移形換影 2022-7-15 01:43:18 終於有文

:^(

芫荽狗也不屌 2022-7-15 01:48:32 文

:^(

X反肚三柴X 2022-7-15 02:21:47 女主角唔會喺當時覺得佢係gay㗎咩

:^(

天大地大有容乃大 2022-7-15 15:19:13 新讀者留名

美胸（Acup） 2022-7-15 15:25:42

:^(

鐵拳無敵鍾培生 2022-7-15 23:12:25 隔離屋好識玩

美胸（Acup） 2022-7-15 23:13:36 人哋冇心的

:^(

鐵拳無敵鍾培生 2022-7-15 23:29:04 咁揼本畀杯麵喎，咁都無心？

美胸（Acup） 2022-7-16 00:26:08 今晚冇文

WurstSucker 2022-7-16 18:21:02 欣賞你夠誠實
不過都係要負皮heheh

美胸（Acup） 2022-7-16 18:23:30 咪咁

WurstSucker 2022-7-16 18:25:27 講笑，快啲出文

:^(

美胸（Acup） 2022-7-16 23:03:27 已經搭緊uber返屋企 希望落車前寫完

:^(

美胸（Acup） 2022-7-17 03:02:30 5.

潘子韻係外貌協會成員。喺評價一個異性嘅時候，無論嗰個人其他條件有幾好，只要唔夠靚仔，佢都會自動將對方歸類為「兵」或者「朋友」。

潘子韻揀男朋友嘅時候一直堅守住呢個原則。亦因為咁，佢以往嘅男朋友雖然五花八門，但全部都有個共同特點：靚仔。

於是，不出意外地，喺見到張正楠嘅嗰一個瞬間，潘子韻就好膚淺咁鍾意咗佢。

「鍾意」呢個詞語其實都用得唔係咁準確，潘子韻更願意將呢種感覺稱為「色心起」。

當初睇屋嘅時候，張正楠企喺潘子韻面前，充滿耐性咁同佢介紹間屋。

潘子韻一開始好用心咁聽咗一陣。

之後佢嘅心思全部都放晒喺張正楠手臂嘅肌肉上。

潘子韻以往嘅男朋友都係文青類型，個個都係高高瘦瘦咁款。喺佢嘅既定印象中，靚仔通常都係青靚白淨嘅。

而張正楠同佢見過嘅所有靚仔都唔同。佢嘅外表唔單止同斯文扯唔上關係，而且仲毫不掩飾咁散發着侵略感。佢嘅皮膚黝黑，身型壯健得恰到好處。眉目間隱約透出一股銳利感，但並唔令人反感。

如果要潘子韻用最簡單嘅話語形容張正楠嘅外表，咁應該會係男人味爆棚。

佢到呢刻先至發現自己以前識嗰啲所謂靚仔喺張正楠面前根本不值一提。

不過，最令潘子韻在意嘅係，張正楠全程都只係好公事公辦咁同佢介紹間屋同呢度附近嘅設施，眼神完全冇喺佢塊面度停留超過半秒。

一向對自己外貌好自信嘅潘子韻完全忍受唔到呢樣嘢，所以佢好仔細咁觀察張正楠臉上嘅表情，試圖喺對方面上搵出一絲代表對自己感興趣嘅情緒。

但真係冇。

唔通係佢掩飾得太好？潘子韻好自戀咁諗。

「我就住喺對面㗎啫，之後住落遇到啲咩問題都可以搵我。你睇完間屋覺得點？」喺潘子韻仲打量緊張正楠嘅時候，對方已經介紹晒成間屋。

潘子韻回過神來，淨係聽到張正楠講「我就住喺對面」嗰句。

「我租！」潘子韻幾乎係不加思索咁回答。

不過平心而論，呢間屋的確係幾合潘子韻心意。間隔四四正正、價錢合理、附近配套齊全，仲要有靚仔鄰居……咁嘅屋去邊度搵吖。

於是潘子韻心安理得咁喺度住咗落嚟。

同佢想像中一樣，呢度真係好好住。唔講其他，淨係行五分鐘就有間圖書館呢樣嘢已經夠晒方便。

潘子韻本身做開part time圖書館管理員，佢一確定咗會搬入嚟之後就即刻apply咗呢度嘅圖書館。

佢一開始之所以會打份咁嘅工，純粹係用嚟應付屋企人。佢哋要求佢正正經經咁返份工，唔可以淨係靠屋企。

就係咁，潘子韻一星期返幾日圖書館，又唞幾日，屋企人冇聲出之餘佢自己又過得舒服。佢已經習慣咗咁hea嘅生活，所以搬咗過嚟之後都係食返老本行。

搬咗嚟呢邊之後，潘子韻連車都唔使搭，衣食住行返工全部都喺呢區。

佢嘅生活過得仲舒服過以前。

唯一美中不足嘅地方係，佢住落先確定張正楠真係對佢完全冇興趣。

係完、全冇興趣。

平時出入見到張正楠嘅時候，潘子韻總係刻意同佢打招呼，想同佢拉近距離。張正楠每次都有禮貌咁回應，但態度遠遠稱唔上係親切，亦唔會同佢講多餘嘢。

而佢哋兩個嘅whatsapp對話亦係靜悄悄嘅。同之前嗰間屋嘅葉生好唔同，除咗收租之外，張正楠唔會主動喺whatsapp搵潘子韻。佢哋之間某幾次簡短嘅對話仲要係靠潘子韻費盡心思咁擠出有關通渠之類嘅問題「請教」佢。

就係咁，潘子韻喺度住咗差唔多半個月，但同張正楠嘅關係仍然係半生不熟嘅狀態，只停留喺互相點頭微笑打招呼嘅階段。

其實作為業主，張正楠嘅態度好正常。但對於習慣咗去到邊都俾人高高捧住嘅潘子韻嚟講，呢樣嘢係一種侮辱。

琴晚借啲意㩒人門鐘，應該係潘子韻有史以來為咗溝仔而做得最主動嘅事，可惜成效甚微。

諗到呢度，𨋢終於到咗，潘子韻行咗入去。

呢個時候，張正楠嘅聲音傳嚟。

「唔該等埋！」

一諗到自己琴晚嘅遭遇，潘子韻就有種直接㩒閂門制嘅衝動。

三碗細牛腩河 2022-7-17 03:17:47 夾佢 ！

美胸（Acup） 2022-7-17 03:20:01

:^(

女主角不是省油的燈

芫荽狗也不屌 2022-7-17 11:21:18 gay

:^(

美胸（Acup） 2022-7-17 22:12:53 今晚冇文

:^(

油尖旺金毛lin 2022-7-17 22:21:58 腩，喺到嗎

:^(

我都想瘦底大波 2022-7-17 22:27:36 腩 你走數是不對的

:^(

:^(

:^(

美胸（Acup） 2022-7-17 22:48:16 我係憑自己本事拖更

美胸（Acup） 2022-7-18 21:35:10 自推

:^(

今晚有文的

油尖旺金毛lin 2022-7-18 21:44:09 係咪因為肚腩大咗
所以要更文減返啲罪惡感

:^(

美胸（Acup） 2022-7-18 21:44:37 收皮 係咪想我反口唔更

:^(

我都想瘦底大波 2022-7-19 00:51:45 文呢腩