[有圖少字]中亞高加索5個星期遊記
上一頁
第 21 頁
下一頁
晴天公仔
2022-9-6 23:24:14
你記唔記得canon有個廣告果度拍
好多年前睇左之後 好想去 仲以為係意大利
之後先知係克羅地亞
跟住2013年就去到仲搵晒廣告d位黎影相
Ads
咁你老豆都變鬼佬
2022-9-6 23:25:59
Lm
廢J....
2022-9-7 19:28:47
記得
你覺得喺意大利好正常
因為克羅地亞成堆沿海城市都喺以前威尼斯共和國起的
晴天公仔
2022-9-7 20:15:51
18-07-2022 Day 32 Batumi
無驚無險海關淨係問咗幾條問題
今次淨係要喺格魯吉亞入境處落車
跟住瞓多一陣就返到Tbilisi
:^(
去hostel放低啲嘢之後 就去咗巴士站搭巴士去黑海海邊城市Batumi
巴士站廁所叫人唔好亂咁屙尿
大佬閘機嚟㗎喎
:^(
Tbilisi成個感覺都比Yerevan殘舊
:^(
中間食咗個芝心麵包
幾好食
:^(
搭咗成六個幾鐘之後終於到
本來可以喺Yerevan直接搭火車嚟到呢度 朝早十點幾到 但係唔係日日有車
諗住返到Tbilisi再轉火車 點知班火車又full咗
搭巴士搞到晏晝五點先到
本來可以啱啱好開到個free walking tour
點知個導遊話仲多covid
喊出嚟
:^(
落咗巴士之後再轉的士去住宿
今次成九百幾蚊港幣著咗呢間service apartment
見到個海景 諗都冇諗住book咗
:^(
一望無際嘅海景 呢個景真係屈機
可惜今日陰天
:^(
影多幾張相就落去行
Batumi由2000年開始就變成一個格魯吉亞好重要嘅resort city
所以你見到周圍都好多好特別嘅建築
撈埋19世紀嘅沙俄建築
非常特別
:^(
啱啱就係喺呢座奇形怪狀塔上面影相
:^(
黑海海灘 係一個石灘
左手邊一直去就係克里米亞
:^(
喺海入面都叫我幫佢影相
:^(
more囡囡相
:^(
呢個建築應該有個輝煌歷史
而家勁多僭建成個貧民窟及樣
:^(
格魯吉亞中原地產
:^(
除咗海邊之外仲有個好大嘅公園
唔知點解有個鳥居
:^(
如果海邊係畀遊客
呢個公園就係畀本地人
:^(
打卡位
:^(
Theater Square
可惜冇free walking tour
睇完都唔知睇咗啲咩
:^(
Batumi天文鐘
呢個唔係好old既old town啲建築又幾靚
:^(
喺歐洲廣場見到有人募捐
其實喺格魯吉亞唔同地方都見到有支持烏克蘭嘅旗幟
格魯吉亞同烏克蘭有啲似 都係畀俄羅斯用偽公投嘅方法 搶咗啲地
公投之後話就話係獨立國家 但係其實就係親俄
格魯吉亞有兩處地方都俾人咁樣攞走咗
所以呢度嘅人好支持烏克蘭都唔係一件出奇嘅事
:^(
Resort city當然要有賭場
:^(
歐洲廣場
:^(
啲建築越夜越靚
之後本來諗住食一間喺度好出名嘅餐廳 點知勁多人
叫我一個鐘之後先返去睇下有冇有冇位
唯有去第二度行下先 點知行行下又落大雨 搞到喺街邊坐咗成半個鐘
