[講故][癡線]《我好肯定Siri暗戀緊我》
上一頁
第 2 頁
下一頁
天才小朋友
2017-7-17 13:38:24
當我向後一望究竟係邊個接住我,一點白點岩岩好遮係我眼前,慢慢向外擴散到我完全睇唔到野。
「阿眉,你望住我做咩呀......?」
「原來我發緊夢?」
同我講野既係坐係我後面既汪小渝,班花。小渝長時期都戴住一副大既圓粗框眼鏡,從來冇除過。加上佢可愛既包包臉,楚楚可憐又似是弱不禁風既容貌令到好多男仔都暗戀佢。係由入中學既呢三年,佢都同我同班,而又咁岩得咁橋,佢都係坐我後面。小渝經常都會收到男仔俾佢既情書表白,一啲大膽啲既男仔,什至會當眾向小渝表白。
但係,小渝到呢家都只係一一拒絕佢地。點解? 因為佢鐘意果個係我。
「你自言自語啲咩呀?」
「我話,你靚所以我望你。」
「哼......」
講說話逗小渝已經係我倆間既日常。小渝既面頰每次都會幾秒內變到好紅,顯得更加可愛。
可惜,我唔鐘意佢。
我諗我都唔算有專登暗示進一步既關係。只係,對女仔口甜舌滑係我向來改唔到既習慣。
「唉......」或者我呢種習慣,令到阿淇拒絕我。
我長嘆一聲,將胸口既悶氣全都呼出黎。卻發現,岩岩被和尚打既位置有一陣劇痛。
「哇......」唔通我岩岩唔係發夢? 但係點解我會係課室入面?
Ads
唉瘋人
2017-7-17 13:43:26
諗起之前有套電影,講個男主角同人工智能談戀愛!
:^(
Btw,評已正!
天才小朋友
2017-7-17 13:46:48
諗起之前有套電影,講個男主角同人工智能談戀愛!
:^(
Btw,評已正!
係唉瘋人
:^(
多謝支持
塵芷long
2017-7-17 13:52:50
:^(
:^(
天才小朋友
2017-7-20 02:40:38
捱住痛,唔知過左幾耐,終於可以放學。
「阿眉,可唔可以同我一齊放學呀?」小渝拍拍我膊頭問。
「吓?」平時小渝好少會叫我同佢一齊放學,因為佢唔想帶俾我麻煩:「點解?」
「尋晚有個男仔wtsapp話,今日放學要黎搵我......」
「哦......所以想搵我過橋。」
「唔係呀,我靜係想你陪我一齊走,除此之外就冇其他要求架啦......」小渝含羞答答,迴避我既眼神。
望到眼前既小渝,阿淇既樣貌卻係我腦海裡浮現。
專業廢青
2017-7-20 07:38:41
:^(
屌出個未來
2017-7-20 12:07:04
推
:^(
幾正
:^(
天才小朋友
2017-7-20 20:17:37
就係咁,我陪住小渝放學。
一路走,小渝就一路望黎望去,好驚真係會撞到個男仔。雖然我有嘗試過安慰佢,但似乎情況亦冇好轉。
「你唔明架啦!拒絕人唔係一件容易既事,要諗下點講先冇咁hurt到人!」
我真係唔明,好多事我都唔會太諗人地,可能係小渝太顧別人既感受啦。
而正當我地要踏出校門時,小渝突然停低左。
「救我......」
小渝拉住我衣袖,企係我身後。
眼前一個男仔衝過黎,睇怕就係小渝口中講果個人。
個男仔貌似係高中既人,卻又唔係著住我地學校既校服。估唔到小渝吸引力大到連隔離學校既男仔都鐘意佢。
「小渝......」見到我之後,個男仔慢慢咁行埋黎。
「喂你想點呀?」
「小渝,自從上次聯校活動之後,我就不斷留意你......」個男仔愈行愈近,我亦自然地保護住小渝,慢慢退後。生怕佢會做出啲咩變態行為。
「放飯出去食果陣,放學果陣,我都偷偷咁搵你,想望下你。」
呢個男仔係咪跟蹤狂黎?
身旁既小渝眼神開始變得厭惡,但依然等緊個男仔將所有心底話講出黎。
「但係,我呢一刻終於忍唔住啦!小渝,你可唔可以唔好再纏住阿眉呀!我真係好想同阿眉係埋一齊呀!」
「吓?」
天才小朋友
2017-7-22 19:00:32
語音未落,個男仔就衝埋黎攬實我。佢力氣比我大好多,俾佢完全攬實既我根本無辦法還手。
「你做乜鳩呀?」
「自從上次聯校活動見到你,阿眉,我就深深咁愛上左你。但係,呢個女仔成日就黎煩住你。搞到我冇機會接近你!」
仆你個街男人老狗,佢居然想咀落我到。
千鈞一髮之際,我感受到心口有一股無形既力量將個男仔彈開。而呢道力量既反作用力,亦將我彈至十步遠。
「唔,準,騷,擾,阿,眉......」
一把聲音居然從我心口傳出,雖然聽得出係Siri,不過佢把聲有啲沙啞同埋疾。
天才小朋友
2017-7-25 14:39:30
「痴線架!」個男仔好似癲左咁跑走。
而目睹一切既小渝,反而呆左咁同我對望。
小渝話好擔心我,所以跟左我返屋企,睇下有咩可以幫到我手。
人係危急關頭,其他人好自然都會覺得事不關己,怕有風險而走先,就好似個男仔咁,但係小渝居然選擇留低陪伴住我。
其實小渝心入面諗咩我一直都好明白,只不過......我一早已經鐘意左阿淇。
諗到呢一度,我胸口既傷比上次發得更痛。
天才小朋友
2017-7-26 13:52:55
仲有冇人睇緊?
