遇人不淑——高傲女神搬起石頭砸自己隻腳嘅故事
上一頁
第 3 頁
下一頁
李東敏教我極敏感
2022-7-11 02:32:08
Lm 冇腩啲文嘅日子空虛寂寞凍
:^(
Ads
美胸(Acup)
2022-7-11 12:17:00
不要這樣
:^(
我都想瘦底大波
2022-7-11 17:21:35
腩,我們到了,你文在哪?
:^(
:^(
美胸(Acup)
2022-7-11 17:22:25
呢兩日應該會有一篇
:^(
:^(
李東敏教我極敏感
2022-7-11 20:03:24
唔好掛住食嘢唔更文
:^(
冬菇頭抽
2022-7-12 02:30:27
睇嚟追呢邊辛苦過追sweet故
:^(
美胸(Acup)
2022-7-12 03:17:01
由聽日開始轉日更啦 驚拖到下個sem完都未更完
:^(
我都想瘦底大波
2022-7-12 08:06:05
真 等我地黎push你
:^(
:^(
:^(
IUHongaena
2022-7-12 10:40:04
禾腩人靚聲甜
:^(
美胸(Acup)
2022-7-12 15:06:38
3.
潘子韻等咗好一陣間之後,對面屋道門先打開。
對方開門嗰刻,頓時有一陣食物嘅香氣飄出,令本來就飢腸轆轆嘅潘子韻忍唔住吞咗啖口水。
佢敏銳咁認出呢陣係海鮮嘅味道。
佢煮緊海鮮!潘子韻覺得自己嘅口水分泌得更加急促。
「有咩事呀潘小姐?」對方聲音低沉,態度客氣而疏離。
潘子韻冇即刻答佢嘅問題,而係放肆咁打量佢全身。
對方應該係臨急臨忙咁求其笠咗件T裇上身先出嚟開門,此刻佢身上嘅白色T裇有少少巢。而佢下身着住一條寬鬆嘅黑色短褲,長度及膝。
單薄嘅白色T裇遮唔住底下因健身習慣而養成嘅結實身材。所以即使係咁嘅頹look,着喺對方身上仍然係男人味爆發。
喺被潘子韻打量緊嘅同時,張正楠都喺度打量緊面前呢個無啦啦㩒佢屋企門鐘嘅女仔。
呢個女仔係佢嘅租客,就住喺佢對面,啱啱先搬咗過嚟冇耐。
張正楠低頭注視潘子韻。
雖然佢哋兩個嘅距離唔係好近,但張正楠仍然聞到從對方身上散發出嚟嘅似有若無嘅幽香,似水果嘅酸甜,又似茉莉嘅清香。
此刻只見呢股香氣嘅主人雙眼明亮,眼內帶着莫名嘅期昐咁望住佢。
張正楠窒咗窒,視線轉移至潘子韻高高紮起咗嘅嗰隻髻度。
「隨意」紮起嘅髻圓碌碌咁好飽滿,幾縷唔聽話(其實係被潘子韻精心咁挑出嚟嘅)嘅髮絲安靜咁垂喺潘子韻嘅臉頰間,有少少凌亂感得嚟又唔會顯得不修邊幅,反而有幾分惹人憐愛之感。
呢個女仔呢刻咁乖嘅樣同今日喺餐廳牙尖嘴利嗰個樣完全唔同。
張正楠冇將自己嘅內心活動顯露半分,只係再次移開咗視線。見潘子韻仲係冇開口嘅意思,佢忍唔住開口提醒:「潘小姐?」
佢而家只係想快啲解決呢個租客嘅問題,然後快啲去食佢啱啱煮起嘅海鮮意粉。
唔知碟意粉凍咗未呢?
而潘子韻聽到張正楠嘅聲音之後終於回過神來。
佢清一清喉嚨之後,先至開口表明自己嘅目的:「唔好意思啊張生,我——」講都未講完,佢個肚突然響咗下。
由潘子韻個肚發出嘅「咕嚕」聲喺呢條安靜嘅走廊入面清晰可聞。佢嘅身體已經自動替佢開門見山咁表達自己嘅需求。
呢一刻,潘子韻只知道自己頭先花咗咁多時間襯嘅衫同化嘅妝通通都毀喺佢呢聲肚叫聲上。
唔係,仲有機會嘅。
可能佢係鍾意嗰啲迷迷糊糊嘅女仔呢!太完美會有距離感,呢啲無關痛癢嘅蠢事反而會令男人覺得你得意。潘子韻咁樣安慰自己。
於是,佢忍住羞恥咁離開嘅衝動,艱難咁開口:「Er……我屋企冇嘢食,出面又落大雨……」佢楚楚可憐咁抬頭望住張正楠,試圖調整自己嘅人設。
希望我呢刻嘅眼神係水汪汪咁啦。佢諗。頭先應該要戴con㗎……
同時,潘子韻喺腦中不停搜索以前睇過嘅偶像劇入面啲小白兔女主角嘅表現,試圖繼續加以模仿。
不過,未等佢有下一步動作,張正楠就已經轉身入屋:「你等我一陣間。」
咁就已經成功咗?潘子韻內心狂喜,滿面期待咁望住張正楠嘅背影。
雖然佢冇表露出嚟,但佢內心一早已經被我迷得神魂顛倒。果然靚女係有着數嘅……收佢做伙食兵,可能係個唔錯嘅選擇?喺等待嘅期間,潘子韻個腦已經快速運轉,諗咗好多嘢。
過咗冇耐,張正楠出咗嚟。
潘子韻嘅反應首先係心下一喜,但佢之後定神一看,發現有啲唔對路。
張正楠手上攞住嘅,唔係佢由頭先開門嗰刻就一直心心念念嘅海鮮。
而係兩個海鮮味杯麵……
「場雨應該聽朝先停,呢兩個杯麵俾你頂住檔先。唔夠嘅話我仲有,你可以再問我攞。」張正楠唔等潘子韻反應過嚟,乾脆俐落咁將手中嘅杯麵往佢手中一塞:「咁我去食飯先喇,拜拜。」
隨即佢就閂咗門,冇半點留戀。
潘子韻捧住杯麵,呆咗咁望住眼前緊閉嘅大門。
點解事情嘅發展同佢想像中完全唔同嘅??