:^(
趁變返毛毛雨 最後睇埋海邊 呢個摩天輪起碼比香港嗰個大
隔離嗰個字母塔 遠睇好似好靚
:^(
Ali and Nino雕像 之前喺阿塞拜疆都見到改編自同名小說嘅電影海報
呢對情侶嘅故事係虛構小說 但係喺高加索地區好流行 上網搵咗搵
"故事講述了發生在高加索地區的一出愛情悲劇——從小接受什葉派熏陶的穆斯林名門之後Ali與信仰基督教的格魯吉亞公主Nino相愛
儘管沒有家庭的阻礙,這段愛情最終還是因為兩人信仰的不同,在時代的大背景下以悲劇告終。"
:^(
呢個雕像得意之處係佢哋會喐
好似牛郎與織女咁樣 大概幾分鐘就會相擁埋一齊
之後又會分開
都幾得意 去片
https://streamable.com/8bjsu4
上呢個塔要50蚊
:^(
出面睇好靚入面睇反曬光
但係唔知點解見到好多沙地阿拉伯嘅情侶喺度飲咖啡
話時話中東好多國家嘅人都會走過呢度旅遊
包括喺中東做嘢嘅expat
因為七八月中東熱到仆街 嚟呢度嘅機程又短 旅遊又唔使好多日
所以係好多中東人嘅短期旅遊首選
講開中東嘅expat 聽佢哋講沙地阿拉伯嘅人最難頂
真係當你狗咁使 不嬲都唔係好鍾意沙地阿拉伯
聽到咁樣過印像仲差
:^(
行完之後就趕返餐廳去睇下有冇位
點知去到成九點半都係full
諗住去第二間都係出名嘅 都full
真係唔可以睇小呢個城市嘅受歡迎程度
最後嗰個餐廳waitress介紹咗我去佢隔離嗰間餐廳
入面冇乜人 好似伏伏地 但係好肚餓所以就是但
個肉湯都唔錯 辣辣地
:^(
格魯吉亞出名嘅奶油雞 真係幾好食
我正式宣佈今次旅程最多美食嘅國家係格魯吉亞
:^(
食完本身諗住慢慢行返去 但係又有少少雨
所以就搭的士返去apartment在喺附近行咗陣
海邊氣氛幾好有好多機動遊戲
就算成11點都好熱鬧
:^(
仲有噴水表演睇
:^(
張相右邊嘅地方就係我住嘅地方
呢度啲樓都好搞笑 扁塌塌咁樣
應該係有法例唔可以喺屏風樓遮住曬啲海景
:^(
影多一陣就返去
:^(
依然唔捨得呢個夜景
:^(
好少住得咁靚
:^(
夜晚嘅黑海
:^(
馬戈
2022-9-7 20:40:24
900幾蚊住海景房,
可惜天氣麻煩,
睇落個海都麻麻.
睇唔到日出日落又係麻麻.
:^(
晴天公仔
2022-9-7 20:56:42
之前用盡左好天氣o既運氣
:^(
廢J....
2022-9-7 22:29:02
黑海嘅依邊啲人享受日光浴
黑海嘅另一邊就打緊仗
:^(
S.Rudy
2022-9-8 15:59:18
樓豬
間service apartmen叫咩名
:^(
晴天公仔
2022-9-9 11:11:10
係 世界就係咁扭曲
:^(
:^(
O係亞美尼亞都見到好多俄佬開心旅行
打仗好似唔關佢地事咁
晴天公仔
2022-9-9 11:11:36
呢個
:^(
S.Rudy
2022-9-9 12:02:45
:^(
幾年前我去巴統果陣住你後面 綠色旗仔果度
:^(
有冇去食池中間烏克蘭嘢同遠少少間老麥?
