是咁的,玩匿名交友app撞返個ex(完)
上一頁
第 16 頁
下一頁
毛仁養
2022-7-4 19:33:49
會唔會又比人拒絕🥺
但呢種曖昧關係其實好正,就算冇拖手都係咁話。
天時地理人和真係好緊要,否則係會對兩個人都好傷。
年少時都還可以接受,大家出嚟做野撞返最多笑兩聲,但人大左先咁樣真係唔易接受到,會BBQ或者空中飛人都唔奇。
但金仔既歷程真係有高有低好正👍
Ads
做金庸的男人
2022-7-4 19:49:14
就係咁,我又要由零重新開始。tg入面無晒人,H記就重新再識過人,但都係同人傾吓閒偈,無乜打算深入發展落去。
依段時間我都好認真咁諗自己實際上想做乜嘢,我唔想再渾渾噩噩咁過日子。
嗰樣想做嘅事好似種咗喺心頭,揮之不去。
某個下午食飯時間,我要辭職嘅事已經通晒天,全公司都知道。
當中最關心我嘅當然係霞姨:「無啦啦辭職嘅?之前都無聽你講過。」
「我都係前幾日先決定。」
「有新工啦?」
「無呀,想畀一兩年自己闖下。」
「都廿七歲喇喎,依家先嚟闖?」
「過咗廿七年都無試過做自己真心鍾意做嘅嘢,趁三十歲前咪闖吓囉。」
係芯玥點醒咗我,我亦知道自己需要改變。
「咁你已經有嘢想做?」
「有呀。」
霞姨雙眼發光:「又係時候幫你占個卜喇!」
我抽中咗逆位戰車。
「唔⋯⋯你好想事業會成功,而且對依樣要做嘅事好有熱情,你本身喺依方面嘅能力都唔錯。不過要留意依條路比想像中難行,會有好多問題,但你只要一直努力的話係會成功。都唔錯喎!」
有無能力真係唔知,從來都無試過做,但占卜咁講就信住先啦。至於會有好多問題,由我決定去做開始已經好清楚。
依一兩年認真去做想做嘅事,唔得咪做返依家依行,無壞嘅。
「祝你前程錦繡!」
最後一日我又請咗霞姨食雞蛋仔、格仔餅同混醬腸粉。
羽清.
2022-7-4 20:10:42
說好的兩日完?
:^(
做金庸的男人
2022-7-4 20:15:34
我有兩日唔見咗人吖嘛
依家就完了
:^(
做金庸的男人
2022-7-4 20:16:05
返屋企嘅時候,咁啱經過樓下有間扭蛋鋪,被我見到寵物小精靈嘅扭蛋。
竟然有隻百變怪。
又係六隻入面得一隻係我想要嘅。
咁多年嚟我都無乜興致再扭扭蛋,但見到百變怪真係忍唔住。
我諗起芯玥一吓就扭到我想要嗰隻。
我一直認為唔會再識到另一個可以一抽入魂送我鍾意嘅嘢畀我嘅女朋友。
依家我身邊亦一個人都無。
咁咪試吓自己抽囉,反正鍾意。
嘟完百達通,扭動。
咔!咔!咔!
我望住個蛋殼,心諗邊有咁易中吖?
打開,中咗。
就係我想要嗰隻。
我忍唔住笑咗,釋懷嘅笑。我一直都係諗唔會再有另一個一抽入魂嘅女朋友。
但我無諗過,原來我自己,都可以一抽就中。
水瀬いのり
2022-7-4 20:19:12
菲菲幫咗樓主放低 但佢自己反而仲未放低得到 都有啲可惜
鍾情於囡
2022-7-4 20:30:55
原來自己都可以抽中;其實你都可以好似愛芯玥咁,同樣愛翻自己。
毛仁養
2022-7-4 20:33:31
以為會同菲菲有段情講吓添🥲
吞娜乳
2022-7-4 20:43:03
好多SAD位 都唔小心代入左 唔愛就係唔愛..
係夠愛你就唔會分手
係夠愛就唔會離開
係夠愛就會同你解決問題
本身都無諗住覆
:^(
:^(
見到話27歲想闖一闖就即刻覆
我今年26歲
舊年EX分手 一直都走唔出黎
把心一橫
我已經離開左香港呢個傷心地
去闖一闖...
