Ads
All in 2800 都冇咁嬲:^(
All in 2800 都冇咁嬲:^( 月供領展冇得輸 回報一定唔止4%
供保險不如供樓，供第一間自住兼儲錢，第二間開始就可以有租金落番袋，loop 落去四十年回報一定好過樓主咁供保險
即係40歲開始, 每月供11000? 我有冇理解錯
唔識投資 但都想諗下點將收入儲蓄投資 為未來打算 所以希望你可以講下除左保險仲有咩方法 保值金額
又係保險狗:^( 咁大舊錢比保險 到你老果日通漲到1000萬=呢家既10萬都有可能 傻仔先去買保險
3339 3993 2314 點睇?:^(
退休先有一千萬:^( 期間完全鎖死呢筆錢，一斷供就:^(
我成日都會幻想自己既退休生，好期待又好害怕。
我成日諗一個優質嘅退休生活究竟需要幾多錢。
綜合大部份人意見，大約一千萬。
然後我有諗點樣先可以合理同輕鬆地儲到一千萬來退休。
最後我諗到一個可行既方法。市面上保險公司提供既儲蓄計劃，同時管理好自己既mpf。
睇到呢度唔好見到保險公司就以為我係sales
唔講咁多，比個方法出泥大家參考下。
假設，我由二十五歲開始工作，六十五歲既休，八十五歲壽命。
先計mpf，設每個月供款二千，四十年淨供款九十六萬，四十年回報率150%，六十五歲可取回二百四十萬。
欠七百六十萬
呢七百六十萬我會用四份保險公司既儲蓄計劃去完成。
呢四份儲蓄計劃都係供款十年，回報率4.25里，滾存40年。
4.25唔係保證回報率，有可能高，有可能底。係2017年，保監會要求保險公司就每一個保險計劃向客戶提供一個實現比率，二某些部份保險公司能夠做到實現比率100%
第一份
我會係二十五歲買入，供款三千，由於二十五歲既經濟負擔都比較少，所以我偏向較大既供款，六十五歲退保有二百四十萬。
欠五百二十萬
第二份
我會係三十歲買入，供款二千，實際供款五千(1+2)由於三十歲既人生面對較多轉變同負擔，所以供款會少啲，七十歲退保，有一百六十萬。
欠三百六十萬
第三份
我會係三十五歲買入，供款二千，實際供款四千(2+3)由於三十五歲既人生同面對較多轉變同負擔，所以供款會少啲，七十五歲退保，有一百六十萬。
欠二百萬
第四份
我會我會係四十歲買入，供款四千，實際供款首五年係六千(3+4)，尾五年供款變回四千。八十歲退保歲退保，有三百二十萬。
多出泥既一百二十萬保障我八十五歲後既生活(咁好彩死唔去，去得去就留比仔女)
講反保單分四份既好戲
一，每五年有一個再決定機會，衡量當時經濟狀況決定供款與否，供款多少。
二，更大的靈活性，假設供款期間遇上經濟困難，需要即時現金援助，都可以有四份保單選取一份做退保，保留其餘三份，減少損失。
三，每五年購買一份新保單，能夠與保險經紀的關係更良好， 得到更多的售後服務。
四，退休時期分四個階段取回存款，令退休生活更有計劃。
我既意見到這裏。希望大家有用。
原本有諗過用呢個方法入行做保險sell人，但而家我揾到更好工作，所以益下大家。或者叫做比多個方法大家參考吓。