Ads
Ads
然後,劉諾宏將頭轉向我,右手伸過嚟輕輕拍咗我個頭一下。
「專心啲,唔准再搞搞震喇。」佢臉上有着無奈嘅笑意,講完之後仲順手搣咗我塊面一下。
夜晚嘅巴士上,我坐喺窗邊,而劉諾宏喺我隔離。
窗外景色快速掠過,但我嘅注意力全都放晒喺身邊呢個人度。
真係好呀。我幸福咁感嘆。
而家呢一切都嚟得好自然,就好似我哋已經一齊咗好耐咁。
「嗯……」佢沉吟片刻。「我都唔係好記得喇。我都唔知自己係由邊日開始變得特別留意你。喺我自己發現呢樣嘢之前,我已經養成咗習慣,見到你班friend出現會第一時間喺入面搵你嘅身影,上堂有好笑嘢大家一齊笑嘅時候會第一時間望向你嘅方向……仲有好多好多。」
Ads