狩獵夢的人 2022-10-2 01:57:51 係一個合理推測

:^(

根據雨愛理解，自己係獨生女，
佢嘅認知中，係冇雨奈呢一個人，
但雨奈又同時存在於世界中，
非常矛盾

狩獵夢的人 2022-10-2 06:07:13 凌晨一推

:^(

HomeLess 2022-10-2 08:34:07

:^(

:^(

:^(

鐵拳無敵鍾培生 2022-10-2 11:18:06 因為我估雨奈覺得只有媽咪可以療癒妹妹

狩獵夢的人 2022-10-2 12:18:33 巴絲可能留意到一點，
雨愛係用「嗰個人」形容老豆，但用「媽咪」形容媽媽，
可見佢心目中點評價雙親

:^(

:^(

:^(

11315315 2022-10-2 18:53:15 Push

HomeLess 2022-10-2 19:02:34

:^(

:^(

:^(

麻婆豆腐世一 2022-10-2 21:54:59 等出文≥ ≤

狩獵夢的人 2022-10-2 22:00:04 早晨各位

:^(

休息咗一日，好多了，
今晚有加更！

:^(

狩獵夢的人 2022-10-2 22:06:59 愛：

12年後的妳，已經18歲了，妳好嗎？

若果妳收到這封信，那代表媽媽因為某些原因無法待妳身邊了。妳到這年紀已然懂事，媽媽放心告訴妳，我的工作還是免不了風險，太易招惹某些麻煩。所以媽媽委託了夥伴，若然我不在了，到妳18歲的時候就會寄出此信。

有跟爸爸好好相處嗎？有做到喜歡的事情嗎？但不要緊，12年前的媽媽已經知道，妳想追尋的是什麼樣的風景，但願此時此刻仍然沒變。

媽媽不懂烹飪，沒辦法陪妳到東京那麼遠的地方（雖然媽媽家鄉是大阪的說！）。但是這筆費用，就當是媽媽給予的支持吧。希望12年間，那所學校學費沒加得太狠吧！

偷偷告訴妳喔，這筆錢是媽媽偷偷存起來，委託夥伴保管的，連爸爸都不知道，這封信妳務必保密，別告訴他喔！妳爸爸那笨蛋啊，常拿家裏的錢去投資高風險產品什麼的，誰知他會不會哪天連女兒都抵押出去了呢！男人還是不可靠！挑選伴侶要小心喔！

雖則如此，媽媽還是要幫爸爸說點好話。這個男人嘛，雖然脾氣壞、為人嚴厲，但心底裏還是個溫柔的人呢。他一直拼命工作，其實是為了我們兩母女的幸福喔。他很愛妳，妳大概是知道的吧。那傢伙其實像個小孩子一樣，真擔心他如何活下去，飯又不懂煮，衣服又不懂洗，想起都頭疼！能請妳勉為其難，好好照顧他，跟他好好相處嗎？拜託了！妳一定能做到的！畢竟妳是我唯一的女兒啊。

還有，不用回信了。唔……這個冷笑話還可以嗎？哈哈。

去追尋妳的幸福吧！路途上，有媽媽伴著妳。

媽媽

狩獵夢的人 2022-10-2 22:12:50 程家客廳內，暖黃的燈光，照亮程雨愛臉頰的兩行清淚。

她坐在飯桌前，桌上是那封信，以及一張銀行支票。

開支票的戶口持有人，我不認識。

銀碼是35萬。

程雨愛以淚眼，望著坐對面的我和Wiki：「媽咪……一早知道……我想去東京廚藝學院讀書？」

「但係封信係程雨奈放入信箱嘅，我哋都睇住……」我迷茫不已。

「會唔會……佢就係媽咪信中所講嘅『夥伴』？」

「可能性極低。」Wiki立刻反駁，「12年前，程雨奈只有10歲左右，伯母唔可能將咁重要嘅事，委託畀一個小學生完成。而且，若果程雨奈唔屬於妳家庭一份子，伯母生前就更加唔可能認識佢。」

