【病者收容所】《病港II》(53)
上一頁
第 17 頁
下一頁
牧羊記
2022-6-18 19:03:39
1/3
Ads
我係黎睇故
2022-6-18 21:59:32
:^(
:^(
:^(
傻豬黎既
2022-6-18 22:42:45
我在場內轉了圈,發現宇宙握著酒樽,腳步虛浮的漫遊著地下酒吧,在宇宙與我碰面後,他好像
知道
我是來捉他似的,直接往我扔來玻璃樽。
毒撚頭很臭
2022-6-18 22:57:07
呢篇係今日嘅定係尋晚嘅?
:^(
:^(
:^(
柳瀨早紀好撚正
2022-6-18 23:27:35
儲埋幾日睇算9數
青樓小丸子
2022-6-19 00:10:50
冇啦?
:^(
電子學徒
2022-6-19 00:26:17
> 連登每有250正評,付費網站和連登都會加一更,約3000字
其實唔知大家有冇留意,依家啲加更,好少有3000字
:^(
雖然係有買過吓嗰啲實體書,不過我都知道自己而家冇俾錢睇文,所以都無投訴啦
湘B(生死未卜)
2022-6-19 00:29:30
push
電子學徒
2022-6-19 00:31:34
可能篇幅長咗,反而對故事冇咁健康。早排故事嘅走勢無錯係對部份讀者黎講趣味性高左,但同時令到故事性冇咁緊湊。
電子學徒
2022-6-19 00:44:17
就算有陣時字數接近3000,睇完3000字,都唔覺得劇情有郁到
:^(
如果呢件事發生喺實體書入邊,我應該唔係好接受到
:^(
柯屎夾著脷
2022-6-19 00:57:15
咁今晚仲有冇文
:^(
Ads
湘B(生死未卜)
2022-6-19 01:26:31
墨巴
:^(
希度
2022-6-19 01:35:43
:^(
有少少失望 睇咗幾次都無文
仲諗住遲咗出文會出多幾篇補返
:^(
Mysterion
2022-6-19 01:57:48
課左金既又真係慘少少
我免費就無咩所謂
:^(
墨說
2022-6-19 02:00:06
有
無事做先生
2022-6-19 02:00:09
睇嚟又要留意下故台啲p牌了
:^(
成為約定好的我
2022-6-19 02:16:16
:^(
:^(
墨說
2022-6-19 02:24:58
「好歹都係偶像嚟……」月亮東張西望,疑神疑鬼:「咁樣送佢哋返去有冇問題?」
「無問題,無人睇到。」
「關生睇唔出你都幾打得……」月亮打量我全身。
「無咁上下能力,我點掌管住成個病者關注組。」我都打量月亮一眼:「我都估唔到,你條俐咁臭。」
「噫……」月亮被我戳中要害,低下頭來。
回到機構總部,看守大門的保安自然攔下我們,想要檢查手推車上是什麼東西。
等得白布一掀,保安個個愕然,而我像極了人口販子。
「仲唔幫手搬上去?佢哋係機構嘅重要財產。」我說。
如是者,幾位偶像被保安送回六樓的休息室,我的工作也完成。
「哎吔係咪搞掂喇……」收到消息的歡小姐,第一時間前來休息室。
除了月亮外,天際、星辰、烈日和宇宙都躺在休息室的沙發上,沒有半點知覺。
「佢哋搞咩啊……」歡小姐關切輕撫成員的臉龐:「個個死哂咁嘅?」
「一個飲醉、一個吸粉、一個縱慾、一個虛脫。」我答。
「關生真係唔該哂你。」歡小姐雙手插腰,嘆出長長一口氣。
「我都有幫手。」月亮加把嘴。
「乖,月亮,一陣先獎勵你。」歡小姐說。
「喂、噫,我唔係要獎勵啊……」月亮害怕得向門邊靠去。
「仲有冇嘢幫到手?」
墨說
2022-6-19 02:25:09
「我諗暫時就無,麻煩哂關生你。」
「都係舉手之勞。」
「關於項目嘅事……」
「我會留個位將你嘅偶像引入將軍澳到。」我說。
「咁就實在太好!」歡小姐雙手緊握,眨了眨眼。
「你會交合作計劃?」
「當然會!」
好,賣完人情給歡小姐。
我轉往三樓下去,尋找樂小姐。
現在我的目標主要是想得到三位的支持,不然實習期過後,恐怕我都不能見到何學民教授。
相較六樓全層貼滿偶像海報的酷炫,三樓裝潢比較兒童向,一大隻兩米高的病獸模型豎立辦公室入口前。
我創意官的身份,無需經過櫃檯秘書的安排,直接就來到樂小姐的房間前開門。
「樂小姐你好。」
辦公室內的樂小姐抱著個小男孩,雙手不停上下愛撫,除非那是她的兒子,不然行為有些過份親密。
「啊!關生?」樂小姐馬上把小男孩推開。
小男孩一時沒站穩,便摔倒地上了。
「啊嗚嗚嗚……」
「睇嚟阻住你。」我準備關上門。
「唔係唔係──」樂小姐一手扶起小男孩,一手示意我回來:「好喇,輝仔你出去先。」
說罷,樂小姐隨手拿起一堆糖果,塞到男孩手中。
墨說
2022-6-19 02:25:19
收到糖果的輝仔收起淚水,帶著糖果跑離房間。