:^(
Ads
剪不斷
2017-7-26 14:04:44
睇緊
天才小朋友
2017-7-26 14:39:36
睇緊
:^(
我會寫快啲
比卡超人梅比斯
2017-7-26 14:49:43
痴撚線故留名
天才小朋友
2017-7-26 16:09:11
我將件衫除左,望向身前既全身鏡,發現自己胸口居然......
「哇!!!!!!!!!」
本身係房出面等我既小渝被我大叫聲嚇到衝左入黎。
「哇!!!!!!」「哇!!!!!!」
就係咁,我地兩個雙眼對望咁大叫。
到心情開始平伏既時候,天色已經漸漸昏暗。
「冷靜啲先......」小渝捉住我隻手安慰我。
但係似乎佢呢家先發覺我裸露上身。
「你呀,係咪又同人打架呀? 」小渝背向我問,突然聲線變得嗚咽:「......個心口搞成咁。」
我冇答小渝,只係再次望向塊鏡度。胸口有一個黑色既長方形,好似變左我身體既一部分咁。
天才小朋友
2017-7-27 01:10:59
「我冇事......」我小心翼翼咁摸下心口前面既異物,心諗咁似IPHONE既?
「唔,好。」部疑似IPHONE又再次發出沙啞同埋疾機既Siri聲音。
「你心口呢部唔會真係IPHONE掛?」小渝將手放係我心口上,過幾秒又突然再次背向我:「你快啲著快件衫啦!」
「哼! 我唔著喎!」我從後將小渝攬住,想要整估佢。
「變態!」小渝紅都臉哂咁掙扎,又不斷擺動身體想要反抗,但又唔係用盡全力咁想鬆開我。欲拒還迎既小渝令到我有少少生理反應......
其實,我之前未試過好似呢家咁樣逗小渝玩,孤男寡女共處一室,事情再發展落去恐怕真係會出事。我唔想做一個賤男,我心入面果個明明係阿淇,點解仲要咁樣對小渝?
正當我想放手時,我既胸口又傳黎一次劇痛。對比起上兩次痛既程度......
天才小朋友
2017-7-27 01:16:41
俾多啲支持我會寫愈快!
留多啲言好嗎? 討論下劇情丶我寫成點丶問下野都好。
劇情發展包你地諗唔到,我係有意無意間亦都已經鋪排緊。
唔係諗到乜就寫乜既癡線故,而係癡線得黎有得解架!
睇緊既記得留言正評! 多謝
:^(
天才小朋友
2017-7-27 01:22:03
另外宣傳下面書專頁:
https://www.facebook.com/silentinkk/
超級無敵IT犬
2017-7-27 06:56:01
名已留
平澤唯
2017-7-27 08:11:05
此回覆已被刪除
天才小朋友
2017-7-27 13:09:21
「我係邊度?」
我被好多塊全身鏡圍住,除非之外就咩都睇唔到。我身上衣服變左做一件白色衫,一件好大件而且唔合身既衫。褲亦變做白色既長褲。
赤住腳既我嘗試逃離呢個鏡陣。但係我一邊行,圍住我既鏡亦跟住我移動,無論快慢,我同鏡之間既距離都係冇變過,大概隔住三個身位。
突然之間,所有鏡同時反射出半個身體,不過唔係上半身,亦更加唔係下半身。而係由中間分開得黎既右半身。
呢個右半身,應該係屬於一個機械人,如果你有玩英雄聯盟,我用球女黎比喻你應該會明白,不過佢同球女既分別係:佢冇波。
即使鏡裡有個機械人,但係我身邊卻冇佢既蹤影。我觀察左一陣,發覺鏡裡面既機械人,係由我心口部疑似IPHONE發射出黎。
「如果個機械人係由部IPHONE project出黎,點解連我身後既鏡都反射到?」我愈諗就愈覺得奇怪:「物理上根本就唔可行。」
「唔通,圍住我既根本就唔係鏡?咁如果唔係鏡,又可以係啲乜野?」
為左搵到答案,我只可以將啲「鏡」打爆,睇下究竟發生緊啲咩事。
我扎實馬步,將內力凝聚係右拳之中,準備使出獨創拳法「彈簧拳」。呢一路拳法講究凝聚內力於根同骨之間,從而將根骨間既距離增加。練成者可以將手臂伸長至原來既幾倍,效果就要視乎使用者既內力。使出「彈簧拳」,咁樣我就可以打得到距離我三個身位既「鏡」。
「呀!」拳頭將「鏡」擊破,雖然我只係打向一塊「鏡」,但係其餘既都同時碎開。