的確，這件事根本說不通。

我只想到一個可能性。

「封信，可能係程雨奈偽造嘅，支票都係佢開嘅。」我猜測道。

「……點解佢要咁做？」程雨愛大惑不解，「佢……模仿我媽咪，然後送35萬畀我？點解要咁做？」

我不知道。

但我必須找出真相，這可能攸關程雨奈的死亡謎團。

「凡膠。」Wiki看著我，「若然封信係程雨奈偽造嘅，可以印證一啲事。」

「係咩？」

「第一，程雨奈仲記得佢嘅屋企人，係繼你同伯父之後，第三個冇忘記『程雨奈屬於程家』嘅人。你哋三個有咩獨特之處呢？

第二，程雨奈知道其他人忘記咗『程雨奈屬於程家』，否則唔會用『唯一的女兒』形容雨愛小姐。但凡膠你講過，呢場集體失憶係由今日先發生，程雨奈若果冇失憶，點解會咁快接受呢個荒謬嘅事實？」

對，Wiki一言驚醒夢中人。

若果程雨奈沒失憶，而全世界的傢伙都失憶了，她怎可能在一天內就接受這種瘋狂的事情，還能淡定地去寄信？就好像……

「你哋……講緊乜呀？」程雨愛拭著眼淚。

「抱歉，雨愛小姐。」Wiki對她溫柔道，「我應承妳，我哋搞清楚一切後，會話返畀妳知道。」

就好像……就好像……

「就好似，程雨奈一早知道，集體失憶呢件事會發生咁。」

我吞下口水，說出這個想法。

但是，這種荒謬事態，程雨奈怎可能一早知道？

就算她真的知道，她都不可能保持鎮定，悶在心裏吧？她可是從來也沒跟我提過——

 等……等等。

「凡膠，程雨奈以前係咪同你講過乜嘢，係值得注意嘅？」Wiki瞬間看穿我的心思。

我迅速回溯過去兩個月的記憶，複檢著程雨奈說過的每一句話。

她說過了什麼……說過了什麼——

我頭昏腦脹之際，突然閃過的一段片段，讓我嚇得站直了身子。

「凡膠，你諗起乜？」Wiki鎮靜道，而程雨愛已跟不上我倆的思路，只是驚恐地盯著我。

「我諗起……諗起……」我上氣不接下氣。

怎麼……怎麼她會那樣說……怎麼我當初沒為意？

是我想多了嗎？是我想多了嗎？

我按著發抖的右手，細心回溯那天與程雨奈的對話。

那時候，我答應協助程雨奈，指導程雨愛改良紙杯蛋糕，並提出我的條件。



「我開出嘅條件，就係下年1月1號，踏入新一年嘅一刻，我哋一齊喺語大睇新年煙花。」

「唔得。」

「點解？」

「嗰段時間，我計劃去南美旅行。」

「……邊段時間？」

「唔……聖誕節翌日去，去一段好長時間，唔知幾時返。」

「……咁妳下學期助教嘅工作點算？妳屋企人冇所謂咩？同埋去南美洲洗費咁昂貴，妳咁快就儲到？」

「世上嘅任何嘢，自己冇嘅話，問人借咪得。不過，如果呢個係你唯一願意開出嘅條件，我就推遲旅行，同你除夕睇完煙花之後先出發喇。」

「……妳認真？」

「認真。反而我擔心另一件事。」

「咩事？」

「真係到除夕嗰日，已經咁耐之後，到時你已經唔記得咗呢件事啦。」

「……Miss Ching，妳對我嘅記憶力真係好冇信心。」

「唔係呀。」

「同埋，呢個世界有一樣嘢叫Google Calendar。」

「可能Google Calendar都會唔記得埋㗎。」

「我對Google有信心。」

「好呀，你記得就好。交易成立。」



「約程雨奈除夕看煙花」這件事，是因程雨愛而起的。



「真係到除夕嗰日，即係聖誕節之後，到時你已經唔記得咗呢件事啦。」



所以若果我忘記了程雨愛和程雨奈是姊妹，有可能一併忘記程雨奈委託我協助程雨愛一事，亦有可能忘記「約程雨奈除夕看煙花」這件事。

程雨奈，是這樣想的嗎？



「世上嘅任何嘢，自己冇嘅話，問人借咪得。」

⦾

泉湧的記憶，通通指向一個結論。

12月26日，「程雨奈屬於程家」的事實，被世人忘記了。

而這件事，程雨奈是一早預知的。

因為，這就是她的計劃。

若然果真如此，一切就說得通了。

【41.29346239】

－【二、未來記憶篇】完－

狩獵夢的人 2022-10-2 22:22:46

今晚11點加更，《真相篇》啟動！

正皮王 2022-10-2 22:29:24 終於到真相篇

:^(

正皮王 2022-10-2 22:34:07 前文有講雨奈係有睇1月7號天空之境嘅未來記憶，但唔肯定佢會唔會多次借貨

:^(

「冬甩，你知道嘛，
2022年1月7號，會有流星雨劃過玻利維亞上空。
到時嘅天空之鏡，真係好靚。」
妳點知道會好靚？」我打趣問道。
「我就係知道喔。」

「同學，你知道嘛，傳聞『天空之鏡』某處，停泊咗架廢棄吉普車。冇人知道架車點嚟，冇人知道車主係邊個。」
「最奇怪係，嗰架車喺湖面係冇倒影㗎喔。」
「我見過喔。」
呢段唔係好知咩意思

:^(

狩獵夢的人 2022-10-2 22:51:52 係咪好期待呢

:^(

全故總共5大篇

《立約篇》
《未來記憶篇》
《真相篇》
《XXXX篇》
《XX篇》

敬請期待

:^(

:^(

:^(

狩獵夢的人 2022-10-2 23:05:05

《第29話：全世界大概只有你》

[11] 像我這種可悲的人，是不配幸福的。

[2021年12月28日]

