遇人不淑——高傲女神搬起石頭砸自己隻腳嘅故事
上一頁
第 25 頁
下一頁
美胸（Acup）
2022-8-24 00:39:40
28.
拗唔贏身為律師嘅Derek，潘子韻最後都係同佢一齊去咗睇戲。
而自從呢次之後，佢同Derek就開始keep住聯絡，又會間唔中約食飯。
潘子韻都講唔清佢哋係點樣變friend嘅。
「我覺得你個老細其實幾型。」有一次，當潘子韻向Derek抱怨張正楠嘅時候，對方突然爆咗呢句出嚟。
潘子韻驚訝咁望住Derek：「你唔係對佢有興趣下話……」
「唔同你爭啦，同埋你個老細一睇就知係直到冇得再直嘅男人嚟。」Derek悠閒咁飲咗啖酒。
潘子韻即刻耍手擰頭：「乜嘢同我爭呀，我同佢都冇嘢。」講完之後，佢窒咗窒，然後又補充：「我一開始的確係對佢起咗色心嘅……但而家相處得耐咗，我已經對佢冇嗰種感覺。」
好似驚Derek唔信咁，接住落嚟潘子韻開始長篇大論咁數張正楠嘅缺點。
而Derek只係微笑住咁聽，直到佢抱怨完畢。
喺潘子韻講完嗰刻，Derek平靜又肯定咁講出佢嘅結論。
「你哋兩個最後一定會一齊。」
距離俾人post上連登已經過咗一段時間。
熱度減退，書店開始冇咁多人嚟。
不過，潘子韻仍然係咁忙碌。
原因係張正楠打算喺書店入面搞個讀書會。
「其實我一直都想喺呢度搞個讀書會，不過以前得我一個，我淨係處理書店日常事務就已經忙到飛起，根本冇精力再搞其他嘢。」
講到呢度，張正楠望住潘子韻：「而家就唔同啦。」佢一邊講一邊露出一個欣慰嘅笑意。
潘子韻莫名其妙咁俾佢嗰個彷彿望住得力助手嘅眼神搞到打咗個冷震。
佢嘗試提醒張正楠：「Err……其實我哋而家都係得兩個人㗎咋……」
但結果可想而知。
任何一間公司都係老細想點就點，好似潘子韻呢啲打工仔根本冇話事權。
於是，最後佢都係被迫跟著張正楠一齊準備讀書會嘅嘢。
一個小型讀書會啫，點都好過圖書館嗰啲搞成個月嘅「夏日閱讀樂」吖。潘子韻唯有咁樣自我安慰。
喺傾緊要請邊個作家嚟做分享嘅時候，張正楠問潘子韻：「有冇睇過朱皓言嘅書？」
呢個名對於完全唔睇書嘅潘子韻嚟講好陌生。
見佢一臉茫然，張正楠耐心向佢解釋：「佢係新人作家嚟，係寫推理小說嘅。呢排佢出咗本書，反應唔錯。我都睇過本書，覺得寫得幾好，所以諗住請佢嚟。」
「哦，好呀。」潘子韻當然係冇異議，因為佢都噏唔出仲可以請咩作家。
「咁你返去都睇下佢本書啦，請得人嚟，起碼要知人哋本書係講咩。」講講下，張正楠唔知喺邊度攞咗本書出嚟遞俾潘子韻。
「吓……」潘子韻嘅表情即刻凝固咗。
明明係你話要請佢嚟嘅，關我咩事……
Ads
美胸（Acup）
2022-8-24 00:39:54
好撚眼瞓 再見大家
鐵拳無敵鍾培生
2022-8-24 00:42:26
腩哥做得好
:^(
:^(
逼臭雞讀書
梨都岸玖
2022-8-24 01:10:44
說好的兩篇呢
:^(
三碗細牛腩河
2022-8-24 01:25:24
不要太強求
:^(
腩郁隻手指都要抖大氣
水怪柳腰•o•
2022-8-24 01:29:19
成日都見到張正
腩
是咪正常
:^(
淫達內人
2022-8-24 01:45:37
:^(
毒自去健身
2022-8-24 01:49:43
唔緊要 提提你係星期
三
兩篇，另外星期四冇話唔更
:^(
美胸（Acup）
2022-8-24 08:03:59
？？
美胸（Acup）
2022-8-24 08:04:10
不是
:^(
三碗細牛腩河
2022-8-24 22:12:07
唔啱聽就扮聽唔明
:^(
Ads
毒自去健身
2022-8-24 23:00:02
仲有一個鐘就過星期三，聽講玩truth or dare唔守規矩既人成家都會變成米芝蓮
:^(
:^(
目黑之夜有精
2022-8-24 23:05:26
腩，是否會有文
:^(
美胸（Acup）
2022-8-24 23:55:12
有
:^(
諗唔到名所以唔打
2022-8-25 00:07:20
每晚都會入嚟睇吓會唔會有文~
目黑之夜有精
2022-8-25 00:16:09
是兩篇嗎？
:^(
美胸（Acup）
2022-8-25 00:18:32
多謝支持
:^(
:^(
美胸（Acup）
2022-8-25 00:18:44
不是
:^(
目黑之夜有精
2022-8-25 00:31:15
:^(
美胸（Acup）
2022-8-25 01:36:46
29.
