Ads
Ads
Ads
「係啊,我尋日都有睇套劇…」翌日,一回到學校便看到阿晨又再跟其他女孩聊天。
作為他的好友及好兄弟,對他一向調情不動情表示十分信任,他可以把界線分清十分清楚..
慢著,怎麼天空突然烏雲密佈,仿佛即將有一輪狂風大驟雨呢?
說笑啦,只是為了營造一股十分濃厚的殺氣,這股殺氣足以摧毀整個校園!
「哎啊!」他突然大喊。
「條路你架?!伸到對腳咁出,人地唔洗行啊?!」
「你唔識睇路行啊?死老姜!講聲唔該洗死咩!咁惡因住冇人要啊!」還不是你要了..
「有冇人要關你鬼事啊!理掂你自己先啦死虧佬!」
「噁噢,鬧交了..」小綸說,我倒覺得這樣才像他們倆..不是說他們不襯,而是這樣才相襯。
「打情罵俏姐,哈哈哈。」我說,女人的妒嫉心真的可怕啊…
「啊,唔好意思。」我在退後時不小心撞倒人,我這個是無意,阿如的是有心,不同的。
「唔..唔緊要。」原來是天凝..
她還是在躲避著我,馬上便走開了。
「喂..」我叫她。
她待了幾秒才回過頭來,但還是一副十分冷淡的樣子。
「冇..冇嘢啦。」我又再次把想說的話收回去了。
豈料...
「索..索..索,你早啲講咪好囉,點解係要人咁擔心,索..」天凝哭了,為什麼會這樣的?
「唔洗啦,你飲啦…」
這真的是阿如嗎?那麼溫柔的噢?
「夠啦你兩個,地鐵站咪飲完囉,又飲?」
其實,喝東西不是罪,但放閃卻是滔天大罪!
「講啦,幾時開始架你地?」俗套的說,現在的我尤如熱窩上的螞蟻,雖然我也不知道我在急什麼。
「係囉,咁你急咩姐?」會讀心術的小綸又再旁「煽風點火」。
「噗哧!」阿晨又在笑了。
「啦,其實我地就真係火星救地球架啦,但係原來愛情嘅嘢好奇妙,兩支火柴撻下撻下,就撻著咗..」阿晨甜滋滋地說道。
幹!這什麼屁比喻啊,什麼火柴,就直說兩個火爆的人不就行了嗎?
「妖,頂唔順。」我說。
「其實就咁,你地咪有日去咗食飯嘅?」阿晨問。
.
.
.
「啊...天凝啊,一..唔一齊食Lunch啊?」
「啊…但係我…」
「我要同阿兒食喎。」
「唔緊要啦!我拉埋阿峰咪得囉。」
「下…喂!」我叫嚷。
「咁突然啊…我未準備好啊。」
「呵呵,怕醜喎。」
「喂!」他們並沒有理會我。
「阿兒你可以嘛?」
「嗯,得啊!」
「喂!咁我點啊!!」他們是無視了我!
「你食自己啦,咁多女,嘻嘻嘻。」幹!!
「呵呵,兄弟都唔理你啊。」那隻老姜又過來挖苦我…
「收聲啦老姜,做乜成日要啫住曬我!」
「睇你唔過眼囉,又唔係靚仔又成日撩女仔,到處留情。」
「我鬼有啊?你係咪dry得制炸?」
「妖,費時同你講。」
「喂,我溝你啦!」我對著漸漸走遠的她大喊。
只見她停下了腳步,回頭淡淡講了一句:「追倒你咪追,痴線佬。」