比起憤怒,潘子韻更多嘅係感到不可思議。佢維持住呆滯嘅狀態入翻自己間屋。
入咗門口,望住手中嘅兩個杯麵,佢先遲鈍咁感覺到一股洶湧嘅怒意往上升起。
我淨係值兩個杯麵?!
仲要唔係大杯版本嘅!
X反肚三柴X
2022-7-12 15:16:43
大杯版本先係重點
Ads
美胸(Acup)
2022-7-12 15:17:45
食非大杯杯麵=食空氣
熱情拿來睡覺
2022-7-12 19:09:17
下話
:^(
芫荽狗也不屌
2022-7-12 19:10:53
腩次次寫食物
都寫到維肖維妙
好撚肚餓想食海鮮意粉
:^(
:^(
美胸(Acup)
2022-7-12 19:16:49
搞到我都有啲想食
:^(
:^(
美胸(Acup)
2022-7-12 19:17:04
你咩意思
:^(
美胸(Acup)
2022-7-14 00:56:14
聽日先更
:^(
:^(
我都想瘦底大波
2022-7-14 08:38:36
腩啊 你唔好成日將自己放落啲女主角到先,靚女唔洗食野架,你估係你咩日日食宵夜
:^(
:^(
:^(
:^(
鐵拳無敵鍾培生
2022-7-14 10:18:07
條仔識玩
美胸(Acup)
2022-7-14 11:28:21
屌你老母
:^(
X反肚三柴X
2022-7-14 15:39:54
腩腩係靚女嚟㗎
Ads
熱情拿來睡覺
2022-7-14 16:38:45
agger
:^(
美胸(Acup)
2022-7-14 23:45:11
你講得好啱
美胸(Acup)
2022-7-14 23:45:29
準備緊寫文(心理準備)
美胸(Acup)
2022-7-15 01:42:03
4.
等終於沖好杯麵之後,餓咗好耐嘅潘子韻反而冇急住食,而係攞出咗電話。
佢同個杯麵自拍咗一張,花咗少少時間p圖之後就打開ig post story。
「咁大雨,唯有喺屋企食杯麵🥺」佢好快手咁求其打咗句嘢,然後㩒咗share。
潘子韻先啱啱post咗冇幾耐,就已經收到一堆回覆。
佢略略望咗眼,見到全部都係狗公式回覆。
好奇怪,平時嘅佢會好興致勃勃咁睇啲dm,以滿足自己嘅虛榮心,但呢刻嘅佢卻有啲意興闌珊。於是佢放低咗部電話,決定專心食麵。
其實食杯麵真係好頹,平時潘子韻完全唔會考慮食。
但此刻面前嘅海鮮味杯麵散發出嚟嘅香氣卻異常誘人。
有句嘢講得好啱:飢餓就係最好嘅調味料。
因此,潘子韻最後都係狼吞虎嚥咁食晒個杯麵。
而喺食麵嘅同時,佢亦開始思考一個問題。
究竟張正楠呢個男人係不解風情定係欲擒故縱呢?
第二日清早,雨果然漸漸停咗,但空氣中仍然瀰漫住濕氣。
到咗中午,烈日當空。
猛烈嘅陽光照射到地面,一直喺度烘烤地上的水分,活生生咁將琴晚落雨嘅整個地區都變成一個大蒸籠。
呢一刻,就連間中吹過嘅風都係滾燙嘅,冒住熱氣。
匿喺屋企享受住冷氣的潘子韻自然冇為意外面氣溫嘅變化,直到佢準備出門。
打開門嗰一刻,撲面而嚟嘅熱燙空氣差啲將佢趕返入屋裏面。
雖然內心真係好想咁做,但潘子韻並唔能夠就咁樣縮返入屋,因為佢一早同佢阿媽講好咗今日會返去食飯。
如果佢臨時改變主意唔去,只怕對方會直接殺過嚟。
潘子韻嘆咗一口氣,認命咁踏出咗門口。
喺呢個時候,對面屋嘅門打開咗。
潘子韻本身鎖緊門,聽到聲之後佢下意識咁擰轉頭望向對面屋。
張正楠行咗出嚟。
兩人嘅視線相觸。
「潘小姐。」張正楠客氣咁對潘子韻點咗點頭,而後者仲記住琴晚嘅杯麵事件,只係勉強咁扯咗一扯嘴角。
張正楠冇發現有咩唔妥,微微一笑之後就擰返轉頭鎖門。
潘子韻咬牙。
佢好快鎖好門,然後望都唔望張正楠,徑自行咗去等𨋢。
唔可以被佢影響到情緒!一個稍為靚仔少少嘅業主嚟啫!潘子韻同自己講。
雖然佢根本冇辦法否認,佢內心深處嘅嘅勝負慾一早已經被對方激起咗。
唔單止係因為琴晚,其實早喺簽租約嘅時候呢種感覺就已經開始萌芽。
上一頁
第 3 頁
下一頁