【魔羅】《病港ＩＩ》（５８）

鹽西 2022-9-28 04:27:29 朱朗峰本身都係普通病獵姐
雖然冇記錯好似係嗰屆攞第一
但係都係冇乜歷練
就算身體質素buff咗
冇經驗冇腦都好難單挑特殊病者
但係m已經有白鯨記憶同埋經驗
仲未計佢自己本身已經係top果班
又有修不破經心戰西城暗殺術
咁都敗走真係有啲渣

:^(

蕭梵 2022-9-28 05:08:54 叛獵

:^(

心凝形釋 2022-9-28 05:24:14 M變咗特種病獵之後既實力好模糊一時又金剛不壞一時又好脆弱最後逃走到個一part個劇情上有少少簡略好似上好輕易就逃走到咁有少少劇情需要嘅感覺

不過上面講嘅都唔知係咪伏筆所以都係睇定啲先

阿墳 2022-9-28 05:38:49 諗起百獸戰隊銀戰士

:^(

酒保 2022-9-28 06:13:20 其實病者國度果堆特殊病者，係咁睇睇d能力都廢過Dr.D好多，所以其實叫M打返果三支Dr.D既半神病者針好似實際d

來自未來的機械貓 2022-9-28 07:49:24 我諗起鐵血戰士

牧羊記 2022-9-28 07:50:57 其實係多咗啲功能囉
你叫瑪希同病甲朱鬥輸岀殺得多病者又唔同講法

:^(

牧羊記 2022-9-28 07:51:28 寫太detail就難表達

:^(

來自未來的機械貓 2022-9-28 08:01:52 我諗係咁寫先有鮮明對比
人類睇m就係佢直頭無敵一拳打死病獸
三色瞳出現係俾我知道霸體唔係大哂
不過m第一次入病者國度敗走都係意料中事

人人人 2022-9-28 08:25:47 推

:^(

2084- 2022-9-28 08:31:51 我覺得最唔合理係
中左三色瞳粒釘就由滿血變到無反擊能力

:^(

至少形容下傷勢

:^(

唔係一句特別釘槍就算

:^(

湘B(生死未卜) 2022-9-28 09:08:19 變病者會被天腦操控

按揭界王拳 2022-9-28 09:14:37 話時話肚入面粒釘係咪未攞出嚟

波台狙擊手 2022-9-28 09:40:01 屌呢個

目黑之夜有精 2022-9-28 10:05:51 可能呢個先係m宜家咁廢嘅原因
老實講感覺上宜家嘅m仲廢過之前

:^(

雖然啲病者麻煩咗

第九代JoJo 2022-9-28 10:14:49 牙M你退休啦
廢得過份

:^(

葡萄乾 2022-9-28 10:21:40 廢M

:^(

俾條女carry肉唔肉酸D

東星烏鴉· 2022-9-28 11:28:08 但係都未至於比大眼、大鼻和大耳收皮掛

:^(

超級涼浸浸 2022-9-28 14:53:13 Gaga耐性，韌性，精神力都比M高出唔少

勁在斷手指果d都無所謂，腳腫左又跑到行到咁

來自未來的機械貓 2022-9-28 14:54:43 我會覺得如果佢係滿血打嘅話就唔合理

魔法嵐 2022-9-28 15:17:52 又好似係

:^(

係咪驚會抽埋條粉腸出嚟

小野田坂道 2022-9-28 15:22:09 M變埋特種病獵都廢成咁，連白鯨嘅級數都去唔到

:^(

神仙B大佬 2022-9-28 17:51:10 推

墨說 2022-9-28 19:37:38 嘎嘎沒有什麼反應，不懂得那地位多崇高。

「佢解釋咗，點解會出現喺病者國度未？」宮浪紋剛進來，沒聽見詳情。

老漁夫正要回答，嘎嘎不厭其煩多解答一次：「因為我避緊某個人。」

「邊個？」

「佢話係個可以自由轉變成病者嘅人。」老漁夫說。

「自由轉變成病者？」宮浪紋非常困惑。

「呵，話雖然我哋K29情報厲害……」老漁夫耳聽著外面的風風雨雨，愜意的舒展肩背：「我都未聽過有咁嘅人存在，真係奇人奇事。」

「既然佢可以變成病者，仲去病者國度避？」

「我以為佢估唔到，越危險嘅地方越安全，同佢好少變成病者模式。」嘎嘎低著頭，深深的吸氣：「但既然揚咗，我睇又要搵第二個地方匿……」

「嗰個人有咁危險？」宮浪紋坦然的問。

「非常、非常危險……」嘎嘎刻意強調。

「咁依家要保護佢哋？佢哋唔係自己人，係咪病者國度嘅詭計都未知。」宮浪紋問老漁夫。

「所以等首領意思再決定，佢依家唔喺到，由我話事。」

老漁夫地位不輕，宮浪紋要敬讓三分。

「咁你呢，又會救得我哋咁及時……」嘎嘎反問。

由下水到被老漁夫救起，不過是一會兒的事。

「我好早已經聽到鴨脷洲個頭有車聲，諗住撐船去附近位置睇下，咁啱救到你哋。」老漁夫說。

嘎嘎把整條魚吃光光，然後在整艘珍寶王國散步，觀賞那天花彩畫，忽然有個年齡相若，穿著長長白風衣的女生行至她身邊，雙手插住褲袋，一起抬頭觀賞那觀音菩薩畫作。

「聽講有個同我年紀差唔多嘅上咗船。」

墨說 2022-9-28 19:37:58 嘎嘎轉頭望過去，是個留有漂亮金髮的女生：「你都係十四？」

「差唔多啦，咁上下，應該大你少少。」那女生轉過頭來，微微一笑：「係啦，我叫雲水。」

「我叫……嘎嘎。」嘎嘎張望周圍，鬼祟的問一句：「呢到其實邊到嚟？」

「叛獵組織嘅據點，用嚟監察病者國度情況。」雲水每說一句，踏前一步。

「你都係嗰啲狩獵病者嘅獵人？」嘎嘎打量著她。

「嗯。」

嘎嘎不自覺吐出：「好型。」

「喺到其實好悶，不過無得我揀。」

「點解無得揀？」

「因為係任務。」

「任務……」嘎嘎想起自己本來也給陀蘭委託了任務，只是借機會逃跑了。

「話說……我槍法準唔準？」雲水問。

「你槍法？」嘎嘎一頭問號。

「我俾嗰隻灰毛病翼搞緊嗰陣，係我開槍打中佢，唔記得？」

「……原來係你。」

樓下有位叛獵大喊：「雲水去咗邊啊！？」

雲水聳起肩，快快回去自己的崗位：「再傾。」

「轟隆──」倏地，天空風雨交加，雷光閃閃。

有位不速之客無視海上的波瀾，以衝浪方式登上珍寶王國，直接推踢開入口的大門，出現兩名叛獵面前。

那兩名叛獵同樣持刀，一樣是宮浪紋的弟子，駐守大門內的接待區。

「報上名來！」他倆迅速拔劍。

全身濕透的紅髮男子，雙手撥開遮蓋眼睛的髮蔭，目光內飽含不可理喻的執念。

他直線前行，打算直上二樓。