「你問我答」本人從事床蝨研究工作多年，希望可以幫到巴打們解困。
第 1 頁
下一頁
中年應瘦
2022-8-31 09:40:11
:^(
:^(
:^(
:^(
我哋會經常喺各大Facebook群組/Google Search「床蝨」呢個字眼，留意有冇負擔唔起滅蟲費用嘅朋友，我哋願意提供專業嘅建議去協助去解決蝨患問題。留意到連登每年都有好多關於床蝨嘅討論。
特此開個Acc常駐高登。
亦會免費幫獨居老人/殘障人士滅床蝨，希望佢哋可以訓得好啲。但我哋認為全港嘅床蝨黑點在於社區中心/外傭宿舍/部份員工宿舍，喺入面工作嘅朋友和逗留嘅人最大機會將床蝨輸入出社區。
然後喺某啲單位內成為新黑點。再不斷輸出社區。所以唔喺源頭上解決問題，以床蝨擴散嘅速率，縱使香港有好多幾間滅蟲公司和求助個案，依然仲有更多「邊緣個案」
1:冇人理
2:當事人不以為然
3:當事人不配合
中文大學最近開展床蝨DNA研究工作，亦統計地區數據進行研究，而我哋亦不斷提高樣本俾佢哋。
:^(
:^(
:^(
:^(
:^(
:^(
由於我哋係自發性義工和專業人士，我哋沒有資源和慈善牌，能夠做到嘅嘢微不足道，只係希望受床蝨困擾嘅朋友可以得到支援
1:求助人得到更專業嘅建議
2:每個單位情況唔同 雜物分佈 高危人士數量不一。因此先分析單位情況再去指定滅蝨方案會更加好。
雖然喺源頭問題上停滯不前，以單位咁做好防控有少少治標不治本，奈何政府無視呢個問題，我等有心人亦唔想乜都唔做。因此希望協助大家更好地去滅床蝨。
:^(
Ads
炸雞脾
2022-8-31 09:49:42
此回覆已被刪除
見過黑唔怕鬼
2022-8-31 09:51:19
做實事，幾好幾好
有腦滅火筒
2022-8-31 09:52:45
咁想問下其實床蝨點黎？雖然我張床宜家無，但都想問定睇下點預防
:^(
保羅戴bra喇
2022-8-31 09:53:13
留名支持有人做好事
爛眼鏡
2022-8-31 10:42:01
留名
試過屋企有床蝨 最後成張床換咗
:^(
天下一場夢
2022-8-31 10:44:47
床蝨係咪可以入到床褥?我張床褥完全無屎/血
幾年前中左招,見張木床無蝨
最後連床褥都掉埋就無事
到依家都唔知班野係邊到
:^(
金鎗6O
2022-8-31 10:48:45
好多問題:
- 千赤士係咪比DE粉好?
- 點解有朋友全屋噴完奮鬥吶都仲有床蝨 (佢諗住噴毒磷靈)
- BIOKILL Long Lasting Extra (有Lambda-cyhalothrin(CS) 0.065%) 有無用?
- 通常你地用農藥係點溝?
- 如果同層有另外單位有床蝨, 自己個單位就算點預防係咪都無用? (有無方法預防啲蝨走入自己單位)
- 聽REDDIT講用Beauveria bassiana滅蝨好慢好慢, 香港有無咩好既表現?
- 另外你地做咁多滅蝨工作, 點樣預防帶啲蝨返自己屋企? 真心RESPECT你地
中年應瘦
2022-8-31 10:53:56
100% 外賣。例如有蝨單位內嘅人會去餐廳、公園、搭車。
又例如某人作客蝨患單位。咁就非常容易將床蝨和蝨單帶回家。
小心
外傭（聚會後返屋企）
老人（被咬冇感覺）
露營/住酒店。特定高危人物和曾踏足高位地段，入屋前應該謹慎處明檢查隨身物品和衣物，最好盡快沖涼和用高溫熱水清洗。
Ng_Reply
2022-8-31 10:57:23
雨狗？
:^(
中年應瘦
2022-8-31 11:14:36
床蝨會喺最短時間（若1-3秒）找尋邊邊位置躲藏，所以要非常仔細先發現得到（以中等嚴重個案為例）
如你所言，你可能發現得早/入侵嘅床蝨比較少
一般床蝨都會依托床位/座位地形而擴張勢力，即床邊/座位邊嘅牆身 、窗簾 、地板裂縫等等。務求匿得隱密，出得方便。佢哋目的都係要吸血維生。
所以你呢個case
可能床蝨唔吼牆身 地板。集中曬喺床蝨，而你及時掉走便解決到問題。一般如果牆身係牆紙/有明顯大小裂縫/地板有裂口/窗簾布喺度，勢力一旦擴張 掉嘢則不能解決問題。
Ads
中年應瘦
2022-8-31 11:24:45
1:都係以床蝨掂到粉末導致被抽乾水份/刺穿內臟致死為根據。但落粉方式有錯，根本難以做到杜絕保證。純以安全為根據，兩者都唔安全，de粉會冇咁危險。氣管有問題/皮膚敏感者慎用。
2:奮鬥納ok 毒xx唔好。後者屬於農藥，係七傷拳類別，傷人傷蟲，唔係咁易操作。藥啱，方法唔啱，變數太多，甚至無法截斷輸入來源，都會搞唔掂。藥係基本，但唔係必然。技巧好 純用高溫蒸氣都能滅床蝨。
