
「我喺大本營嗰陣已經見怪不怪。」
「如果拍電影呢,搵佢兩兄妹就最適合……實吸引唔少人。」博海德碎唸。
「咁麻將戰隊?」
「咩都學下咁。」
墨說
2022-10-3 01:02:42
「我呢?」嘎嘎突然問自己之後的去向。
「我會帶你去另一個地方。」我說。
「咩地方?」
「將軍澳。」
「將軍澳?咩嚟嫁。」嘎嘎沒聽過也不出奇。
「你當係另一個倖存區。」
「嗰到魔羅唔會搵到我?」
「唔知,至少我未見過佢喺嗰頭。」
「咁幾時去?」
「聽日。」
「將軍澳……即係去渡假?好啊,你係需要休息下。」蒙柯亞說。
「搵個人陪會長你?你哋兩個都有傷喺身唔安全。」富馬史說。
「咁有冇人自薦想去?」
「我,順便探下朋友。」只有博海德舉手。
「咁你兩個早啲訓。」
今天要說的都說完,口非常乾。
因為衣服在病者國度中嚴重破損,我需要挑選新的服飾。
本來想依照經典套裝,穿個黑袍和鳥嘴面具,但衣服單位一時三刻提供不了我所要求的,更給我揀選其他衣服,因為適合我身形的衣服不多了。
最後,他們給我挑了青色的短袖和卡其色的六分褲,我不知這是什麼鬼配搭,雖則末日環境下,還談論穿著是否時尚好多餘,但衣著好影響一個人的自信心。
我穿上後照照鏡子,自信心莫名地降低,但既然都沒有其他適合我穿著的衣服,我都無謂再深究下去。
秋末。
翌日早上,我和博海德帶著嘎嘎離開病獵協會,門剛開,清涼的晨間秋風即送來一個清醒。
直至我們行落地鐵站,那陣乾燥的秋風才停止騷擾。
穿越路軌隧道,是世上最悶的事。
「會長,其實我今次返去第二個目的係傾下電影嘅事。」
「之前我講病獵個套電影?」
「係啊,再唔做啲嘢,新一年招募率應該無眼睇。」
「電影嘅事去到再睇睇,我安置好嘎嘎先。」
「你諗住安置去邊到?」
「可能係病獵公會。」
「嗰個陀蘭咁遠,唔知會唔會搵到嚟……」
「避得一時,唔避得一世,遲早都要搵方法解決佢。」
作為初體實驗對象,相信湯婆會知道些什麼。
今次隧道內沒什麼故怪事發生,我們三人安全順利地通過。
由於艾寶琳地鐵站已開放的緣故,我們都無需經過大本營前去了,誰想到香港的地下鐵系統,會成為末世中最重要的秘路,最大缺點是空氣侷促,可能好多人承受不住過海的長途。
嘎嘎剛上地面,給外面的陽光刺得開不到眼。
後來眼睛適應了,好奇的望來望去:「哇,點解……同港島區咁大分別。」
「有咩分別?」
「種咗好多花花草草,啲人衣著又鮮艷咗,無個種都市嘅感覺……」
「呢到叫艾寶琳倖存區,係由嚮往回歸前香港嘅老國王創立,一個充滿英式制度同騎士嘅倖存區。」博海德倒轉身子而行,滔滔不絕地給她介紹:「你隔離個位就係鳥嘴公爵。」
「血爵我識,咩係公爵?」可能嘎嘎更懂病者社會。
「即係社會地位好高嘅人。」
香港MK最後希望
2022-10-3 01:13:40
每日一推
魔法嵐
2022-10-3 01:21:36
謝師宴M
:^(
紙皮哥哥
2022-10-3 01:24:25
「因為保護人類係病獵嘅使命。」
中二M
:^(
Ads
哥斯拉丁文
2022-10-3 01:39:15
嘎嘎識血爵
:^(
:^(
:^(
波台狙擊手
2022-10-3 01:46:26
淨係睇七傘屌打弒神嗰一戰第一次南征如果佢有份難啲輸
:^(
傻豬黎既
2022-10-3 01:52:03
血j去左病者國度
:^(
森林大火鳥
2022-10-3 01:56:03
血爵唔係血禍BB喎
係咪J錯人
:^(
阿墳
2022-10-3 02:30:28
血爵係咪變人做炸彈嗰個
:^(
唔係撚你架啦
2022-10-3 02:34:44
老實講,如果唔係M做主角
之後就未必會再睇了
零式
2022-10-3 02:35:13
其實開拓哂九龍新界,儲多啲人同資料先再反攻南區有無得諗
:^(
星豆屎民
2022-10-3 02:36:07
M衣著示意圖:
:^(
:^(
傻豬黎既
2022-10-3 06:39:02
我應該真係記錯左
:^(
彌敦道雞串小玉子
2022-10-3 08:21:31
M被病者打到仆街
:^(
:^(
:^(
個細路女應該笑鳩佢 咁廢學人做架兩
:^(
Ads
在空中聽風
2022-10-3 08:47:05
麻將戰隊原來仲有戲份
:^(
:^(
:^(
墮入羅莽
2022-10-3 09:30:58
:^(
平行時空間
2022-10-3 11:27:40
:^(
:^(
:^(
PanzerV
2022-10-3 12:09:55
:^(
上一頁
第 24 頁
下一頁