木村托JOY。

他就這樣撞開我的家門，站著足足一分鐘了。

他一如既往，對我擺出那副招牌笑容，什麼都不做。

我靜待他進一步表明來意，他卻完全沒有。

我瞧著他緊握的門柄，揣測他的來意。

「……你搵我？」

他不知從何端出一疊A4紙，像上一次般翻起頁來。

估啱咗你。

「我冇時間同你磨蹭。」我攤開兩手道，「你搵我做咩？」

終於問嘅你。

「12號搵我？」

唔係佢當然。

我恍然大悟，遲疑好幾秒，下定決心：「帶我去。」

終於明嘅你。

好一個他媽的怪傢伙。

⦾

《左右手》。

每次來分行，黑膠唱片機幾乎都是在播張國榮的歌，芊柔明顯是Leslie迷——

唱片機被「啪」一聲關掉。

我盯著一本正經的芊柔，她朝我笑。

「……妳身體點樣？」

「我冇事啦。」

「真係……冇事？」

「我可以履行職責，你今日需要體驗未來記憶嘛？」

的確，芊柔看起來精神奕奕，不像上次那樣虛弱了。

只是她的笑容，不再像甜中帶酸的蘋果雪糕般。

而只是個標準的弧度。

「……對唔住，芊柔——」

「請叫我159號吖，凡先生。」

從沒想過，原來芊柔變得彬彬有禮，才是世上最令人發麻的事情。

她不再叫我「老細」或「毒撚」了。

悅意聲線，變得拘謹冰冷。

手舞足蹈，變成筆直而站。

「……妳點解要咁客氣？」

「維持基本禮貌，係記憶信貸嘅待客之道。」

「唔需要。」

「當然需要。」芊柔淡然而笑，「既然我哋係客人與司憶者嘅關係，如果令閣下誤會造成不愉快，就係我哋嘅錯誤。」

她在疏遠我，在重新界定我倆的關係。

簡單而言，就是「沒關係」。

她果然在為前天的事情生氣？因為我無理取鬧？因為我粗心大意？

因為我只顧達成目標，不擇手段，將她當成一件工具，傷透了她的心？

我空虛的心扉，隱隱作痛。

「……芊柔，我唔係咁諗嘅。」我捏緊拳頭，「我……唔想只當妳係一個司憶者。」

「凡先生，我就只係為你服務嘅司憶者啊，合約寫明咗嘅。」

「如果只係咁，我哋過去就唔會一齊食宵夜、周圍遊歷、慶祝聖誕——」

「凡先生。」芊柔打斷我的話，「相比雞毛蒜皮嘅小事，你係咪應該著緊程雨奈嘅事呢？你只係剩返3日嘅時間。」

我本想反駁，她說的卻是事實。

拯救程雨奈，是當務之急。

我鬆開拳頭，端起筆記本。

「我今日正想話妳知，我已經大概知道，程雨奈點解會死。」

芊柔鎮定的神情，略有動搖，這大概出乎她的意料吧。

「但係我開始講之前，我想話妳知，我對前日發生嘅事感到非常抱歉。」

我微微鞠躬，可芊柔只是說出一番話。

「凡先生，千祈唔好咁講，我哋嘅服務包埋嘅。請你分享你嘅新發現，我好樂意協助你拯救程雨奈。」

她擺明跟我對著幹，完全不為所動。

