【病者收容所】《病港II》(53)
上一頁
第 28 頁
下一頁
我係黎睇故
2022-6-24 23:15:41
:^(
:^(
:^(
Ads
湘B(生死未卜)
2022-6-24 23:20:06
push
小灰塵
2022-6-24 23:51:05
:^(
白月草
2022-6-24 23:57:36
Push
馬神彈出彈入
2022-6-25 00:04:16
Push
:^(
椒鹽蝦米
2022-6-25 00:10:05
推
zoabbb
2022-6-25 00:10:18
push
墨說
2022-6-25 00:22:30
爆炸力相當的驚人,儘管手持盾傘卸去大量致命衝擊波,我仍然給彈飛出房間,周邊的柚木地板即時碎裂,窗戶和紅磚應聲粉碎,林邊屋上層炸毀得面目全非。
耳鳴和暈眩侵襲頭腦,我模糊看著周圍一切,感覺自身所倒下的位置正要斷開。
咔。
咔、咔、咔。
咔!
最終木板還是承受不住我的重量,讓我墜落到一樓下方,剛好著落位置不偏不移對正魚缸,背部多吃一次苦頭,玻璃小刺片扎進肉裡。
「硴啦!」
「啊──」我單拳緊握,忍受痛楚。
整屋散落著灰塵,血爵自我炸裂後,化為一攤攤的血水沾滿屋子各處,我頭頂上的吊燈有顆血珠欲滴,我伸出手袖擋住原本要滴落頭上的血珠。
我躺著回好氣後,雙腳重新踏到地面,查看林邊屋的損毀程度。
依我觀察幾乎半間屋子毀掉,我間接性摧毀了香港二級歷史建築,但終歸那句話……人沒事就好。
唯一好處是陽光總算能透射屋內,一改灰暗霉氣的環境。
發生這麼大的騷動,引得林裡的烏鴉盤旋天空。
「鴉──鴉──」
不好的徵兆啊。
有隻烏鴉飛落屋中,血液當作水喝一喙一喙,不一會即時感染,全身羽毛掉落、皮膚溶解化成血與內臟暴露的生物,隨後鮮紅的目光盯上我,打算飛來與我同歸於盡。
「鴉──!」烏鴉飛得越是接近,身上腫瘤越發巨大,最後發生小型爆炸死去。
這次我迴避一下,就躲開了失控自爆的血烏鴉。
我繼續搜尋屋中有否殘餘線索,毫無察覺有位不速之客到來,待我聽見那微碎的踏草聲,對方出現殘缺的大門前。
墨說
2022-6-25 00:22:40
我靜靜的回望,樣子雖然背光看不清,但頭上那草帽和背後水平伸出的假手,可是非常標誌性。
「……」我保持閉嘴。
我這個身份,劉吉應該不認識我。
「血爵喺邊。」劉吉了當地問。
「所以……」我打量滿目瘡痍的屋子:「依到係你間屋?」
劉吉再踏前幾步,走入屋子範圍:「我只係嚟回收病者。」
「滴嗒……滴嗒……滴嗒……」血珠開始滴落。
「你要嘅血爵已經玩自爆死咗。」我如實地答。
劉吉黯然嘆氣:「你刺激咗佢?」
「應該係。」其自爆機制相信跟腫瘤人無異,一旦與人類近距離接觸便會自爆。
劉吉抽出開山刀,向我行近:「企好,唔好郁。」
「……你想?」
劉吉不答,要我像顆韭菜等著被收割。
礙於大家都是病獵,我沒作出過度性的警惕動作,但等到劉吉舉著開山刀要砍我脖子時,我不得不瞬息反應過來,武器轉成劍傘模式橫揮格開攻擊。
「噹啷!」這記震撼反擊,直接打掉劉吉手中的開山刀。
開山刀脫離手掌,掉到一旁插落地板上。
我右手向前抓取,想把劉吉抓住,他卻來個後躍從蓑衣灑出石灰粉,試圖干擾我的視線和呼吸。
幸好我有鳥嘴面具,這點暗算沒有任何功用。
「停手,我唔想同你打。」我說。
墨說
2022-6-25 00:22:50
「你好快會變成感染者……」
我馬上解釋:「我無受感染。」
「證明。」
我稍稍拉開手袖,讓他看看沒有一顆紅點的手臂。
劉吉瞳孔由銳轉圓,釋除少少疑慮:「你係病獵?」
「嗯。」我刻意加深語氣,不讓他認出關生身份。
劉吉喃喃碎唸:「點交差……」