:^(
Ads
晴天公仔
2022-9-11 20:16:53
19-07-2022 Day 33 Batumi
今日第二日喺Batumi
一早又起身望下個黑海
可惜都係陰天
:^(
check out之後就去咗新嗰個火車站放低啲行李
火車站入面好似死城咁樣
連個行李存放區都搵咗勁耐先有負責人
呢個火車站仲要離市中心好遠
聽講以前係近好多
:^(
Batumi係格魯吉亞一個重要嘅港口
:^(
本來諗住等到今日好天先坐纜車上山
唔知今日都係陰天 都冇計都係要上
纜車經過非旅遊區
啲屋都幾溶溶爛爛下
:^(
話咁快就上到頂
啱啱排隊搭纜車嗰陣
DHL終於覆返我 叫我畀過張invoice畀佢
原來send email畀ceo真係有用
:^(
新與舊
:^(
山上面仲有多一個十字架
其實全程都冇乜心情睇風景
因為我要remote返香港叫個朋友幫我scan張航拍嘅invoice
呢個世界好彩有whatsapp call
:^(
落返去之後就經條主路去搵餐廳
:^(
話說我又去返琴日想食嗰間餐廳度食
點知都係full 黐孖筋 full過香港啲omakase
搵咗間第二出名嘅
不過一般般 右邊嗰嚿嘢係有啲似阿根廷嘅Empanadas
:^(
食完飯都差唔多 要去睇show
:^(
我好耐冇去過海洋公園睇威威劇場
都唔記得係點樣
但係因為呢度呢個海豚劇場好出名 所以特登book咗嚟睇
仲要係濕身位
但係臨開場嗰陣 DHL嗰度同我講話個invoice唔得
勁麻煩都唔知佢想要啲咩
:^(
個show真係幾精彩
:^(
雖然同海洋公園嗰個好似
我post上ig嗰陣我有幾個friend都問我係咪返咗嚟香港
:^(
半個鐘嘅show盛為七十幾蚊港幣 都算係咁啦
:^(
一直都手玩電動滑板車
就去玩咗一直好想玩嘅電動滑板車
呢度啲滑板車可以好似loco bike咁樣租
只要你有個app就可以斷分鐘計
:^(
佢可以揸到好快 應該有三四十km/hr
沿著海邊一直揸 雖然地下有啲"凳"
但係幾好玩
:^(
揸到盡頭又返返嚟
:^(
扮曬羅馬鬥獸場嘅酒店
有啲樣衰
:^(
一直又揸到海邊
晏晝嘅Ali and Nino
:^(
最後一個景點Chacha Tower
:^(
話說以前呢度都有分離主義
所以周圍都可以見到呢個區嘅旗
:^(
差唔多時間坐火車
所以就搭的士返咗火車站
最尾都係見唔到陽光燦爛嘅Batumi
黑海果然好黑
:^(
晴天公仔
2022-9-11 20:18:55
中間係餐廳我都唔知
我淨係bookmark咗要食Heart of Batumi
點知去咗三次都冇位
間m記有咩特別
晴天公仔
2022-9-11 22:13:42
20-07-2022 Day 34 Ananuri Gudauri Stepantsminda
其實高加索並唔係淨係指阿塞拜疆亞美尼亞同埋格魯吉亞
依三個國家之不過係南高加索
格魯吉亞北面嘅大高加索山就分隔開南同北高加索
北高加索本來都有好多國家 但係而家已經變成俄羅斯嘅領土
來到格魯吉亞 一定要去去北面嘅地方行山
今日呢個團 就係去一個北面嘅地區Kazbegi
琴晚好夜先返到Tbilisi 今日一早又出發
之前喺亞美尼亞識嘅加拿大香港女仔都會一齊join
第一個景點Zhinvali 有啲西貢嘅感覺
回家了
:^(
見到呢個韆鞦好想玩
:^(
但係原來係要畀錢 大概十蚊港幣玩一次
不了
:^(
嚟到呢度因為向住高海拔出發
所以有啲涼
:^(
第二個景點 Ananuri Fortress
係啱啱個湖邊嘅一個堡壘
:^(
入面嘅教堂仲有幾百年前嘅壁畫
即係蘇聯時代 因為共產黨唔鍾意宗教嘅關係
所以成幅的話畀人覆蓋咗 救得返嘅只有呢part
:^(
格魯吉亞都係東正教國家
:^(
本來去Kazbegi只係想去一個行山城市Stepantsminda