只是兩天不見，完全換了個人似的。

那冷冰冰的服務行業腔調，讓我感到薄薄的悲傷。

⦾

我把筆記本合上，把推測全部說畢。

有關程雨奈為何會死的這回事。

我倆隔著木桌而坐，芊柔比平時坐得更遠，以前她可不是這樣的。

儘管她刻意冷落我，對我的猜測可是非常認真看待，中間打斷了我好幾遍，提出合理質疑。

她現在，是個似模似樣的專業司憶者了。

「所以，我嘅猜測合唔合理？」

芊柔皺起眉頭，托著下巴，靜默足足半分鐘。

然後她輕聲道：「你嘅猜測雖然出人意表，但具備一定合理性，我暫時都未搵到任何謬誤。而我作為司憶者，可以進一步補充。」

芊柔加以說明後，我倒抽一口氣，因為我更確定猜測有可能成立。

「如果係咁，妳哋公司應該有相關資料，係咪？」我問道。

「好遺憾，就算真相的確如你所講，嗰啲資料係絕對保密嘅，連我或者12號都冇權獲取。」芊柔道，「如果我哋擁有呢啲資料，我哋一早透露咗畀凡先生你知，宜家就冇需要煩惱。」

「……」

「問題係，就算你嘅猜測成立，你都係未足以拯救程雨奈。因為你無辦法解釋，點解原定未來之中，12月31日踏入半夜前，程雨奈要闖入李煘徐樓天台，從高空墜落。」

「……係，所以我要將自己同程雨奈嘅心靈距離，縮短至33.33333333。咁我就可以體驗到最清晰嘅未來記憶，搞清楚杯麵女到底做緊咩。」

「你哋呢刻嘅心靈距離係38.12831289。咁短時間，你打算點做？」

「……我打算去搵佢。」我堅定地道，「我會同佢講清楚，我知道佢嘅計劃，請佢將真相講我知，同時獲取佢嘅信任。」

芊柔盯我一會兒，然後道：「會有效？」

「未試過點知冇效。」

芊柔似乎不太認同，卻擺出客氣笑容。

「冇問題，只要心靈距離一縮短至33.33333333以下，我會立即通知你。」

我離開分行之前，芊柔補上一句。

「凡先生，有件事，我喺上次體驗未來記憶嗰時發現咗。

雖然咁做有違司憶者守則，

但係我認為，我有責任話你知。」

狩獵夢的人 2022-10-2 23:09:38 找不到程雨奈。

她沒接我的電話，沒看我的訊息，沒覆我的電郵。

我拜訪過她所住的大學宿舍，據說她辭去了Hall Tutor的職位，還退了宿。

我頻繁到訪跟她到訪過的地方，比如供主人們放狗的公園、日月角公園甚至是李煘徐樓天台，卻從未發現她的蹤跡。

她彷彿人間蒸發似的，但她明明存在。

在我不知所措之際，Wiki跟我提了個建議。

然後我按他的建議，向程雨奈再次發了一則訊息。

⦾

[2021年12月29日]

除夕夜晚10點正，日月角碼頭等，不見即散。



她這麼回覆道，沒作任何補充。

⦾

[2021年12月31日]