「嗰位係?」我望著輝仔背影。
「哈哈,只係我侄仔,關生你嚟係咩事?」樂小姐漸漸低頭,露出狡猾笑容:「定係想傾我哋將軍澳嘅項目……」
正當我要回應之際,另一位小職員忽地開門直入:「樂小姐有少少麻煩!」
「又咩事?」樂小姐感到不耐煩。
「任行洛突然心臟病發!」職員很快地答。
「任行洛邊個嚟嫁?」樂小姐不認識此人。
「我哋一陣活動嘅童書講故人!」
「搵你去講唔得咩?」樂小姐馬上提出辦法。
「唔得啊,任行洛佢係經歷豐富嘅冒險家先講到咁多病者故事,我呢啲連病者都未真係見過幾次嘅人,點憑空作故事出嚟啊……」
「就等我嚟。」又是我出手的時候了。
這種表現的好機會,可不是常常發生。
「關生聽講你係嚟自病者關注組?係喎,你應該好熟病者嘅嘢……」樂小姐點點頭:「帶阿關生過去!」
轉眼間,我被職員帶到去機構內的兒童活動區。
每逢星期三,機構都會開放舉辦兒童區,供家長帶兒童到來消遣娛樂,講述病者故事是其中一個環節。
「關生,你入到去就可以開始講……」職員指著一間活動室:「但有個要點,就係故事要盡量將病者形容得好可愛、唔好有暴力、死亡嘅情節出現。」
「我盡量。」
我行入活動室,小朋友禮貌地跟我打招呼。
「各位好,嘰嘰嘰……」我面向一眾孩子,快快地說個故事。
故事內容都是我曾經歷的,只是都將情節童話化了。
墨說
2022-6-19 02:25:31
整個故事說完後,小朋友們拍拍掌離開,我亦功成身退,回到樂小姐房間中。
「原來關生你講故事都有一手。」樂小姐給予讚美。
「幫到你就好。」
「項目嘅事你覺得……」
「我諗過,會幫你引入病者漫畫。」我對樂和歡小姐的說法相同。
「咁以後我哋就係戰略伙伴。」樂小姐釋出滿意的微笑。
「如果可以,俾份合作計劃我。」
剩下最後一位喜小姐,未跟她打好關係。
我見距離下班尚有段時間,前去飯堂吃個下午茶,再上到九樓與喜小姐碰面,一口氣與三位老婦合作。
敲喜小姐的房門前我在想,會不會又見到什麼驚人的事情,但深信壞事應該不會連三,開門就走入去了,結果震驚的一幕還是出現了。
喜小姐在沙發上貼心給老人餵粥,但可不是用湯匙餵食,而是用口……
就是說,粥水會混合她的唾液,落到老人的肚腹中。
「啊。」喜小姐呆著,將老人推開:「係關生啊……」
一個迷戀年輕男子、一個依戀小男孩、一個貪戀老男人,這三個管理層可謂趣味相投,都喜歡在辦公室搞這些事情。
「我嚟得真係唔啱時候。」
「唔緊要,唔係啲咩唔見我光嘅嘢,其實佢係我爺爺……因為腦中風先要餵佢食粥。」喜小姐叫老人出去:「爺爺你離開先……」
「關生你下次搵我之前,可以預約定先。」喜小姐說。
「咁我就直接講重點,你係咪有興趣將劇團帶入新地區?」我問。
「呢層當然!」喜小姐喜出望外。
「合作愉快。」
Ads
墨說
2022-6-19 02:26:11
「你選擇同我合作?」
「可以咁講,你寫份合作計劃俾我。」
「無問題。」
出乎意料地順利,沒有任何大問題發生。
在機構上班的首天非常充實,跟三位關係建立了基礎。
接下來幾天中,我依然繼續視察整座機構每個地方,在三大娛樂部門中打滾,盡量摸清各人的底細,工作內容多變多樣,不外乎劇團演員走失了,叫我去扮演大眼。
一位部門經紀開不夠單,我幫忙說服客人使用病者收容照顧服務。
不經覺,一個星期多過去,機構中的員工都開始察覺到我的存在,討論我驚人的業務能力,背後給我起了個「最強新人」稱號,很有電視劇的感覺。
對我而言,這些工作相對出去獵殺病者來說,簡直是幼兒班程度。
出去狩獵病者需要考慮戰術、風險、後備計劃,各種隨機應變,稍有不慎終生後悔,而在機構內做事則毫無死亡的風險,失敗都不會有嚴重的下場,一滴血都不會流,不會有同伴死去,所以每件事對我來說都好像易如反掌,我只是一臉平淡地完成。
不久,我分別收到三位管理層的合作計劃,我才安安定定的坐在自己房間內,打開三份文件抄寫計劃中的內容和重點,大幅修改當中字眼,變成用自己文字所寫的計劃書,遲下用來交給占妙如。
這種過橋抽板的職場技倆,可是常見的事。
我想占妙如是個見錢開眼的女人,只要計劃書能讓她覺得大幅進帳,她應該會另眼相看。
就在我寫好計劃書準備下班時,許美祿敲響我的門:「關生。」
「係?」
「我聽講病者收容所嗰到已經維修完,你聽日你去唔去睇下?」
靈異生物
2022-6-19 02:47:54
任…任行洛?仲要心臟病發,唔知墨b係咪專登將任行樂改名
:^(
湘B(生死未卜)
2022-6-19 02:53:11
任行洛
:^(
森林大火鳥
2022-6-19 02:53:25
生理時鐘調整已失敗
:^(
:^(
:^(
上一頁
第 17 頁
下一頁