同埋冇諗過跟團
但係上網見到呢個堡壘幾靚
交通又唔係好方便 就決定跟團
喺Stepantsminda離團留一晚
因為時間緊迫 特登好趕咁行咗去影相位 影低呢幅相
:^(
如果有時間可以慢慢探索呢個堡壘
:^(
逐漸消散嘅陽光
:^(
睇完就去咗間山中隱世餐廳
:^(
雖然話Kazbegi出名Khinkali
但係我都係覺得阿美利亞嗰度嗰啲好食啲
:^(
食完飯之後就去第三個景點Gudauri
呢度冬天係一個滑雪城市 沿途見到好多Resort
但係夏天嚟講 唯一嘅景點就係Russia–Georgia Friendship Monument
:^(
好寫意嘅羊
:^(
呢個Russia–Georgia Friendship Monument 起嘅地方都係好有諷刺意味
呢條路Georgian Military Highway
點解叫Military Highway? 因為由古到今俄羅斯人入侵格魯吉亞都係經過呢條路
順帶一提 好多貨車都係經呢條路來往俄羅斯
但係佢哋都只可以夜晚先行 所以晏晝經過呢度就會見到好多貨車泊咗喺一邊
:^(
呢個紀念碑係蘇聯時代1938起嘅 紀念Treaty of Georgievsk 200年
1783年格魯吉亞王國同沙俄簽定咗Treaty of Georgievsk
如果格魯吉亞受到襲擊 俄羅斯會派出軍隊幫助抗敵
之後波斯真係入侵格魯吉亞 但係俄羅斯無動於衷
最終和螺絲係1801年派兵入格魯吉亞彈出係為咗入侵格魯吉亞
估唔到蘇聯時代仲有問題返呢條條約
:^(
導遊話呢個紀念碑啲畫係本地藝術家創作嘅 都有暗串蘇聯
你可以見到左手邊蘇聯人好似機械人咁 但係右手邊隻夾魯吉亞人係比較有生氣
喺格魯吉亞join兩個本地團 都係同一間公司
而佢哋嘅共通點 都係好憎俄羅斯 咁都好正常嘅
搞笑嘅係 佢哋一個就因為有太多亞美尼亞入境章 所以入阿塞拜疆嗰陣畀人遞解出境
而另一個就係因為有太多阿塞拜疆入境章 所以入亞美尼亞嗰陣畀人遞解出境
由格魯吉亞呢個中立國家 都可以睇得出阿塞拜疆同阿美尼亞嘅緊張情況
雖然話就話中立 但係格魯吉亞係比較親阿塞拜疆 一方面佢有石油
另一方面格魯吉亞唔係好鍾意亞美尼亞咁親俄
:^(
呢度開始好凍 睇咗一陣就要走
:^(
去到最高點好似有成三千幾米
:^(
再加多陣終於到今日嘅重頭戲Stepantsminda
:^(
喺個town仲要坐四驅車上去聖三一教堂
"鄧"到痴線
:^(
嚟到呢度開始有少少後悔跟團 因為佢話得半個鐘可以遊呢度
:^(
雲海
:^(
重中之重 聖三一教堂
格魯吉亞啲教堂都好鍾意係喺山上面
:^(
雖則話入教堂都要著長褲 但係好少見有教堂真係會enforce
呢度真係要 睇嚟真係好重要
好彩佢有啲布畀你包住隻腳
:^(
入面唔可以影相亦都冇咩特別
:^(
嚟到呢度好想影到張經典相 就係聖三一教堂嘅背景有一咋雪山
可惜時間唔夠 去唔到嗰個觀景台影 唯有寄望聽日好天可以行山上嚟
:^(
如果好天嘅話呢個方位可以見到Mount Kazbek
格魯吉亞境內最高嘅山
:^(
好似畀人趕羊咁好快就落番個town
回望啱啱山上面嘅聖三一教堂 已經開始烏雲密佈
希望聽日會有好天
:^(
最後一站Rooms Hotel Kazbegi 係一間喺呢度好出名嘅酒店 一晚間房都成二千蚊
諗極都諗唔明點解唔嘥多啲時間喺山上面 要落嚟呢度嘆下午茶好似hea時間咁
之後旅行社問我攞呢個團意見 我都同佢講番其實可以留多啲時間喺山上面
佢答返我話其實嗰啲四驅車都唔係平 喺有限嘅價錢之下 果啲司機淨係會留30分鐘
喊出嚟 其實山長水遠嚟到呢度 畀貴啲團費都冇咩問題 好過而家咁樣咁趕
Anyway除咗呢樣嘢之外其實個團都唔錯
之後飲咗一杯chacha 係格魯吉亞版嘅vodka 但佢有好多唔同水果味
:^(
hea完之後 導遊就drop低我喺今晚住宿