3:biokill弱 ，對付其他蟲可以試，床蝨呢類唔好試，搞得掂係真係一千零一隻。
4:基本上唔會有專業人士用農藥。德國有好多牌子都能滅床蝨且低毒性。一般用藥水係憑藥效殘留性毒殺床蝨。農藥係揮發期間已經非常高危，散咗之後更加有潛在危機，因此唔會用農藥。
5:門口落de粉，隔音棉呢類可以預防。靠近大廈外牆嘅窗邊入黎機率甚低，就算隔離用煙霧彈都冇乜可能彈到過黎。但門口就容易被波及。如果公屋類靠近走廊有百頁窗個啲同等危險。
6:冇研究，答唔到你sorry
最後，義工會著保護衣入屋前後會噴滅蝨水（天然） 本人就唔著任何嘢，職業生涯未曾被咬過一次
金鎗6O
2022-8-31 11:29:23
:^(
:^(
:^(
:^(
:^(
專業人士, 拜一拜先
中年應瘦
2022-8-31 11:32:06
唔知你所講嘅係咪Insect growth regulator
我最近開始了解「延遲害蟲繁殖/生長」嘅藥物。
金鎗6O
2022-8-31 11:40:44
中大趙紹惠做嗰個研究
我見REDDIT都有啲人用真菌想殺蝨, 但話好慢
中年應瘦
2022-8-31 11:42:18
明白，我哋暫時係協助中大黃洪教授開展嘅床蝨研究實驗。
私底下係做義工，同做我哋嘅研究工作
:^(
金鎗6O
2022-8-31 11:50:58
總之殺床蝨= 救世
中年應瘦
2022-8-31 11:55:16
:^(
希望大家都可以做返啲嘢，因為暫時個形勢並不樂觀。
滅蟲工作和義工工作大幅度落後床蝨增長和黑點擴散嘅速度。
所以希望喺教材上做啲嘢，等更多人可以用最經濟實惠同高效率嘅方式防治床蝨。
SIliva
2022-8-31 11:58:39
屋企應該有床蝨，有時坐梳發都會咬到
可以點做？困擾左好耐
:^(
:^(
:^(
Nietzschean
2022-8-31 12:00:37
有睇過經緯線介紹過相關義工團隊, 支持樓主
:^(
:^(
熱身未夠
2022-8-31 12:00:49
直頭係
:^(
Ads
篤尿好黃
2022-8-31 12:07:28
諗起之前有條巴士阿叔片，個阿叔坐係到成頭蝨爬黎爬去，巴士阿叔無反應
中年應瘦
2022-8-31 12:08:09
我都係七月左右加入咗，之前係同傷殘協會一齊合作滅蝨。足印同建築義工隊真係
:^(
:^(
:^(
中年應瘦
2022-8-31 12:12:06
要睇本身有咩裝備，一般床蝨和其他蟲都會被高溫蒸氣擊殺。蒸氣可以reach到唔同角度嘅位置。
如果有蒸氣幾呢類蒸氣 同小型吸塵機吸下。我諗謎底會比較快解開到底係咪床蝨。理論上床蝨都會被發現（活體或者死屍）
sofa套亦係基於內裏有蟲出唔到黎，呢個比較弱，但可以加快釐清係咪坐sofa被咬，還是sofa以外有蟲爬過黎咬你。
縮窄範圍黎做會好好多。
中年應瘦
2022-8-31 12:16:19
年紀較大嘅朋友，一般被蝨咬都冇乜感覺。到親友發現時候原來成間房都係。
同埋舉個例子 爸爸 媽媽 bb 三人同住，屋企有蝨，咁好多人擔心bb，反而bb冇被咬。
有啲情況係 bb被咬得好犀利 爸爸媽媽反而報稱冇被咬。
令發現床蝨嘅時間慢咗好多
第 1 頁
下一頁
我哋會經常喺各大Facebook群組/Google Search「床蝨」呢個字眼，留意有冇負擔唔起滅蟲費用嘅朋友，我哋願意提供專業嘅建議去協助去解決蝨患問題。留意到連登每年都有好多關於床蝨嘅討論。
特此開個Acc常駐高登。
亦會免費幫獨居老人/殘障人士滅床蝨，希望佢哋可以訓得好啲。但我哋認為全港嘅床蝨黑點在於社區中心/外傭宿舍/部份員工宿舍，喺入面工作嘅朋友和逗留嘅人最大機會將床蝨輸入出社區。
然後喺某啲單位內成為新黑點。再不斷輸出社區。所以唔喺源頭上解決問題，以床蝨擴散嘅速率，縱使香港有好多幾間滅蟲公司和求助個案，依然仲有更多「邊緣個案」
1:冇人理
2:當事人不以為然
3:當事人不配合
中文大學最近開展床蝨DNA研究工作，亦統計地區數據進行研究，而我哋亦不斷提高樣本俾佢哋。
由於我哋係自發性義工和專業人士，我哋沒有資源和慈善牌，能夠做到嘅嘢微不足道，只係希望受床蝨困擾嘅朋友可以得到支援
1:求助人得到更專業嘅建議
2:每個單位情況唔同 雜物分佈 高危人士數量不一。因此先分析單位情況再去指定滅蝨方案會更加好。
雖然喺源頭問題上停滯不前，以單位咁做好防控有少少治標不治本，奈何政府無視呢個問題，我等有心人亦唔想乜都唔做。因此希望協助大家更好地去滅床蝨。