美胸（Acup） 2022-7-26 21:46:44 冇用的 你已喺我黑名單

油尖旺金毛lin 2022-7-26 21:48:36 我只係實話實說

鐵拳無敵鍾培生 2022-7-26 22:55:35 我六位數會然嚟

:^(

ACAB 2022-7-26 23:03:27 ching資深腩黑

美胸（Acup） 2022-7-26 23:18:55 你自己咪就係最資深hater囉

:^(

ACAB 2022-7-26 23:24:08 你自己摟屌

:^(

美胸（Acup） 2022-7-26 23:25:10 你都on9 我不知幾撚正常

:^(

綠帽奇俠 2022-7-27 03:03:16 Live左

:^(

yhseht 2022-7-27 03:11:29 準時更文嘅腩吸引啲

:^(

美胸（Acup） 2022-7-27 12:21:08

:^(

美胸（Acup） 2022-7-27 20:22:00 我要睇小說 今晚唔寫文lu

三碗細牛腩河 2022-7-27 23:17:52 好呀大螃腩

綠帽奇俠 2022-7-28 01:35:42 Unfollow

:^(

FaceID 2022-7-28 13:50:51 push

美胸（Acup） 2022-7-28 21:09:32 13.

但係潘子韻都係太睇小張正楠喇。

佢以為自己嘅大話作得天衣無縫，肯定可以呃到張正楠，卻冇注意自己努力控制竊喜嘅表情早已被對方捕捉到。

張正楠就係喺嗰個瞬間識破咗潘子韻嘅謊話連篇。

但係佢不動聲色，並冇當場揭穿潘子韻。

相反，佢順水推舟咁提議：「既然係咁，你就聽日開始嚟返工啦。」

潘子韻呆咗呆。

「咁……咁快？」驚喜嚟得太突然，佢一時之間反應唔到。

但無論如何，潘子韻終於都得償所願，成為咗張正楠間書店嘅員工。

呢個時候，沉浸喺喜悅中嘅佢並唔知道，呢個先係她接住落嚟嘅惡夢嘅開端。

張正楠喺應承咗請潘子韻之後就向佢交待咗佢要負責嘅工作。

首先，佢要求潘子韻由第二日起，每日朝早十點到達書店打掃舖頭。搞掂之後，張正楠十一點會過來檢查一次，冇問題之後就正式營業。

聽落好似冇咩難度，潘子韻亦自信滿滿咁應承咗。

雖然佢不嬲都好懶，但自己一個喺出面住，佢或多或少都識得做啲簡單家務。

主要係因為佢唔鍾意有陌生人嚟佢屋企，所以冇請鐘點幫手做清潔。

「好！」仍然處於興奮當中嘅潘子韻並冇留意到張正楠嘴邊嗰一抹意味深長嘅笑容。

第二日朝早，潘子韻久違咁將自己打扮得花枝招展先至出門。

佢應徵書店店員唔係真係為咗做嘢㗎嘛。

書店唔似圖書館咁近屋企，至少要搭半個鐘車。

以潘子韻嘅性格，佢梗係唔會喺返工嘅高峰時段同一大堆窮苦上班族逼地鐵啦。

佢果斷選擇咗call uber。

路上有少少塞車，但唔嚴重。

潘子韻喺九點五十分就到達咗書店門口。

佢喺自己個袋度摷出張正楠琴日俾佢嘅書店鎖匙，插入鎖匙窿一扭，玻璃門就輕輕鬆鬆咁被打開。

如果有賊打起書店嘅主意，肯定三兩下手勢，幾分鐘都唔使就撬開咗個門鎖。推門而入嘅時候，潘子韻忍唔住咁諗。

門後嘅風鈴隨着佢推門嘅動作互相碰撞，發出一串清脆悅耳嘅聲音。

入咗書店之後，潘子韻行到收銀位置，拎起檯上一塊寫住「休息中」嘅吊牌，並將佢掛喺書店玻璃門嘅手柄上。

開咗燈，放低埋袋之後，潘子韻首先喺書店入面巡咗一圈，將被胡亂放置嘅書重新排好。跟著佢按張正楠所講嘅咁喺書店倉庫入面攞出一堆清潔用品，開始打掃。

潘子韻嘅動作幾快。到咗十一點，佢已經將地板掃乾淨再拖咗次，亦已經抹好咗店內所有書櫃。書店最裏面嘅窗台上有幾盆植物擺咗喺度，潘子韻幫佢哋淋咗水，又用濕布抹咗抹窗台。

打掃過程中，佢留意到間書店雖然有被打掃過嘅跡象，但睇得出只係好求其咁抹咗幾下。

唔怪之得佢要請人啦。潘子韻心諗，手上嘅動作變得更落力。

完成一切之後，望住明顯變得乾淨咗嘅書店，佢滿意咁叉腰等待張正楠到來。

呢個時候，風鈴碰撞嘅聲音傳嚟。

潘子韻回頭一望，行入嚟嘅正正係佢嘅業主兼老闆——張正楠。

「早晨。」張正楠同佢打招呼，「搞掂好晒嗱？」

「係呀！」 搞咗咁耐，潘子韻有少少攰，但仍然精神奕奕咁答。

張正楠環顧四周，面色平淡如水，睇唔出係滿意抑或唔滿意。

但潘子韻卻好自信。

可能係因為第一日返工，佢頭先可以話係用咗一百分嘅精力去打掃間舖，理應唔會有啲咩問題。

況且，間舖本身就打掃得咁hea，張正楠總唔會係要求她喺短短一個鐘內就將成間書店打掃得一塵不染掛……佢口中嘅打掃，好可能都只係掃下地，執下書咁。

潘子韻安心咁等待張正楠宣布營業。

點知，張正楠仍然冇出聲。佢首先係行到去窗台嗰邊左望右望咗幾秒，然後又擰轉身行去書店嗰一大片向街嘅落地玻璃窗前企喺度唔郁，彷彿係喺度透過玻璃窗眺望遠處。

潘子韻不禁心下一緊。

良久，張正楠擰轉頭望住潘子韻，漫不經心咁開口：「你冇抹過玻璃？」

潘子韻窒咗窒，正要開口。

「窗台側邊啲罅都冇清乾淨。」張正楠自顧自咁繼續講，亦唔望潘子韻，自己行咗去書店角落嘅梳化上坐低。

梳化好柔軟，佢一坐落去就彷彿成個人都要陷入去咁，睇落坐得好舒服。

「俾多個鐘你，重新抹過。」

張正楠講完之後就隨手喺旁邊嘅書櫃度攞咗本書，悠然自得咁開始翻閱。

食完屎無飯痾 2022-7-28 21:12:39 有文

:^(

:^(

:^(

好幸福

油尖旺金毛lin 2022-7-28 21:23:23 文啊

:^(

鐵拳無敵鍾培生 2022-7-28 21:23:48 楠哥好型

:^(

:^(

玩鳩潘鳳

美胸（Acup） 2022-7-28 23:03:08 自推

:^(

唉

:^(

天大地大有容乃大 2022-7-28 23:04:31 留名先

:^(

:^(

X反肚三柴X 2022-7-29 00:33:57 唔錯唔錯 呢個男主角有浸抖S味

:^(

美胸（Acup） 2022-7-29 00:54:14

:^(

:^(

美胸（Acup） 2022-7-29 00:54:55 個鼻咁靈

:^(

FaceID 2022-7-29 09:16:03 想睇女主比人m

:^(

美胸（Acup） 2022-7-29 23:50:20 生活小智慧

:^(