Ads
天才小朋友
2017-7-28 14:17:39
一點白點岩岩好遮係我眼前,慢慢向外擴散到我完全睇唔到野。
「你終於肯醒啦咩?」
小渝成塊面都係眼淚咁伏係我胸前。
「我又發夢?」
望到小渝喊成咁,我都不自覺咁心痛。於是我用手摸摸小渝個頭,好似對待寵物咁安慰佢,而佢亦漸漸冇再喊。
「好彩岩岩你家姐返到安排送你黎醫院,唔係我都唔知點算......」
「原來係我家姐送我黎? 不過呢家已經冇事啦!」我扮作輕鬆咁同小渝講,但係心入面知道事情冇咁簡單。
「你係咪攬住我攬得太興奮搞到暈左呀......」
我回想起昏迷前一刻,我的確係攪實小渝。但係我已經準備放手,因為我諗起我對阿淇既心意。
「呀......」我個心口又發痛,不過今次已經冇再好似以前咁痛到要暈低。
「我即刻叫醫生黎!」小渝冇等我答覆,就已經跑左出去病房。
「每一次我諗起阿淇,個心口就會痛。而發痛係由和尚打中我心口果時開始。但係我究竟係咪真係俾個和尚打到呢? 如果真係,咁點解我之後又會出現係課室入面?」我心入面諗到好多個問題,恐怕亦都天荒夜談到冇人答得到我。
「喂Siri。」預期坐係到諗爆頭,不如問Siri。
我唔想再打啦
2017-7-28 16:07:05
喂 siri 文呢
天才小朋友
2017-7-28 17:42:18
喂 siri 文呢
仲搵緊佢 唔知去左邊 應該就黎搵到
天才小朋友
2017-7-28 18:26:08
「喂Siri?」
「喂Siri!」
就係咁,平時一嗌就出黎既Siri,今日居然叫極都唔出黎。
我反覆檢查過手機既其他功能,發現都係正常冇問題。
唯獨係Siri,什至係設定入面消失左。
「唔洗再嗌啦,好嘈。」家姐開門入黎。
「家姐?」我冇諗過家姐居然仲係醫院等我醒:「點解你今日咁早返到屋企?」
係我好細個果陣,呀爸呀媽已經離左婚,之後我就同呀爸丶家姐一齊住。呀爸好少可會提起呀媽既野,每次我同家姐主動問起時,佢都會發好大脾氣,所以漸漸我地都冇再問過。由我升上中學開始,呀爸就長期係美國負責啲科學研究,得返我同家姐兩個一齊住。工作詳情呀爸好少講,而且就算佢解釋我地都唔會明係咩。不過,呀爸定時定侯都會存啲錢俾家姐,家姐再分配生活費俾我。
家姐比我大五年,讀緊大學。可能受到呀爸既遺傳,佢做人處事經常都表現得神情自若丶從容不迫。即使呀爸有俾生活費我地,但係家姐冇只係掛住讀書,而係有出去搵兼職做。家姐總係將自己既時間排得密密麻麻,所以我好出奇點解佢會咁岩返到黎屋企救我。
「今日我放自己假。」
回想起家姐放自己假,已經係......已經係唔知幾耐之前。佢呢家讀書工作狂今日居然會放假?
家姐望到我神情驚訝,莞爾一笑之後又繼續講:「本身存在係你手機入面既Siri,去左你心口到。」
上一頁
第 2 頁
下一頁
「阿眉,你望住我做咩呀......?」
「原來我發緊夢?」
同我講野既係坐係我後面既汪小渝,班花。小渝長時期都戴住一副大既圓粗框眼鏡,從來冇除過。加上佢可愛既包包臉,楚楚可憐又似是弱不禁風既容貌令到好多男仔都暗戀佢。係由入中學既呢三年,佢都同我同班,而又咁岩得咁橋,佢都係坐我後面。小渝經常都會收到男仔俾佢既情書表白,一啲大膽啲既男仔,什至會當眾向小渝表白。
但係,小渝到呢家都只係一一拒絕佢地。點解? 因為佢鐘意果個係我。
「你自言自語啲咩呀?」
「我話,你靚所以我望你。」
「哼......」
講說話逗小渝已經係我倆間既日常。小渝既面頰每次都會幾秒內變到好紅,顯得更加可愛。
可惜,我唔鐘意佢。
我諗我都唔算有專登暗示進一步既關係。只係,對女仔口甜舌滑係我向來改唔到既習慣。
「唉......」或者我呢種習慣,令到阿淇拒絕我。
我長嘆一聲,將胸口既悶氣全都呼出黎。卻發現,岩岩被和尚打既位置有一陣劇痛。
「哇......」唔通我岩岩唔係發夢? 但係點解我會係課室入面?