係一間家庭式經營嘅airbnb
如果好天嘅話到而過境會好靚
:^(
霧鎖深山
:^(
因為高海拔嘅關係行多幾步都喘氣
:^(
約咗香港女仔食餐飯
間餐廳都係家庭式經營 個餐牌係固定嘅冇選擇
格魯吉亞版omakase
食完飯天都黑曬 竟然收到airbnb message
問我喺邊 擔心我有事發生
好鬼有心
:^(
牙痛不是病
2022-9-11 22:32:59
900都算貴
S.Rudy
2022-9-11 22:36:17
:^(
間m記個建築都幾出名
晴天公仔
2022-9-12 16:06:00
21-07-2022 Day 35 Tbilisi
今日一定係好美好嘅一日
七點幾起身 陽光燦爛開始行山
影到最經典嘅一張相
在行上啲 影到全格魯吉亞最高峰
感受高加索瑞士之美
全部都係FF
七點幾起身落雨
:^(
八點再起身
落大雨
:^(
十一點真係起身
行雷閃電
咁啱前排有個post話最失望同埋最驚喜嘅地方
我諗最失望都可以數到呢度
巴黎嗰啲你本身有期望佢會好差
但係我未試過有一次係大雨到街都出唔到
仲要成朝都係咁
本來同期望可以睇到瑞士美景 算啦
天氣問題 非戰之罪
結果我都係影唔到最經典嗰幕
早知唔跟團 今次安排有啲失誤
忘記咗山區天氣變幻莫測 要留多啲buffer
:^(
anyway 約埋個香港女仔 一齊返首都
出返去市中心 好彩又有airbnb主人車我出去
返去首都要三個鐘 坐一早喺呢個area好常見嘅交通工具Marshrutka
你當係類似我哋嘅小巴 但係少啲位
上車嗰陣一片混亂 好多行完山嘅人迫上車
有條本地人話佢book咗位打尖
我即刻屌到佢敗走
:^(
當架車full咗嗰陣
我見司機仲畀人上 心諗點坐
點知佢攞咗呢張凳出嚟
笑咗
:^(
好彩個香港女仔幫我買到個單獨位
唔係好辛苦之下就返到首都
都幾好天
落車係一個Marshrutka嘅總站
去Mtskheta嘅Marshrutka都係呢度搭
可惜我攞唔返個航拍 如果唔係我都會再去多次
:^(
突如其來 多咗半日留喺首都
去咗個國家歷史博物館睇一睇
其中一個展館係講猿人
因為高加索地區都發掘咗好多遠古時代嘅化石
:^(
不斷進化嘅猿人 同埋佢哋嘅腦容量
:^(
之後頂樓有一個同俄羅斯恩怨嘅博物館
呢個係當時反蘇聯運動嘅痕跡
:^(
直至而家 俄羅斯都支持好多喺格魯吉亞嘅分離主義
表面上係公投 實際上係俄羅斯搶人啲地
:^(
睇完就去食晚飯
聽之前導遊介紹 去一間叫funicular嘅餐廳食飯
原來喺山上面 要坐funicular上去
仲要行上半山先有得坐funicular
:^(
今個trip唔知坐咗幾多次funicular
:^(
Tbilisi全景
:^(
上到去有對熱心情侶幫我影相
跟住仲傾咗兩句
:^(
原來呢個景都幾靚
:^(
望住呢個景色飯都幾chill
:^(
雖然唔係特別好食
:^(
喺伊朗食咗個好好食嘅cake
好似叫拿破崙蛋糕
喺呢度諗住嗌返
點知同我想像嘅唔一樣
:^(
雖然今日天好多雲 但係magic hour成天藍色 都幾靚
:^(
其實成個funicular站建築都幾靚
:^(
呢個警反而畀我之前影嗰個景更有驚喜
:^(
藍色與金色
:^(
呢張相係我其中一張最鍾意嘅相
:^(
遙望舊城區
:^(
全景
:^(
後面嗰個就係全個城市都見到嘅電視塔
:^(
雖然而家整到五顏六色
:^(
山頂係一個遊樂場 好似Almaty咁
就算而家九點幾都幾熱鬧
行咗陣就走
臨走嗰陣行行下差啲仆親
好彩有個本地人捉住我
如果唔係真係臨尾香
:^(
晴天公仔
2022-9-12 16:06:23
ok啦有個咁靚嘅海景
雖然天氣唔好
晴天公仔
2022-9-12 16:06:45
幾靚喎
但係我完全唔知有呢個咁嘅嘢
miss咗添
:^(
廢J....