放工嗰陣，潘子韻一樣係同張正楠一齊返屋企。
臨入屋之前，張正楠擰轉頭再三提醒：「記得睇本書。」
潘子韻真係好想攞本書出嚟一嘢車落佢塊面度。
但佢諗咗諗之後，都係覺得算數。
鬼叫張正楠係老細咩。
不過，當潘子韻沖完涼出嚟，就已經將睇書嘅事拋諸腦後，開始癱喺床上㩒電話。
直到電話無啦啦震咗下，緊接著一個message出現喺螢幕上方。
「無良老闆黑心業主：睇咗書未 我聽日會問你書入面啲情節」
潘子韻冷笑一聲，鎮定自若咁打字：「睇咗啦」
見到張正楠已讀，佢自信滿滿咁諗：你估我唔識google情節咩？
正當佢打算上網搵其他人寫嘅讀後感嘅時候，張正楠就好似估到佢心入面諗咩咁，又再send咗個message嚟。
「無良老闆黑心業主：唔好諗住上網search故事大綱嚟睇就算呀，我會好仔細咁問你」
潘子韻頓時諗起自己中學嗰陣嘅中文老師。
個老師成日都要佢哋交閱讀報告，所以潘子韻嗰陣好憎佢。
最後，潘子韻崩潰又暴躁咁衝出廳：「得喇得喇我睇喇！」
佢諗極都唔明究竟點解張正楠咁得閒督促個員工睇書。
佢心情鬱悶咁坐喺梳化度，認命咁打開咗本書嘅第一頁。
但佢仍然係諗住好粗略咁望下本書就放低，當係交差。
最多聽日同張正楠講話我睇到瞓着咗囉。佢覺得自己幾醒目。
不過，幾分鐘後，隨著故事情節漸漸推進，潘子韻開始有啲移唔開目光。
個故事又幾得意喎……
佢喺不知不覺間變得聚精會神，逐漸投入咗喺書中嘅世界。
時間一分一秒咁過去，潘子韻冇放低過手上嘅書，就連坐姿都冇乜點變過。
睇到中間嘅時候，佢心急如焚咁放低咗本書，轉而攞起身邊嘅電話打字。
「兇手究竟係邊個，係咪個老師？！」
等咗一陣，張正楠終於覆佢：「而家幾點呀小姐……」
潘子韻呢個時候先至望一望手機螢幕上方顯示嘅時間。
原來已經凌晨一點……
佢再次低頭打字：「究竟係咪個老師啫 佢好可疑喎 定係個畫家？」
張正楠已讀咗。
十幾秒之後，佢send咗段錄音過嚟。
潘子韻滿懷期待咁㩒咗播放。
張正楠好明顯係俾潘子韻嘅message嘈醒咗，因為呢刻佢嘅聲音比平時低沉，語氣亦有幾分疲憊。
「唔係呀，個死者係自殺㗎，佢檢查自己支槍嗰陣唔小心開咗火射死自己。」
「？？？」潘子韻覺得呢個死法勁無厘頭。
幾秒後，張正楠又再send咗個錄音嚟。
「講下咋，你自己睇啦。」佢嘅聲音疲倦中又帶有笑意。
「。。。」潘子韻頭先有一下真係信以為真。
點解佢呢排咁鍾意撚鳩我？！佢𥇣住部電話，幻想自己喺度隔住個mon𥇣住張正楠。
呢個時候張正楠已經offline，潘子韻唯有放低電話，專心咁睇埋淨低嘅內容。
佢真係好好奇個兇手係邊個，如果今晚唔睇晒本書佢會瞓唔着。
又過咗一段好長嘅時間。
潘子韻睇到結局嗰陣先至恍然大悟，發現作者原來已經一早埋下唔少伏筆，但自己頭先完全唔為意。
佢心滿意足咁放低書。
望一望時間，而家已經三點幾。
佢放低書之後先發現自己其實好眼瞓，但佢嘅精神仍然好亢奮。
好好睇！
潘子韻呢刻總算感受到少少其他人所講嘅睇書嘅樂趣。
鐵拳無敵鍾培生
