交唔到租,唯有同死對頭一齊住
上一頁
第 27 頁
下一頁
食完屎無飯痾
2022-7-22 00:16:43
能真正幫助別人固然是好事,只是讓她心煩的問題,卻偏偏又源自這次經歷。
「咁你點解仲咁愁眉苦臉呢?」張靜宜不解。
她一手支起腮,連飯也沒胃口吃了,悶不吭聲地作著心理準備。
該如何開口呢?
好半晌過後,終於想完了台詞要開口之際,張靜宜身旁卻突然多了個人。
「我……」
我最近好像對一個人產生好感了。
陳凱婷抬頭一看,是鍾倩羚。
「你哋傾緊咩呢?」她毫不客氣地坐了下來,目光在其餘兩人之間徘徊。
張靜宜向陳凱婷那邊瞄了一眼,見她沒反應,才回答:「凱婷好似有嘢煩,啱啱先要開始講。」
四周行人往來,偶有人將目光投在她們身上。
絕對不是一個適合討論感情話題的場合。
陳凱婷後悔了。
Ads
食完屎無飯痾
2022-7-22 00:17:03
她抿抿嘴,本來快要脫口而出的話瞬間轉了個彎:「其實都唔算係我嘅煩惱,係朋友嘅事。」
典型的開場白,典型的藉口,可張靜宜和鍾倩羚卻信了。
她們起初還有點詫異,可按照陳凱婷那種喜愛打抱不平凡事非要插上一腳的性格,確實也合情合理。
「最近有個男仔,成日有意無意咁同我朋友掂嚟掂去。」陳凱婷用儘量平穩的語氣娓娓道來:「利申:兩個人都係大學生。」
對面兩人的興趣來了,齊刷刷地凝視陳凱婷,無聲中催促她繼續說下去。
「佢仲會同我朋友講啲奇奇怪怪嘅嘢,就係聽完唔識點應嗰種……」
「性騷擾?」張靜宜那時忍不住說:「我最近同鍾文傑都有研究呢類案例。」
「唔係……」陳凱婷聽見那名字,更無奈了。欲哭無淚。
「等等。」鍾倩羚打斷她們:「佢哋識咗幾耐?」
「呃。至少都十年八年。」陳凱婷有點心虛地移開視線。
張靜宜更憂心了,她捂著嘴沒說話,滿腦卻都是熟人非禮和性騷擾的個案。
「唔係。」陳凱婷連忙拯救場面,人往前傾,不斷擺手:「唔好諗到件事咁嚴重先。」
張靜宜這人,沒事時就像根木頭般無時無刻都很冷靜,只不過一旦胡思亂想起來了,簡直拉也拉不住,想像力直衝天際。
陳凱婷更後悔了。
食完屎無飯痾
2022-7-22 00:17:25
然後鍾倩羚摸了摸下巴,淡淡開口。
「咁,嗰條友,靚唔靚仔?」
鍾倩羚這人今天也不知道是怎麼了,戰鬥力高得可怕,一開口便一針見血。
她不是從來沒談過戀愛嗎?怎麼會這麼犀利?
話音剛落,陳凱婷的表情倏然僵住。一想到鍾文傑那日一身西裝的模樣,她就神經緊繃,思緒亂成一團。
她強壓下情緒,舌頭微微打結:「都……都幾好睇嘅。」
其餘兩人心領神會地對視一眼,沉默良久。
哦。難怪。
鍾倩羚還沒罷休,反而愈問愈起勁了:「咁即係你朋友鍾意人哋啦?」
喜歡???至於嗎?
陳凱婷猶豫著說:「未到鍾意嘅,不過有啲好感囉。」
「不過都有機會係出於朋友玩嘅心態?始終識咗咁耐,可能已經冇咩界線?」張靜宜終於回到正軌。
要是有意思的話,早就在一起了。
陳凱婷扶額,嘆了口氣:「都真。」
食完屎無飯痾
2022-7-22 00:17:39
一下子洩氣了。
幾乎同時,鍾倩羚似乎一點都不認同,豎起食指在她面前晃了晃:「我覺得佢係特登㗎喎?」
陳凱婷一愣,雙眼一亮:「再講多啲嚟聽吓?」
「嗱。你諗吓。。」鍾倩羚一本正經地指手畫腳道:「既然之前一直都冇類似嘅問題,反而最近先開始有變化。你唔覺得佢喺度試探緊你朋友咩?」
「唔係吖嘛!?」
張靜宜:「呃……」
鍾倩羚見狀,乘勝追擊:「話唔定佢想你朋友追返佢轉頭添。」
陳凱婷如遭雷擊,隨即一臉鄙夷。
他自我感覺未免過於良好了吧???