「你特登嚟依到搵血爵?」我問。
「我係跟蹤一路上嘅血跡搵到嚟,你有冇見到其他血爵?」
「仲會有其他血爵?」
劉吉深思一番,決定給我些情報:「血爵係感染性病者,如果俾佢自爆出嚟嘅血掂到,受感染者都會病變成血爵,繼續搵其他人自爆。」
「所以早排收容所走甩嘅特殊病者就係……」
「你點知依件事……」劉吉好像對我早有懷疑,手勢示意我摘下面具:「關生?你身上嘅氣味呃唔到人。」
看來是隱藏不了。
反正我在機構的間諜生涯都結束,認一認也不緊要。
「係。」我坦白承認。
「果然……」
「我身上有咩氣味,令你咁易認到我。」
「病者嘅氣味。」
我倆站在殘破不堪的林邊屋中,默然無語。
「你無嘢問我?」正常應該會對我的身份疑惑,想知我混入機構的原因。
「每個人做某件事,都有自己理由。」劉吉應該不會洩露秘密。
「即係話,你唔係依間屋主人,我都唔係,咁係邊個捉住血爵過嚟……我見到佢嗰陣手腳都俾人用鐵鏈綁住。」
「鐵鏈鎖住四肢?如果真係做到,咁對方都唔會係人。」劉吉斷言。
「點解咁講?」
「鎖手腳依個動作係要同病者近距離接觸,我哋要移動血爵,都會用防暴鋼叉同佢保持最少一點五米距離,如果唔係會刺激到血爵自爆。」
「當時血爵係點走甩?」
「一隻蒼蠅。」
「嗯……」
「嗰陣機構上樓幫血爵清潔單位,突然有隻蒼蠅飛落血爵身上吸血,然後再飛去另一個清潔人員身上,就係咁令到嗰個清潔人員即時感染,喺大廈入面變成另一隻血爵當場自爆,另外幾個警衛員又因為自爆濺出嘅血而感染,變成另外三隻血爵,事情就變得一發不可收拾,幾隻血爵周圍搵人自爆,感染咗山莊部份員工同客人……」
「原來發生咗咁大件事……」
真想不到我探訪前幾天,居然上演著這麼恐怖的事情,難怪只讓我草草參觀一兩層作罷。
通常和平的表面下,總滲著駭人的事情。
「等陣……如果按照血爵呢種自爆嘅威力,咁第十四座嘅特殊病者收容大廈內部某啲單位係咪都炸穿咗?」
劉吉不說什麼,只點個頭。
「發生咁大件事通知咗病獵協會?」我怕不是他們機構能夠處理的範圍。
「佢哋唔會通報依件事,會影響機構聲譽。」劉吉說。
「好符合佢哋作風,機構利益行頭……但總要有個解決方法。」
碧水劍
2022-6-25 00:29:59
大家可以訓鳥
Ads
可可救傷隊
2022-6-25 00:30:06
有文推推
:^(
按揭界王拳
2022-6-25 00:31:04
最偉大間諜M
竟然鬼拍後尾枕
西のカナ
2022-6-25 00:31:30
血爵
:^(
劫の眼
2022-6-25 00:38:47
:^(
湘B(生死未卜)
2022-6-25 00:43:38
血爵: EXPLOSION!!!
星豆屎民
2022-6-25 01:06:44
血爵/蒼蠅示意圖:
:^(
糖舍
2022-6-25 01:12:51
周圍都係⋯周圍都係!
Pizza加菠蘿
2022-6-25 01:29:01
推
:^(
邊度有咁筍
2022-6-25 01:51:16
蚊吸血係咪合理d
:^(
墮入羅莽
2022-6-25 01:54:04
爆炸
:^(
:^(
:^(
Ads
魔法嵐
2022-6-25 02:03:46
M係咪重係免疫狀態唔會感染
:^(
無法避免
2022-6-25 04:38:15
如果血爵係見人先爆,但劉吉又話M有陣病者味,咁血爵見M爆係咪有啲唔合邏輯?
:^(
廢柴的雪人
2022-6-25 04:41:33
:^(
蜀山徐長卿
2022-6-25 05:49:06
假設劉吉個鼻係外掛級嘅存在
即係M叔嘅病者基因仲喺度 未俾棵樹吸晒?
:^(
上一頁
第 28 頁
下一頁