遇人不淑——高傲女神搬起石頭砸自己隻腳嘅故事
上一頁
第 34 頁
下一頁
三碗細牛腩河
2022-9-16 01:02:09
Wtf
要唔要搽埋牛油先交
Ads
Bottas(已硬)
2022-9-16 07:06:05
唔信
:^(
Bottas(已硬)
2022-9-16 07:06:19
屌你
:^(
我知我矮對唔住
2022-9-16 10:36:47
好睇
:^(
Bottas(已硬)
2022-9-16 11:09:15
多謝
:^(
:^(
Bottas(已硬)
2022-9-16 13:03:38
36.
有時撞啱張正楠心情好,佢會喺屋企煮飯,仲煮埋潘子韻嗰份,叫佢食埋先返過對面。
潘子韻自然樂於留低啦。
為咗禮尚往來,亦為咗挽回自己喺張正楠面前已經所剩無幾嘅形象,潘子韻好踴躍咁話要幫手洗碗。
張正楠梗係唔會同佢客氣。
「打爛我啲碗要賠㗎喎。」佢一臉緊張咁提醒,好似真係好驚潘子韻打爛佢啲碗咁。
換嚟嘅係潘子韻嘅白眼。
自此之後,佢哋兩個培養咗默契,每次都係張正楠煮飯,潘子韻洗碗。
搞到潘子韻成日不由自主咁幻想佢哋係一對同居緊嘅情侶。
直到有一日,潘子韻洗洗下碗隻手跣咗一跣,緊接住佢手中嘅碗就跌咗落地。
隻碗係陶瓷做嘅,接觸到地面後頓時四分五裂。
潘子韻即刻踎低,想執起散落一地嘅陶瓷碎。
「有冇事?」廚房內嘅乒乓作響驚動咗出面嘅張正楠,佢急急腳咁行入嚟。
見潘子韻踎咗喺度將手伸向地下,張正楠即刻喝住佢:「唔好掂!」
潘子韻嚇咗一跳,即刻停止動作。
之後,張正楠叫咗佢出廳,自己就攞掃把掃乾淨地上嘅殘骸,仲順手洗埋淨低嘅碗。
「靠你呢個大小姐真係唔掂呀。」佢誇張咁嘆息。
雖然張正楠把口就笑緊潘子韻,但喺發生突發嘢嘅當下,張正楠第一樣做嘅嘢就係幫手收拾殘局。
潘子韻而家每深入了解張正楠多一分,對對方嘅好感就又提升咗一分。
之後嘅日子入面,潘子韻依然成日走去張正楠屋企。
佢自己嘅動機不純,而張正楠喺呢段時間入面好認真咁同佢討論本書嘅內容。
於是,到咗讀書會當日,潘子韻竟然都做到侃侃而談,喺小組討論環節踴躍咁發表自己嘅見解。
話係自己嘅見解可能唔係咁準確,因為佢講嘅內容大部分都係張正楠之前向佢提出過嘅。
當然,佢都有按自己嘅理解加少少嘢嘅。
「係喎,你唔講我都諗唔到個主角喺呢個時候可能會有呢個動機。」面對其他人對佢嘅讚嘆,潘子韻面不紅心不跳咁欣然接受。
「冇呀,純粹係我睇到呢段嗰陣覺得佢嘅行為好特別,所以先係咁翻睇研究啫。」佢微笑回應,爭少少就信咗自己講嘅嘢。
喺附近聽到晒佢哋對話內容嘅張正楠似笑非笑咁望住佢。
潘子韻不動聲色咁迴避佢嘅目光。
讀書會完咗之後,潘子韻就好似上次咁幫手執嘢。
張正楠話過今日完咗讀書會之後執埋嘢就可以收工。
潘子韻打算嗱嗱臨執好嘢,一陣叫張正楠一齊食飯。
佢一邊執嘢一邊盤算一陣嘅行程。
呢排有套新戲上咗,叫唔叫張正楠陪我去睇好呢?