今天是程雨奈原定死亡的日子。

天文台說，今天是這個城市有紀錄以來，最寒冷的除夕夜。

攝氏0度。

晚上9時02分。

我比原定時間，早了58分鐘抵達日月角碼頭。

周遭燈光虛渺，寒風刺骨，好不淒涼。

我坐在碼頭橫凳上，盯著緩步走來的身影。

程雨奈還是穿著那件黑色牛角釦大衣，黑絲及學院皮鞋。

她坐了下來，掏出殘破的Nokia手機，低清屏幕朝著我。

「冬甩，呢個Message係你發嘅？」



程雨奈，恐怕妳嘅南美旅行要延遲，妳爸爸心臟病發入院，佢好掛住妳。

有急事，出嚟傾一傾？



「係。」我微微點頭。

「唔通你忘記咗，我係一個孤兒？」

我有備而來，預料到她會說出類似的話，亦猜到她的用意。

我深呼吸，冰冷的空氣注滿喉嚨。

「Miss Ching，呢一刻，妳唔需要再扮喇。

 妳爸爸仲健在，妳仲有一位阿妹叫程雨愛。」

程雨奈以幽靈公主般的怒眼，盯了我一陣子。

「你一定係講笑。」她故作鎮定道。

「平安夜嗰日，我去咗妳屋企食飯，解開咗伯父同埋雨愛嘅心結。」

「……冇可能……」她明顯有些動搖。

「12月26號，伯父心臟病發入院，佢不斷問程雨奈去咗邊。」

「……你……」

「妳大概以為，全世界嘅人都忘記咗，妳有爸爸同埋妹妹，但妳錯喇。妳自己記得，妳爸爸記得，我亦記得。」

「……」

「Miss Ching，妳話我知——」

我才打算說下去，一把利器卻抵在我脖子上，害我的話啃在喉嚨。

我終於明解，何以她挑選如此冷清的地方見面。

「凡天宇，你到底係邊個，點解會保留到記憶。」

程雨奈把刀片架我頸前，冷冽的聲線讓我倒抽一口氣。

「我係邊個，根本就——」

「答、我！」

刀片刺穿肌膚，鮮血溢出。

我從未見過，如斯激動的程雨奈。

海浪拍打海岸的巨礫，戳痛每寸肌膚。

「Miss Ching，妳想殺咗我？」

程雨奈不為所動，我注視她顛簸的眼眸，語氣平和。

「我哋冇嘢需要隱瞞喇，我哋係一樣嘅。」

程雨奈手持的刀片，顫抖起來。

我掏出筆記本，翻開其中一頁，淡然道。

「我同妳一樣，都係記憶信貸嘅客戶。」

新傳閪 2022-10-2 23:11:50 發現咗自己同事？！

狩獵夢的人 2022-10-2 23:15:05 故事進入大直路，好快揭曉真相！

:^(

希望鍾意故事嘅正皮、留言，等阿夢知道有人追緊

:^(

:^(

:^(

https://www.penana.com/story/109261

10月3日加更目標
（1）【連登Post 2】正皮數達 100
（2）【Penana本故】喜歡數達 2500（連結：https://www.penana.com/story/109261）
（3）【IG】Followers數達標​​​​​ 1250 － [IG：utopian_hunter]

-加更目標每晚更新
-每日最多加1更

堅持好難，但你嘅支持，就係我寫落去嘅理由！
【Follow IG】utopian_hunter
【Penana追故】https://www.penana.com/story/109261
【FB】 https://www.facebook.com/utopianhunter
【阿夢網站】 https://linktr.ee/utopianhunter

狩獵夢的人 2022-10-2 23:18:28 仲有3星期左右就會完故了

:^(

:^(

:^(

狩獵夢的人 2022-10-2 23:21:27 巴打犀利

:^(

雨奈老師吸引嘅位，就係在於佢講嘅嘢，你每一句都會聽得明，加埋就唔知佢講緊乜

:^(

:^(

:^(

狩獵夢的人 2022-10-2 23:22:59 司憶者工作性質好獨立，一般唔會知道彼此情況，所以今次都係非常巧合嘅事

:^(

狩獵夢的人 2022-10-3 05:15:32 凌晨一推

:^(

Gay本野 2022-10-3 05:24:12 Lm

痴足火腩飯 2022-10-3 07:31:20 芊柔態度變咗咁多, 唔通經過暴雪所以重置埋性格

:^(