[細思極恐][恐怖、搞笑] 不連續人生 (選項故)
第 1 頁
下一頁
Setsuhime
2022-9-4 16:56:22
本身呢個故事係我整嘅「四月謊言系列」嘅其中一作，但係出文速度有限，寫咗幾個月仲寫緊，加上身體抱恙，令成件事一再推遲...
:^(
無論如何，而家九月講「四月謊言」
:^(
喜歡嘅讀者請留言 + 正評，或到penana正評唔同章節 / 俾書籤。
讀者嘅每個動作都支持我繼續我寫落去。
:^(
如果留言多，我更得愈快 (希望有留言
:^(
)
多謝各位
:^(
:^(
:^(
提示︰
本故事純屬虛構，與任何同名人物、機構、地點等無關。如有雷同，實屬巧合。
Ads
Setsuhime
2022-9-4 16:58:19
1章 – 「昨日的我」嘅矛盾
有冇諗過︰眼前嘅世界其實係咩嚟？
我諗唔會有人懷疑過「瞓覺」呢個動作。好多人夜晚瞓覺都係滿心歡喜，攤上張床上面一覺瞓天光，擘大眼又係美好一天。但係有幾多人懷疑過︰其實「今日嘅自己」係咩概念？點樣證明有「琴日嘅自己」？如果世界本來就冇「昨日的我」，你有冇諗過呢刻嘅自己係咩一回事？
唔通你本來就並唔存在？
耷低頭望望，你會唔會忍唔住問一句︰點樣證明自己其實係自己？
Setsuhime
2022-9-4 17:09:52
2章 - 青青醫院
「有冇諗過，人死咗之後去邊，再打開眼見到咩世界？」
我︰「你想點？」
「你唔相信人死咗之後會睇到嘢？我帶你睇一次？」
我︰「你想殺咗我？」
「唔…作為入門，殺你對你冇咁大衝擊…咁不如…我死一次俾你睇？」
我︰「哈？」
「我即刻死，你就會明！」
我︰「喂唔好呀！！！！！！！」
少女跳咗出窗，一陣自由落體嘅風聲劃過大氣，我伸個頭落去望，只見到一灘血水，同埋上面瞓咗一個…幾秒之前同我講「我即刻死」、一個想俾我知道人死咗之後會睇到咩嘅女仔。
有邊個估到，原來所謂「世界」，係咁冇道理、超越認知？
又有邊個估到，佢見到嘅會係咩世界？
我見到嘅，又會係咩世界？
Setsuhime
2022-9-4 20:54:59
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
香港，屯門，四月。
「唉…今日點過好…」攤係病床上面，我又煩惱點打發今日嘅時間。
冇錯，我喺病床上面，因為我「受咗傷」，而家係醫院觀察緊，但係呢間唔係一般嘅醫院…
「周海問，一個鐘之後精神科醫生巡房，唔好走開。」一位護士妹妹走過我張床同我講。「聽唔聽到，周海問？」
「阿妹，人仔細細咁大聲，點會聽唔到？」」我笑淫淫。
「…」香港地高尚嘅護士妹妹當然冇理到我，聽到我應佢就眼尾都冇再望我咁走咗。
係，呢度係精神病院，座落喺屯門嘅青青醫院，而我係其中一個院友——周海問。幾個月之前，我夜晚番屋企，俾個扑頭賊扑濕咗個頭，暈咗喺條街度直到第二日朝早先送到入院，醫生話我入院有啲遲，頭出血太多，個腦有血塊定唔知乜嘢壓住個腦，短時間內可能有腦功能問題。如是者我瞓咗好耐醫院，壓住個腦舊嘢消失咗，但係我發現個世界隱約有啲唔同咗，好似好熟悉，但係又唔屬於自己，連自己都唔知點解係咁、發生咩事。咁我屋企人好擔心我，不斷要求醫生同我做檢查，奇怪嘅地方係做咗好多冇印象嘅檢查，結果係查唔出啲乜。
生煎包
2022-9-5 00:16:02
:^(
:^(
:^(
:^(
:^(
會長bbgＰ
2022-9-5 00:30:45
:^(
Setsuhime
2022-9-5 01:14:42
多謝包包
:^(
我以為冇人reply了
:^(
Setsuhime
2022-9-5 01:15:08
哈囉歡迎新讀者
:^(
生煎包
2022-9-5 01:32:23