2022-9-12 16:52:59
響個咁冷門嘅國家都俾你遇到香港人
:^(
晴天公仔
2022-9-12 16:56:17
22-07-2022 Day 36 Signagi
之前都有講格魯吉亞係一個好出名嘅釀酒國家
佢哋非常自豪自己有8000年嘅釀酒歷史
今日就要去格魯吉亞東面一個釀酒區域Kakheti
最出名嘅旅遊城市Signagi
聽講係嗰度家家戶戶都會自己釀酒
:^(
由首都都去Signagi 坐車大概兩個鐘
好多人都會day trip去
但我上網睇其實嗰度都值得住一晚 所以就book咗一晚
享受下嗰邊嘅寧靜
本來諗住坐Marshrutka 點知搵極都搵唔到
睇嚟肺炎之後好多嘢都變咗
最尾坐咗shared taxi
:^(
中間急尿道要喺油站後面嘅呢間廢屋痾
:^(
睇到呢個景色就知道差唔多到
:^(
今晚嘅住宿
係家庭式經營 個細路女英文好好
同埋幾可愛
:^(
好有鄉郊嘅寧靜感覺
:^(
一早已經鎖定咗兩間家庭式經營嘅酒廠去試酒
第一間係比較多好評嘅Cradle of Wine Marani
睇出面好似冇開咁 好彩見到有人入 跟住我又入
原來有開 不過有個小問題
就係識英文嘅主人今日唔喺度 搵咗佢個朋友睇場
問題係佢淨係識俄文
好彩係 啱啱我跟住入嚟嗰一對夫婦
佢哋識俄文 同埋唔介意幫我做翻譯
佢哋係一對由立陶苑嚟嘅夫婦
包車玩格魯吉亞一個星期 今次已經係第二次黎格魯吉亞
佢仲畀咗我睇佢哋去Stepantsminda啲相
佢哋係睇住天氣報告話好天先叫司機揸車過去 所以天氣好好 行山啲風景都好靚
搞到我好葡萄
:^(
跟住參觀下間屋
見到呢張相 收返起五年前去南極附近South Georgia嘅回憶
:^(
(2017年South Georgia) 唔知老細係咪都去過 可惜佢唔喺度冇得問
咁啱嗰度都係Georgia
:^(
喺度總共試咗五杯酒 一杯Cha cha
加埋啲麵包同芝士 同埋中間嗰杯勁香嘅sunflower oil
夾埋都唔使一百蚊港幣 簡直係賞心樂事
:^(
加埋呢個景
:^(
飲完之後我同嗰對答桃園夫婦都醉咗
個女人仲喺度跳舞 好搞笑
可以無牽無掛咁飲醉 簡直係一件樂事
:^(
寫comment都唔知寫緊啲咩呀
:^(
飲完酒再參觀佢個酒窖
喺呢度家家戶戶就係用呢啲qvevri明釀酒
我驚立陶苑夫婦問咗個負責人 點解格魯吉亞啲酒冇咁出名
佢話其實因為呢度啲酒都係家庭式釀製
冇一個中央公司經營 所以質素好難控制
又做唔到economic of scale
所以呢度出產嘅酒都係內銷為主
:^(
你可以見到唔同年份釀製嘅酒連label都唔同
:^(
同嗰對夫婦道別咗 再買咗兩支酒之後
就探索下呢個town
呢個係town hall
:^(
點解無端端影棵樹?