場面已經發展到無法控制的地步,張靜宜直接閉上嘴,看兩人在如此嘈雜的環境裡繼續罵罵咧咧下去。
說到一半,鍾倩羚頓了頓,又說:「不過,我覺得嗰個人都唔係咩好人。你都係叫你朋友小心啲……」
「你哋講緊咩?」
食完屎無飯痾
2022-7-22 00:17:49
陳凱婷的腦袋忽然被重重揉了下,她猛地回頭,就看見鍾文傑站在自己身後。
啊,白天果然不要說人。
她想找個縫鑽進去消失算了。
鍾倩羚瞬間回答:「凱婷朋友啲嘢囉!」
「嗯?」鍾文傑垂下頭,看了陳凱婷一眼,目光莫名戲謔:「咩事?」
「就係凱婷有個朋友俾個青梅竹馬吊住唔放!無端端成日過去撩人但又不坦白,所以我就話條友肯定不懷好意!」
陳凱婷本來還想堵著鍾倩羚的嘴不讓她說呢。
「係呀?」鍾文傑嘴角掛著笑,雙眼緊緊盯著陳凱婷不放:「咁佢朋友真係慘。」
那瞬間,陳凱婷的頭都快要埋到桌子底下,連抬起頭看人的勇氣都洩得一絲不剩。
救命。
他肯定聽出來了。
……她想死了。
食完屎無飯痾
2022-7-22 00:18:57
可唔可以讚吓我
:^(
呢篇肯定過二千
X反肚三柴X
2022-7-22 00:30:36
//張靜宜更憂心了,她捂著嘴沒說話,滿腦卻都是熟人非禮和性騷擾的個案。//
牙宜依舊可愛
:^(
X反肚三柴X
2022-7-22 00:30:55
屎絲世一
:^(
美胸(Acup)
2022-7-22 00:52:40
仆街好撚尷尬
:^(
:^(
:^(
豬股摩卡
2022-7-22 01:01:15
好笑
:^(
陳狗愈講愈激動
點知比鍾狗聽到哂
食完屎無飯痾
2022-7-22 01:08:43
冇錯
:^(
牙宜仍然係最純潔嗰個
Ads
食完屎無飯痾
2022-7-22 01:10:10
係
:^(
仲要牙羚全程屌緊嗰個係佢最鍾意嘅表哥
而佢完全唔知道
鐵拳無敵鍾培生
2022-7-22 01:29:39
鍾狗應該會笑到陳狗傻
:^(
:^(
夜凪景
2022-7-22 01:39:59
陳狗
:^(
凍0茶小甜
2022-7-22 01:40:01
頂 好sweet 可唔可以快啲埋牙
:^(
:^(
食完屎無飯痾
2022-7-22 01:43:16
牙羚:「就係凱婷有個朋友俾個青梅竹馬X"z^1qK;#Y」
牙婷:
:^(
曼不群(群爺)
2022-7-22 02:02:04
:^(
芫荽狗也不屌
2022-7-22 02:51:29
陳狗:
:^(
應唔應該一嘢扑暈鍾狗等佢失憶
沉默的我
2022-7-22 12:13:20
快撚d出文
食完屎無飯痾
2022-7-22 12:20:43
寫緊啦稍安無躁
:^(
唔好咁惡
三碗細牛腩河
2022-7-22 14:17:54
你對小螃 … 惡好啦
佢成日屌鳩讀者嘅
Ads
美胸(Acup)
2022-7-22 14:31:34
屌你老母
美胸(Acup)
2022-7-22 14:32:08
使唔使咁早寫
:^(
沉默的我
2022-7-22 16:21:26
交貨未 一日睇唔到口水鼻涕一齊黎
食完屎無飯痾
2022-7-22 16:34:13
十二點交貨,會出篇好似尋晚咁長嘅,咁樣聽落會唔會開心啲
:^(
上一頁
第 27 頁
下一頁
「咁你點解仲咁愁眉苦臉呢?」張靜宜不解。
她一手支起腮,連飯也沒胃口吃了,悶不吭聲地作著心理準備。
該如何開口呢?
好半晌過後,終於想完了台詞要開口之際,張靜宜身旁卻突然多了個人。
「我……」
我最近好像對一個人產生好感了。
陳凱婷抬頭一看,是鍾倩羚。
「你哋傾緊咩呢?」她毫不客氣地坐了下來,目光在其餘兩人之間徘徊。
張靜宜向陳凱婷那邊瞄了一眼,見她沒反應,才回答:「凱婷好似有嘢煩,啱啱先要開始講。」
四周行人往來,偶有人將目光投在她們身上。
絕對不是一個適合討論感情話題的場合。
陳凱婷後悔了。