呢個時候,一把女聲打斷咗潘子韻嘅思緒,把聲帶住溫柔又恰到好處嘅笑意,聽落仲有啲熟悉。
潘子韻心入面頓時警鈴大作。
佢皺住眉咁抬頭望向聲音來源,發現係上次讀書會完結後留咗喺度搵張正楠講嘢嘅女仔。
潘子韻一邊若無其事咁執嘢,一邊不著痕跡咁向相談甚歡嘅兩人靠近,想偷聽佢哋講嘢。
「都咁晏喇,不如一齊食飯啦!」佢嘅聲音對於潘子韻嚟講異常刺耳。
潘子韻望實張正楠,想睇下佢嘅態度係點。
條女係就係生得靚靚地,把聲又有少少好聽,但你唔係咁易就受下話?!
不過個女仔冇俾張正楠回答嘅機會,而係再次開口:「或者叫埋你個店員囉。」講講下,佢嘅視線突然轉咗過嚟潘子韻呢邊。
見潘子韻望緊向佢哋嘅方向,個女仔露出咗一個友善嘅微笑。
「我約緊你老細食飯呀,一唔一齊呀?」唔知係潘子韻嘅偏見定點,佢覺得個女仔根本係等緊自己拒絕佢,再順理成章咁同張正楠撐檯腳。
諗到呢度,潘子韻喺內心輕蔑咁笑咗一聲。
然後佢面帶微笑咁開口。
「好呀,咁啱我都有啲肚餓。」
個女仔首先係窒咗窒,隨即臉上又重新掛起溫和嘅笑容,不過佢嘅眼神多咗啲唔同嘅嘢。
唓,假到死。
潘子韻內心不屑咁諗。
行出書店嗰陣,趁住個女仔唔為意,潘子韻笑靨如花咁望住張正楠:「哎呀唔好意思呀老細,阻住咗你同靚女客人撐檯腳添,早知我就話唔一齊食啦。」佢一邊講一邊擺出一副如夢初醒咁嘅樣。
面對佢言不由衷嘅表演,張正楠只係挑眉望住佢,語氣驚訝:「吓?其實我本身諗住拒絕佢㗎,但見你咁積極想同人一齊食飯,就費事破壞你嘅興致啦。」
潘子韻呆咗呆,講唔出其他說話。
呢條友,擺明係特登!
反肚三柴
2022-9-16 13:09:09
推推
:^(
反肚三柴
2022-9-16 13:09:24
推推推
:^(
支那追擊手
2022-9-16 13:12:18
Push 好想睇後續
:^(
Bottas(已硬)
2022-9-16 13:17:30
:^(
芫荽狗也不屌
2022-9-16 13:32:28
推文
:^(
:^(
頭先鬧錯腩
Ads
Bottas(已硬)
2022-9-16 13:33:50
你已被mark小氣簿
:^(
芫荽狗也不屌
2022-9-16 13:42:11
請你食蛋糕嘅話仲mark唔mark
:^(
Bottas(已硬)
2022-9-16 13:45:14
咩蛋糕先
:^(
芫荽狗也不屌
2022-9-16 13:50:04
勁容易俾嘢食收買
:^(
一定係嗰啲一件蛋糕氹唔掂就用兩件嚟氹
有好嘢食嘅話 腩會唔會跟人去咗柬埔寨
:^(
Bottas(已硬)
2022-9-16 13:51:53
收皮啦
:^(
蛋糕係咪fake我的
:^(
目黑之夜有精
2022-9-16 13:57:00
終於有文
:^(
毒自去健身
2022-9-16 14:28:22
我請M字頭雪糕, 加自助餐, 九龍灣
:^(
Bottas(已硬)
2022-9-16 14:39:45
井多少少
:^(
毒自去健身
2022-9-16 14:41:42
價錢大約$60-80左右
:^(
Bottas(已硬)
2022-9-16 14:46:02
好似唔錯喎!
Ads
孫敏智的可樂
2022-9-16 14:46:55
原本留咗3個月諗住會有大把貨仔,上堂悶悶地開咗嚟睇
:^(
後悔咁快live咗
芫荽狗也不屌
2022-9-16 14:52:13
從來只有你呃讀者
:^(
Bottas(已硬)
2022-9-16 14:53:08
都有36章㗎喎
:^(
係你睇得太快
:^(
三碗細牛腩河
2022-9-16 17:10:06
呢個係正常速度
證明我地無閱讀障礙
上一頁
第 34 頁
下一頁
要唔要搽埋牛油先交