:^(
因為行行下覺得太眼瞓 所以係呢張長凳度瞓著咗
瞓咗一個鐘
抬頭望上面就係呢棵樹
就算瞓咗一個鐘都完全唔覺得唔安全
就係我鍾意呢個小鎮嘅地方
:^(
瞓完再繼續行 已經差唔多日落
:^(
玩下狗狗
:^(
呢度除咗參觀酒廠 唯一嘅景點就係行城牆
:^(
唔知聽邊個講係格魯吉亞嘅萬里長城
:^(
會唔會吹大咗
:^(
呢條城牆成個行咗十分鐘就行完
:^(
因為係呢度係一個山城所以可以望到好遠
:^(
不經意以影嘅相反而最鍾意
:^(
行到出城外
:^(
之後再慢慢行返城內
:^(
今日全程都好寫意 成個旅程都未試過咁樣
間唔中晚返落嚟都係好事
:^(
一車一車嘅遊客準備走
:^(
而我就慢慢喺度玩夠
:^(
行行下有個阿婆叫住我
請咗我會去飲杯葡萄糖水
佢話佢本身係英文老師 教到悶咗就返咗嚟研究釀酒
仲買咗啲半製成品畀我
其實麻麻地
:^(
跟住再喺呢個town度慢慢行下
:^(
遠景
:^(
一個人都冇嘅路
:^(
格魯吉亞最後一次試酒
Okro's natural wine
又係五加一
五杯wine加一杯cha cha
喺格魯吉亞總總共試咗四次酒
夠曬喉喇
:^(
呢個嘅風景仲靚
:^(
又叫咗奶油雞食
不過都係Batumi嗰間名不經傳嘅餐廳整得好食啲
:^(
又買多兩支酒
:^(
hea到夜晚就慢慢行返去
雖然呢個town冇咩嘢行
但係一半時間清醒一半時間飲醉呢個經歷
令佢成為我呢個旅程其中一個最鍾意嘅地方
:^(
Ads
牙痛不是病
2022-9-12 17:13:44
夜晚好靚
:^(
你上圖果張係拿破崙,酥皮+ 吉士cream,伊朗果個係點?
升旗一的瘋悗
2022-9-12 17:18:10
好鍾意樓主城市名同突然間會用嘅英文,好香港特色
:^(
:^(
:^(
牙痛不是病
2022-9-12 17:20:47
你咪有好多支酒係身
:^(
晴天公仔
2022-9-12 20:50:06
23-07-2022 Day 37 Tbilisi
瞓完一晚就返返去首都
:^(
好彩臨走先陰天
:^(
坐返Marshrutka返去
各位窄到痴線
同埋個司機手車幾辣不斷逆線爬頭
:^(
返到去終於可以好好地行下Tbilisi
唔知係咪一個限定集
:^(
竟然見到
:^(
行咗一陣就再過free walking tour
本來第一日已經想join 但係因為要去DHL
所以趕唔切
諗起之前跟團 團友同我講話呢個free walking tour麻麻地
我就睇下係咪真係麻麻地
第一站係每次返hostel都會經過嘅Freedom square
呢度係蘇聯時代叫做列寧廣場
個雕像亦都係列寧
獨立之後 就改咗名做自由廣場 如果雕像亦都轉咗做St George
聽講喺格魯吉亞 好多男人都叫George
:^(
想當年整路整整下無端端發現呢個古蹟
:^(
新與舊
格魯吉亞與烏克蘭
:^(
Tbilisi傳統舊屋
導遊話因為古時呢度啲人冇乜嘢做
所以都會花好多時間stay喺露台
同埋會好花心機裝飾個露台
甚至有啲植物
啲露台仲可以連到唔同屋企
:^(
導遊叫我哋估呢個塔究竟起咗幾耐
有啲人估到成千年
但係原來係大概十年前起
呢個塔都好符合呢度附近文創區嘅格局
:^(
文創區中間嘅教堂
:^(
導遊花咗好多時間講解格魯吉亞文
:^(
之後有個Break