2022-8-25 01:42:00
潘鳳開始有長進
:^(
:^(
再咁落去可以考慮唔叫佢潘鳳
Ads
反肚三柴
2022-8-25 01:43:28
牙楠訓練女主睇多啲書好
:^(
俾番多少內涵
綠帽奇俠
2022-8-25 02:31:32
臭雞會睇書，世界末日了
:^(
:^(
:^(
甜甜的折磨
2022-8-25 04:19:10
靚女有內涵仲得了嘅
:^(
目黑之夜有精
2022-8-25 13:10:11
想同牙腩瘋狂睇書
:^(
(非本故事作者）
上一頁
第 25 頁
下一頁
拗唔贏身為律師嘅Derek，潘子韻最後都係同佢一齊去咗睇戲。
而自從呢次之後，佢同Derek就開始keep住聯絡，又會間唔中約食飯。
潘子韻都講唔清佢哋係點樣變friend嘅。
「我覺得你個老細其實幾型。」有一次，當潘子韻向Derek抱怨張正楠嘅時候，對方突然爆咗呢句出嚟。
潘子韻驚訝咁望住Derek：「你唔係對佢有興趣下話……」
「唔同你爭啦，同埋你個老細一睇就知係直到冇得再直嘅男人嚟。」Derek悠閒咁飲咗啖酒。
潘子韻即刻耍手擰頭：「乜嘢同我爭呀，我同佢都冇嘢。」講完之後，佢窒咗窒，然後又補充：「我一開始的確係對佢起咗色心嘅……但而家相處得耐咗，我已經對佢冇嗰種感覺。」
好似驚Derek唔信咁，接住落嚟潘子韻開始長篇大論咁數張正楠嘅缺點。
而Derek只係微笑住咁聽，直到佢抱怨完畢。
喺潘子韻講完嗰刻，Derek平靜又肯定咁講出佢嘅結論。
「你哋兩個最後一定會一齊。」
距離俾人post上連登已經過咗一段時間。
熱度減退，書店開始冇咁多人嚟。
不過，潘子韻仍然係咁忙碌。
原因係張正楠打算喺書店入面搞個讀書會。
「其實我一直都想喺呢度搞個讀書會，不過以前得我一個，我淨係處理書店日常事務就已經忙到飛起，根本冇精力再搞其他嘢。」
講到呢度，張正楠望住潘子韻：「而家就唔同啦。」佢一邊講一邊露出一個欣慰嘅笑意。
潘子韻莫名其妙咁俾佢嗰個彷彿望住得力助手嘅眼神搞到打咗個冷震。
佢嘗試提醒張正楠：「Err……其實我哋而家都係得兩個人㗎咋……」
但結果可想而知。
任何一間公司都係老細想點就點，好似潘子韻呢啲打工仔根本冇話事權。
於是，最後佢都係被迫跟著張正楠一齊準備讀書會嘅嘢。
一個小型讀書會啫，點都好過圖書館嗰啲搞成個月嘅「夏日閱讀樂」吖。潘子韻唯有咁樣自我安慰。
喺傾緊要請邊個作家嚟做分享嘅時候，張正楠問潘子韻：「有冇睇過朱皓言嘅書？」
呢個名對於完全唔睇書嘅潘子韻嚟講好陌生。
見佢一臉茫然，張正楠耐心向佢解釋：「佢係新人作家嚟，係寫推理小說嘅。呢排佢出咗本書，反應唔錯。我都睇過本書，覺得寫得幾好，所以諗住請佢嚟。」
「哦，好呀。」潘子韻當然係冇異議，因為佢都噏唔出仲可以請咩作家。
「咁你返去都睇下佢本書啦，請得人嚟，起碼要知人哋本書係講咩。」講講下，張正楠唔知喺邊度攞咗本書出嚟遞俾潘子韻。
「吓……」潘子韻嘅表情即刻凝固咗。
明明係你話要請佢嚟嘅，關我咩事……