都差唔多一年啦 都好似仲好掛住佢咁 明知其實佢唔愛我
見到呀耀既 一年啦.. 兩年啦.. 三年啦..四年啦
又或者係菲菲既 好多第一次比對方
都好感觸 或者我都係佢地
:^(
做金庸的男人
2022-7-4 20:43:42
我開始無再諗芯玥嘅嘢,就算諗起都無再有傷心嘅感覺。
諗起就係諗起,諗起咪諗起囉。
屋企電視開住《戀情告急》,去到結尾古天樂嘅獨白:「戀愛會結束,經歷會留低,陪我哋繼續戀愛。」
「我終於明白到,原來每一份戀愛,放喺個心入面,已經係天長地久架喇。」
唔浪漫嘅古天樂為咗愛去學習浪漫,而嚮往浪漫梁詠琪當遇到另一個男人畀到心目中嘅浪漫佢,原來佢都頂唔順。
甄子丹作為一個完美嘅男人,成套戲無做錯過任何嘢,但梁詠琪面對求婚都有猶豫,最後都係無揀佢。
套戲結局都係男女主角喺返埋一齊。
我明白到,依個世界總有啲情侶係可以復合,只係唔係我啫。
但諗吓諗吓,我又覺得自己已經唔需要復合。
其實男女主角大團圓結局嘅電影都唔錯吖。
城大覃哥
2022-7-4 20:59:27
加速
:^(
:^(
Ads
20GB
2022-7-4 21:09:21
諗通就好了
:^(
笹垣潤三
2022-7-4 21:14:55
睇嚟今日完了
做金庸的男人
2022-7-4 21:35:55
睇完《戀情告急》,我又睇多次《心跳500天》。
男主角被人飛咗之後,佢都辭咗本身做心意卡嘅公司,頹廢咗一輪就去嘗試應徵做建築設計師。
「It’s a boy meets girl story but not a love story.」
套戲從來都係講男主角點樣放低女主角,點樣唔再被「真命天女」嘅幻象蒙蔽,點樣成為一個更加好嘅自己。
女主角最後喺長凳同男主角嘅對話,當男主角全盤否定自己嘅愛情觀嘅時候,女主角同佢講,佢嘅愛情觀從來都無錯,因為當愛情降臨喺佢身上,佢都有同樣嘅感覺。
只係女主角唔愛男主角。
人生在世就係要接受,有啲人唔會愛自己,有啲人愛過又會變得唔愛。
依啲情況同李鳳儀點解要死一樣,係無得問點解。
但既然有人係你做乜佢都唔愛,就自然會有啲人係你乜都唔做佢都愛,有啲人本身唔愛你亦可以變得愛你。
我哋可以做嘅就只有相愛嘅時候盡力去愛。
鐵拳無敵鍾培生
2022-7-4 21:39:14
終於諗通
會好的
2022-7-4 21:49:04
努力愛過便夠
水瀬いのり
2022-7-4 21:50:22
樓主可以做嘅就只有出文嘅時候盡力去出。
:^(
獻醜不如藏拙
2022-7-4 22:15:28
Emoji撚
:^(
大佬震波
2022-7-4 22:24:10
有少少嬲金仔居然重蹈覆轍
走去試拖菲菲隻手
搞到自己無啦啦又失去咗個傾得埋嘅朋友
(其實都係一種代入鬧埋自己
:^(
)
只能夠向好嗰邊諗就係經歷完依件事
又啟發到金仔諗開啲
我都想好似何金耀咁好返然後敢再愛人
做金庸的男人
2022-7-4 22:43:33
我望住頭先扭返嚟嘅百變怪,決定由今日開始做自己想做嘅事。
我開住介紹畀菲菲聽嘅不來也不去,打開手機。
https://youtu.be/kJ3_0WrUXE8
揚帆時,人潮沒有你 。
我是我,和途人一起 。
停頓時,在你笑開的眼眉 ,
望穿秋水之美。
回程時,浪淘盡了你。
任背影,長睡著不起 。
留下我,在糞土當中翻檢背囊,
直到拾回自己。
掌心因此多出一根刺,
沒有刺痛便懶知。
就當共你有舊情沒有往事。
如烟,因給你遞過火。
如火,卻也沒熔掉我。
回望最初,當喪失是得著可不可?
可痛若驪歌,樂如兒歌,
像你沒來過,沒去過。
如果我要寫一個故事,都會係一個男仔遇上另一個女仔嘅故事,但唔係愛情故事。
或者我嘅經歷可以幫到某啲人都唔定。
就算無辦法令人開心返同放低晒,但畀佢哋知道依個世界上有我咁嘅人,有咁嘅心路歷程,或者可以減輕少少佢哋嘅痛苦,又或者令佢哋多一個角度去睇自己所放唔低嘅人,咁已經足夠。
我諗自己都算係種緊善因?就算最後善報唔係報喺我身上都無所謂,因為我知道佢係「必報」。
誰同行,仍同樣結尾。
血液裡,才遺傳悲喜。
誰亦難,避過這一身客塵,
但剛巧出於你。
垂頭前,沒緣份喪氣。
睡到醒,才站立得起。
盲目過,便看到天機反復往來,
又再做回自己。
即使一生多出一根刺,
沒有刺痛別要知。
就當共你,有劇情沒有故事 。
如烟,因給你遞過火。
如火,卻也沒熔掉我 。
回望最初,當喪失是得著可不可 ?
可痛若驪歌,樂如兒歌。
像你沒來過,沒去過。
你問我仲會唔會在意下一個女朋友可唔可以一次就夾到我想要嘅公仔?我已經無再問依個問題。
原來有好多問題,漸漸我哋會唔再重視答案,甚至會忘記依個問題嘅存在。
如花,超生了沒有果。
如果,過路能重踏過⋯⋯
就當最初,是碎步湖上可不可?
不種下甚麼,摘來甚麼。
像我沒來過⋯⋯
沒去過。
我唔知自己喺依條路上可以行到幾遠,但我會努力,由今日,依個故事開始。
唔⋯⋯故事名⋯⋯
就叫《是咁的,玩匿名交友app撞返個ex》。
完
工不應求
2022-7-4 22:48:11
又少個故追
:^(
Ads
棍波師
2022-7-4 22:51:11
咁就完咗
:^(
即是咁
2022-7-4 22:52:08
其實釋懷已經好好 唔算sad end
:^(
金銀豬堡
2022-7-4 22:54:14
:^(
我愛齋啡
2022-7-4 22:56:47
:^(
上一頁
第 16 頁
下一頁
但呢種曖昧關係其實好正,就算冇拖手都係咁話。
天時地理人和真係好緊要,否則係會對兩個人都好傷。
年少時都還可以接受,大家出嚟做野撞返最多笑兩聲,但人大左先咁樣真係唔易接受到,會BBQ或者空中飛人都唔奇。
但金仔既歷程真係有高有低好正👍