中間見到雞蛋仔
:^(
古時呢度都係絲綢之路會途經嘅其中一個城市
所以呢度都有caravanserai
一見到即刻諗起伊朗
:^(
新與舊
:^(
呢度以前係一個food market
而家已經變咗畀旅客買嘢嘅地方
:^(
最後一個景點
係Tbilisi sulfer bath
導遊講到 點解格魯吉亞地方咁大 當時國王偏偏要揀呢個地方做首都
話說有一次去第度呢度附近 見到有隻傷咗嘅雀仔跌落啲水度
樂觀版嘅故事呀 隻雀仔點到啲溫泉水即刻痊癒 飛返起身
悲觀版嘅故事係 隻雀仔跌咗落水之後 熟咗
點都好因為國王見到呢度有溫泉 又有河 又係山谷
覺得易守難攻 所以就將呢度發展為首都 取代相對易畀人攻佔嘅Mtskheta
行到呢度 三個鐘嘅free walking tour就完咗
正正常常 唔係好差
:^(
跟住之後就係要打大佬 打贏咗先可以返香港
去咗做pcr 個地方勁冷清 應該冇乜傻鳩需要做
佢話四個鐘先可以攞到結果
唔知今晚攞唔攞到
:^(
做完就直接飛的去咗成日經過嘅景點
Metekhi St. Virgin Church
呢個喺個河谷上面嘅教堂 面臨貫通Tbilisi嘅Kura河
次次都這麼近那麼遠 今次終於入去
:^(
Tbilisi 有好多個制高點可以睇風景
每個都有特色
呢個就係正面面對舊城區
:^(
King Gorgasali Statue本來遠望好霸氣
但係唔知喺度舉手做乜 霸氣全失
:^(
山上面嘅Narikala Fortress
係Tbilisi嘅象徵
:^(
咁啱撞到有人結婚
睇嚟呢個教堂對本地人幾有意義
:^(
本來諗住坐纜車上去
點知太大風纜車唔開
唯有死死地氣行上去
:^(
落到河底有個小教堂
:^(
可以望清楚Kura
:^(
橋上回望啱啱嘅Metekhi St. Virgin Church
:^(
對面山頂嘅就係之前上過去嘅Tabor Monastery
:^(
Tbilisi聖三一大教堂
貌似係Tbilisi最大嘅教堂
今晚會去
:^(
個城牆都有幾多人爬
:^(
Mother of Georgia
Yerevan都有一個Mother雕像
:^(
沿住山脊行 風景極好
:^(
入侵城堡
:^(
城堡入面嘅St Nicholas church
可惜做緊禮拜入唔到
:^(
欲窮千里目 更上一層樓
:^(
Kura河同埋和平橋
:^(
開始有啲金黃色
:^(
呢個Fortress嘅最高點
都係有一個十字架
幾鍾意Tbilisi有咁多制高點
好鍾意居高臨下咁樣影相
:^(
睇完個Fortress就沿著另一條路落山
究竟係咪每一個大城市都會有情人橋
:^(
行下行下遠離咗少少鬧市
又見到一個瀑布
好有柳暗花明又一村嘅感覺
:^(
行完之後就約咗個香港女仔食最後一餐飯
臨食之前收到pcr結果 係-ve
要回家了
講返餐飯 終於食到呢個Khachapuri
成個pizza咁樣 都係十零蚊港紙
返到嚟香港之後 搵到原來香港有一間格魯吉亞餐廳
食一個差唔多樣嘅Khachapuri 要百幾蚊港紙
果然係人離鄉賤 物離鄉貴
食完之後就各走各路
佢聽我意見繼續向西行經土耳其上巴爾幹半島
我就要返香港了
:^(
上一頁
第 21 頁
下一頁
好多年前睇左之後 好想去 仲以為係意大利
之後先知係克羅地亞
跟住2013年就去到仲搵晒廣告d位黎影相