:^(
:^(
:^(
白花油
2022-9-5 10:32:55
:^(
Setsuhime
2022-9-5 22:30:17
仔細嚟講，我覺得…腦裡面嘅記憶同成個世界…唔配合，係唔配合到一個地步︰我對「應該發生過」嘅事冇記憶，但係對另一啲「冇發生過嘅事」又有記憶。醫生檢查完，將我評定為一種叫「精神紊亂症」嘅唔知咩病，要我入嚟青青醫院繼續住院觀察，可能想幫我醫番好，但係一直只係食藥、瞓覺、同院友玩，似渡假多過瞓醫院。
住得精神病院，我諗都可以被理解成「痴線」、「癲佬」、個腦有問題，但係我唔係咁認為，因為自覺自己依然有一般人嘅思維、智力，只係…唔知點解我同其他人嘅記憶…多少有啲唔配合。究竟係個世界嘅問題，定係我嘅問題？
「同你講一樣嘢吖。呢個世界，真係有怪獸架！」趁有啲時間，我去咗中庭散步，有條友流住口水走過嚟同我講。
「係咩，怪獸咩樣架？」我問。「幾層樓高、有尾嗰啲？」
院友︰「唔係吖！啲怪獸冇樣睇架！」
Ads
Setsuhime
2022-9-5 22:51:17
下面係Penana 同紙言link，如果讀者喜歡，希望可以入去俾啲讀數我 (bookmark / like / read都得
:^(
)，等我有得統計吓，方便日後改進之用
:^(
:^(
:^(
Penana:
https://www.penana.com/story/110477/不連續人生
紙言:
https://www.shikoto.com/articles/258948.html
:^(
多謝各位嘅支持
:^(
白花油
2022-9-6 01:55:25
:^(
你空虛佢寂寞我凍
2022-9-6 02:01:14
:^(
白花油
2022-9-6 08:03:58
點解用細思極恐 唔用心有餘悸
:^(
Setsuhime
2022-9-7 01:49:23
事發之後主角冇因為事故而驚，但係發現眼前有理解唔到嘅嘢，諗深一層有若干嘅恐懼
:^(
Setsuhime
2022-9-7 01:49:45
歡迎新讀者
:^(
Setsuhime
2022-9-7 01:52:54
我︰「吓？咁你又知佢係怪獸？」
「唔好咁盲塞先得架，思維要靈活啲！」條友滴咗幾滴口水落地板。「其實所有人都可以係怪獸！你可以係！我可以係！所有人都可以係！」
我︰「如果唔係普通印象嘅怪獸，咁咩係『怪獸』？」
「佢會破壞一切，消滅地球！不過佢哋係人型。」條友哄埋嚟我面前細細聲講。「唔係咁易發現架。」
我︰「有怪獸，咁有冇超人架？」
院友︰「有！」
我︰「點分呢？」
院友︰「怪獸追住嗰啲就係超人！」
我︰「你講到你見過咁喎，我都想見吓，人呢？」
院友︰「你望吓我！」
我︰「你係怪獸？」
我打量兩下佢普通嘅病人衣著︰藍色間條睡衣、拖鞋、成頭亂髮。
院友︰「我係超人吖！」
院友喺中庭企起身，張開雙臂，好似幻想自己成為飛機咁跑走咗。
我︰「痴撚線，世界邊有怪獸超人架？」
有嘅話我都想睇吓吖，叫隻怪獸出嚟我望望？唔係喎，條痴線佬話怪獸係人型，咁萬一隻怪獸係靚女咁點？我咪愛上怪物？嘩，不得之了！
護士︰「喂！周海問！醫生搵你吖！」
屌，醫生咁快到？又話一個鐘嘅？而家半個鐘都冇喎？
白花油
2022-9-7 23:31:25
明白
:^(
Setsuhime
2022-9-8 12:34:18
如果讀者喜歡，希望可以點入去俾啲讀數我 (bookmark / like / read都得)，等我有得統計吓，方便日後改進之用
Penana:
https://www.penana.com/story/110477/不連續人生
紙言:
https://www.shikoto.com/articles/258948.html
多謝各位嘅支持
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
3章 - 精神紊亂症
「一切正常，今日身體狀態唔錯喎。」
喺病房，醫生拎住我嘅記錄冊前揭後揭，講咗兩句日日都聽到嘅說話，其實呢啲公立醫院醫生係咪白逗人工，點解每日好似錄音機咁不斷重覆同一堆說話都可以十幾二十萬一個月？
醫生︰「身體有冇咩唔妥呀？」
一直都好正常，講咗好多次我唔覺得自己有病，係你哋唔信我，一直唔俾我走，死都要屈我有精神病。
「…」因為知道醫生唔會信我講嘅嘢，所以我只係輕輕搖頭當答咗。
醫生︰「係呢，琴日同院友做咗啲咩呀？」
終於嚟呢個問題，呢個問題我成日都…答唔到，總係「答錯」…
醫生︰「周海問？」
「我…琴日…」我遲緩開口，回憶起琴日嘅事，諗緊點樣先可以「答啱」個問題。「琴日輪到我幫手煮飯…工作時間我同其他院友去咗廚房煮嘢食，煮得唔好食，好似泥咁，所以我食好少，食幾啖就唔食，等夜晚食生果食埋人哋嗰啲補數。」
我記得啲毒撚唔夠我爭，我食咗好多。飽飽哋瞓覺，幾幸福，除咗生活有啲悶之外冇咩問題。
醫生︰「周海問，你仔細啲諗清楚？你琴日真係去咗煮飯？」
嘖…
「唔…我記得…琴日下晝護士同我哋講晚飯由我哋煮，一個星期一次吖嘛，咪琴日囉。」我搲頭講。
「周海問，你病情冇好過吖。」醫生睇住文件板皺眉。「根據記錄，琴日院友冇人負責過煮飯，咁借問聲你點可能同一齊入過廚房呢？」
話咗架喇，今日又係咁！
「冇可能！我真係記得我同佢哋一齊煮過飯架！」我堅持真有其事，哪怕醫生話冇。
白花油
2022-9-9 09:51:34
:^(
Ads
Setsuhime
2022-9-10 03:23:19
醫生︰「好，你答，同邊個煮？」
我︰「好樣衰嗰個阿慈！條友喺度阻手阻腳！我好記得！」
阿慈係我新識嘅男院友，冇幾耐之前入嚟青青醫院。睇落係正常人，聽講有精神失控定唔知有間歇性幻覺，至到今日我都未見過。
「不如叫阿慈過嚟傾傾，睇吓對你有冇幫助。」醫生去咗隔離房搵阿慈過嚟。「阿慈，你幾好吖嘛？」
「還…還好咁喇…」阿慈冇神冇氣咁拖住句嘢講。
醫生︰「周海問唔係好記得琴日做過咩，不如你講俾佢聽？」
屌你我記得架！
阿慈︰「琴日…我摺筷子套、入信封…」
吓……？？What？？咩話？筷子套？信封？有咩？琴日喎？
阿慈︰「周海問同我一組，佢負責入筷子、摺信封。」
我呆咗咁望阿慈。
醫生︰「係，琴日你哋係去咗工場嘅。」
講緊庇護工場。
醫生︰「所以咩煮嘢食就冇發生過嘅。」
「屌！唔撚係呀！真係有呀！屌你信我一次得唔得啫！」我燥到發火。
醫生︰「咁你院友都話唔係呀，難道我哋集體幻覺？」
屌…
對面阿慈收咗聲，靜靜地，用不可思議嘅眼神望住我，好似講緊「呢條友真係唔係路」咁。
醫生︰「周海問，你要繼續休息下喇，你嘅精神紊亂症冇咩改善，精神狀況未係好穩定呀，要繼續觀察。」
屌！又冇藥食喎，得個瞓字！其實我真係唔明，點解我記憶中嘅世界同眼前嘅嘢有種我感覺唔到嘅出入，如果人哋唔講過去，我係正常；點解只有將人生合併嚟睇，我就會變成異類。
點解？
白花油
2022-9-10 17:50:39
:^(
白花油
2022-9-11 15:05:53
:^(
白花油
2022-9-12 05:06:02
:^(
第 1 頁
下一頁
無論如何，而家九月講「四月謊言」
喜歡嘅讀者請留言 + 正評，或到penana正評唔同章節 / 俾書籤。讀者嘅每個動作都支持我繼續我寫落去。
如果留言多，我更得愈快 (希望有留言
多謝各位
提示︰
本故事純屬虛構，與任何同名人物、機構、地點等無關。如有雷同，實屬巧合。